جديد .. امطار شعيب الواشلة عصر اليوم 14-2-1432هـ ... سرهيد

[سرهيد]

السلام عليكم




هذه تقرير بسيل شعيب الواشلة عصر اليوم الثلاثاء 14/2/1432




***************




اللي ما طلع اليوم ومتع نفسه بهالأجواء ... عز الله انه حرم عمره




داومت اليوم وبحكم اني معلم ابشركم ما حضر ولا طالب :) فرصة عاد ...




ومن دخلت وانا كني اسد في عرينة :) حلووووووووة اسد ..




المهم ما غير اروح واجي ... اروح واجي ...




البراق قام يعطيك عمره والرعد قام يهزنا هز ... ومن الحماس يوم سمعت الرعد .. اصيح بعالي الصوت داخل المدرسة واقوووووووووول عززززززززززززززززززززز واليك




الا وشوي يجيك المدير ... الظاهر انه مستنكر هالصوت ... طبعا المدير جديد علينا واكيد ما توقع مني هالأصوات .... ويمسك علي يدي ويطلع معي وقول له شف طال عمرررررررررك الجوووووووووووووووو .... :)




تراني كني طير في قفص ويبي يكفخ .. :)




والرجال يوزع ابتسامات :) وكنه يقول تبي الطلعة ما به طلعة ...




المهم واجي واقول يا ابو عبدالله تراني ودي بالطلعة والجو يحرج على عمره .. قال اصبر شوي ... قلت يا رجال اخاف يتمزع السحاب .. خلنا نطرب اعمارنا .. ترى الاجواء هذي مثل الحلم في الرياض ... لا تحرمناها ...




قال فيه بعض الشغل خلصه واطلع .. قلت ابشر .. بس ... واخلص الشغل وقلبي مع صوت الرعد وهالجو ...




كلمت بعض الاخوان ومنهم العزيز ابو فهد ... قلت هاه بتعطينا عمرك ... قال بكلمك .. قلت على العموم انت خابر ومن محل واقرب شعيب ازبنة ...




واجيك احمل بعض الاشياء المهمة واخذ لي فطور وانزل للواشلة ... ولان الجميع زابن في عمله ما يسر الله الا الولد عبدالعزيز والبنية الصغيرة ...




http://www.mekshat.com/pix/upload01/prof014/mk40450_img_4515.jpg





قلت اركبوا ..




توجهنا للواشلة




http://www.mekshat.com/pix/upload01/prof014/mk40450_img_4555.jpg




ومن حسن الحظ الاماكن كلها تقول طب وتخير ... العالم ما بعد جت ...




http://www.mekshat.com/pix/upload01/prof014/mk40450_img_4490.jpg




ويستقر بنا المقام في هالشجرة




http://www.mekshat.com/pix/upload01/prof014/mk40450_img_4491.jpg




http://www.mekshat.com/pix/upload01/prof014/mk40450_img_4490-vert.jpg




ونفل مظلة الطرقية ونحط الرواق ونشب الضو




http://www.mekshat.com/pix/upload01/prof014/mk40450_img_4492.jpg





http://www.mekshat.com/pix/upload01/prof014/mk40450_img_4522.jpg





والمطر هتال .. وخفيف .. وجو خيال يحبه قلبك




شبينا الضو




http://www.mekshat.com/pix/upload01/prof014/mk40450_img_4526-vert.jpg




وعلى فكرة هذي تصوير الولد عبدالعزيز الله يصلحه .. ظنكم بيطلع محترف تصوير ..




الساعة عشر ونصف والجو هادي جدا ، السحاب مركب والجو روعة




http://www.mekshat.com/pix/upload01/prof014/mk40450_img_4580-vert.jpg





== يتبع

[سرهيد]

واخذت امغط رجلوي انا والبنية الله يصلحها




http://www.mekshat.com/pix/upload01/prof014/mk40450_img_4573.jpg




والولد عبدالعزيز خذ له خوفة تحت مظلة الطرقية




http://www.mekshat.com/pix/upload01/prof014/mk40450_img_4552.jpg






وبعد الظهر بدأ المطر يزيد شوي ... واحنا يالله لك الحمد تحت مظلة الطرقية ... ومن مر وده يقول ما ودكم تأجرنا المحل ... ما شاء الله تبارك الله ..



وشوي الا واحد من الاقارب ومعه رفيق له يلفي عليه ...




http://www.mekshat.com/pix/upload01/prof014/mk40450_img_4670.jpg





شوي وانّا نتقهوى الا ويجيك واحد يقول ترى السيل وصلكم وانت على الطرف .. وفعلا نشوفه من بعيد ... يالله يا ولد ضف الحفش وحمله ...




http://www.mekshat.com/pix/upload01/prof014/mk40450_img_4722-vert.jpg




لاحظوا السيارة ما بعد حركتها بعد ان شلنا كل شيء



وفعلا نحمل كل شيء ومع اخر غرض الا هو تحت ارجلونا ...



وهذي صور منوعة للسيل من نواحي مختلفة في شعيب الواشلة ، متعوا عيونكم ..




http://www.mekshat.com/pix/upload01/prof014/mk40450_img_4728-vert.jpg




http://www.mekshat.com/pix/upload01/prof014/mk40450_img_4732-vert.jpg



http://www.mekshat.com/pix/upload01/prof014/mk40450_img_4739.jpg



http://www.mekshat.com/pix/upload01/prof014/mk40450_img_4744-vert.jpg



http://www.mekshat.com/pix/upload01/prof014/mk40450_img_4752-vert.jpg




وهذا للحفرة اللي يعرف الواشلة شوفوا وشلون امتلأت بالكامل خلال دقائق .. سبحان الله




http://www.mekshat.com/pix/upload01/prof014/mk40450_img_4759-vert.jpg



http://www.mekshat.com/pix/upload01/prof014/mk40450_img_4767-vert.jpg




وهذا محل لنا البارح كاشتين فيه ومتعتمين الين 11 مع بعض الاخوان ..




http://www.mekshat.com/pix/upload01/prof014/mk40450_img_4772.jpg




http://www.mekshat.com/pix/upload01/prof014/mk40450_img_4782.jpg



http://www.mekshat.com/pix/upload01/prof014/mk40450_img_4785-vert.jpg



http://www.mekshat.com/pix/upload01/prof014/mk40450_img_4793.jpg





وهذا رابط لموضوع قديم عن سيل الواشلة ايضا بتاريخ 7/4/1430هـ



شلالات وسيول ... صور طاززززة لشعيب الواشلة قبل صلاة الجمعة 7/4 (http://www.mekshat.com/vb/showthread.php?t=199168&page=6)



تم التقرير ... اتمنى ان يحوز على رضاكم جميعا




*******



حرر في يوم الثلاثاء الموافق 14/2/1432هـ



تقبلوا احترامي



اخوكم



ابو عبدالله



سرهيد



http://www.mekshat.com/pix/upload/images30/mk40450_serheed15.gif

*****

تم إضافته إلى:

◊۩¯− (( التـقـاريــر الجــويــة المـتــمـيــزة لـشـهـر صــفــر 1432هـ)) −¯۩◊ (http://www.mekshat.com/vb/showthread.php?t=369899)

مع التقييم الأعلى

مرفــأ

[famr55]

كلك ذوق انت و ابنك الله يخليه لك ويرزقك بره قل امين


كفيت ووفيت اخي سرهيد امتعة ناظري

لا كن هالصوره طالع تنام والا تستانس ههههههه

http://www.mekshat.com/pix/upload01/prof014/mk40450_img_4552.jpg

[سرهيد]

كلك ذوق انت ابنك الله يخليه لك ويرزقك بره قل امين


كفيت ووفيت اخي سرهيد

لا كن هالصوره طالع تنام والا تستانس ههههههه

http://www.mekshat.com/pix/upload01/prof014/mk40450_img_4552.jpg

هلا بك اخوي الكريم

هذا الوالد الله يطول بعمرك

والا انا من جيت وانا مغير اتمقل في كل جهة :) هذا جوووووووووا ما ينتفوت ما يحتاج

تقبل مودتي

[ss1111]

مشاء الله التصوير في غاية الروعة والدقة والله واسئل الله ان يرزقك بره واللله يجعلها امطار خير ومسرات

[الطير الازرق]

تصوير في متهى الجمال وروعة الشعيب احلى احلى واجمل لحظه عند قدومه
مشكور على الصور الاحترافية الرائعه
10/10
ابو حمد،،

[كوع نملة]

مبروكين الامطار يابوعبدالله


متعك الله بالصحه والعافيه والله يخليلك الاموره الصغيره اللي خاوتك

حظيظ اللي يخاوي المطاليق امثالك طال عمرك

[البرميوس]

ماشاء الله تبارك الله الحمدلله على نعمته تصوير وترتيب كل شي من ابو عبدلله روعه
وربي يخلي لك عيالك ويرزقك برهم ويصلحهم ويكفيهم كل شر×

[سرهيد]

مشاء الله التصوير في غاية الروعة والدقة والله واسئل الله ان يرزقك بره واللله يجعلها امطار خير ومسرات

تسلم فديت هالوجه

ويحيك ربي على مرورك الطيب

جزيت خيرا

[نهران الشموخ]

تقرير رائع وجميل
بارك الله فيك

[براودن]

ماشاء الله على عزوز وأخته
ولا هنت يابعدي
سرهيد كفاية هجر ترى قلبي يطقطق على فراقك كنه أبو فريوة >> امحق وصف هههههه
على العموم حبيت أقولك : ترى لك في قلبي خيمة دورين بدون جرس :)

[الكاااايف]

روووووووووووعة والف شكر

[كفاش]

يامال العافيه ابو عبد الله

هذا التشويق البلاغي مع مديرك
وهذه لصور االاحترافيه
وهذي الشله الرائعه الله لا يفرق شملكم

[فهدالغيهب]

أبوعبدالله وش هالزين ياويل قليبي ويلاه على هالمطرة

ليتنا ممسين البارح كان شفنا الخير

صور حقيقة في غاية الروعة

الله يجعلك ووالديك في أعالي الجنان

وسلم لي على رفيقي عزوز

[alwssam6]

ماشاء الله الله يجعلها امطار خير وبركه

[المغرز]

تصوير في متهى الجمال وروعة الشعيب احلى احلى واجمل لحظه عند قدومه
مشكور على الصور الاحترافية الرائعه
والحمدلله على سلاااااامتكم
ومع السلااااااااامه

[سيل الجرير]

بارك الله فيك
مجهود رائع
وصورجميله
ننتظرجديدك

[ابو هياا]

ما شاء الله
تسلم على التصوير يا مبدعنا سرهيد

فعلاً جو اكثر من رائع
الحمد الله كنا متواجدين في شعيب الواشله بعد العصر وشفنا الخير

الله ينفع به البلاد والعباد

[مطر الليل]

صور جميلة للخير
وتصوير اجمل للحدث
بيض الله وجهك ورحم والديك .

[راع عالية]

ماشاء الله تبارك الله

[بواردي سدير]

ماشاء الله تبارك الله
متبوع غير مقطوع ان شاء الله
تسلم يا سرهيد على الصور

[منصور ابوصالح]

يا الربع النوم سلطان

[أبوتركي الخالدي]

ماشاء الله عليك

مالقاه الا المدرسين واشوفك هالمرة منتبه ن زين للكمرة

[محمد الصخري]

تقرير رائع وجميل
بارك الله فيك

[حمود 1430]

تقرير رائع وجميل
بارك الله فيك

[أبو الحارث 4]

تقرير رائع ابا عبد الله ونورت الخيمة بمشاركتك، مبارك الخير وأبشرك قمت بجولة تجاه الرمحية ورماح والماطر طيب وسال شعيب خويش الريان والأرض مناقع طيبة على يمين الخط ويساره.

[abu-turki2009]

ماشاء الله تبارك الله
تقرير رائع
لكن أحذر من الأوديه

[السنافي الحر]

يعطيك العافية وصور تجيب العافية بس غريبة ما طلعت صورتي
وانا طول الوقت وانا ادور حولك

[فيصل التميمي]

تسلم يابو عبدالله على التقرير الرائع

[واحد حساس]

افااا مافي طلاب وتستأذن!!

الحمد لله ماعندنا شئ ومن يبغى يوقع ويمشي براحته
اهم شئ تكون مخلص شغلك

تقرير رائع والمكااان يشرح الصدر
بس ليتك مابالغت بطمس الصور

اتمنى لك التوفيق
وجزاك الله كل خير

[سامي666]

مشاء الله تبارك الله ..~

لاهنت يعطيك العافيه ..~

::

[فتى الرابيه]

تقرير رائع من رائع قصدي من (اسد في عرينه)هههههههه
في نظرنا انت افضل من الاسد
تحيه على هذا الموضوع ---- تقبل تحياتي

[ن م ر]

ما شاء الله تقرير في غاية الروعه

وفلوها بكره ما فيه دوام استمتعوا هالويك إند مع مراعاة ابنائنا الطلاب وظروف اختباراتهم

[عالي الكيف]

ابو عبدالله
مبروك الخيرات الله يعم بنفعها البلاد والعباد

وش مطيرك وانا اخوك
كاتب التقرير على عجله واضح ان السيل مروعك :l

جبت العيد بالاملاء
هذا وانت مدرس:D

[سوبر152]

ماشاء الله تبارك الرحمن الله يجعلها امطار خير وبركه

[أبوعبدالرحمن0]

مشكور على التقرير

[سيل ريمه]

ما شاء الله تبارك الله
تغطيه رائعه
الله يعطيك العافيه

[مرفــأ]

دائما مبدع خبيرنا سرهيد

الف شكر وتقييم اعلى

[قطاع الارماس]

ماشاءالله تبارك الرحمن


الله يجعلها امطار خير وبركه وينفع بها البلاد والعباد

[سيفين ونخلة]

بصراحة ابداع فى ابداع ياربي يخليلك عبد العزيز والامورة اخته ولاننسى ام عبد العزيز وابو عبد العزيز

اعجبني تقريرك المميز لانه يحكي قصة جميلة بتوثيق اجمل

والله وشهادة حق انه مميز

بارك الله فيك وننتظر منك تقارير مميزة اخرى انشاءالله

محبك سيفين ونخلة

[راع العوجاء]

ما شاء الله تبارك الله

ابو عبدالله مبدع كعادتك

لكن نبي تقرير موسع ولا عندك عذر اليوم إجازة وبعدها خميس وجمعة يعني يوم السبت نبغى تقرير شامل كامل وانت كريم ومكشات يستاهل :)

اللهم إجعلها أمطار خير وبركة ونفع الله بها

تقبل مروري

أبو سعد

[adl20]

ماشاء الله تبارك الله الحمدلله على نعمته تصوير وترتيب كل شي من ابو عبدلله روعه
وربي يخلي لك عيالك ويرزقك برهم ويصلحهم ويكفيهم كل شر

[سرهيد]

مشاء الله التصوير في غاية الروعة والدقة والله واسئل الله ان يرزقك بره واللله يجعلها امطار خير ومسرات
هلا وغلا باخوي الكريم

الله يسلم عمرك ويسعدني ان انقل ما رأيت انه سرني ليستر به الغير

اسعدني مرورك




تصوير في متهى الجمال وروعة الشعيب احلى احلى واجمل لحظه عند قدومه

مشكور على الصور الاحترافية الرائعه
10/10

ابو حمد،،


مرحبا بالاخ الطير الازرق

الله يسلم عمرك وشكرا على هالاطراء الطيب

وبلا شك ان لحظة نزول المطر وسيله تسر الخاطر ويسعد الشخص انه يشوفها

سرني حضورك

[مـحـمـد الفضلي]

ماشاء الله
اللهم اجعلها أمطار خير وبركة ....

[ثعل البرد]

وعليكم السلام ورحمة الله وبركاته


ما شاء الله تبارك الله


رحلة أكثر من رائعة خصوصا وأنها مع فلذات الكبد الله يحفظهم ويرزقك برهم


كل الشكر لك أخي الكريم سرهيد


على هذا التقرير المتميز

[ابو نووووره]

ما شاااااااء الله تبارك الله



اللهم اجعلها امطار خير وبركه

[أبومؤيد1]

ماشاءالله تبارك الله
اللهم اجعلها أمطار خير وبركه ويعم بها بلاد المسلمين
بالتوفيق يالغالي

[همس الغدير]

الله يعطيك العافية ....

[سرهيد]

مبروكين الامطار يابوعبدالله


متعك الله بالصحه والعافيه والله يخليلك الاموره الصغيره اللي خاوتك

حظيظ اللي يخاوي المطاليق امثالك طال عمرك

هلا وغلا باخوي الكريم كوع نملة

يبارك في ايامك وربي يجعلها امطار خير على الجميع ان شاء الله

وربي يخلي لك ما عطاك ، وهالبنية لها غلا في قلبي علشان كذا احب اخذه معي في الجلسات الخاصة ...

وابشر بالسعد واسعد بمخاوة الاجواد امثالك فديت هالوجه وما عليك زود

اسعدني مرورك


ماشاء الله تبارك الله الحمدلله على نعمته تصوير وترتيب كل شي من ابو عبدلله روعه
وربي يخلي لك عيالك ويرزقك برهم ويصلحهم ويكفيهم كل شر×

هلا بالبرميوس

الله يجعله نعمة عامة على الجميع آمين

واسعد بان الموضوع حاز على رضاك

ويخلي لنا ولكم ما عطانا آمين

شكرا على المشاركة

تقبلوا احترامي

[راعي الرائد]

ماشاء الله تبارك الله اجواء شاعريه الله يهنيكم

[دكتور بر]

ما شاء الله تبارك الله


اللهم اجعلها أمطار خير وبركة وعم بها يا رب أرجاء البلاد

مشكور أخي أبا عبدالله على التقرير الأكثر من رائع


وبالفعل جريان الشعيب وانت عنده شيء لا يوصف

[سرهيد]

تقرير رائع وجميل

بارك الله فيك


هلا بك اخوي الكريم

تسلم طال عمرك وشرفني مرورك




ماشاء الله على عزوز وأخته
ولا هنت يابعدي
سرهيد كفاية هجر ترى قلبي يطقطق على فراقك كنه أبو فريوة >> امحق وصف هههههه
على العموم حبيت أقولك : ترى لك في قلبي خيمة دورين بدون جرس :)

هلا وغلا باخوي الكريم باودن

نعم عزيّز واخته :) ولا هنت شرواك فديتك

ابشر بالسعد بس انت عطنا وجه واذا تبي اول موعد يكون عند القصر المهجور ما عندي مانع :):) بس لا تجي الا وانت مصلي الفجر والعصر في جماعة وقاريء وردك :) وما لي شغل اذا ما صليت الفجر والعصر مع الجماعة .. تحمل وزرك :) تراهم قشران :)

ابشر بالسعد يالبى قلبك

لك رسالة على الخاص

تقبل مودتي

[فهدالرس]

ماشاء الله تبارك الله
تقرير وصور من الدرجة الاولى
لاخلا ولاعدم يالغالي

[ساق الذيب]

الله يحفظك ويحفظ لك الذرية . صور رائعة

[سرهيد]

روووووووووووعة والف شكر

هلا وغلا باخوي الكايف

الله يرضى عليك

والروعة حضورك



يامال العافيه ابو عبد الله

هذا التشويق البلاغي مع مديرك
وهذه لصور االاحترافيه
وهذي الشله الرائعه الله لا يفرق شملكم

الله يعافيك اخوي كفاش

اما تشويق بلاغي هذي عاد مدحتني فيها مدحة توسع الصدر :):)

الله يبيض وجهك قل آمين

اسعدني مرورك

تقبل مودتي

[سرهيد]

أبوعبدالله وش هالزين ياويل قليبي ويلاه على هالمطرة

ليتنا ممسين البارح كان شفنا الخير

صور حقيقة في غاية الروعة

الله يجعلك ووالديك في أعالي الجنان

وسلم لي على رفيقي عزوز

هلا ابو عبدالملك

ويحيك ربي

ياليت ، بس انت دخلت الذرى ما اهتويت اقولك اصمل وتقول هاه :)

وتمنيت انك معي لان ما معي الا مثل ما شفت العيال الصغار

واسعدني مرورك على الموضوع

تقبل مودتي

[مكشاتي الجبيل]

وعليكم السلام ورحمة الله وبركاته
مشكور اخوي على التقرير الرائع والأكثر من رائع
جعلها الله امطار خير وبركة وعم بنفعها ارجاء البلاد

وتحياتي واحترامي لكـ

[بارق المزن]

ماشاء الله تبارك الله


جعلها الله امطار خير وبركه وعم بنفعها ارجاء البلاد


تغطيه رائعه ومتميزه

تقرير في قمه الروعه والجمال

بيض الله وجهك

تقبل تحياتي وتقديري

[ابورايف]

ماشاء الله تبارك الله
رحلة موفقة
وتقرير رائع جدآ
وصور مميزة
الله يصلحهم ويخليهم لك
والله يعطيك العافية ويرحم ولديك
وتقبل مروري

[جليس الساحة]

يعطيك العافية أبو عبدالله

وجعله نازل بالبركة

كم طول الشلال التالي:

http://www.mekshat.com/pix/upload03/images108/mk40450_img_0106%20[1280x768]%20[1280x768].jpg

والله يرحم أيام زمان يا أبو عبدالله، ويا شين القطاعة.

[فارس ولدي]

يا ابو عبد الله

أسأل الله الذي جمعكم في هذي الكشتة بان لا يفرقكم إ لآ على خير

وان يجمعكم بالفردوس الأعلى مع أحبتكم

ما شاء الله تقرير رائع وتصوير احترافي وجو بديع

الله يسعدك دنيا واخرة كما اسعدتنا بهالتقرير

الله يبارك لك في ولدك ومالك ونفسك

على فكرة
اللي نايم هو الوالد (( ابوك )) او الولد (( ابنك ))

لأن في التقرير قلت الولد وفي ردك لأحد الشباب قلت الوالد

المهم
أن ان كانه الولد يا جعله يكون بار بك
وان كانه الوالد الله يا جعلك بار به اكثر واكثر

[الشريف سعود]

ماشاء الله تبارك الله أخي الكريم الخبير سرهيد

آمين الله يحفظ أبنائك ويصلحهم

تقرير رائع وجميل

ولا عجب في ذلك

خبير رحلات ومتمكن ماشاء الله عليك

تقبل مروري وتقديري وفقك الله

[معاذ0]

اجل البريمس يزمجرعلى جال الشعيب تقريرممتاز وشيق ولاهي غريبه الابداع منك يابوعبدالله باركالله فيك

[عبيّد شلفة]

ما شاء الله تبارك الله

تقرير طيب منك يا ابو عبدالله

مشكور ،،،،،،،،

[سرهيد]

ماشاء الله الله يجعلها امطار خير وبركه

هلا بك اخوي الكريم الوسام

ويا رب ينفع بها البلاد وةالعباد آمين

شكرا لمرورك





تصوير في متهى الجمال وروعة الشعيب احلى احلى واجمل لحظه عند قدومه



مشكور على الصور الاحترافية الرائعه
والحمدلله على سلاااااامتكم
ومع السلااااااااامه




هلا بك اخوي المغزر

بلا شك ان اجمل اللحظات هي تلك المناظر الجميلة لقدوم السيل فهي من امتع اللحظات ولا يعرفها ويدركها الا من يراها بنفسه ..

واسعدني مرورك لا عدمتك





بارك الله فيك



مجهود رائع
وصورجميله

ننتظرجديدك


تسلم اخوي الكريم سيل الجزير

واسعد بتقديم الجميل للجميع


ما شاء الله
تسلم على التصوير يا مبدعنا سرهيد

فعلاً جو اكثر من رائع
الحمد الله كنا متواجدين في شعيب الواشله بعد العصر وشفنا الخير

الله ينفع به البلاد والعباد


هلا بك اخوي الكريم ابو هيا

وتسلم على حضورك الطيب

وبلا شك ان يوم الثلاثاء الماضي من اجمل الايام

شرفني مرورك لا عدمتك







صور جميلة للخير

وتصوير اجمل للحدث

بيض الله وجهك ورحم والديك .




هلا بك اخوي مطر الليل

الله يسلمك ويرفع قدرك قل آ مين

ووجهك بيض

شكرا على حضورك


ماشاء الله تبارك الله


هلا بك اخوي راع عالية


سعدت بمشاركتك


ماشاء الله تبارك الله
متبوع غير مقطوع ان شاء الله
تسلم يا سرهيد على الصور

يحيك ربي اخوي باردي سدير

اسأل الله ان يعله وينفع به البلاد آمين

واسعدني حضورك الطيب


يا الربع النوم سلطان

هلا وغلا باخوي الكريم منصور

هههههههههه ترى اللي نايم ولدي عبدالعزيز مع ان جو الشتاء جو نووووووووم اذا كان بارد جدا :)

شرفت بحضورك


ماشاء الله عليك

ارحب يا ابو تركي

ويحيك ربي طال عمرك

وين ما لك حس ولا خبر غاطس

شرفني مرورك

مالقاه الا المدرسين واشوفك هالمرة منتبه ن زين للكمرة

هههههههههه :) اجل تكفى ما دام الجو وقت اختبارات درس اخوانك علشان تقول الله يصبر المدرسين :)

وما يحتاج صرت اربطها في رقبتي :) ومن عضه الدابة راعه الحبل :)

تقبل مودتي


تقرير رائع وجميل
بارك الله فيك

هلا وغلا باخوي الصخري

الرائع حضورك الطيب لا عدمتك





تقرير رائع وجميل



بارك الله فيك



يحيك ربي ا خوي الكريم حمود


الله يسلمك ويرفع قدرك


وشرفني حضورك



تقرير رائع ابا عبد الله ونورت الخيمة بمشاركتك، مبارك الخير وأبشرك قمت بجولة تجاه الرمحية ورماح والماطر طيب وسال شعيب خويش الريان والأرض مناقع طيبة على يمين الخط ويساره.


هلا بالجار العزيز وساكن الحي ابو الحارث


والخيمة منورة بالتقرير الرائعة عن الامطار وما موضوعي الا نقطة في بحر هذه الخيمة الله المستعان


ما شاء الله في الرمحية اجل يبي لنا تقرير عن الجولة






ماشاء الله تبارك الله



تقرير رائع


لكن أحذر من الأوديه



هلا وغلا باخوي العزيز تركي


الله يسلمك واسعدني حضورك ونصيحة ثمينة




يعطيك العافية وصور تجيب العافية بس غريبة ما طلعت صورتي




وانا طول الوقت وانا ادور حولك




هلا بك اخوي السنافي ويعافيك ربي وبلا شك صور الامطار ترد الروح وتسعد الخاطر ولو كانت على الهواء مباشرة امتع وامتع ..




29
تسلم يابو عبدالله على التقرير الرائع



هلا بك اخوي فيصل


الله يسلم عمرك


واسعدني مرورك


تقبلوا احترامي

[أبوعمر السليطي]

بارك الله فيك أخي العزيز

سرهيد

على هذا التقرير الجميل
حفظ الله لك الوالد والذرية
تحيتي

[وارف الظلال]

لا اله الا الله
ماشاء الله تبارك الله
صور رائعة ومكان ولا أروع
الله يصلحلك ما عطاك ويرزقك برهم
الله يعطيك العافية أخوي سرهيد على التقرير
سلمت الايادي وننتظر جديدك...

[الكايف2]

يعطيك العافيه سرهيد
ومشكور علي النقل الجميل

[هزبر]

ما شاء الله تبارك الله ويعطيك العافية على التقرير

[التميمي 2009]

تقرير رائع وجميل
بارك الله فيك

[ابو النادر]

ياسلام يابو عبدالله على الجو ليتك كلمتني ==> يمون
ياجعل ايامك كلها فله ووناسه

[قلبي طيب]

ماشاء الله تبارك الله الحمدلله على نعمته

[بليزر616]

السلام عليكم ورحمة الله وبركاتة

الغالي ابو عبدالله الحمدلله على السلامة ومشاء الله عليك في هالاجواء نحسدك والله

الله يخليك لعييلك ويخليهم لك ويجمعنا في جناتة يارب

والواشله هذي وين تقع

الله يجعلها سيول خير علينا وعليكم بصراحة صور وشعيب كايف

دمت في حفظ الرحمن

[آفجي المطر]

مآشاء الله تبآرك الله

وتسلم اخوي سرهيد ع التقريرالفله والتوثيق الرائع ,, وعسآه متبوع بأخير منه يآرب

تقبل مروري ,,


http://www.mekshat.com/vb/images/misc/progress.gif

[سرهيد]

http://www.mekshat.com/pix/upload04/images199/mk40450_untitled.jpg

[سحابة بردية]

وعليكم السلام ورحمة الله وبركاته
بارك الله فيك أخي الكريم
على هذا التقرير الجميل
والله يعطيك العافية وبيض الله وجهك
الله يجعلها أمطارخيرورحمة
مشكور وماقصرت
تسلم يمينك
تقبل مروري


سحابة بردية (أبوراشد)

[سرهيد]

افااا مافي طلاب وتستأذن!!



الحمد لله ماعندنا شئ ومن يبغى يوقع ويمشي براحته
اهم شئ تكون مخلص شغلك


تقرير رائع والمكااان يشرح الصدر
بس ليتك مابالغت بطمس الصور


اتمنى لك التوفيق
وجزاك الله كل خير


هلا وغلا باخوي واحد حساس

اكيد لازم نستأذن انت خابر لجان الاختبارات وحوستها ، واللي ما سوها يوم الثلاثاء وخلص منها اكل خابور وحضروا يوم الجمعة لان الاربعاء كان اجازة

يعني الشغلة مو شغلة طلاب ، بل هناك اعمال ادراية نكلف بها ، ويمكن متعودين عليها ، وهي شغلات للادارة ، بس وش نسوي

والاخلاص مهم في كل شغلة

واسعدني حضورك في الموضوع





مشاء الله تبارك الله ..~



لاهنت يعطيك العافيه ..~


::


هلا وغلا باخوي سامي

ولا هنت انت بعد ومشكور على الحضور





تقرير رائع من رائع قصدي من (اسد في عرينه)هههههههه
في نظرنا انت افضل من الاسد
تحيه على هذا الموضوع ---- تقبل تحياتي
هلا بك اخوي فتي الرابية

الرائع حضورك الطيب

افضل من الاسد ، ابك خلني اسد وتكفيني كان ملك في غابة :)

اسعدني حضورك





ما شاء الله تقرير في غاية الروعه



وفلوها بكره ما فيه دوام استمتعوا هالويك إند مع مراعاة ابنائنا الطلاب وظروف اختباراتهم



هلا بك اخوي نمر

عز الله فلينها وكيفنا وصارت في وقتها بسبب هالاجواء الرائعة

وامر بس وش تبي نسوي للطلاب ننجحهم

شرفني حضورك




ابو عبدالله
مبروك الخيرات الله يعم بنفعها البلاد والعباد

وش مطيرك وانا اخوك
كاتب التقرير على عجله واضح ان السيل مروعك :l

جبت العيد بالاملاء
هذا وانت مدرس:D

هلا بك يا عالي الكيف

اما على عجلة فهذي صحيح :) لكن بسب ان السيل مروعي :) فلا ، بالعكس من امتع اللحظات يوم اشوف السيل وخاصة في شعيب مثل الواشلة تعرفها بالكامل وتقدر تعرف دروبك ولو الشعيب سايل امره سهل

بس كنت مستعجل علشان يكون الموضوع في وقته يعني مصور العصر وينزل المغرب ، بس هذا كان سبب الاستعجال .

اسعدني حضورك



ماشاء الله تبارك الرحمن الله يجعلها امطار خير وبركه


هلا بك اخوي سوبر

الله يطرح البركة آمين ويعل الخير ثانية وثالثة ان شاء الله

سعدت بحضورك


36

مشكور على التقرير




هلا بك اخوي ابو عبدالرحمن

ويحيك ربي وسعدت بك وبحصورك الطيب

تقبلوا احترامي

[بارود برنو]

تغطيه جميله جدا ومميزه

بارك الله فيك اخي الحبيب سرهيد

دمت في حفظ الله

[عبيّد شلفة]

http://www.mekshat.com/pix/upload01/prof014/mk40450_img_4670.jpg





شوي وانّا نتقهوى الا ويجيك واحد يقول ترى السيل وصلكم وانت على الطرف .. وفعلا نشوفه من بعيد ... يالله يا ولد ضف الحفش وحمله ...


التصوير حلو وانت أحلى وكل الأمور تمام وماعليها أي ملاحظة
بس ياخوي سألت ربعي وأهل البر والكشتات عن الحفش هذا وش يطلع وش يصير !!:eek:
قلت يمكن نوع جديد من القزوز وحبيت اسأل عنه إن كانك جربته يمكن نشتري مثله .
:good2:

[رجل من الماضي]

يعطيك العافيه

والله ما تزين تفريكة الدوام غير

وقت الامطار

ماقصرت

[سرهيد]

التصوير حلو وانت أحلى وكل الأمور تمام وماعليها أي ملاحظة
بس ياخوي سألت ربعي وأهل البر والكشتات عن الحفش هذا وش يطلع وش يصير !!:eek:
قلت يمكن نوع جديد من القزوز وحبيت اسأل عنه إن كانك جربته يمكن نشتري مثله .
:good2:

رد متقدم لاستفار الاخ عبيد شلفة

الله يسلم عمرك اللي جاز لك التصوير ، اكيد لان شكل الجمس طالع كنه رسمة وانا خبري بكم هاوي الرسم :)

والحفش هذي اللي تسأل عنها طال عمرك نصلح عليها الخبز المدور شبيه وجيه بعض الناس :) عرفت الآن وش م معنى الحفش والا اوضح اكثر ..

واسعدني مرورك واتمنى ان تستمر معنا واجزم انك ستعطي المواضيع طابع اخر جميل :D

تقبل مودتي

[خليف حمود]

ماشاء الله تبارك الله
التقرير جميل خاصة انه جاي منك يابو عبدالله
اشكرك وتقبل تحياتي

[خايل الربان]

بارك الله فيك

[بروق الحيا]

بيض الله وجهك اخوي سرهيد

وصور اكثر من رائعة

[هاوي البر]

مشاء الله تبارك الله ما قصرت والواشلة متنفس قريب لاهل الشفاء وما حولها
لكن الولد عبد العزيز الله يصلحه ويخليه لك وباقي اخوانه كنه مغصوب على الطلعة ما طلع طير بر مثل ابوه ولا هذا وقت نوم
http://www.mekshat.com/pix/upload01/prof014/mk40450_img_4552.jpg

[المار500]

كفو يابو عبدالله صديق الواشله

[أبومنصور]

اذا مشى شعيب الواشله
اكيد ما فيه اسعد من سرهيد :)آ
عساه امطار خير وبركه يابو عبدالله
اخوك: أبو منصور

[عبيّد شلفة]

.........مكرر..

[عبيّد شلفة]

رد متقدم لاستفار الاخ عبيد شلفة

الله يسلم عمرك اللي جاز لك التصوير ، اكيد لان شكل الجمس طالع كنه رسمة وانا خبري بكم هاوي الرسم :)

والحفش هذي اللي تسأل عنها طال عمرك نصلح عليها الخبز المدور شبيه وجيه بعض الناس :) عرفت الآن وش م معنى الحفش والا اوضح اكثر ..

واسعدني مرورك واتمنى ان تستمر معنا واجزم انك ستعطي المواضيع طابع اخر جميل :D

تقبل مودتي

مثل الطابونة يعني ؟
وعلشان ما نكون شطحنا عن الموضوع وحنا في خيمة الطقس حبيت اقول تراها تمطر علينا الحين في الرياض لحظة تدوين الرد :eek:

[nahham]

ماشاء الله تبارك الله
الله يعطيك العافية
تقرير ممتع وممتاز

شكرا لك