سؤال عن تنفس الطير

[الهدهد]

السلام عليكم ورحمة الله وبركاته
اخواني سؤال بسيط عندي شيهانه بحريه اذا حطيتها على الوكر تفح وتنفسها سريع كانها توها طارده صيده لكن ليس نهيتا لان فقط صدرها يرتفع وفمها مفتوح وذنبها ما يتحرك مع نفسها.
في ناس قالولي ان في دمها رصاص لاني اعطيها صيد بندق احيانا
وناس قالو صنعه
وناس قالو ان منخرها مسدود
والطبيب يقول مافيها شئ.....وطبعا الطبيب مرات يخطي ووهق لانه قال مره لاحد الاصدقاء طيرك طيب ومات ثاني يوم:(
ملاحظه....الشيهانه في المربط عليها النايفه ماتطير.
وسمحولي على التعبير:D
وبيض الله وجهكم

[سلمان علي]

ان شاء الله يفيدونك الاخوان

[جلاد الحباري]

لاتلتفت لا يسار ولا يمينا ودها مستشفى فهد بن سلطان في الرياض وهم يطلعون علتها من خلال فحص الدم والمرش ومن خلال الاشعه راح يبين اذا كان فيها حلبي او لا وتقبل تحياتي

[الهدهد]

يا اخوي انا في الكويت ومثل ما تعرف دخول الطير من الكويت الى السعوديه ممنوع
والمستشفى في الكويت بس يعرفون التوسير اعتقد
وتسلم على المرور

[دعاس]

شكل فيها التهاب رئوي حاد’’او التهاب الاكياس الهوائيه ولازم تسوي لها تصوير

[هاوي النادر]

السلام عليكم ورحمه الله وبركاته

اخوي تأكد اذا الطير معه اقلاع لانه يفتح بوزه وينهت بسرعه
كذا عطه احبوب اقلاع لمده خمسه ايام بس قبل تأكد اذا يطلع من فم الطير ريحه كريهه
(اخوك هاوي النادر)

[الهدهد]

تسلم اخي العزيز
انا عطيته كورس قلاع وعطيته كورس دود وعطيته كورس املوع وفمه ما فيه رائحه

[قرناس شماالي]

افادوك الاخوان