لاهل الخبرة ((( منشار البنزين )))

[ahmad963]

كيف حالكم اخواني
عندي سوال لاهل الخبرة في المناشير اشتريت منشار ياباني ماركة ايكو جديد ب1300 ريال من الفانوس والعامل عندهم وزن الزيت والبنزين ويوم اجي اشغلة لقيت تشغيلة صعب يعزر فيني على مايشتغل بس لو اشتغل زي الحلاوة بالتقطيع والقوة وحتى لو طفيته وشغلته مع اول سحبة يشتغل المهم انا وسوست ورجعته للمحل وسويت فوضى قالوا كل البنزين كذا (والزيت يمكن زايد شوي) ماصدقت المهم نشبت لين عطوني واحد جديد وانا وزنت زيته وبنزينه هو احسن من ذاك لكن يكود اسحب الواير يمكن عشر مرات علشان يشتغل
الزبدة (المنشار مافيه مشكلة بعد التشغيل بس مشكلته تشغيلة هل هذا طبيعي)
قالي العامل ان البرد له اثر ماادري علموني يااهل الخبرة ولكم جزيل الشكر
المنشار ايكو 3500 ياباني وانا ماعندي خبرة ولو اي نصائح اخرى انا شاكر

[ابوفهد225]

الله يعطيك من خيرة ويكفيك شرة ..

اكيد اخوي البرد له دور

واحد من الشباب معة واحد نفس اللي معك بالمارية لونة برتقالي ..

يكد فية اكثر من 6 سنين ولا ضرة

وشكلي بأشتري مثلة ..

[اصيل نجد]

صحيح البرد له دور كبير بسرعه تجاوب التشغيل بس ماظن لدرجه انه عشر مرات وانت تحاول تاكد من وضع البوجي

[M Fox]

البرد له دور قوي .. وممكن تسحب أكثر من كذا لا جمدت ..

[ahmad963]

يعطيكم العافيه ابو فهد واصيل نجد ومستر فوكس الحمد لله المنشار الجديد يوم وزنت بنزينه وزيته صار تمام الظاهر المشكلة بالقديم كان زايد الزيت شوي على البنزين
وودي اسأل عن مقدار الزيت على البنزين لانه بالكاتلوج حاطين النسبة 1:50 يعني يقول العامل 50 لتر بنزين على علبة زيت لتر بس احسها قليلة وش رايكم وايهم افضل بنزين 91 ولا 95
وهذا هو المنشار http://www.youtube.com/watch?v=yOPUS91ZpqQ (http://www.youtube.com/watch?v=yOPUS91ZpqQ)

[ابو سمسم]

كيف حالكم اخواني

عندي سوال لاهل الخبرة في المناشير اشتريت منشار ياباني ماركة ايكو جديد ب1300 ريال من الفانوس والعامل عندهم وزن الزيت والبنزين ويوم اجي اشغلة لقيت تشغيلة صعب يعزر فيني على مايشتغل بس لو اشتغل زي الحلاوة بالتقطيع والقوة وحتى لو طفيته وشغلته مع اول سحبة يشتغل المهم انا وسوست ورجعته للمحل وسويت فوضى قالوا كل البنزين كذا (والزيت يمكن زايد شوي) ماصدقت المهم نشبت لين عطوني واحد جديد وانا وزنت زيته وبنزينه هو احسن من ذاك لكن يكود اسحب الواير يمكن عشر مرات علشان يشتغل
الزبدة (المنشار مافيه مشكلة بعد التشغيل بس مشكلته تشغيلة هل هذا طبيعي)
قالي العامل ان البرد له اثر ماادري علموني يااهل الخبرة ولكم جزيل الشكر

المنشار ايكو 3500 ياباني وانا ماعندي خبرة ولو اي نصائح اخرى انا شاكر



بحكم استخدامي للمنشار شي طبيعي مافيه اي مشكلة لازم ياخذ اكثر من 5 مرات وبعدين يشتغل لاتخاف مامنه مشكلة باذن الله

[عابر القارات 2000]

السلام عليكم مساك الله بالخيراخوي أنا جربت المنشار هذا
1-بالنسبة لقياس الزيت ( كل لترين بنزين اخضر او احمر تحط معها بيالة زيت مكينة سياره ) 2-اما التشغيل هذا اخوي عندك في المنشار زر تسحبه بعدين تسحب لين تحس انه يبي يشتغل بعدين ترجع الزر بعدين تسحبه ويشتغل معك على طول

[دغيم1]

السلام عليكم ورحمة الله وبركاته
حياك الله أخوي
بالنسبة لمنشار البنزين
قبل لتشغيل سو له هندل ( يعني عطة كم ضغطه قبل التشغيل ولا تكثر )
وانتبه للزيت لايزيد وعند زيادته سوف يثقل ويطلع دخان
ولاتنسى في كل مرة تقوم بشد الجنزير وتنظيفه من الداخل
وإضافة الزيت لتسهيل القطع
البعض من هذه المناشير يأتي له شفط من الأعلى
قم بفتح الشفاط وهندل ثم أغلقه وأعد المحاولة
عموما أول تشغيله يتعب شوي وخاصة في البرد
تمنياتي لك بالسلامة والتوفيق
تحياتي

[كاتم الشكوى]

أنا أحد الاخوان أشار علي بأن أشري ترانس كبير تقريبا 1000 وات وأن أشري منشار كهربائي وأستفيد من الترانس وفعلا الطريقة نجحت
وأنا خابر مواطير الماء اللي مثل ماطورك ليا جاء البرد يبذلني بهذلة
لكن مثل ما قلت ليا اشتغل مية مية
وأنا اخوك الوضع طبيعي

[ابو ماجد vtc]

السلام عليكم
شوفوا يا اخون انا اشتريت ترانس ( محول كهربائي ) 1000 وات من عروق الشمال ببريده واشتريت منشار كهربائي 14 بوصه اللون برتقالي ب 350 ريال من محل العوبثاني ببريده وركبت المحول في السياره واشتغل ممتاز جدا والحين طلعة فيه طلعتين احسن شي بس يفضل ان يكون السياره ما تطفي وانت تشتغل فيه احسن ً.

[العاذر]

عموما مناشير البنزين غثيثه ويبيلها صبر

[الساهر2003]

اخوي تبيع بـ 300
هههههههههههههه
اخوي نصيحة
اذا عبيته بنزين تضيف زيت محركات السيارات 10على 40 مقدار غطاء علبة الزيت
او تظيف زيت محركات السيارات 20على 50 مقدار اقل من غطاء علبة الزيت
والتشغيل على حسب مدة توقف الماطور اذا من 6 شهور فيجب عليك رج المنشار فوق تحت وبعد التعبئة
حتى يتدفق البنزين بشكل اسرع الى الكلبليتر
التشغيل بعد الفترات الطويلة سحب الحبل خمس مرات والشفاط اكيد مسحوب وفلتر الهواء نظيف
اذا لم يشتغل يوجد طريقة سهلة وهي تفتح غطاء فلتر الهواء وتظيف بنزين 5 ملم
وتقفل غطاء الفلتر وتشغل على طول يشتغل ان شاء الله
استخدمة منشار تنكا 16 اش مكينة 350 ممتاز جداً
للجميع اطيب تحية