المساعد الشخصي الرقمي

مشاهدة النسخة كاملة : فزعتكم يالربع في مشاكل يوكن 2005


دنياي اتعبتني
16/01/2011, 01:06 PM
السلام عليكم ورحمة الله وبركاته
يالربع عندي يوكن امريكي موديل 2005 وهذي مشاكله ان شاء الله انها بسيطه ولكن ودي اعرف حلها
1- عند تشغيل السياره بالنهار كانت تولع الاصطبات فقط وبالليل تولع الانوار والحين بالنهار والليل تولع الانوار مادري وش السبب (انا اعرف انها اوتو ) ولكن الي ابغاه ان ترجع تولع لمبة الاصطبات فقط في النهار
2-عندي لمبة الايرباق تولع ورساله في الطبلون يجب اصلاح كيس الهواء
3- ابغى اعرف وياليت بالصور الحساس الي يخرب حق الدبل لان الدبل يشتغل مره وبعض المرات تطفي جميع الانوار حقته اطفي الموتر وانزل واطق على العلبه البلاستيكيه الي بالقير واشغل ويشتغل معاي ورحت لقطع الغيار قالي له ثلاث حساسات وانا ماعرف اي واحد فيهم والي عنده خبر يفيدنا
4-بعض الاحيان تطلع لي انخفاض طاقة المحرك وهذي لاستخدمة النور العالي فقط بس تحصل بعض الاحيان واذا صارت صفطت الموتر وطفيته وشغلته وتضبط اموره
5- كم رقم البواجي البديل للايسي ديلو انا ابغى اركب ngk ولكن ماعرف رقمها كم ؟؟
m-c10
16/01/2011, 06:02 PM
اخى السلام عليكم ورحمة الله وبركاته اعانك الله ويسر أمرك انا ليس عندى جواب لكن أريد ان أقترح عليك أن تكتب هذه الإستفسارات تحت هذا الرابط المرفق لان فيه جهابذه ومهندسين سوف يردون عليك ويوضحون لك الحل
http://mekshat.com/vb/showthread.php?t=171953
واحب ان أقول لك يلزم عليك كشف كمبيوتر لكى يحدد لك بعض الأشياء العطلانه وخاصه في الفقره 4،3،2 الفقره الثانية حصلت معي وطلع السبب بعد الكشف في الحسسات الأمامية التى بالصدام غيرتها من التشليح وضبط بعد ذلك بحدود مئة ريال للواحد
وعذرا على التقصير هذا مالدى وتقبل مرورى وشكرا لكم
دنياي اتعبتني
16/01/2011, 10:41 PM
بيض الله وجهك يالغالي
ابوعقل
17/01/2011, 07:51 AM
وعليكم السلام

1- انت حاط فرشه على الطبلون؟؟

2- اذا السياره سليمه من الحوادث هذا الحساس خربان

3-هذا اللي دايم يخرب ((بس لازم تفحص كمبيوتر))

http://www.gmctruckclub.com/up/files/8.jpg (http://www.gmctruckclub.com/up/index.php?action=viewfile&id=8)

4- يفيدونك الأخوان

5- يفيدونك اهل التعديل والخبره
دنياي اتعبتني
17/01/2011, 07:56 AM
وعليكم السلام

1- انت حاط فرشه على الطبلون؟؟
الله الله فيه فرش على الطبلون :(

2- اذا السياره سليمه من الحوادث هذا الحساس خربان
كان شغال وفحصت كمبيوتر وقالي الحساس الي من جهة السواق عطلان او مفصول على العلم انه كان شغال بس فجأه صار كذا

3-هذا اللي دايم يخرب ((بس لازم تفحص كمبيوتر))

http://www.gmctruckclub.com/up/files/8.jpg (http://www.gmctruckclub.com/up/index.php?action=viewfile&id=8)

فحصت كمبيوتر ولا طلع لي شي ؟؟؟؟
4- يفيدونك الأخوان

5- يفيدونك اهل التعديل والخبره

بيض الله وجهك يابو عقل عز الله انك افدتني ومامن قصور من الاخوان وجزاكم الله خير
معشوقي الصمان
18/01/2011, 12:49 AM
أخوي أفحص كمبيوتر افضل لك علشان يبين لك ان كان فيه مشكلة