مشاهدة النسخة كاملة : تاهو 2005 z71 وبعض الاستفسارات ..
بسم الله الرحمن الرحيم ..
السلام عليكم ورحمة الله وبركاته ..
الله يسعد أوقاتكم بكل خير ..
أولا : أشكر كل الأخوان القائمين بهذا المجهود الرائع وهذه الأخوة الطيبة ..
وجعل كل ما تقومون به في موازين أعمالكم ..
ثانيا : عندي بعض الاستفسارات بخصوص سيارتي أتمنى منكم التفاعل والمشاركة ودمتم بخير .
سيارتي ( تاهو ) 2005 z71 :
ما هو أفضل زيت للمحرك ؟ ومتى تغير الزيت .
ما هو أفضل كفر ومقاسه ؟
كيف أشغل النفقيشن ( جهاز الملاحة ) حق بلاده ؟ ووين أحصل ال CD
عندي الأزارير اللي بالدركسون بعضها ما يشتغل أضائتها مع الانوار ؟
عندي مشكلة ( يجب اصلاح كيس الهواء) يطلع كل ما أشغل السيارة .
زيت الدفرنس متى أغيرة ؟
no fear 78
19/01/2011, 08:24 AM
هل اخوي
الزيت اسي دلكو
خمسة آلاف كيلو
على حسب الجنط /دنلوب
جرب دار الموجه يمكن عندهم الحل لأنهم وكلاء الجارمن
فك الأزره من الدركسيون و بدل اللمبات الي داخل
كيس الهواء روح حق الوكله او افصل صبع البطارية عطه 10 ثواني او ركبه
زيت الدفرنش كل 100 الف كيلو اذا شفته في رغاوي او من لزج بدله
عساني ان كفيت و وفيت بالتوفيق
ملك الصيانه
19/01/2011, 11:43 AM
السلام عليكم ..
بالنسبه للزيت يعتمد كم ماشي موترك !! اقل من 200 الف ركب زيت كاسترول 10 30 الخفيف. اذا اكثر من 200 الف ركب قلف سوبر جي تي 20 50 الثقيل .
افضل كفر لموترك عن تجربه شخصيه اذا كان جنطك 16 ركب دنلوب (( وارد بن زقر )) مقاس 275 , 70 ,16
انتبه وانا اخوك للتاريخ حق الكفر وانتبه للتركشن والتمبرتشر لازم كلهن يكونون AA او A وانتبه لرمز السرعه القصوى للكفر واذا ركبت حافظ على الهوى بصوره دوريه مستمره وترى التوفيق بيد الله ..
النفيقيشن والله ما اعرف له شوف دار موجه تراهم جيدين..
لا تهتم وانا اخوك للمبات ما دام الازرار شغاله . وان كانك مره معزم رح ركب لمبات لكن ما انصحك .
ان كان الموتر تعرض لحادث سابق لا سمح الله فـطبيعي يقول لك يجب اصلاح كيس الهواء . ان كانه ما تعرض ان شاء الله لحادث فأفصل اصبح البطاريه مده طويله ثم اشبكها . وممكن تحتاج فحص كمبيوتر للتأكد فقط ( ممكن الحساس خربان )) . ولا روح الوكاله وقول لهم يشيكون .
زيت الدفرنس المفروض كل 100 الف . لكن عند من راح تغيره !!! والله اعلم.
تناهيت
19/01/2011, 02:13 PM
هلا بك اخوي
الزيت الأفضل لمحركات الجموس هو سوبر جي تي 10 على 30 والكاسترول جيد
وكل 7000 غيره مع السيفون افضل
الكفرات الأفضل ميشلان الاسباني وعيبها انها قاسيه لاكنها تخدم طويلاً ومواصفتها ممتازة وعندك الهانكوك اخف والين وانت وميزانيتك
وفيه البيررررررلي بطل
الأنوار ليتك توضح نوع الازرار المتعطله بالضبط ....شيك علبه الفيوز في الكبوت
الدفرنش لا تغير زيته ابد ابد خله على فاله وشيك العيار اذا ناقص زده فقط
المهم وما ذكرته هو زيت القير
المفروض تغيره كل 40000 كيلو مع الفلتر
تحياتي
بدوي جنوبي
20/01/2011, 12:24 AM
ال Z71 الكفر الموصى فيه من المصنع اسمه كوبر
صناعه امريكيه ممتاز على السياره المزودة بدبل
http://www.chevroletpic.com/chevrolet/car/pictures/2010/04/0701or-00-z-2b2006-chevrolet-z71-tahoe-4x4-2bfront-view1.jpg
هذا مقاس الكفر
http://photos.ecarlist.com/Ek/zD/5D/l9/tH/yK/ES/8v/Yt/iJ/CQ_800.jpg
زيت المكينه انواع كثير
لكن يفضل يكون من شركة بترومين
اشتر السيفون الاصلي من الوكاله فقط لا تشتري من المحلات
زيت الدفرنس الامامى والخلفى احذر احذر تغيره تزويد فقط
زيت الدبل عيار 10 لونه احمر هو نفس حق القير تزويد فقط .
ازرار الدركسون اذا تعرف تطلع الزر للخارج ممكن تغير الانوار الدالخيه اكيد محترقه
كيس الهواء يقصد بالايرباق ،، ممكن يحتاج صيانه لدى الوكل .
سيارتك حلوة ما شاء الله انا جربتها مثلها لكن بعتها بعد سنه تقريبا
والله انى تحسفت عليها
وهذي صورتها
http://www.mekshat.com/pix/upload02/images77/mk32037_48.jpg
لا تفرط فيها وحافظ عليها
سياره قويه جداااا ومخصصه للاوف رود واقتصاديه في البنزين
هذا ما يتميز به ال Z71
من اضافات
http://www.mekshat.com/vb/../pix/upload02/images77/mk32037_tahoe_500_blowout.jpg
واى سؤال عنها انا حاضر
بالتوفيق
عشاق z71
29/03/2011, 12:51 PM
السلام عليكم ممكن تقول لى كيف طريقه تشغيل الجارمن فى التاهو اذا تكرمت
بيض الله وجيهكم , وجزاكم الله خير
ماقصرتوا
الرحال الجديد
24/12/2011, 06:12 AM
اخواني انا حصلت زيها 2006 الكفر سته مسمار طويلة سوبر هل تنصحوني بشرائها وهل هي افضل او السوبربان العادي .. والله يعطيكم العافيه
بدوي جنوبي
24/12/2011, 01:47 PM
أذا رغبتك في الطويل اللى هو السوبر أكيد أفضل من السوبر العادي من حيث المواصفات اللى ذكرتها
أعلاه .... أفحص السيارة مضبوط أذا كل شيئ تمام أتوكل على الله
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir