ياهل الطيور تكفون

[ابو مسفر]

سلام عليكم ورحمة الله وبركاته

كيفكم يالنشاما ابي فزعتكم

انا عندي شيهانه مريضه واعراض المرض على قد خبرتي انها ديدان

وابي علاج سريع المفعول بعد الله الطيره ما تعلف زي ما انا خابر والطير مرره ما فيه

حيل يتحرك وعيونه مخمله مو زين والمرض له كم يوم ما فكها ابي علاج سريع المفعول

تكفون يالنشاما

وسلامتكم

[جلاد الحباري]

حيالله ابو مسفر اذا كانت نسبة الدود قوية لابد من حل اخير وهو الابرة لانها فعالة في فترة وجيزة وراح تلاحظ محوط (المرش) يظهر منه دود عقب الابرة وترى الحبوب راح يكون مفعولها ضعيف والابرة تعطى للشاهين وهي صايمه يعني قبل مثل العلف وقبل كل شي لابد توديها لمستشفى الامير سلطان وهو راح يعالجها لك يمكن يكون فيه مشكلة ثانية وانت ماتعلم عنها والشاهين مثل القزازة ادنى ما اوجعها

[ابو مسفر]

الله يعطيك العافيه اخوي الغالي جلاد الحبارى

بيض الله وجهك على هذا المعلومات لك ودي وتقدير يالغالي

[قنيص غير]

الله يشفيه

[حمد العذبي]

سلام عليكم ورحمة الله وبركاته

كيفكم يالنشاما ابي فزعتكم

انا عندي شيهانه مريضه واعراض المرض على قد خبرتي انها ديدان

وابي علاج سريع المفعول بعد الله الطيره ما تعلف زي ما انا خابر والطير مرره ما فيه

حيل يتحرك وعيونه مخمله مو زين والمرض له كم يوم ما فكها ابي علاج سريع المفعول

تكفون يالنشاما

وسلامتكم

إذا طيرك غالي وده لمستشفى يعمل له تحليل ويعطيه العلاج المناسب
هنا الكل بيعمل نفسه ابو العريف ويعطيك عشرين وصفه!!
للامانه يا اخوان المفترض نهتم في هالطيور الي مالها حيل ولا قوه وكل من هب ودب شراء طير وقام يعلفه على مزاجه ويخليه في العراء في هالمربعانيه لين يصاب بجميع الامراض من التهابات واجميع انواع الديدان!!

[ابو مسفر]

بيض الله وجهك يااخوي على هذه المعلومه الثمينه لك كل التقدير

[قرناس شاهين]

إذا طيرك غالي وده لمستشفى يعمل له تحليل ويعطيه العلاج المناسب
هنا الكل بيعمل نفسه ابو العريف ويعطيك عشرين وصفه!!
للامانه يا اخوان المفترض نهتم في هالطيور الي مالها حيل ولا قوه وكل من هب ودب شراء طير وقام يعلفه على مزاجه ويخليه في العراء في هالمربعانيه لين يصاب بجميع الامراض من التهابات واجميع انواع الديدان!!

فعلن كلامك صحيح
وهذا المشكله الي انعاني منها ورتفاع لسعار
ياخوي عط طيرك نباته

[ابوسمرى]

اذا كنت بالرياض ودها للعويدي وان شاء الله ما قدامك الا العافيه...

[ج برني الوقت]

الله يشفيها
والله كان عندي وحده قبل اسابيع وجاها ديدان وتساهلت في حالتها وماتت فعجل بعلاجها ..