المساعد الشخصي الرقمي

مشاهدة النسخة كاملة : عند وجود سياره غريبه في حيك


هاني 999
15/01/2011, 04:18 PM
السلام عليكم ورحمة الله وبركاته
اخواني المكشاتيين
موضوع بطرحه لوجود فائده كبيره لمن فقد سيارته وراح نجد الكثير من السيارات

بعمل سهل جدا

اخي اكيد انت اذا سكنت حي بتكون عارف اكثر السيارات المتواجده فيه ويمكن يمر عليك سياره غريبه بتعرف انها من خارج الحي

انا اقول لك عند مشاهدة سيارة غريبه في الحي ومتوقفه لها عدة ايام
كل ماعليك فعله اتصل على 999 واخبرهم برقم لوحة السياره مع ذكر نوعها
على طول العمليات بيتاكدون عن الرقم اذا كانت مطابقه نفس السياره او عليها تعميم سرقه
بيعرف وراح يرسل لك فرقه للتاكد من وضعها واذا كانت مسروقه بيتصلون على صاحبها
ويسلمونها له انت بكذا عملت خير لصاحب السياره واذا ماعليها شيء ايضا تكون تعاونت
مع الامن والمكالمه ماراح تاخذ معك دقيقه
بكذا صدقني الكثير من السيارات المسروقه بترجع لاصحابها
وايضا ملاحظه على اصحاب السيارات المسروقه يضع رقمه بالخطاء ويتعذر الاتصال عليه
والله كثير تحصل وايضا يقفل جواله خاصه اخر الليل وكثيرا نجد السياراة اخر الليل لان الحركه تخف من السيارات ونلاحظ الحي شارع شارع ونتصل على صاحب السياره مقفل
جواله او مايرد ليه يعني فاقد الامل تحصل سيارتك

واي استفسار انا بالخدمه

وهذا رابط موضوع سابق لتفادي سرقات السيارات

http://www.mekshat.com/vb/showthread.php?t=352906

اخيرا دعواتكم لي ولوالديني
على رمشي تمشي
16/01/2011, 11:34 AM
والله ياهاني ياليت لو يصير كذا بس إلى يخلي الناس تردد بالاتصال هم اسئلتهم - متى وشلون وين ومن هالاسئله إلى تخليك تندم على الاتصال ولا يقولون عندنا رقمك لا بغينا شى بتصل عليك
الله يكون بالعون
system
16/01/2011, 11:59 AM
الله يكثر من امثالك وجعل من جابوك الجنه
كاشت 2011
16/01/2011, 10:41 PM
لاكن الشرطة راح تشك بك لان اكثر المجرمين يسرقون السيارات ويتصلون بالشرطة وكذا يطلع بري
هاني 999
17/01/2011, 12:02 AM
والله ياهاني ياليت لو يصير كذا بس إلى يخلي الناس تردد بالاتصال هم اسئلتهم - متى وشلون وين ومن هالاسئله إلى تخليك تندم على الاتصال ولا يقولون عندنا رقمك لا بغينا شى بتصل عليك
الله يكون بالعون

من ناحية الرقم بيكن عندهم صحيح وهو بس لو مثلا الوصف كان خطاء او ماحصلو شيء
بيتصلون ياخذون الوصف ثانيه وبعدين
خلهم يتصلون حط نفسك مكان صاحب السياره وسو خير
واحتسبها عند الله
هاني 999
17/01/2011, 12:02 AM
الله يكثر من امثالك وجعل من جابوك الجنه


امين وجزاك الله خيرا
تشرفت بمرورك
هاني 999
17/01/2011, 12:05 AM
لاكن الشرطة راح تشك بك لان اكثر المجرمين يسرقون السيارات ويتصلون بالشرطة وكذا يطلع بري

ليش تشك فيك وبعدين السارق اذا سوءا الحركه هاذي
واتصل على قولتك من قال انه بيروح صدقني يجي يوم ويطيح بشر اعماله
بمجرد البصمات في اي قضيه اخرى
شريك القلم
17/01/2011, 12:18 AM
شكرا لك يا عزيزي
الليث الذهبي
19/01/2011, 02:54 PM
والله يالغالي كذا مره الاقي سياره فالعاذ متعلقه ومشلحه ادور رقم لراعيها ما احصل ولا تلقاه مشغل المكيف على الحار مخلي القير على نمرة 1 ومعلقها على طعس ومخليها تمشي مع العلم انا في فصل الصيف يعني 200% انها مسروقه وادق ابلغ ما عندك احد الله يخلف بس تكرر معي الموقف 3 مرات
قلم الجريح
20/01/2011, 09:14 AM
الله يرده لك ان شاء الله :)
محمد1979
22/01/2011, 08:53 PM
الله يجزاك خير فعلا كلامك صحيح وانا والله سرقت سيارتي اليوم و يارب احد يشوفها لي ومن المستحيل اني القاها لحالي..
راع القنص
24/01/2011, 11:14 PM
جزاك الله خير والله يكفينا شر السرقات