وش افضل دجاج ؟ وافضل بهارات ؟

[خالد القبيلي]

السلام عليكم ورحمة الله وبركاته

أنا بصراحة دايم اخذ وطنية ولا الفروج الذهبي بس اكره اليا شفت العظم اسود من داخل؟

وشو افضل نوع دجاج برأيكم؟ وهل صحيح دجاج دو بدون هرمونات؟ ابي رأيكم لا هنتوا؟؟

بالنسبة للبهارات : البهارات عندي بالبيت مخلصة؟ وشو افضل محل يبيع بهارات بالرياض؟ وهل فيه مسمى لهذه الخلطة؟

وشكراً

[وردة النفل]

افضل نوع دجاج هادكو لذيذه وعظمها مو اسود
وافضل بهارات بهار مهران نظيفه ولذيذه وهذي صوره لها
http://up.lm3a.net/uploads/aaffa054a5.jpg
اتمنى افدتك:)

[بن حاضر]

الدجاج اللي نستخدمه الفروج الذهبي .. ولا فيه دجاج ماهو عظمه اسود مستحيل يالغالي .. ممكن تحصل اقل سواد لكن معدوم السواد مستحيل ..
اما دجاج دو ابعد عنه كان في الاول ممتاز بس حاليا مهوب زين مررررره ..
اما البهارات عندك محلات بهارات كثيره .. عند البهار اللي في غرب الرياض على طريق المدينة جوار مكتبة العبيكان وعندك بن منقاش عندهم بهارات منوعه واشكال وانواع ..
والافضل بهارات البيت .. بالنسبة للمهران حلوه مثل ماذكرت اختي وردة النفل لكن ماهي الافضل فيه افضل منها بكثير بس انا ماحبيتها لانها تشرق وتجيب لي بلى في بطني مدري وشو ..

[قناص خلاوي]

دجاج هادكو هو نفسه الوطنية للراجحي :)
افضل دجاج بلا منازع رضوى لكن انقطع خلاص
وفيه دجاج انتاج غويلي لكنه ممتاز ونظيف
أما البهارات فمحلات العطارة ماخلوا شي عندهم انواع الخلطات أفضل من البهارات المعلبة.

[تبوكي 2000]

فقيه مبرد ووووووووووووبس:good2:

[ابو ابراهيم..]

دجاج رضوى صح سعره مضاعف بس يستاااااهل... الدجاجه بيضاااااااء

جررربه وماراح تندم (:

[مغرم بالفتك]

تيس وهرفي هذ احسن شيء
اما البهارات رح للعطار

[ياعين ابوي]

وعليكم السلآم ورحمة الله


حيآك الله أخوي الفاضل ..


بالنسبه لي جربت أنوآع كثيره من الدجاج .. أفضلها حتى الآن ( الوشم ) .. نظيف وأبيض << ولآيمكن أتخلى عنه :) ,,,,, الفروج الذهبي له زفره حتى بعد الطبخ << الله يكرم النعمه ماحبيته أبد أبد :f


إنتاج بعد جربته < مايتنظف زين بعد الذبح يعني تنظيفه أي كلام يجيك فيه ريش وأحشاء :mad:


الأخوين < مافيه لحم أبد كله عظااام :mad:


الوطنيه < مارتحت له ..


المستورد بـ أنوآعه < ماحبيته ;)


والحين فيه شركه جديده نزلت السوق وبجربهآ ان الله أراد ..<< تتبع لشركة المراعي اسمها اليوم أو هيك شيء ..


بالنسبه للبهارات لا تروح للعطارين أبد أبد << بهاراتهم قديييييييمه وتاريخها بالغالب منتهي :p


الآ عطآره وحده أنصحك نصيحه من أخت مجربه انك تشتري منها (( عطآرة بن منقآش )) ... بهآرآتي منهم والحمدلله مرتاحه لهم جدآ .. نظآفه وسنع وتعبئه حلوه :) ))


جربت منهم ( بهآرآت القصيم :good2: ومسمنة القصيم :good2: والكركم .. والكزبره المطحونه .. والقرفه .. وبهآرآت الشربه .. والزنجبيل . والليمون الأسود .. وعندهم جميع أنوآع البهآرآت كلها طازجه وتستاهل من يدفع فيهآ .

إن شاء الله أكون أفدتك ..

[خالد القبيلي]

وردة النفل


بن حاضر


قناص خلاوي


تبوكي 2000


ابو ابراهيم..


مغرم بالفتك


ياعين ابوي


الله يعطيكم العافية ويخليكم لعين ترجيكم مشكورين عالمعلومات القيمة


بالنسبة للدجاج اذكر مرة جربت الوشم بس عادي.... وش رايكم بالوطنية ؟؟؟


بالنسبة لمهران أحس أن فيه حلبة ... صح اهي مفيدة بس ماداني ريحتها وان شاء الله اروح للمنقاش


( الوالدة الله يحفظها اذكر قبل حوالي 15سنة كنت أروح انا وياها لحلة القصمان وتتنقى البهارات وتطحنهم وتطلع شي ....بس اللحين ماصارات تطلع من البيت)


تحياتي لكم


ابوسعود

[أحلام رابح]

حسب تجربتي المتواضعه افضل دجاج ساديه وافضل بهارات اسناد

[ذهب صافي]

دجاج فقيه مبرد بلا منازع سمين ونظيف وأبيض

والبهارات عند العطارين بهارات الخرمة أفضل بهرات للطبخ

[محب الشبه]

التنميه مبرد ممتاز البهارات كل واحد واختياره

[راعي 97]

السلام عليكم ورحمه الله وبركاته
ماشاء الله ماقصرو اخواني واخواتي كفو ووفو الله يعطيهم العافيه
وبنسبه لي دجاج الوشم ممتاز والمحارب ايضاَ ممتاز ..... والبهارات افضل شيء جربته البحرينيه (شويطر)
بصدفه نقص على البهارات وكنت في البحرين ورحت عطاره في البحرين وقابلت عجيز حبيبه سالتني انت تدور
بزار(يعني بهارات) زينه قلت ..ايه والله قالت خذ هذا مكتوب عليه بزاربحريني من شويطر
ماشاء الله بهارات طيبه بالحيل ورحت مرثانيه وشريت زود والله تستاهل المشوار
والله يوفق الجميع
وتقبل مروري

[ALNO4U]

البهارات عندكم بهارات اسناد وبس وجربوها ماتندمون
http://content.logta.com/a2e326ad-0046-4745-9910-12bb87a447fe.jpg

الدجاج
http://www.talabia.com/Thumb.aspx?Width=369&Height=233&filename=/DataFiles/Radwa%20CHK.jpgوالله يوفق الجميع

[عزوز الحجازي]

الاول رضوى لها طعم
والثانيه دجاج فقيه
والثالثة اليوم
غير كذا لا تدور

رضوى رجعت للسوق بكل الانواع دجاجة كاملة او صدور او افخاذ

[الحربي حاتم]

الوطنية نحسب إنها عضويه تعليف وبدون هرمونات !!!. فليش البعض يسبها هل عليها ملاحظات نرجو الإفادة ؟