مشكلة الباث فاندر / طفى علي وانا امشي 120 اوتماتيك / عاجـل

[Dr.PRO]

السلام عليكم ورحمه الله وبركاته ..

أمسي/وأصبح عليكم بكل خير ,

مشكلتي مع الباث فاندر ..

الأحداث , غيرت صوفة المكينة الخلفيه وغيرت زيت القير الاوتاميتيك , بعدها بأسبوعين ..

عزمت الرحيل للقصيم , من الرياض ووصلت للمجمعة إلا الحرارة واصلة النص وعليها شوي وقفت بالمجمعة ومريت على الورشات حصلت موية الرديتر ناقصة وعبيتها جالون اخضر كامل , وحصلت زيت المكينة ناقص عبيته ثلث علبة ومسكت الخط ووصلت سآلم ,

بعد ما خلصت مشاويري ببريدة رجعت مسكت الخط متجه للرياض .,

ويوم وصلت المجمعة سمعت صوت بالمكينة خفيف وزآد زيادة يزود مع الدعسة ويختفي اذا تركته .. وقفت وشيكت على الزيت لقيته ناقص عبيت ربع علبه وشيكت على الرديتر تمام ..

ورجعت للخط وصلت الدعسة لـ 120 الصوت اختفى قليلآ وبعدها طفى الموتر وانا امشي بالطريق . :( ,

عشقت القير لوضعيه الـ N ووقفت على جنب ورجعته للريآض ,

وش شوركم يا عيآل , نآوي على التصليح همن البيعة ,,

أبي اعرف الخلل هل هو من صاحب الورشة الي غير لي الصوفة ولا من وين ؟.

مع العلم اني مغير المكينة قبل سنتين وفاك الي يسببن طقت المكينة ناسي اسمهن ..

بآنتظاركم يا قروم

[طارق حسن]

اخي الكريم ان سبب الصوط الذي يظهر اثناء الدعسة ويختفي عند رفع القدم عن الدعسة هذا صوط غير مرغوب به لان هنالك تأكل في كراسي عمود الكرنك شفت أفحص سيارتك في ورشة متخصصة لكي تطمئن
تقبل تحياتي

[على رمشي تمشي]

غريب والله اخاف من الحساس او ضرب عندك فيوز وضربت معه كل الفيوزات - نفس حاله واحد من الشباب معه ربع طلعنا للنفود وطفى عليه وصار يدق سلف لين ماطفى كل شى يوم شيكنا طلع فيه فيوز محترف ومع تكرار التشغيل خرب كل الفيوز
شيك عليه كمبيوتر - فيه كم ورشة للنيسان ان شاء الله الشباب يفيدونك

[برايدوي عنيد]

هلابك اخوي ...

شيك على حساس الهواء , شيك على احد البلوف لايصير منقطم وضارب لك البستم , وتاكد من مسامير الثلاجه.

ممكن الصوت اللي طلع صوت سبيكه بسبب نقص الزيت

لان واحد من الربع كد طفى موتره وهو يمشي 80 وتبين ان احد البلوف منقطم وضارب البستم

هذا ماأعرف وتقبل مروري.....