عزبتي قربتها وجبت السلاح ( قصيدة )

[عاشق الجبل]

السلام عليكم ورحمة الله وبركاته



مناسبة هذه القصيدة مقناص قنصناه أنا ورجال ٍ شرواكم ( 4 أشخاص فقط )


يعني محفوفه وهذا الزين .. خاصة في مقانيص الجبل التي تحتاج لركاده وهدوء .



ياحلو قنص ٍ عقب وقت السماح
بـــــعد مــاكل ٍتعنــــــى وأجتـــهد

* * *

عزبتـــي قربـــها وجبت السلاح
وعلمي بصدري ولا يـــدري أحد

* * *

مـع رجـال ٍعلمهم كلـه صــــلاح
بـيـنـهم حطـوا مواثيــــــق وعهد

* * *

المسيــرة شيـخها هذا فـــــــلاح
والأمـــــارة قـدها يبــــــــوحـمـد

* * *

وخالد اللي شوفته فيـها انشراح
يـنـجلي هـم ٍ في قلبــــــــــي ركــد

* * *

وعند أبـن مطلق كل الطيـب طاح
لو صغر جسمه تـــرى أسمه فهد

* * *

قد نوينا نجتمع قبـــــــــل المـراح
أربعة ولا خامس ٍ معنــــــا شـهد

* * *

لديـــرة ٍ من زينها تبــرى الجراح
يـــاعسي ربـــــي يقرب بــــالوعد

* * *

بليـلة غدرا تحرى للصبـــــــــــاح
ثـــم تـنصى الموابـــــــــر والقهـد

* * *

والوبر تسمع صفيره يـــوم صاح
ثـــم أجحر مــــن تحت ذاك اللـهد

* * *

ونصفق الثــــاني ليــن الدم ساح
جعل من صاده حيـــــــاته للســعد

* * *

والأرانب فالشغايـــا والـبــــــراح
بيــــــن ضلعان ٍ بـــــها محد ٍ قعد

* * *

ديــــــــرة ٍ عذروبها ناس ٍ شــفاح
لسنــــة المصطفــــى كـلـن جـحــد


17 / 10 / 1420هـ

[الهيل]

صح لسانك ياعاشق الجبل

[هبوب]

والله ياليتني معكم شوقتنا القصيده فعلا رجال اوفيا وهلابك عزيز وغالي

[العزوم]

وعليكم السلام

صح لسانك
اثرك تحب الجبل من زمان :D

[دله وفنجال]

السلام عليكم...
صح السانك يابو منصور على هلقصيدة ماقصرت يابعد حيي ...
لاكن هديرة وين الي جاحدة السنه ياكافي...

[عاشق الجبل]

صح بدنك أخوي الهيـــل



القادمات أكثر وحياك الله يالغالي هبوب




العشق قديـــم أخوي العزوم ..... وصح بدنك :)




صح بدنك يادله وفنجال ..... والديرة جنوب

[المطلق]

صح ألسانك يا عاشق الجبل

بس وين صور الرحلة ما عرظتها لنا في خيمة الصيد البري

ترى مثل هذا المقناص مفروض إنه يشوفه الجميع تدري ليش لأنك أنت اللي راحت تقنص فيه

يعطيك العافية وما قصرت ونحتري عرض المقناص في خيمة الصيد البري 0 تقبل الله منا ومنكم صالح الأعمال

[فلاجكو]

صح لسانك وماقصرت وينطيك العافيه .............

[عاشق الجبل]

الأخ : المطلق ......... صح بدنك يالغالي

وكلامك في محله بما يتعلق بتوثيق المقناص بالصور ولكن ماصرت أصور إلا قبل 4 سنوات تقريبآ ... وأبشر بالعوض :)




الأخ : فلاجكو ..... صح بدنك .... وشاكرآ لك مرورك

[الشاص]

صح لسانك يالغالي

وبنتظر جديدك

[الحضري]

عاشق الجبل ..


حياك يا بعدي .. من يوم قريت توقيعك ( عطني ألو ) وانا والله متأكد أنك شاعر متمكن أو ناقد محترف ،حتى لو أن التوقيع ماهوب لك لكن معناه شيء عجيب ..



صح لسانك ولاهنت ياعاشق وننتظر المزيد



في حفظ الله

[عاشق الجبل]

صح بدنك أخوي شاص


الأخ الغالي المشرف : الحضري ...... أخوك يتعبث بالشعر ..... وعسى الله يقدرني على اللي يعجبكم

[البرحه]

سلام عليكم

صح لسانك ولسان من قال

ولاهنت

[عاشق الجبل]

صح بدنك يالغالي

[طلحة]

ماشاء الله تبارك الله
كل يوم أكتشف فيك شيء جديد قناص درجة أولى ثم خبير سيارات والحين شاعر تحط المتنبي في جيبك
ما أقول إلا الله يهنيك ويزيدك من فضله

[عاشق الجبل]

لاهنت أخوي طلحة .... أخجلتني بطيب مديحك ...... وكلها تصب في خدمتكم وخدمة هذا الموقع الشامخ .

[الشمطري]

صح لســـــــــــــــــانك يا عاشق الجبــــل

قصيـــــد أكثر من رائع

[عاشق الجبل]

تسلم يالغالي وصح بدنك

[راعي المواجيب]

ماشاء الله تبارك الله.
صح لسانك ولسان

[ابو طنب]

اللهم صلي على محمد

صح لسانك يا عاشق

وبانتظار جديدك

اخوك ابوطنب

[الحربي سامي]

انا خوي الليل والذيب اخاويه ******* أليا ماحسبت دربها مع خطرهـــا
امشي ضلام الليل وقصر خطاويه******هــذي حـياتي ثم هذا قــدرهــــــا
ماكل رجال ينشد الضهر فيه********وماكل من يسكن ديار(ن) عمرها
إلى اخر القصيده لا كن من قائل هذي القصيده وشكررا

[عاشق الجبل]

لاهنت ياراعي المواجيب ..... وصح بدنك


تسلم أخوي أبوطنب


الأخ : الحربي سامي ...... لايحضرني أسم الشاعر

[هاوي النفود]

بسم الله الرحمن الرحيم
عاشق الجبل

صح السانك ولا هنت يابعدي على القصيدة الرائعة



اخوك / ابو متعب

[عاشق الجبل]

تسلم وتدوم أخوي : هاوي النفود

[النداوي HZ2AF]

صح السانك يا عاشق الجبل

[عاشق الجبل]

صح بدنك يالنداوي Hz2af ........ ولاتهون

[فارس الآمارات]

صح لسانك يا الشاعر

[عاشق الجبل]

صح بدنك .... يافارس الأمارات

[صاروخ]

صح لسانك على هذا الوصف الجيل والدقيق للرحله

[FreeMan4700]

صح لسانك أخوي عاشق الجبل

[عاشق الجبل]

صح بدنك أخوي : صاروخ



صح بدنك أخوي : FreeMan4700

[صوح الجبل]

يســـــــلام ..... يســـــلام ( والوبر تسمع صفيره يوم طاح = ثم اجحر من تحت ذاك اللهد ) صج لسانك ياعاشق الجبل قصيده جميله جمعة علوم المراجل بأهلها .. مشكور مشكور ولك تحياتي واشواقي

[عاشق الجبل]

لاهنت أخوي صوح الجبل ( ومنكم نستفيد )

[نقا هشال]

صح لسانك مليون ياغالي

[ABU-AL-3eeS]

الله الله!

صح لسانك وبيض الله وجهك

وعند أبـن مطلق كل الطيـب طاح
لو صغر جسمه تـــرى أسمه فهد :good:

[عاشق الجبل]

صح بدنك أخوي نقا هشال



صح بدنك يالغالي عاطل ...... والرجال بأفعالها ماهو بأجسامها :)

[عاشق الصيد عا]

صح لسانك ياكحيلان اخوك / عاشق الصيد (ابو حمد )

[كيف]

مـــــاشــــــــاء الله ..
يعطيكـ العافيه أخوي,,,