أصغر وأقوى كشاف زنن

[bawasel88]

بسم الله الرحمن الرحيم
السلام عليكم ورحمة الله وبركاته
حبيت أهديكم هذه المشاركة وأرجو أن تنال على رضاكم

وهو عبارة عن كشاف أقتصادي يعمل بثلاث بطاريات صغيرة من نوع +AAA كما أنه سهل الاستخدام

مميزاته:
1- سهل الحمل.
2- خفيف الوزن.
3- بطارية إقتصادية.
4- إضاءة زينن.
5- تشغيل متواصل أكثر من ثلاث ساعات متواصلة بدون إنقطاع ومجربة.
6- لاتستطيع أن ترا إضائته بالعين مباشرة.
عيوبه:
1- عندما تشتري البطارية تبقى واحدة لأن الشدة تباع حبتين أو أربع حبات ولاكن لا تقلق أشتري أم أربع حبات وأم حبتين لتصبح ست حبات.
null
سعره 35 ريال مع المكاسر 30 ريال
تنبيه للأخوة محل الرجم اللي بجانب القتاص يبيعه ب 45 ريال وبدون خصم

وإليكم الصور
1
http://www.mekshat.com/pix/upload/images11/mk19239_1.jpg
2
http://www.mekshat.com/pix/upload/images11/mk19239_2.jpg
3
http://www.mekshat.com/pix/upload/images11/mk19239_3.jpg
4
http://www.mekshat.com/pix/upload/images11/mk19239_4.jpg
5
http://www.mekshat.com/pix/upload/images11/mk19239_5.jpg
6
http://www.mekshat.com/pix/upload/images11/mk19239_6.jpg

[غالي]

جزيت خيرا اخوي ابواصيل على هالمعلومه

[قرناس الشمال]

ما شاء الله تبارك الله
هذا تشب فيه ضو
مو كشاف :no: :no: :no:

الله يباركلك فية علا العموم
ولاكن هذا الكشاف نلقاه بالرياض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والله يعطيك العافيه

[مرقاب الشرق]

خوش كشاف مشكور

ملاحظه : من يوم فتح الرجم جنب القناص صارت منافسه بالاسعار وهذا لصالح المشتري والله يكثر المحلات (الاغراض في المحلين كلها من السنيدي)

[عاشق اللاند]

السلام عليكم ورحمة الله وبركاته
اخوي لو تكرمت توصف لنا المحل اللي يباع فيه الكشاف ،،،،،،،،،،،،،،،،،،
ولا عليك امر ،،،،،،،،،،،،،،،،،،،،،،،
مع خالص تحياتي وتقديري ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،

[جيب لكزس]

مشكور أخوي bawasel88
و على فكره أنا شريته بـ 20 ريال قبل اسبوع من المحطة الثانية أو الثالثة وأنت طالع من طريق الدمام على طريق القصيم في الرياض .
ولكم تحياتي ...

[محب الشمال]

مشكور اخوي على الكشاف الطيب
بس الغريب ان اخونا جيب لكزس مشتريه من المحطات بـ 20 ريال مع العلم ان المحطات عادة حرامية ويستغلون الشكاته والمسافرين عشان عارفين انهم مظطرين

[رحاااااال]

السلام عليكم ورحمة الله وبركاته
اخوي البوصلة 88 لو تكرمت توصف لنا المحل الرجم.
او اي واحد يعرفه
شكراً لك أخي الكريم
كل عام وأنتم بخير

[راعي العوجاء]

ما شاء الله مبروك عليك

بس ياليت لة في محل في الرياض

[hamood_2000]

السلام عليكم ورحمة الله وبركاته
اقول ما شاء الله تبارك الله
بس ياليت توصف المحل بالضبط , في الوان ثانيه له ؟

[ساهرالليل]

شكرا لك اخي

[عروان]

يا أخوان هذي فائدة ان الواحد يحط محل الاقامة في المنتدى ويظهر تحت تاريخ التسجيل للعضو نفسة.


الاخ بواسل يبدو أنه من مدينة الدمام.

المحلات اللي يقصدها اخوي بواسل موجوده على طريق الملك فهد في الدمام.


أطيب تحية للجميع

[راعي العوجاء]

طيب ما يوجد في الرياض ؟

[هاوي قصيده]

ياخوي مع احترامي لمحل الرجم غااااالي شوي

يعني يمكن السنيدي اهون..

بس القناص مدري عنه..وانا صراحه من اهل الدمام بس المقاضي ما اخذها الا من السنيدي الجديد اللي ببريده

واذا سعره بالرجم 45 اجل بكم بالقناص..؟؟او الرمايه

[bawasel88]

:D
السلام عليكم ورحمة الله وبركاته
آسف على التأخير
بالنسبة لموقع المحلين القناص والرجم :
حي أحد مخطط91 طريق الملك فهد
الوصف : أول ماتعدي أشارة 91 مع الفيصلية بإتجاه المطار بيجيك على يمناك بنك الراجحي بتحصل بعده بكم محل القناص وبعدين يجيك محل الرجم بعد القناص بثلاث أو أربع محلات...
هذا رد للأخ رحااااال والأخ عاشق لاند والأخ hamood_2000
__________________________________________________ _____
أما الأخ هاوي قصيدة : سعر الكشاف بالقناص 35 ومع المكاسر والكلام الطيب30ريال ولاكن للأسف نفذت الكمية ما راح يجيب إلا بعد العيد وإذا أنت مستعجل عليه خذه من الرجم ب45ريال وعنده ألوان وبالنسبة لمحل القناص أغلب أغراضه من السنيدي... __________________________________________________ _____
أما الأخوان راعي العوجاء وقرناس الشمال الله العالم إذا كان ينباع بالرياض لأني مابحثت عنه في الرياض
ولاكن أبشر أول ما يجيني علم بنزل الوصف في المنتدى...
__________________________________________________ _____
الأخ محب الشمال: من الطبيعي أن يكون سعره على طريق القصيم ب20ريال لأن أغلب اللي رايحين القصيم يعرفون محل السنيدي وأسعارة وما شاء الله القصمان ما ينضحك عليهم بالاسعار...
__________________________________________________ ____
الاخ عاشق لاند الله لايهينك لاتستخدم الألوان التي يصعب قرائتها

[ابو جبل]

اللي يبحث عن الكشاف في الرياض يجده عند محل ذيب الصحراء بالقرب من اسواق العويس
من الجهة الشمالية وسعره (35ريال) بدون مكاسر
ودمتم سالمين


اخوكم ابو جبل,,,,

[ابو جبل]

يا أخوان أنا لقيت الكشاف عند محل ذيب الصحراء مقابل اسواق العويس من الجهة الشمالية مكتوب علية صناعة المانية سعره (35ريال) بدون مكاسر


أخوكم ابو جبل,,,

[عطارد]

السلام عليكم ورحمة الله وبركاته وكل عام وانتم بخير

من عيوب الكشاف:

انه متين شوي يعني يتفخ المخبى.
البطاريات تركب في حاويه بلاستك وان خربت دور اقرب درام زباله.
زر التشغيل ممكن يخرب مثلكم خابر شغل الصين.
فيه نوع عندي جايبه من ماليزيا يشتغل على بطاريه وحده حجم AA وتشغله عن طريق الغطاء تفره للاخير وقيمته تقريبا عشرة ريال ومصنوع من الالمنيوم جبت منه كم حبه لاخواني والحبايب وبقى عندي اثنين احتياط لي.

ودمتم

[bawasel88]

السلام عليكم ورحمة الله وبركاته

كل عام وعائلة مكشات وزوارها بألف خير،،،
أسأل الله أن يعودها علينا وعليكم بالأعمال الصالحة...آمين

( أبو جبل )
جزاك الله ألف خير على إعلامنا عن مكان بيع الكشاف بالرياض
__________________________________________________ _______

( عطارد )
شكراً على إضافتك معلومات عن الكشاف ... ولاكن أطلب منك خدمة الله لايهينك

أبيك تشتري الكشاف وتعمل به كالآتي لإثبات جدارته :.
1) أول ماتشتري الكشاف والبطارية جديدة أدر المقبض إلى النهاية ليصبح التشغيل متواصل وأحسب كم ساعة يقاوم الكشاف .

2) إذا خلصت البطارية ركب بطارية جديدة وظغّـط على المكبس ظغط متواصل مثل الفلشر أو البرق لين تتعب .

3) أرجو منك أن ترد علينا بالنتائج بكل أمانة .


وجزاك الله كل خير وحفظك من كل شر
____________________
______________

(2) باب الطيب والسواك يوم الجمعة
493_ حديث أبي هريرة رضي الله عنه ، أنَّ رسول الله (صلى الله عليه وسلم) قال:(( من اغتسل يوم الجمعة غُسْلَ الجنابة ثم راح فكأنما قرَّب بدنةً ، ومن راح في الساعة الثانية فكأنما قرَّب بقرةً ، ومن راح في الساعة الثالثة فكأنما قرَّب كبْشاً أقْرَنَ ، ومن راح في الساعة الرابعة فكأنما قرَّب دجاجةً ، ومن راح في الساعة الخامسة فكأنما قرَّب بيضةً ، فإذا خرج الإمامُ حَضَرَتِ الملائكةُ يستمعونَ الذكرَ)).

أخرجه البخاري في : 11 _ كتاب الجمعة / 4_ باب فضل الجمعة

(نقل الحديث من كتاب اللؤلؤ والمرجان فيما أتفق عليه الشيخان)

[bawasel88]

أخوي في الله عطارد
السلام عليكم ورحمة الله وبركاته
ياليت ترينا صور من الكشاف الماليزي إن استطعت
وشكراً



___________________________
(17) باب مايقرأ في يوم الجمعة

504 ــ حديث أبي هريرة رضي الله عنه، قال : كان النبي (صلى الله عليه وسلم ) يقرأُ في الجمعة ، في صلاة الفجر ، آلم تنزيل ، السجدة ، وــ هل أتى على الإنسان ــ .

أخرجه البخلري في ، 11ــكتاب الجمعة: 10ــ باب مايقرأ في صلاة الفجر يوم الجمعة .

(جميع الاحاديث منقوله من كتاب اللؤلؤ والمرجان فيما أتفق عليه الشيخان).

[ابو جبل]

السلام عليكم
اللي يريد الكشاف من أهل الرياض يلقاه في الدائري الجنوبي
أنا شريته من عندهم بسعر 20ريال فقط وصناعته صيني ويمدحه راعي المحل
من محل ( مكشات) بين مخرج الترميذي ومخرج عائشة رضي الله عنها بعد شركة الإتصالات
واسعارهم حليوه ,,


أخوكم أبو جبل ,,

[LiOn_HeArT]

شكرا لك أخي على المعلومة القيمة