المساعد الشخصي الرقمي

مشاهدة النسخة كاملة : 'اين محلات بيع القطايف القديمه التي تنحط في المشبات


ابو نواف 555
15/01/2011, 10:52 PM
من يعرف محل يبيع لقطايف القديمه الي تجي متر في 3 تنحط بلمشبات
الي يعرف لايبخل علينا جزاه لله خير
حنيني
15/01/2011, 10:59 PM
سوق الزل بالرياض
ابوعزام
15/01/2011, 11:02 PM
انا اشوفها هالايام في الجنادرية قبل ما تاصل ( مهرجان الجنادرية )

فيه ناس تبسط على يمين وانت رايح شمال بعد الكباري
الطرشي
16/01/2011, 01:31 AM
الاخوان ماقصروا وانا بقدم لكـ نصيحة
(سوق المفروشات اللي في الغالة - أو كما تسمى الفيصلية جنوب شارع الامير سلمان )
مستودعات كبيرة ومخصصة للمفروشات والموكيت وجميع أثاث المنزل وميزتها توفر جميع الموديلات اشكال والوان والسعر مناسب جداً , لان من وجهة نظري سوق الزل كويس وجودة عالية بس السعر فووووق وغالي جداً مخصص للطبقة المخملية وبسطات الجنادرية والخطوط السريعة رخيصة بس الجودة سيئة ’ فلذلك ارشح الغالة لانها الانسب من وجهة نظري .
وصف السوق :
طريق الامير سلمان من ناحية السلي بأتجاه البطحاء ثاني اشارة أو ثالث اشارة مدري بالظبط الزبدة بعد الاشارة االي عندها سواقين التريلات خش يسار مع شارع ضيق وفي النهاية يتوسع وتشوووف الدينات وسيارات الجملة تشيل , وله وصف آخر واحسن واسهل مع الدايري الجنوبي للقادم من مخرج 18 بأتجاه الغرب جهة مصنع الاسمنت يجيبك قهوة ابو هيثم على الخط باليمين ادخل قبل القهوة يمين (( سيدين )) يجيك حرف T عند مقهى ثاني نسيت اسمه خذ يسار وامش بعد 200 متر ويجيك الشارع باليمين تشوف المستودعات وفي بدايته من جنوب مسجد . وفالكـ القطايف :good2:
البرميوس
16/01/2011, 02:19 AM
مثل ماقال اخوي الطرشي وابعد عن سوق الزل غلاويه
انتماء عربي
16/01/2011, 06:21 AM
السلام عليكم
عزيزي انا شايفها عند برق الحيا بالرياض
ابو نواف 555
17/01/2011, 12:50 AM
الله يعطيكم العافيه جميعا وفقكم الله