نصيحة - لا تخلي السيارة شغالة إذا نزلت منها ولو لثواني ) موقف حصل لي )

[الصقر الحربي]

بسم الله الرحمن الرحيم
السلام عليكم ورحمة الله وبركاته


الكثير منا يشتكي من كثرة سرقة السيارات والسبب الكبير في سرقة الكثير من السيارات
هو أنت انك تنزل للسوبر ماركت أو المطعم أو. أو...إلخ وتخلي السيارة شغالة وتقول ثواني وأنا جاي
الحرامي تراه مايفوت الفرصة ذي


الموقف اللي حصل لي





نزلت من السيارة للبوفيه طبعا السيارة شغاله عين على السيارة وعين أ نتظر الطلب
غفيت عن السيارة ثواني وإلا أشوف شي يتحرك في مكان السواق وقلت في نفسي انها وسوسه
والا السيارة يوم رجعت ريوس قلت لا والله الأمر جد فيه سرقه
وأنا أنسف الثوب وأجيك طاير ومن الربشه نسيت باب البوفيه أحسبه فاتح لأنه قزاز شفاف
وخذلك تبنيطة فالباب على كيف كيفك المهم طلعت من البوفيه طاير
ويوم وصلته إلا جالس يضحك
طلع واحد من خوياي شاف سيارتي شغاله قال خلني أسوي فيه مقلب


وجزاه الله خير اللي سوا المقلب في
والا كان ما اتعضت



والمطلوب من السالفة ذي ان الواحد ما يخلي سيارته شغاله أبدإذا نزل منها

حمانا الله وإياكم من السرقات

[قلم الجريح]

ههههههه احسن ههههههه والله يا هو مقلب ولا احلى

[مسافر مكشات]

جزاك الله خير على النصيحة

[الرجم النايف]

احمد ربك انها مزحه والله ياكم واحد صارت له جد مو مزح حسبي الله عليهم ...
موفق يالحربي ..

[محمد الصرير]

الحمدلله إنها مزحه
أولا الحمدلله على السلامة من التبنيطة
ثانيا والله المفروض ما تروح التبنيطة ببلاش يا يقوم بعشاك والا يتعشاه العقال




وصل اللهم على سيدنا محمد وعلى آله وصحبه وسلم أجمعين . ودمتم سالمين

[النينا]

لا والله يالحربي تصير حقيقي مو مقالب

اذكر مرة جالسين الشباب على الشارع وفيه واحد يمشي على جانب الخط برجليه مشي عادي ولاهم مبين انه ناوي على شي والله واعلم انه ماهو اجنبي

ومن تعاسة حظ المسكين جا ووقف سيارته جنب البقالة ونزل يشتري ولما وصل الرجال اللي يمشي عند السيارة الا وفك بابها قدام الله وخلقه وراااح

طلع صاحب السيارة زي المجنون والشباب ماتوقعوا ان الشغلة سرقة على نياتهم لان الموضوع كان طبيعي جداً

على بال ماشغلوا سيارتهم الشباب وراحوا وراه مالحقوه والله واعلم شصار معاه

يعني هذا الحرامي ما وفر شاف السيارة شغالة وركبها وفحط بها بدون تخطيط حرامي بالفطرة :)


للموعظة

[ذيب النجيل]

خويك ذا ذكرني بسالفة

(( السارق المزاح ان شفته ولا رااااح ))

[سديراوي 503]

ههههههههه والله المقلب حلو شكلي بسويه في واحد من اخوياي وانشاء الله يطلع مثلك مب عصبي وجزاك الله خير
وانتبه وخذ حقك هههههه

[ابواحمدالدوسي]

الحمد لله على السلامه لاعادتعودهاهذي المره مقلب والمره الجايه الله يستر

[كاتم الشكوى]

الله يعطيك العافية وتسلم

[فنجال شاهي]

اما تبنيطة الباب القزاز اكلته انا في مرتين والله يا هي احرااااااااج ههههههههههه واذكر مره كنت في مجمع تجاري وكان في رجل من رجال الهيئة كان يطارد ولد الزبده الولد طلع مع الباب المتحرك القزاز والمطوع وراه وقفل الباب وما انتبه له المطوع وبنط المطوع في الباب وانكسر باب المجمع وطاح وصار حالته حالة الموقف هذا ما انساه

والله يعطيك العافيه على موضوعك وانا من نا حيتي مستحيل اخلي السيارة شغال لو نص دقيقه ما اخليها اذا بنزل اقفلها

[منتج رسمي]

روي عن رسول الله صلى الله عليه وسلم في المنع من ترويع المسلم – فذكر حديث السائب " لا يحل لمسلم أن يروع مسلما " - فكان ذلك تحريما منه لمثل ذلك ، ونسخا لما كان قد تقدمه مما ذكرناه في هذا الباب مما تعلق به من تعلق ممن يذهب إلى إباحة مثله إن كان مباحا حينئذ " انتهى.
" شرح مشكل الآثار " (4/305-308)

[ابن الاصيل]

هذا ولد عمي خلا سيارته شغاله ونزل يشتري من البقالة يوم طالع يمار سيارته حركت ويدوره له سبوع ومسكين توه شاريها جديد من الوكاله والا داقين عليه الشرطه تعال لقيناه يوم جاهم طلع موقفه عند مطعم وصارق وحده ثانيه من نفس المكان يمار حوسه مكسره من كل مكان وسلامتكم

[راع القنص]

والله المقلب فله بسويه بواحدن من أخوياي
يقعد بالعشر دقايق إلى 11دقيقه

[أبو نـآيف]

ودي اضحك بس الطنزه يقولون تلحق ههههههههه > ضحك خخخ

[ساكن الوادي]

الله يعطيك العافية

[بوخليفه77]

وعليكم السلام ورحمة الله وبركاته
صدقت ياخوي كلامك في مكانه والسرقات كثرت في كل مكان
والله يصلح اصحاب النفوس الضعيفه
تحياتي

["Alkapten"]

والله حصل معي نسف الموقف

نازل اكوي الشماغ عند المغسله

الا ويقولي العامل به واحد ركب السياره وهي شغاله

قلت له خل التسذب عندك يوم التفت ماناظرت زين كانت مظلل السياره

الا واشووف الريوس واجيك مطلق الارض طاير ومير انط ع الكبوت

ابيه يووقف الا وهوو عمي الصغير

وعقبه حرررمت اوقف السياره وهي شغاله

حتى لو هي عند الباب

[ابوسرى]

ههههههههههههههههههههههههههههههههه

[مكشآتي للآخر]

حصل معي موقف مشابه لموقفـك لاكن عند الباب
شغلت السيارة وتذكرت جوالي ناسية بالبيت نزلت وخليت السيارة شغالة
والسيارة توني شاريها ماصارلي فترة
المهم اخذت جوالي وانا امشي بالحوش طبعآ نور سيارتي مشغلة شوي الا اإشوفة يدق الريوس
لاشعوريآ ركضت لييييين طبيت بالحوض.!!! إخر شي طلع عمـي هههههههههه
قال هاذا درس لك عشآ ن ماتخليها شغالـة

[بريداوي اصليm]

ههههههههههههههه
مقلب آآآآآآلليم
موفق يابعدي

[ابو تركي2010]

جزاك الله خير على النصيحة

[عاشق الغضا]

ههههههههههههههههه

[طرّاش]

الحل بسيط .. تقص مفتاح للسيارة بـ 3 ريال واذا نزلت عند بقالة او غيره تقفل السيارة وهي شغّالة خصوصا الصيف جاي بدال ماتطفي المكيف وتطفي السيارة هذا الحل