وش الحل مع البريمس ؟؟

[شاص]

السلام عليكم ورحمة الله وبركاته ..
عندي يالربع قز بريمس صغير كل من شافه حقره وإذا شاف سواياه تهول منه إلين جاب واحد الله يكفينا شره خبره وصارت ضوه ضعييييييييييييييييييفة مرة وكل شوي يطفي حاولت أنضفه وأنفخه بالهواء لكن مابه فايده ...
وش رايكم وش السواة ؟؟؟
تراه غالي عندي بالحيييييييييييييييييييييل ..

[سداااااح]

في محل شرق كلية المعليمين وانت متجه شمااال محل البريه يمكن يفيدك اكثر

[شاص]

وش اسم المحل لو تكرمت أخوي سدااااح ؟؟

[ابوداحم]

بالخير اخوي
انا صارت معي نفس الحكايه وصلحته بمحل الباهلي بالرس بالسوق

[القطاع عشره]

البريمس حقك اللي يسمونه العنكبوت صح

شغله بسيط جدا سوله تنضيف مو لي الهوا بس نضفه ببخاخ w40 بعدين ترى فكه وبركيبه سهل تعرف الفرشه الحديد خذا منه شعره حديد واحده ومع جخر المامه اللي تحت العين اذا فكيته خله ينفذ من عند الفتحه انت مشغله على غاز موب نضيف بس تنضيف بسيط و مايخذ ولاا خمس دقايق ارجوا ان اكون قدا افدتك

تحياتي اخوكم القطاع عشره

[سداااااح]

اسم المحل البريه اذا ماخاب ظني يفتحغرب وهو شرق كلية المعلمين وبعد بنك الراجحي بحدود 100 الى 150 متر

[شاص]

مشكوررررررررررررررررررررررررررين بيض الله وجيهكم

[الضاري]

أخوي شاص

أنتبه وأنت تسوي له صيانه أخاف تنسى الغاز فاتح

وتطلع خبر عاجل بالجزيره ... >>> :D

[شاص]

الله يقطع شيطانك يالضاري .. أبشرك جت سليمة هالمرة وحشرته بالبخاخ إلى ما قام يتاغر وعقبه سلك وعود على خبري ..

مشكورييييييييييييييييييييييييييييين الله لا يهينكم ولا يخلينا منكم

[المموه]

بسم الله الرحمن الرحيم
الحل بسيط جدا ((( المامه))) وهي تعني بلف دفع الغاز موجوده داخل الراس يتم فكها من اسفل بحبه رقم (8)
ويتم تنظيفها من الكربون والافضل تغييرها من وكيل بريمس فهي لها رقم مكتوب عليها قدر الامكان تاخذ نفس الرقم وتركبها فيه نوع اصلي بمبلغ (7) ريال وتجاري (3) ريال . ولا يمنع ان تاخذ اكثر من واحده احتياط .
مع تمنياتي لك بالتوفيق . موقع الوكاله ( بسوق الزل بالثميري)

[شاص]

مشكور يالمموه بيض الله وجهك .. ومادام الدعوى ثمانة أريل الله يديم الرخص شكلي أبغيرها لكن وين مكانهم بالضبط الله لا يهينك ؟؟

[قناص شقراء]

أخوي العزيز شاص
فيه مكان يمكن البعض يعرفونه بس مهملينه لكني أكاد أجزم انه يشمل جميع احتياجاتنا من أغراض الغاز(من الألف الى الياء) و غيرها من المواعيين والثلاجات (الكوولر)أنا ما ركزت الا على الغاز و الثلاجات وهو ترى عدة محلات تقع في شارع السبالة في الرياض
هو في وسط المدينة لكنني لا أتذكر بالضبط وينه فيه انت اسأل وسوف تلقى من يجاوبك بأذن الله
أتمنى أكون أفدك والسلام عليكم ورحمة الله ,,,,

[شاص]

تسلم والله ياقناص شقراء وما قصرت

[ابن بدران]

السلام عليكم

المحل اللي يقول عنه اخوي قناص شقراء هو محل بادحمان في شارع السبالة

يفتح شمال وهو وكيل البريموس .. أي شي تحتاجة للغاز والدوافير مر المحل

تلقى الشي الأصلي اللي ينومسك ، وخاصة (الممات) لأن فيها أرقام تختلف

مثلا عين الدافور الصغيرة يكون مقاسها 2/5 والعين الكبيرة 3/7 والفعل

يختلف بشكل كبير بين الثنتين ...

[قناص شقراء]

الله يسلمك يا أخوي شاص
وأنت بعد يا أخوي ابن بدران والمحلات (با دحمان) وغيرها الكثير

والسلام عليكم و رحمة الله و بركاته ,,,,,,,,

[Waleed1]

السلام عليكم

واللة أنا شورى أنك تصلحة وتعطية لأحد أصحابك اللى هو أنا، :D وتشتريلك واحد جديد اللة يكفينا شر العين لايشب عليك لاسمح اللة والدعوة مبلغ بسيط ياراعى الشاص

[غيّام]

المموه صح لسانك ولا يهونون الربع

[طشي وامطري]

اعصر عليه ليمون أو خمره بالليمون
جرب