رائحة كربووون قوية في الباترول 2005 أفيدوني مأجورين

[المخلفي]

اسعد الله اوقاتكم بكل خير


بالربع زي مافي العنوان عندي ريحة كربون عجيبه وتخنق ما ادري وش المشكله ؟


ياليت من عنده خبر يفيدني ومشكورين مقدما

[واثق الخطوه-]

انا مثلك معي فتك 2009 كان عندي ريحه اول مااشغل السياره الصبح وكنت اعبي 91 وغيرته 95 وقلت الريحه

[المخلفي]

هلا وغلا اخوي واثق الخطوة

أنا اعبي 95 ومن صارت معي غيرت 91 وهو الموصى فيه بالكاتلوج

بس ما زالت الرائحة موووجوده


تتوقع البواجي لها دخل

[واثق الخطوه-]

لا مالها دخل

طيب يمكن انك شايل دبة التلوث علماً بأن موتري فاكه وكاله بس يطلع فيه ريحه تكتم خصوصاً الصبح اذا كان الموتر بارد
ونصيحه ارجع لبنزين 95 ترا 91 يدمر الموتر والوكاله صح قايلين 91 بس عندنا في السعوديه 91 مويه ههههه

[المخلفي]

طيب كيف اعرف الدبه موجوده او لا

والريحه اللي تطلع بموتري كل الأوقات مو بس الفجر


المعذرة

[واثق الخطوه-]

والله ماعندي خلفيه عن الدبه بس اتوقع السبب منها لأنك تقول الريحه كل الاوقات
جرب اجلده على خط سريع يمكن يصفي

[المخلفي]

ههههههههههه ماورا جلدته الامارات

ما اتوقع ناقصه جلد لأكن اتوقع زي ماقلت من الدبه

لأني اخر ماوصلت فيه سرعه 170 ويبدا يتردا العزم تقول تجية كتمه

للمعلوميه للسرعه الي مشيتها للتجريب فقط لاتقولون متهور

[واثق الخطوه-]

شف يالذيب الرابط يمكن يفيدك

http://www.mekshat.com/vb/showthread.php?t=158333

[مصطفى2011]

اريد انصحك بحاجتين مافي مهرب منهم
1-صوفة المكينة او الجاسكت فيها تهريب زيت او السيارة تحرق زيت
2- حساس الهواء يتنظف او يتغير كحل ثاني
يعني الوضوع مرتبط بعملية الاحتراق في المحرك وانشالله اكون ساعدتك

[المخلفي]

الله يعطيكم الف عافيه

[المخلفي]

اخوي مصطفى حساس الهواء مغيرة قبل فترة

[مصطفى2011]

طيب في تهريب زيت او حرارة مرتفعة

[المخلفي]

لا مافي تهريب الا زيت الدبل وتهريب لا يذكر


وبالنسبة لحرارة احس المكينه حااااااارة الا ان العداد ما تعدا الربع

[ال حمزه]

تأكد من تهريب زيت الماكينة من فوق(حصلت معي, ريحة سيئة وتجيب الغثيان فكانت تهريب زيت من الماكينة من فوق وغيرت الوجه وبعدها 100%)
وتأكد من الكنداسة من الكزوز إلى اخرها

الله يسهل امرك

[عاشق الغضا]

اذا كنت شائل الشخالات دبت البيئة فهو منها

[العمده 0ون0]

اسعد الله وقتك بكل خير اخوي
ابدأ بالامور البسيطه هاذي
1- البواجي لها دخل ونص اذا كانت تعبانه ماتحترق البنزين تمام ويسبب ريحة الكربون
2-نظف فلتر الهواء او غيره اذا كان تعبان بالحيل نظف اللهاث (الثروتل)
3-غير فلتر البنزين اذا مبطي ماتغير يسبب كتمة للسيارة
4-الهواية الداخليه حق المكيف خلها وضع التدوير الداخلي
5- دبه التلوث اذا موجوده انصحك لا تشيلها و اذا مو موجودة ركبها اذا حرارة السيارة طبيعيه 0
وسلامتك0

[الثويرات]

عادي ياعمي

يعني وش تبي الريحه تصير يعني فول مثلاً او عدس .

الريحه تجي من احتراق الوقود واكيد ريحته شينه.

انت لاتبحث عن سبب الرائحه بل ابحث عن كيف تدخل الريحه الى داخل الغماره

[المخلفي]

اشكر كل من مر على الموضوع


الريحة ماتدخل داخل السيارة اقصد اذا كنت مشغل ومريت من ورا السيارة تبان ريحه الكربون

بالنسبه للقزوز مغيرهن

وتهريب والله الحمد مابه تهريب

لكن البواجي من زماااان ماغيرتهن

والله يعطيكم العافية

[عاشق 2المقناص]

السلام عليكم .. وبعد

لاتغير في الموتر شي الموتر مافيه شي ..
انا مطلع من الوكاله باترول 2007وباترول 2009
كلها نفس الريحه ...

بالعربي انا في وكاله نيسان ..وافهم ;)

واي شي انا حااااضر ع الخاص

[R7AL_2010]

السلام عليكم
اخوي واثق عندي اخوي موترك وكان عندي نفس الريحة
وقبل اسبوعين سافرت وعبيت بالسعودية 95 ولما رجعت راحت الريحة والى الحين مامن ريحة صار طبيعي
ولله الحمد"

[المخلفي]

عاشق المقناص

طيب وش تنصح به

والشي الي يستوجب تغيير

كويس عرفنا واحد بنيسان ;);););););)



اخوي رحال

أنا جأت معي المشكله وانا كنت اعبي 95
غيرت صرت اعبي 91
ومازالت


الف شكر ع النصائح يامكشاتيه هذي عوايدكم

[الثويرات]

عادي كل الفتكات بهن ريحه لايضيق صدرك.

[عاشق 2المقناص]

لا تسووووي شي وهااااذي النصيحه.....

عاشق 2القناص

[كديان]

خذ ببالك ترا بواجي بلده اصلية و تمشي فوق ال200الف
و اذا بغيت تركب بواجي ركب بواجي بلاتينيوم اعتقد ب200 ريال وكسور
اهم شي تنيظف فلتر الهواء باستمرار
لو سكر الفلتر او تسدد يكب بنزين زائد على حساب الهواء الناقص
قد يكون الخلل لخبطة في منظم الهواء
او مشكلة بحساس الاوكسجين
او تحتاج وزن و توقيت الديلكو مضبوط

[المخلفي]

كديان

الله يعطيك العافيه ولاهنت يالذيب

[نايف2001]

انا كنت معي نفس المشكله بعد فتره سويت تنظف بخاخات خفت الروائح بشكل ملحوظ

[أحمد محمد1429]

السلام عليكم لاتسوي شئ في السياره ولاتتعبث بها اللي عليك تسويه أوزن مسمار الهواء اللي يزيد وينقص كمية الكربون

[majeds]

شباب كل راعيين الباترولات عندهم هذي الريحه وخصوصا الجديد انصحكم تتركون السياره مثل ماهي او سؤال احد ركب دبه يوكن احتمال يكون الفلاتر الي داخل الدبه الاخيره او الوسطى ( شدل البلد) فيها خلل او نوعيه سيئة لو تلاحظون الدبه الاخيره بعد فتره بسيطه جدا يقلب لونها لون صدا خفيف مابالك من الداخل.

افتكر كان فيه ريحه كربون سيئة جدا من تويوتا افالون ولقيت كذا واحد يشتكي في الشركه موديل 2005+ وبعد الفحص طلع من العازل الي فوق الدبات الاخيره اول مايسخن يطلع الريحه مزعجه.