♥ ♡ يمكن اقول اني اقلكم شوق للأمطار --- تقرير مفصل عن رحلتي للجنوب ♥ ♡

[فيصل_1]

السلام عليكم ورحمة الله وبركاته

يمكن تستغربون العنوان ولكن بقول لكم المبررات اللي خلتني اقول هالكلام :)

انا من اشد المفتونين بشئ اسمه مطر وسحاب ورعد وبرق واقطع مئات الكيلو مترات عشان الحق سحابه لكن وش اللي صار !!

انا اقول لكم :)

قبل 16 سنه زرت ابها وبالتحديد السوده وعشت ايام حلوه هناك :heart:
وكنت اتمنى انها تكرر ولكن ربي ما كتب وكل سنه كنت احاول اعرف متى موسم المطر عندهم حتى اسافر لهم السنه اللي بعدها ..
طبعا مع ملاحظتي لقيت انه يزيد عليهم تقريبا في شهر 8 ( اغسطس ) وبالتحديد بعد في منتصفه وطالع :)
حجزت لي وللعائله في يوم 13/8/2005م وكانت الثلاثه ايام اللي قبل هاليوم امطااااااار وسيول وكنت اقول يارب الحق عليها :(
اقلعت الرحله وانا كلي شوووق للمطر والضباب والبرد .... ويوم اقبلنا على جبال الجنوب وانا في الطياره بدأ السحاب يكثر وبدت الطياره تلعب وانا مبسوط :D الخوف نسيته لأني قلت اكيد الامطار الحين تنزل .
هبطت الطياره وزي ما تعرفون مطار ابها ننزل مع السلم ونمشي للمطار
ويالللللللله يازينه من جوووووووووووو سحاب اسود مع رذاذ للمطر ودرجه حراره بحدود 20
بعد ما اخذنا العفش بدأ المطر ( ديمه ) ركبنا مع ليموزين وسألته وش علوم المطر قال ما شاء الله كل هالايام سحاب ومطر وخير ... المهم انا استغرب انه الشوارع كانت تمشي رغم انه المطر كان بسيط ولكن الظاهر لتضاريس ابها دور في تجمعه في اماكن معينه !
وصلنا السكن ( منتج ابها ) اللي في ابها الجديده وعلى بدايه طريق السوده ويوم جاء المغرب وتبدا الامطار والسيول والصعاق واستمرت حول الساعتين :)
طبعا كنا مخططين نجلس حول الاسبوعين في ابها وكل ظهر نطلع للسوده ..
,,

[فيصل_1]

المهم الحين نبدأ مرحله جديده في طرح السالفه لأني لو بجلس اقول لكم وش صار كل يوم يبي له 20 صفحه :cool:
فبقول لكم الوضع عامه مع بعض الصور اللي ترد الروح :)
الحمد لله رب العالمين جلسنا 13 يوم .... 12 يوم منها امطار ويوم واحد كان سحاب بس !!
الجو هناك غريب ... الساعه 9 الصباح السماء زررررررقاء ومن بعد 11 تبدأ تشوف قطع السحاب وحبه حبه يتكون لين ما تمطر ولاهو اي مطر ... سيول اللهم لك الحمد .
سيول الجنوب وبالذات السوده غالبا ما يجي معها شبوب ... وصوت الرعد لا تسأل عنه .... لأنه ما ينوصف .. يجي شئ يرجع الدنيا رج .. حتى اننا بعد ثلاث ايام في ابها رحنا سكنا فوق في السوده ومع اول يوم هناك يوم بدت الصواعق طلب مننا صاحب السكن انه نطفي جوالتنا .. وبيني وبينكم هو معذور الصواعق احسها قريبه مننا :)
صار لنا موقف مرعب ...
في يوم من الايام كنا جالسين والدنيا تمطر ... وطاحت علينا صعقه قريبه على احد الاشجار وشقتها وشب النار فيها .. وهذا الشئ ما تخيلت اشوفه في عمري وصار هناك !!
السحاب في السوده ينزل للارض كل يوم واذا انت جالس احيانا ما تشوف اللي مقابلك ويبعد عنك متر واحد ... يازينه زيناااه ياناس :heart:
كل انواع السحاب اللي تتمنون تشوفونه صدقوني بتشوفونه في السوده ...والله ثم والله مناظر خياليه ما تنوصف مهما كتبت عنها .
درجه الحراره في السعوده غالبا 20 درجه ومع الامطار تنزل وتوصل ل 11 درجه في عز الظهر :confused:
كنت اكلم الرياض وكانت هذيك الايام موجه حر جايتهم وكنت اقول الدنيا مطر عندي واننا الفروه ما اشيلها ابد وما كان احد يصدقني ... فقلت مالي الا رسايل الوسائط ... كل شوي صور وارسل :D
في الليل انا ببطانيه وفروه ومع هذا البرد يذبحني :)
مناظر الشلالات غير طبيعيه وتمتعت بشوفتها على الطبيعه اللهم لك الحمد :)

[فيصل_1]

في السوده الامطار غالبا من الساعه 1 الظهر لين الساعه 5 العصر
اما ابها فأنا لآحظت انه الامطار ممكن تجيهم بالمساء وهذا اللي صار لي اول يوم وفي كذا يوم نزلت لها :)
كل ما كان الهواء غربي عرفت انه السحاب جاي فهو يتكون ورى الجبال وعلى الظهر نشوفه يضرب في الجبل ثم يرقى فوق لين ما يمطر .
اليوم الوحيد اللي ما جاء فيه المطر كان الهواء شرقي وكان منظر السحاب اكثر من غريب وراح اشرحه لكم من خلال هالصوره :

http://www.mekshat.com/pix/upload/images11/mk19495_dsc028454.jpg

هنا السحاب جاي من الغرب ولكنه يتفاجأ بالرياح الشرقيه وتخليه يبرم ويرج لمكانه الاول
سبحان منظر ما ينوصف ... طبعا السحاب كان ينزل علينا ويغطينا :heart:

[فيصل_1]

الحين هذي باقي الصور مع بعض التعليقات

http://www.mekshat.com/pix/upload/images11/mk19495_20050816(002).jpg

http://www.mekshat.com/pix/upload/images11/mk19495_20050820(001).jpg

http://www.mekshat.com/pix/upload/images11/mk19495_dsc02773.jpg

http://www.mekshat.com/pix/upload/images11/mk19495_dsc02911.jpg

[فيصل_1]

http://www.mekshat.com/pix/upload/images11/mk19495_dsc02921.jpg

http://www.mekshat.com/pix/upload/images11/mk19495_dsc02938.jpg

http://www.mekshat.com/pix/upload/images11/mk19495_dsc02942.jpg

http://www.mekshat.com/pix/upload/images11/mk19495_dsc02943.jpg

شوفوا وسلون السحاب تحت .. وكنا متجهين له ... منظر ما يوصف والا وش رايكم ؟

http://www.mekshat.com/pix/upload/images11/mk19495_dsc02944.jpg

http://www.mekshat.com/pix/upload/images11/mk19495_dsc02946.jpg

http://www.mekshat.com/pix/upload/images11/mk19495_dsc00795.jpg

وهذي صوره للبرد اللي غطى الارض
وياكثر ما تكرر هالمنظر ولكن للأسف انا كنت استخدم كاميرا الفديو فكثير من المناظر ما صورتها :)

في النهايه احب اوضح لكم ليه قلت انا يمكن انا اقلكم شوق للمطر :
شئ طبيعي اللي قبل شهرين عاش فتره ممطره غير عن اللي له اكثر من هذي المده
لكن طبعا اكيد كلنا نبي الخير ونتابع الهواء والاقمار وندور ريحة السحاب :)

الله يرزقنا السيل قولوا امين

تحياتي

[فيصل_1]

انتهى الموضوع

بس عندي ملاحظه تعتبتني في كتابة الموضوع وهي انه الرد الواحد مخصص له نسبه بسيطه من الصور
وهذا اللي خلاني اكتب الموضوع بكذا رد :)

تحياتي ,,

[نقا هشال]

ماشاء الله
مرحبا مليون اخوي فيصل يعطيك الف عافيه موضوع وصور ولااروع

بس ارجع واقول المطر في نجد غير

[محب البر]

بسم الله الرحمن الرحيم
السلام عليكم ورحمة الله وبركاته

الغالي فيصل_1

أهلا وسهلا بك في مكشات ، وما شاء الله على هذا التقرير المميز بعرضه وصوره

وبخصوص تسألك فالمشاركة الواحدة تستطيع إدراج 10 صور بها مع نص طويل شوي بمعنى إن موضوعك كان يمكن أن يكون في مشاركتين بدل ستة مشاركات

عموماً موضوع جميل في بداية الموسم

وجزاك الله خير

أبو مروان

[nahham]

الله

شكل السحاب والمطر جميل جدا

شكرا لك اخي الكريم

[فيصل_1]

ماشاء الله
مرحبا مليون اخوي فيصل يعطيك الف عافيه موضوع وصور ولااروع

بس ارجع واقول المطر في نجد غير
المطر في كل مكان واحد
بس يمكن اللي من نجد بفرح بان المطر على ارضه واللي في الجنوب بتمتع فيه لأنه على ديرته
وعلى هالحال
بس مثل ما قلت انا في الموضوع المناظر والسحاب والصواعق كانت ممتعه وتشبع رغيتنا .

مشكور على الرد عزيزي :)

[بدر الجديد]

شكرا اخ فيصل على الموضوع الجميل بارك الله فيك



بس ارجع واقول المطر في نجد غير
الظاهر انك ماشفت امطار الجنوب!! انت بس رح هناك وبتغير رايك. استمتع بالمطر بارك الله فيك بغض النظر عن الاقليميه ...

[فيصل_1]

بسم الله الرحمن الرحيم
السلام عليكم ورحمة الله وبركاته

الغالي فيصل_1

أهلا وسهلا بك في مكشات ، وما شاء الله على هذا التقرير المميز بعرضه وصوره

وبخصوص تسألك فالمشاركة الواحدة تستطيع إدراج 10 صور بها مع نص طويل شوي بمعنى إن موضوعك كان يمكن أن يكون في مشاركتين بدل ستة مشاركات

عموماً موضوع جميل في بداية الموسم

وجزاك الله خير

أبو مروان
حي الله ابو مروان
المنتدى يحسب صور الابتسامات على انها صوره ( وهذا اللي ذبحني ) وكل ما جيت انزل رد ذكر لي انه الصوره كثيره في الموضوع لحد ما قصقصته :)

منورنا ياعزيزي :)

[فيصل_1]

nahham - بدر الجديد

منوريني ويا هلا بك وان شاء الله نفرح بالمطر في كل مكان :)

[عالي الشان]

هلا فيصل
مشكور على الموضوع ... والجنوب ما يحتاج معروف بامطاره وجوه الزين .

[فيصل_1]

حيااااااااك الله عالي الشان

وشكرا على الرد .

[أبوصالح]

السلام عليكم ورحمة الله وبركاته
موضوع جميل ... ماقصرت .
الله يرزقنا مطر وخير يعم مملكتنا الغاليه وجميع بلاد المسلمين.

أبوصالح

[جبال البَرَد]

حيا الله فيصل...

كانت رحلتك موفقه ترى يوم 13/8 كان من اقوى الامطار اللي جات على الجنوب من ابها الى الباحة...

موسم المطر يبدأ هناك من منتصف او آخر يوليو الى اخر اغسطس...

جو على كيفك وعندي صور صواعق على كيفك بعد شوي وانزلها لك

[شـهـاب]

سبحان الله

لم ارا في حياتي على الطبيعه منضر مثل هذا


اسئل الله ان يرزقنا المطر

ومثل ماقالو الاخوان المطر في نجد غير


والسلام خير ختـام