عن شركة التوصيل زاجل

[ابو سلطان 111]

السلام عليكم اخواني
ممكن احد يدلني على شركة التوصيل زاجل في الرياض وارقام هواتفهم
وهل هذه الشركة موثوقة ام لا
وجزاكم الله كل خير

[سيد الجو]

هي على الدائري الجنوبي الله العالم عند صناعية الدايري

مره جيت لهم اخلاق زفت + تعامل زفت + اشوف الاغراض المشحونه مهمله ومحيوسه


لكن الناس هابين فيها عشانها رخيصه

الزبده اذا كان اللي بتشحنه جهاز او مواد غذائيه او اي شي مهم وغالي دور غيرهم

وانصحك بارمكس وفدكس ولو انهم دبل السعر 10 مرات

[ابويعرب]

وعليكم السلام اخوي ابو سلطان ... موقع الشركة وانت طالع من صناعية الخرج متجه للدائري الجنوبي وبعد دخولك في خط الخدمة باتجاه الغرب تجده بعد اول محطه على اليمين وعذرا لأني نسيت اسم المحطه
وبخصوص الثقه انا جربتهم ونقلت عندهم شناط خاصه واجهزة ايفون ووصلت ولله الحمد
هذا بالنسبه لمكانهم اما ارقام هواتفهم راح تلقاها عن طريق 905 بإذن الله

[رحاال 2009]

مقابل النقل الجماعي بالرياض الدائري الجنوبي..
قبل المزيد للسيارات المصدومه لون الجدار قريب من الاصفر وسياراتهم باينه وانت تمشي بالدائري..
وان شاءالله افدتك..

[بن.حسن]

اخي لهم فرع اخر بين مخرج 11 و10 على الدائري الشرقي

بجوار محلات القاضي للرحلات بس يأخدون زياده 5 ريال

عشان التوصيل للموقع الرئيسي

وهذا رقم الإتصال بهم

4477774

وبالنسبة للتعامل معهم انا اراه اكثر من جيد

تسلمهم الطرد اليوم يصل ثاني يوم

وانا اتعمل معهم من مده طويله ولله الحمد

لم اواجه اي مشاكل مع جميع انواع الشحن

----------

[ابو سلطان 111]

بيض الله وجيهكم وماقصرتو
موقعهم الي في الدائري الجنوبي صار هو الاقرب لي

[العاذر]

الدائري الجنوبي على مااضن

[الوسم للخيام]

اخوي الدائري الجنوبيربين مخرج 19 -- 20 على اليمين
تلفونهم 4477774

[أجود التميمي]

أخوي الغالي لهم رقم موحد وهو (( 920000177 ))

[فارس ولدي]

المركز الرئيسي لزاجل:
في الرياض
(الدائري الجنوبي)
4477774

وفروعهم في:

جدة
6354000

الدمام
8178142

مكة 5502616
الطائف 7375000
المدينة 8445555

حائل 5662222
حفر الباطن 7220050

بريدة 3265080
عنيزة 3611010
الرس 3334353
البدائع 3324404

الأحساء 5822248

هذي الفروع اللي اعرفها اما باقي المناطق للاسف لا اعرف .


و ياخذون رسومهم على الكرتون مهما كان فيه من بضاعة
تقريباً بين 5ريال إلى 15ريال

وتوجد شركات أخرى كثيرة منافسة لزاجل وبنفس الأسعار تقريباً .
عندك مثلاً

أوتكس : جدة و الرياض و المدينة و الدمام و القصيم وينبع ودبي والشارقة

الصاعدي : جدة والرياض والمدينة ودبي

الشملاني : جدة والجنوبية والرياض

الهديب : جدة و الرياض و القصيم و الدمام

ابن الشمال : جدة وينبع وتبوك

حلس : جدة وينبع وسكاكا والقريات وعرعر وطريف

جميع الشركات يجب الإستلام من مقرهم في المدن المذكورة وبعضهم يوفر التوصيل حتى الباب مقابل رسوم إضافية تتراوح بين 15 إلى 20ريال.


وتوجد شركات توصل الطرد الى الباب

مثل

فيدكس وهذا رقم اتصالهم 014633999
أرامكس

هذا اللي اعرف

[مفتون صيد]

اخوي اذا لقيت افضل منهم احسن لك وان ما لقيت ليسوا سيئين
انا صارت لي مشكلة الاسبوع اللى راح معهم
ارسلت اغراض الى جدة وقلت للمصري اللى في الرياض في فرع الدائري الجنوبي لصق الكرتون صح لا ينفك قال ابد ما راح ينفك ... قلت طيب

اتفاجأ اللى في جدة اتصل علي وقال ابو عبدالله اغراضك اللى ارسلتها ناقصه ..!!!!!!!!! وشلون ناقصه وانا عادها صح

اكتشفت انها اللى حملها ماحطها صح وشكلهم يرمون الكراتين رمي ..... انفتح الكرتون وطاح منه الاغراض ... رجع لهم ولقاها الحمدلله
وصرت الان انا اللى اقوم بعملية لصق الكرتون واعد عليه الاغراض واخليه يعاينها قبل لا اقفل الكرتون عليها واخليها يكتبها في الفاتورة بحيث اللى يستلم يجردها عليهم

اتمنى اني افدتك والله ييسر امورك

[المشير بو ثامر]

انا بصراحة جربتهم وممتازة مرة واول ما توصل لك الشحنة يتصلون عليك

[سرهيد]

ما قصروا الاخوان افادوك