يا أخوان اللي يعرف او مرت عليه هالحاله .....

[لبيه يمنادي]

السلام عليكم ورحمة الله وبركاته

اخواني المكشاتيه

صبحكم الله بالخير

شريت طير جير شاهين طيب مشأ لله من فترة ... وبسبب اظروف العمل ضل الطير عندي حوالي شهر من تاريخ شراه ماقدرت ادعوه او انقله .. الطير جرناس بكر وزنه تقريبا 1260
17 طول * 17 ونص عرض .

ماطول عليكم نقلت الطير والحمد لله الطير يفرح الخاطر .. دعيت الطير واكتشفت المشكله .... الطير أول مامسك الحمامه صابه مثل التشنج .. حوالي دقيقه او دقيقتين ...

صار ماسك الحمامه ويرتج وتحس ان الطير مش في وعيه .. بعد شوي رجع الطير لوعيه وبدا يأكل وبشراسه .. عزلت الطير وشليته ولا كأن صارله شي .. اتصلت في راعي الطير اللي شريته منه وسألته عن المشكله قالي الطير مافيه شي يومه عندي .... ابصراحه ماقدرت اكذب الرجال خاصه وهو كبير سن .. وقلت عس الله يعوض خير ..
انا قلت انزل موضوع عسى او لعل حد من الاخوان قد مرت عليه هالحاله ..

يأ أخوان اذا حد منكم قد مرت عليه هالحاله او يعرف العلاج يالتيت مايبخل علي بالمشوره .

وأن شأ لله أنا ناوي اودي الطير للمستشفي وأعمل فحص كامل لعلهم يعرفون المشكله .

ولكم مني جزيل الشكر .

[Peregrine85]

نقص فيتامين وانا اخوك

[لبيه يمنادي]

نقص فيتامين وانا اخوك



تسلم يمناك ياخوي ....

اذا اتعرف وش نوع الفتمينات اللي تنفع لمثل هالحاله .

[الهدهد]

السلام عليكم
طيرك انشاء الله ما فيه شئ انتتقول شهر ماطار الطير وان اخوك تملع وعظلاته تاذت مثل الانسان ماعنده لياقه وتقوله اركض بسرعه ليس بالتدريج.
انا انصحك انك تعطيه دوا ملوع وبعدين تدعيه من قريب ثم ابعد ثم ابعد والافيتامينات ما تضر
والله يشفي طيرك من الامراض

[ssnnss]

عطه جلكوز اطفال سعره
(5) ريال عند الصيدلية ريح الطير لمدة خمس ايام واعطائه العلاج من ثلاث إلى مرتين باليوم بس اذا قطعة عنه العلاج تبي ترجع يعني ماتقطعها

[falcon 1]

السلام عليكم ورحمة الله وبركاته
الله يشفيه طيرك وان شاء الله ما فيه شي ..اخوي اظن الطير جايته ملوعه .لانه صارله فتره ما طار.

[رداد المهاريب]

نقص فيتامين b6 والله العالم

[خيال M1]

السلام عليكم والله يشفي طيرك الحقيقه انه الجير 90 بلميه ينصرع اذا اجهدته وانا عندي واحد الحين ذا طرد ومسك الحمامه يغمه عليه وسالت الناس قالو انه الجير ينصرع وخله على الله وامس طاقه ابره

[الحمش1]

الـسلام عليكم

الله العـالم انه كوكـسيدا

[أبو أمين]

نقص فيتامين 100%

[هوايتي مكشات]

يفيدونك الاخوان

[المسرع]

هذا اضن انه نقص لياقه لاكن اجرد الطير على ملواح خفيف الى اكتمال لياقته مادام رعيه يقول انه مافيه شي من اول

[wwmfs]

الله يشفيه

[قرناس شاهين]

نقص فيتامين
عطه كورس فيتامين وعطه عظم وخله فالشمس يوميا
لتخلي الطير معى جهال اة حجره كلن يفتحها بالقوه عشان الطير ماينصرع حاول انه الحجرة تكون محد يدخلها
اله الناس الثقه

[البراء آل عثمان]

السلام عليكم ورحمة الله وبركاته ,,تحية طيبه أخوي

المشكلة إلي عندك بسيطه وكثير ما تصيب الطيور وتجيني العياده

إحتمالات المرض ثلاثه
1- نقص فتمينات ومعادن وأملاح
2- جفاف
3- صرع ,تسمم

مشكلة الصرع والتسمم إنه تجي على طول والطير مايطول وهو راحل

لكن بما أن طيرك فيه الدوخه وقت الدعوا فأغلب ما يكون يانقص فتمينات ياجفاف
أعط الطير ماء وأغصبه عليه
وأعط الطير فتمينات بي كمبلكس بالإضافة إلى فتمين دي وأي وإي
بإذن الله خلال 5 أيام بتشوف تحسن كثير في الطير

إذا صعب عليك شي راسلني على الخاص

مع التحيه

[تميم222]

اخوي لبيه يالمنادي ...الطير اللي عندك .. ...هذه حاله التشنج تجي في الطيور كلها سواً الاصيل او التفريخ ...وهي حاله مرضيه ..لان انا اذاكر كا معنا طير اصيل ...اصيل ..وكان بيسوي نفس الحاله الي قلت بتمام....حتى تطورت معه صارت تجيه وهو على تكيه السياره ... لما يطلع..يعني تقدر تقول انه مرض في اعصاب الطير..اما عن العلاج ...فما اعتقد ...الي الان وجد لها حل.:(..في مجال بيطرة الطيور الجوارح ...ارجو ان الربع بيفيدونك..وماهم مقصرين معاك ان شالله....ولا تيأس حاول وان شالله بتلقى حل ...لكن ودنا اذا تكرمت ولقيت الحل انك تفيدنا وتفيد اخوانك الصقارين...لك مني كل الود يالمنادي

[أخو عيد]

السلام عليكم اخوي الطير فيه نقص كالسيوم وعلاجه بسيط
تعطيه كورس لمدة خمس ايام كل يوم كبسولتين وانشاءالله مافيه الا العافيه
وانا ما اعرف اسم الكباسيل بس اعرف شكلها وموجوده عندنا بالكويت اذا بغيت منها ارسل لي خاص

[راعي شيشان]

عسى ربي يشافي طيرررك وهذا ثلاث احتمالات وهي
1 -نقص فتامين الكالسيوم
2- معلف الطير من صيد وتكون فيه رصاصه الصيد ويصيب الطير في التشنج من اثرر التسمم
3- مولع اذا كان الطير من فتره طويله مادعيته ودعيت الطير من مسافه بعيده يصير في رجفه
ويوم تعلف الطير يرررد عادي وتحس كنه بردان الرجمه اذا هذي اغلب الحال تكون ملوووك وجهد على الطير
وعطه حبة ملوع لونه حمراء

والله يشافي الطيرر

[راعي طلاع]

لبيه يا منادي طيرك لا تعطيه اي علاج طال عمرك

ومع احترامي لكل من ابدى رأيه فهو غير صحيح

الطير فيه نقص اوكسجين وهي تجي كثير من الجيره

وعندنا طير تجيه نفس الحاله في حال الاجهاد فمثلا

انا لو اقولك اركض مسافه طويله غصبن عنك تحس

بدوخه وتسود الدنيا لين ترد النفس العلاج بسيط ولا

تاخذه لا من دكتور ولا من غيره اجرد طيرك يوميا

وبتلاحظ اول كم يوم وجودها وبعدين تروح تلقائيا

كلامي من واقع معنا طير يتشنج اول الوقت بعد ما

ياخذ خمس على الشلو جردناه شوي شوي اللحين

ياخذ ستين ولا عنده خلاف ويلحق السوادي نصيحه

من اخوك لا تعطيه لا فيتامين ولا غيره وفيه من يقول

صرع هذا ماهوب صرع وفيه من يقول نقص فيتامين

شرط لو تعطيه فيتامين الى بكره وتهمله ما تجرده

تعاوده الحاله على طول اجرد الطير وراجعني وانا

اخوك اذا بغيت زود استفسار كلمني
0554106992
ولا توسوس ما على طيرك الا العافيه..........

[ابن الاصيل]

يخوي طبيعيه طيرك مافيه لياغه اجرد اطير ويتعدل اكيد والاخله يتدرب مع المنتخب احسن ههههههههههه امزح

[قنيص غير]

الله يشفيه

[ابو فهد10]

تبيع الطير هذا رقم جوالي واحب ان اطبطب عليه هذا مقصدي اذا كان لك خاطر في بيعه 0595353561

[لبيه يمنادي]

اخواني بيض الله وجيهكم علي التفاعل وعلي الردود الطيبه واريد ابشركم أن الطير مابه الا العافيه انا اخذت الطير للمستشفي وأكدلي الدكتور بعد الفحوصات ان الطير مابه شي سو نقص فتمينات .. وعطاه الدكتور العلاج الازم والحمد لله علي كل حال .. وطلب مني اريح الطير كم يوم يلين أيكمل اعلاجه .. وعسى الله يشفي كل مريض من انسان او حيوان أن شأ لله ..

أكرر شكر وتقديري لكل من شارك او مر او تفاعل مع الموضوع حتي لو بالدعاء .

تحياتي للجميع

[uae_500]

السلام عليك ,,,
مر علي واحد من اخوياي و بعد الفحص تبين ان الطير فيه نفص كبير في الفيتامينات و الاملاح

[دعاس]

ماتشوف شر انت وطيرك,,والله يعينك على كثر الاراء
بس هالحاله تجي الحر والجير عندنا حر تجي الحاله
وهي نقص فيتامينات وعلاجها فيتامين بي تولف يعني
ب12وحبوب شفافه وهي بالصيدليه البشريه زيت كبدالحوت

[سابوح]

استاذي الفاضل


حصلت معي هذي الحاله وذهبت فالطير الى مستشفى الامير فهد بن سلطان

وعطاني حبوب واستمريت بمعالجته 10 ايام وريّحت الطير ( جير ) وللأسف

تطورت الى ان قامت تجيه وهو على وكره


فالنصيحه لاتتعب حالك اما تبيعه او تخلي سبيله

لأنها ماتتعالج هذي الحاله والله اعلم ...

[لبيه يمنادي]

شكرا اخواني علي المرور المشاركه

نحن نسعي بالدواء والشفاء علي الله

[ابوسرور الرشيدي]

الله يشفي طيرك بس انا ملاحض الحاله هاذي داااايم تجي بلجير البكر بس من يتعدا البكر تروح عنه ماني عارف شنو السبب مع اني جربت كل انواع الفيتامين بس اغلب الجيرا تجيهن وتروح
وللاسف خل نكون صريحين هو عباره عن تهجين فا توقع منه كل شي بس انشاء الله وحيا السنه هاذي يروح منه الصرع انشاء الله ودمتم سالمين

[راعي ثواني]

السلام عليكم ورحمة الله وبركاته اخويه طيرك عنده نقص فيتامينات

وهاي عادي مرت علينا بس يتحسن مع الايام ويتغير مع الياقه



والسمووووحه على المعلوووومه البسيطه

[راعى الحر55]

طيرك انشاء الله ما فيه شئ