الفزعه يالربع .... وش الأفضل بين هالعدسات ...!!

[أبو حنشل]

السلام عليكم ورحمة الله وبركاته ....

وش أخباركم يالنشامى عساكم بخير ...


عندي استفسار ... وأتمنى منكم تعطونا من خبراتكم ...


أنا عندي كانون دي 450 مع العدسة الستاندر ...

وناوي إن شاء الله أشتري عدسة أو ثنتين ...


وحاب أستشيركم يالربع ...

المميزات إللي أتمنى تكون في العدسة :
السعرجيد عند الشراء والبيع ...
الزوم يكون عالي شوي .. للطيور والقمر ...
البورتريه يكون جيد جدا ...
تكون مناسبة للمناظر الطبيعية ... أمر مهم بالنسبة لي ...




سألت واحد من المصورين وقال لي اشتر هالعدستين لك وللزمن وبتغطي تقريبا جميع المجالات ماعدا الماكرو ..
الأولى كانون 70-200 والثانية نسيتها بس أتوقع 18-70 والكل بفتحة f2.8 ...

بس للأسف غالية بالحيل ...

لذا فكرت بالبديل واحترت بين هالعدسات ...
الميزانية حوالي 2000 ريال على الأسبوع الجاي إن شاء ...
أتمنى أشتري العدستين دفعة وحده أو أشتري الزوم وأنتظر على الثانية ....

طبعا نبي رايكم في هالعدسات وإلا عنده أفضل منها لا يحرمنا من علمه ...



canon EF 75-300 F4-5.6 lll USM
canon EF 55-250 F4-5.6 IS
Sigma 70-300mm F4-5.6 DG OS is a compact telephoto zoom lenS

وناس قالوا اصبر شوي وخذ :
Canon 70-300mm F/4-5.6
فهل تفرق واجد عن زميلاتها ....



والثانية :

canon EF 50 MM 1.8ll





رايكم يهمني جدا جدا ....


والي يشوف فيه عدسات أحسن من هذي متناسبة مع رغباتي .. يفيدنا ...و الله يعطيكم العافية ....

والسلام عليكم ورحمة الله وبركاته ...

[حبل الوريد]

الكانون 50مم ماهيب نافعك للهداف البعيده

لو تبي شوري اصبر شوي وخذ 400مم ثابت بـ 5000

اما اذا تبي بالميزانيه الي ذكرته عندك كانون 70-300

افضل من الي انت ذكرت

[أبو حنشل]

((حبل الوريد))

يعطيك العافية ...
تم إضافتها مع الخيارات ...
طيب وش رايك بـ Canon 70-300mm F/4-5.6

مقارنة بـcanon EF 55-250 F4-5.6 IS

الأولى 2250 و الثانية 950...((عند كام فور سل ))
فهل تستحق هذا الفرق ....

وهل تقارن بـ 70-200 !!
.
.
.
وبالنسبة للكانون 50مم
يقولون زينه للطبيعة والمانظر ... وهذامهم ...
لذا إذا أنت مجربها أو فيه أحد مجربها ياليت يعطينا وش أخبار نتايجها .....
...

[Abdullah Assaedi]

اخوي الكانون \70 -300 افضل زومها جيد والبنيه جيده والحده ما عليها كلام وسعرها 2200 جديده

لاكن ما تفيدك في الطبيعه الان زوايها مو عريضه

موووفق

[حبل الوريد]

((حبل الوريد))

يعطيك العافية ...
تم إضافتها مع الخيارات ...
طيب وش رايك بـ Canon 70-300mm F/4-5.6

مقارنة بـcanon EF 55-250 F4-5.6 IS

الأولى 2250 و الثانية 950...((عند كام فور سل ))
فهل تستحق هذا الفرق ....

وهل تقارن بـ 70-200 !!
.
.
.
وبالنسبة للكانون 50مم
يقولون زينه للطبيعة والمانظر ... وهذامهم ...
لذا إذا أنت مجربها أو فيه أحد مجربها ياليت يعطينا وش أخبار نتايجها .....
...

العدسه جيده افضل من ال55-250

وكلا العدستين مستحييل ان يقارنا بالـ 70-200

[أبو حنشل]

((كلا شن كوف))>>>الله يكفينا شره ..
((حبل الوريد))

يعطيكم العافية ...

اتفقنا إن الكانون 70 - 300 أفضل والكل يقول كذا ...

لكن .. فيه ناس قالوا 55- 250 أفضل بسبب السعر يقولون ما يستاهل 1400 والفرق نوعا ما بسيط ...


((كلا شن كوف))

وبالنسبة للطبيعة بأشتري لها 50 mm يمدحونها ... وأنا جاي أبي مشورتكم ..



ودي أجمع الثنتين لكي تشمل أغلب مواضيع التصوير ...

[عآشق الأمطار]

لا لم نتفق كلنا على أن العدسة Canon EF 70-300mm f/4-5.6 IS USM هي الأفضل
فهذا الموقع يقارن لك جودة الصورة بين العدسات وأرى التفوق لصالح Canon EF-S 55-250mm f/4-5.6 IS


تفضل الرابط ، (أضــغــط هــنـا (http://www.the-digital-picture.com/Reviews/ISO-12233-Sample-Crops.aspx?Lens=358&Camera=452&Sample=0&FLI=0&API=0&LensComp=456&CameraComp=452&SampleComp=0&FLIComp=0&APIComp=0) )


طبعاً الأفضلية للـ70-300 من ناحية الأبعاد البؤرية (أفضل زوم) لكنه ليس بالفرق الشاسع ..


وبخصوص عدسة Canon EF 50mm f/1.8 II فلا أنصحك بها اذا كنت ستستخدمها لتصوير الطبيعة
بسبب أن البعد البؤري 50mm يعتبر ضيق الزاوية فكما تعلم هي عدسة برايم ثابتة البعد البؤري (مافيها زوم)
وفي المناظر الطبيعية ينصح غالباً بالعدسات العريضة (wide angle) لأخذ تفاصيل أشمل وأوسع للمشهد المراد تصويره



طبعاً ليس معنى كلامي أن العدسة 50mm سيئة في مجال الطبيعة لا ليس هذا ما أقصده
ولكن ليست هي العدسة المثالية لمثل هذا النوع من التصوير ويفضل الكثير من المصورين عدسة 50mm للبورترية والستيل لايف ..



حسب ميزانيتك أرشح لك عدسة Sigma 10-20mm F4-5.6 لتصوير الطبيعة بـ1750 ريال عند كام 4 سل..



..

[Abdullah Assaedi]

اخوي ابو حنشل <<<< الله يكفينى من شر الحناشل ههههه

العدسه 50mm ماراح تنفعك في تصوير الطبيعه وانا مجربها

خذلك عدستين سيقما 10-20 زي ما قال اخوي عاشق الامطار

والزوم اعتقد ان 200mm ماراح ينفعك الــ70-300 الفوكس سريع وهادء وفيها مانع اهتزاز 2 وخفيفه

والخيار لك اخوي

مووووفق

[انس السالم]

اعتقد خبرتي بسيطه بس من وجه نظري انك اذا وصلت 2250 ريال كملها وخذ لك عدسة 70-200فتحة4 بدوون ما نع اهتزاز ..وسعرها 2600 ريال
واذا على البعد البؤري فراح تكوون على العدسة بعدها على الفريم المقطوع 1,5x200 =300يعني نفس البعد الي انت تبي ..:)..يعني يطلع بعد العدسة ..105-300 وفتحة العدسة 4 ..وبالتوفيق وهذا يبقى وجهة نظر ..:)

[escape_man]

عندي سيقما 10-20 للمناظر الطبيعية استريتها مستعملة ولكن اخت الجديدة بـ 1300 ريال
وعندي سيقما 70-300 للزوم استريتها جديدة من الحارثي ونسيت بكم

مناسبة جداً بل في الـ 10-20 كثير من المجربين يقولون انها افضل شي

[حبل الوريد]

اخوي انس كفى ووفى وكلامه مع التصحيح ان معامل القطع لكاميرت كانون الكروب فريم هو 1,6
صحيح اذا تبي للطبيعه عدسه رخيصه الي اشارو عليه الاخوان
والزوم زي ما قال اخوي انس

[أبو حنشل]

ألف شكر للجميع ...




أرى التفوق لصالح Canon EF-S 55-250mm f/4-5.6 IS


وبخصوص عدسة Canon EF 50mm f/1.8 II فلا أنصحك بها اذا كنت ستستخدمها لتصوير الطبيعة



حسب ميزانيتك أرشح لك عدسة Sigma 10-20mm F4-5.6 لتصوير الطبيعة بـ1750 ريال عند كام 4 سل..


((عآشق الأمطار))
الله يعطيك العافية ... وما قصرت ....

بالنسبة للزوم الصراحة كأني ملت للـ 55-250 ... بس أنتظر المزيد من المجربين والمؤيدين ...

بس بالنسبة للـ 50 ... احترت كثير يقولون الـ10-20 أفضل ...
لكن المشكلة الميزانية حوالي 2000 وأبغى أشتري الزوم وعدسة للطبيعة ..
لذا صعب أشتري الـ 10-20 لأنها بتاكل الميزانية !! ...





اخوي ابو حنشل <<<<
الله يكفينى من شر الحناشل ههههه

العدسه 50mm ماراح تنفعك في تصوير الطبيعه وانا مجربها

خذلك عدستين سيقما 10-20 زي ما قال اخوي عاشق الامطار

والزوم اعتقد ان 200mm ماراح ينفعك الــ70-300 الفوكس سريع وهادء وفيها مانع اهتزاز 2 وخفيفه

والخيار لك اخوي

مووووفق

((كلا شن كوف))
الله يعطيك العافية ... وما قصرت ....
بس مثل ماقلت المشكلة في الميزانية ... ما أقدر على الثنتين ...

بس وصلت خير بما إنك مجربها للطبيعة ... أنا عندي هالخيارات وش تنصحني فيه ...
إما أشتري 50 وأمشي حالي
أو أصبر شهرين أو ثلاثة وأشتري 10-20 ويفوتني الموسم ...
أو أحاول أشوق شيء مستعمل وسعره حلو ...


اعتقد خبرتي بسيطه بس من وجه نظري انك اذا وصلت 2250 ريال كملها وخذ لك عدسة 70-200فتحة4 بدوون ما نع اهتزاز ..وسعرها 2600 ريال
واذا على البعد البؤري فراح تكوون على العدسة بعدها على الفريم المقطوع 1,5x200 =300يعني نفس البعد الي انت تبي ..:)..يعني يطلع بعد العدسة ..105-300 وفتحة العدسة 4 ..وبالتوفيق وهذا يبقى وجهة نظر ..:)

((أنس السالم))
الله يعطيك العافية ... وما قصرت ....
والله يا أخوي فكرت بهالفكرة قبل قبل وكنت بأشتري 70-200 فتحة أربعة ..
بس ما راح تفيدني نهائيا في الطبيعة والمناظر لأن زومها عالي والفتحة 4 وبتاكل الميزانية كلها ... لذا فلت لو حطيتها في عدستين يمكن أفضل !! ...

((بن غييثات))
الله يعطيك العافية ... وما قصرت ....

أبي نصيحتك في المستعمل ..
وش رايك فيه وش أهم الأشياء إللي لازم أنتبه لها قبل ما أشتري ..


((حبل الوريد))
الله يعطيك العافية ... وما قصرت ....

بس إعذرني والله ما فهمت وش تقصدون بالـ الكروب فريم

[escape_man]

الامر سهل بالعدسات وانا اخوك

تاكد من سلامة هيكلها الخارجي وان العدسة ماتعرضت لخدوش

ايضاً ماسبق وفكت وتعرضت لصيانة ..

طق لك كم صورة فيها واحكم

والنظيف بيبين من وجه راعيه :) ومن العدسة لاقلبتها بين يديك

[عآشق الأمطار]

العفو أخي أبو حنشل وما سوينا إلا الواجب ..


على كل حال ابدأ بشراء العدسات حسب أولوية أهتماماتك ، فمثلاً اذا كنت ستحتاج الزوم أكثر وترى أنك بحاجته إليه اشتر عدسة الزوم ،، وهكذا ..


وبخصوص الكروب فريم معناه "الإطار المقطوع" ( Crop Frame )


والمقصود بالإطار هو الكادر الذي تراه في منظار العين (الفيوفاندر) أو شاشة الكاميرا وقت أخذ اللقطة والتي سيظهر بها المشهد بعد التصوير ..


وكما انه يوجد إطار مقطوع فبالتأكيد يوجد "إطار كامل" (Full Frame )


وكاميرات الإطار الكامل تستخدم مقاس مستشعرات (sensor) تكون مطابقة لحجم الفلم 35 مل في الكاميرات الفيلمية


وهذه قائمة بكاميرات كانون الإطار الكامل والإطار المقطوع مع توضيح معامل القطع وحجم المستشعر (sensor)


http://img526.imageshack.us/img526/3165/85506083.jpg


وحتى تستوعب أكثر شاهد الصورتين للتوضيح بين الإطار الكامل والإطار المقطوع ..



http://img340.imageshack.us/img340/5312/fullframecropfactor.jpg


هذه الصورة توضح الفرق بين الإطار الكامل والمقطوع والصورة عندما تتعرض لمعامل القطع


الأسود = إطار كامل
الأحمر= معامل القطع ×1.3
الأصفر =معامل القطع ×1.5
الأخضر = معامل القطع ×1.6




http://img715.imageshack.us/img715/9937/cropcircleu.jpg



الأحمر إطار كامل والأصفر إطار مقطوع بمعامل ×1.6 وهو الموجود بكاميرتك الكانون 450d




أي إستفسار أو نقطه ليست واضحة لا تترد في طرحها ..



..

[أبو حنشل]

((بن غييثات))
سلمت يمينك وأنا أخوك ...

((عاشق الأمطار))
ماقصرت والله كفيت ووفيت ...

بس والله الصراحة ما فهمت زين ...

إللي في الإطار الأصفر المقطوع ..
هو اللي يطلع في الشاشة والصورة...
أو ما يطلع في الشاشة ويطلع في الصورة ...

وإذا عندك روابط لدروس وشروحات في هالموضوع أكون لك من الشاكرين ...

[عآشق الأمطار]

سأوضح لك بمثال بسيط ..


تخيل أن لديك الآن Canon 5D Mark II وهي كاميرا " إطار كامل "


وبجانبك كاميرتك الحالية Canon 450D وهي كاميرا " إطار مقطوع "


ثبت الكاميرا الأولى على حامل ثلاثي وإلتقط صورة ، ومن ثم بنفس الزاوية والمشهد ثبت الكاميرا الثانية وإلتقط صورة ..


اذا شاهدت الصورتين ستجد أن الصورة الملتقطة بـ Canon 5D Mark II أوسع وأشمل تفاصيل للمشهد ..


أما الصورة الملتقطة بـ Canon 450D ستجدها ضيقة وأقل تفاصيل للمشهد "كأنها مقصوصة" ،


مع أنك التقطت الصورتين بنفس الوضعية وبنفس المشهد وبنفس الزاوية ..


هذا ببساطة الفرق بين الإطار الكامل والمقطوع ..



أتمنى تكون وضحت الصورة ..

[حبل الوريد]

حتى تتضح الصوره واضافه على ما قدمه معلمنا عاشق الامطار
الفل فريم تعني أن حجم السنسر في الكاميرا متشابه لحجم الفلم المستخدم في التصوير
في الكاميرات الديجيتال التي هي ليست فل فريم يسمى السنسر بها فريم مقتطع او
Cropped Frame

و من الكاميرات الفل فريم
Nikon D3
Nikon D3x
Nikon D700
Canon 1Ds
Canon 5D
و كاميرات اخرى ولكننا ذكرنا الجديد منها هنا

حجم السنسر فل فريم
36 x 24 mm
أو يسمى ٣٦
او
135 format

فرق الحجم بين الفل فريم و الكاميرات العادية

http://www.kenrockwell.com/tech/images/crop-factor/crop-factor-15x-KEN_5023.jpg

نلاحظ الفرق في الحجم بين حجم الفلم او الفل فريم و الفريم المقتطع في الكاميرات العادية

و من فوائد الفل فريم

حده اكبر في الصور
و الوان اكبر في الصور
قلة التشويش
و ذلك لان حجم السنسر الكبير يعني بان حجم البيكسيل اكبر و ذلك يعطيها قراءة افضل للتفاصيل في الصوره و الالوان

عمق ميدان اقل
و ذلك يفيد في الحصول على خلفيات مشوشه اكثر
و هذا بسبب سقوط الضوء من العدسات على منطقة أكبر

زاوية اوسع
كما نلاحض في الصورة بالاعلى
تم التقاط نفس الصورة من نفس العدسة
و صورة الفل فريم اوسع بكثير

هناك ايضا فوائد للفريم المقتطع

زوم اكثر للصوره
كما نشاهد في الصوره الاعلى
مناسب لمحبين تصوير المواضيع البعيدة كالطيور

نضافة اكبر لحواف الصوره
و ذلك عند استخدام عدسات الفل فريم
و ذلك لان حواف الضوء اساسا خارج نطاق الصورة


----------------------------

http://www.bobatkins.com/photography/digital/fullframe/image_circle.jpg

نلاحظ المنطقة الرمادية و هو الضوء المنعكس من عدسة الفل فريم
المنطقة الزرقاء هو الفل فريم
و المنطقة الصفراء هو الفريم المقتطع للكاميرات العادية

و هذا من نفس العدسة
اذا هناك ابعاد مختلفة للعدسات عند استخدامها على فل فريم و فريم مقتطع
نعم

اذا استخدمنا عدسة ٢٠٠ على كاميرا فل فريم
فاننا سنحصل على زاوية ٢٠٠ في الصوره تماما
و البعد سيكون حقيقي تماما

اما عندما نستخدم العدسة ٢٠٠ في كاميرا ليست فل فريم
فاننا نحصل على صوره بزاوية و بعد ٣٠٠
و هذا بسبب الاقتطاع للزاوية الحقيقية في الكاميرات العادية

و لحساب هذا الموضوع
200 x 1.5 = 300
زاوية العدسة الحقيقية x البعد في الكاميرات العادية = الفرق تقريبي ١.٥

١.٥ هو حجم سنسر كاميرات النيكون التي ليست فل فريم
و هذه مقارنه باحجام انواع مختلفة من السنسرات
http://static.photo.net/attachments/bboard/00Q/00QPK0-62041584.png

و للمعرفة
هناك عدسات تم تصميمها لاستخدامها مع الكاميرات ذات الفريم المقتطع
مثل عدسات
Nikon 18-200
Canon 18-200
تصدر هذه العدسات انعكاس للضوء بحجم السنسر للفريم المقتطع و الكاميرات العادية
اي انه اذا استخدمنا هذه العدسات في الكاميرات الفل فريم
فاننا سنحصل على صوره شبه دائرية مع حواف سوداء شديدة على يمين و يسار الصورة
كما في الصورة التالية

http://news.cnet.com/i/bto/20071217/Rob_Gruhl_FX-on-DX_12.6.2007_270x405.jpg

بهذا نكون قد وافيناكم بالشرح لمعنى الفل فريم و فوائده و الفرق بينه و بين الفريم المقتطع


منقول من اخوي جمال الايوبي

[أبو حنشل]

((عاشق الأمطار))

الله يجزاك خير ...

ألحين فهمت ...

في البداية كنت أتسائل وش الفرق بين كامرتي d450 وأخواتها وبين d5 وأخواتها ... بس ألحين فهمت ..

[رعد تميم]

السلام عليكم ورحمة الله وبركاته ....
وعليكم السلام ورحمة الله وبركاته
وش أخباركم يالنشامى عساكم بخير ...
بخير ياوجة الخير

عندي استفسار ... وأتمنى منكم تعطونا من خبراتكم ...


أنا عندي كانون دي 450 مع العدسة الستاندر ...

وناوي إن شاء الله أشتري عدسة أو ثنتين ...


وحاب أستشيركم يالربع ...

المميزات إللي أتمنى تكون في العدسة :
السعرجيد عند الشراء والبيع ...
الزوم يكون عالي شوي .. للطيور والقمر ...
البورتريه يكون جيد جدا ...
تكون مناسبة للمناظر الطبيعية ... أمر مهم بالنسبة لي ...

طلباتك كثيرة والميزانية قليلة :D عموما ان كانك ماتقدر تزيدها اشتر 10 - 20 سيقما دور لك مستعملة وان شاء الله تحصل قيمتها من الـ 1100 الى 1350 ريال على حسب النظافة والضمان علما ان سعرها جديدة 1750 ريال

والعدسة الثانية 70 - 300 سيقما بـ 900 ريال تقريبا وتحصل منها مستعمل بـ 600 الى 750 ريال

وانصحك بالمستعمل ياولد ديرتي :good2:


سألت واحد من المصورين وقال لي اشتر هالعدستين لك وللزمن وبتغطي تقريبا جميع المجالات ماعدا الماكرو ..
الأولى كانون 70-200 والثانية نسيتها بس أتوقع 18-70 والكل بفتحة f2.8 ...

بس للأسف غالية بالحيل ...
غاليات على الهاوي في التصوير يعني اللي مايدخل من تصويرة فلوس لكن المحترف مهيب غالية عليه
لذا فكرت بالبديل واحترت بين هالعدسات ...
الميزانية حوالي 2000 ريال على الأسبوع الجاي إن شاء ...
أتمنى أشتري العدستين دفعة وحده أو أشتري الزوم وأنتظر على الثانية ....

طبعا نبي رايكم في هالعدسات وإلا عنده أفضل منها لا يحرمنا من علمه ...



canon EF 75-300 F4-5.6 lll USM
canon EF 55-250 F4-5.6 IS
Sigma 70-300mm F4-5.6 DG OS is a compact telephoto zoom lenS

وناس قالوا اصبر شوي وخذ :
Canon 70-300mm F/4-5.6
فهل تفرق واجد عن زميلاتها ....

بخصوص الميزانية المطروحة والطلبات اشوف انه ماله داعي تحط دراهمك في عدسة زوم الكانون خصوصا اذا كنت هاوي يعني ماراح تدقق وتسوي تكبير للصور 100% عشان تشوف النويز فيه او لا :D


والثانية :

canon EF 50 MM 1.8ll

هالعدسة والله اني شاريها قبل لاشتري الكام :D

عدسة مجنونة بكل شي فيها حتى سعرها بـ 300 ريال

لاتفوتك :good2:



رايكم يهمني جدا جدا ....


والي يشوف فيه عدسات أحسن من هذي متناسبة مع رغباتي .. يفيدنا ...و الله يعطيكم العافية ....

والسلام عليكم ورحمة الله وبركاته ...








تم التعليق بالخط الاحمر العريض :D

[أبو حنشل]

((حبل الوريد))

الله يعطيك العافية ...
كفيت ووفيت ....
بس ردك ما طلع إلا اليوم ما أدري ليه .. شكل جهازي مخبط ...

[أبو حنشل]

((رعد تميم))

الله يحيك يا ولد الديرة ...
والله يعطيك العافية وماقصرت وأنا أخوك ..

بس الـ 70-300 ... بـ 2250 وأنا أخوك ...

http://www.cam4sell.com/32,ar_canon-ef-70-300mm-is.html

يمكن أن تقصد 55-250 هي إللي بحوالي 900 ....


وإذا عندك صور من الـ 50 أتمنى أشوف بعضها لا هنت ...

[رعد تميم]

((رعد تميم))

الله يحيك يا ولد الديرة ...
والله يعطيك العافية وماقصرت وأنا أخوك ..

بس الـ 70-300 ... بـ 2250 وأنا أخوك ...

http://www.cam4sell.com/32,ar_canon-ef-70-300mm-is.html

يمكن أن تقصد 55-250 هي إللي بحوالي 900 ....


وإذا عندك صور من الـ 50 أتمنى أشوف بعضها لا هنت ...



لا ياخوي انا اقصد عدسة السيقما مو الكانون وهذا رابط للاصدار الجديد منها وفيه اصدار قبلها يبيعة الحارثي ب 900 ريال وتحصلها مستعملة ونتايجها مقبولة
http://www.cam4sell.com/422,ar_sigma-70-300mm-f4-5.6-dg-os-canon.html


بالنسبة للـ 50 ماعندي لها صور لاني اكلمك بجهاز مو بجهازي لكن شف هالفلكر وصدقني بتعجبك

http://www.flickr.com/search/?q=Canon+50mm&w=all&m=&s=int&mt=&referer_searched=


واي خدمة حاضرين

[أبو حنشل]

((رعد تميم))

يعطيك العافية يا أخوي ....

وأنا ما انتبهت للسيجما توقعتك تقصد الكانون ...

بحثت عنها وشفت نتايجها وحلوة والله ... قريبة من الـ 55-250 ...

باتصل على الحارثي وبأشوف وش إللي الله يكتبه ..

[رعد تميم]

بلغنا وش يصير عليك

[أبو حنشل]

الله يعطيكم العافية جميعا ...

الديار طلبت اهلها ...

والجامعة تدورنا ...


لي عودة بعد الاختبارات إن شاء الله ...




دعواتكم ...

[حبل الوريد]

الله يوفقنا وياكـ
ونصفق المعدلات فوووق ^_^