مظلوم (الدوج / الرام الونيت)

[وجهة نظر]

بسم الله الرحمن الرحيم
السلام عليكم ورحمة الله وبركاته :
ظلم الونيت الرام ناتج عن وكالة يقولون او البيت الشعري ( الدوج دجو اهله.......... الي اخره )
اوعدم ( اقدر اقول اداره جيده للـــــــسياره )
انا استخدم السياره والله ماهي رديه قوه تحمل جوده , وتجربه طويله مع ( كّرف للســــــــــــــــــياره)
يبقي سبب انا اتفق معكم فيه ( الوكــــــــــــــــــــــــــــــــــــاله ) لك عليها والقطـــــــــــــــــع غاليه
الحل :
محلات قطع غياركثيره في صناعية الرياض .نفس القطع بس من غير شعـــــــــــــــــــــــــار الدوج
واي سؤل انا جاهز .
واللي يبي رحلة تجربه انا جاهز . شكراً
http://www.arab7.com/up/file/1130528208704.jpg

[سفاري حر]

وش نسوي براعي القصيده يادوج مافيك ماويه حرمتني نوم الاجوادي
امس انا عند نشميه واليوم مليت مقعادي

[salman]

مع احترامي للاخ سفاري حر اللي قال هذا البيت مجرب الا (الادواج من موديل 50 ونازل) مايعرف الرام الجديد ولا لحق عليه وللمعلوميه وهذا مصداقيه لقول الاخ وجهة نظر في امريكا مايستخدمون الا الدوج والفورد فهل هم خاطئون وهم اللذين صنعوا الجمس وغيره باختصار ماعندهم مثل اللي قال ((يادوج مافيك ماويه ...........................................الخ))ht tp://www.mekshat.com/pix/upload/images11/mk1878_100_0266.jpg
مع الاعتذار للجميع

[وجهة نظر]

سفاري حر / شكراً لطله بس جرب السياره اول .
سلمان / ايه بعدي والله .

[أبو يوسف]

تبقى وجهات نظر

تحيتي لكاتب الموضوع

[راعي العوجاء]

من ناحية القوة والمتانة والتحمل انا معك بس الوكالة هم سبب هبوط مستوى السيارة

[nahham]

والله الرام شكله حلو مررره

واحد من الجيران راعي بر وعنده واحد من كم سنه وما اشتكى منه

الغمارة واسعه والصندوق يحبه قلبك

شكرا لكم

[القطاع عشره]

السلام عليكم وصبحكم الله بالخير
الدوج موتر المكينه والقير والدبل والدفرنسات منافسه لبعض السيارات اليبانيه ام من ناحية الدوج انا معي دوج موديل 87
حلوا وقوي وماعنده اخلاف بس موديله قديم شوي المهم الدوج ميكانكيا اعتبره احلى من المواتر اليبانيه بس الكهرب تراه نذل مايخرب الا اذا صرت بلحالك وبعض القطع غاليه شوي وبعض القطع رخيصه ماينعرف له بالذات بالصناعية عند دوارت الخرج الدوج اذا ضبط الكهرب وعرفت علله احسن موتر للبر وتعتبر هذ ايضا وجهة نضر
تحياتي اخوكم القطع عشره

[الأعصـــــار]

وين شايب الصمان عنكم لازم يسمع هالكلام ...
ويفيدكم برايه .. الدوج موتر وترى مركبه حلو
بس عيبه هالوكاله الي ماتخاف الله .....

[أبو فراس]

السلام عليكم ورحمة الله وبركاته

صورة مع التحية لشايب الصمان

[شايب الصمان]

السلام عليكم ورحمة الله وبركاته
شكرا للاعصار وأبوفراس على التنبيه

الدوج مهام قلت لان أوفيه حقه الكامل ................

الدوج كما ذكر أخونا وجة نظر - والدوج أكرمه يكرمك عليك باالقطع الاصليه وترتاح هي صحيح غاليه

بمقارنتها مع المواتر الثانيه ولكن عمرها الافتراضي أطول من المواتر الاخرى .. الكلام عنه كثير ولكن أطمئن

ياأهل الدوج مشاكل الكهرباء .

الدوج عشقي للبراري

[بُرج السفرة]

الصورة http://www.arab7.com/up/file/1130528208704.jpg


الاخ الكريم
هذه السيارة فعلا مظلومة من قبل وكيلها والذي يبالغ في الاسعار ..
عندي في سيارتي الدوج درانقو عمود الدبل 2300 ريال قبل الخصم
شي غير معقول لكن الله يعين
ومشكور على طرح هذا الموضوع

[العزوم]

السلام عليكم ورحمة الله وبركاته
والسبب ياخوان الشركه الام ماركزت على السوق السعودي بعد فشل الوكيل السابق فترة الستينات وسلمت الوكاله لمن يهتم بخدمة مابعد البيع وهذي الصور هديه لاهل الرام الكرام!!!!!!!

http://www.mekshat.com/pix/upload/images11/mk7063_dodg.jpg


http://www.mekshat.com/pix/upload/images11/mk7063_ram.jpg

[صفوق الشمري]

السلام عليكم والرحمة
الدوج قووووووووي لاكن انة لو انة مايخون اذا صرت لحالك في برن ماعندك احد .
كان عند واحد من اخويا ابوي دوج 79 نظيف من حقات الجيش اذا شفتة تقول هذا بياكلني من رفعن فية وقوة حديدة اللي لو يضرب جدار طاح الجدار وهو ماجاة شئ ههههههههههههههه
المهم اذا طلع من سيارات ماجاة شئ واذا طلع بلحالة الله يعينة على الوقفة اخر شئ خلاة وايت موية وعقبها صار مايخرب ابد

على العموم تراها وجة نظظظظظر
ولكم تحياتي
اخوكم : صفوق الشمري

[وجهة نظر]

شكراً لكل الشباب علي الردود................و وجهات النـــــظر
شايب الصمان كلامك صحيح الكهرباء ساعات تخور . اقول ساعات .

[ابوذيب]

انا جربت الدوج ولا زال عندي ، مشكلته الرئيسيه للموديلات القديمه السلف ،وقطع الغيار توفر بعضها بعد حرب الخليج لما جو المريكان ومعهم كونتينرات من قطع الغيار التي بيعت بابخس الاثمان على تجار التشليح والمزادات
بس الدوج قمة السيارات الامريكيه من ناحية القوه والتجهيز ،انا تلافيا لمشكلة الكهرباء غيرت المكينه الى مكينة جمس 305 وارتحت من شي اسمه كهرباء ، وعندي نيه اوديه لسوريا اسوي له ادراج واصبغه واغير فيه هيكليا بس ماجمعت معلومات كافيه عن ورش سوريا

[حر اليدين]

من وجهة نظري انه مهوب لها المستوى لكن انا اعرف واحد عنده داكوتا اللي اصغر من الرام ستة سلندر بدون دبل واخلا عليه ديره الا وجاها موديله 95 ولا راس طعس الا شرف من فوقه ولا جبل الا حطه في راسه وقوته خيالية مجنووونه وفي الخط حلو جداجدا وصرفيته تعادل صرفية الددسن هذي اايجابياته لكن هنا المشكلة اللي هي قطع الغيار
غالية ونادرة لكن اللي يبي زي الاصلي يروح دوار الخرج الصناعية القديمة هناك محلات باجحزر واللي حوله اسعارها معقووله بالنسبة للوكالة هذا ماوددت قوله والله اعلم انا اقول هذا يالداكوتا عاد كيف الرام هههههه قارن بنفسك


ولكم خالص تحياتي

[salehhd]

مشكورين على الموضوع

ودوج القديم مشهود له من الجميع قوة وعزم وحديد لاكن وكيله كات تعبان

[salman]

مع التحيه لاخي برج السفرة تقول عمود الدبل بــ 2300 قبل الخصم طيب وش رأيك ان عمود الدبل للنيسان (باث فندر) بــ 2000ريال بعد الخصم !!!!!!!!!!!!!!!!!!!!!!!!!!!!!!!!!!!!!!!

[GT3000]

الدووووووووووووج خطيرررررررررررررررر