المساعد الشخصي الرقمي

مشاهدة النسخة كاملة : مطلوب خيمة ام عمود مستعمله او جديده <منطقة الخبر او الدمام.اخوكم من البحرين


greedy boy
19/01/2011, 06:21 PM
السلام عليكم
يالربع ادور عن خيمه ام عمود واحد 4*4 او 5*5 متر
المهم تكون نظيفة وزينه !
انا ان شاء الله يوم الجمعه بجي السعوديه وقاصد الخيام
ادا ما عندك خيمه اذا ممكن تتفضل وتعلمني وين اماكن بيع الخيام المستعمله والجديده..مع شرح الموقع ان امكن او احداثية قريبه من الموقع

واذا عندك واجي لك على طول بيكون واجد افضل
والسعر يكون مضبوط

مطلوب غاطين او ثلاثة
مو مهم النوعيه

تعبت وانا ادور في البحرين

مشكورين وما تقصرون :)
همال الوسمي
19/01/2011, 06:57 PM
أخي greedy boy

الخيام المستعمله لا اعلم عنها

اما الخيام الجديده فعندك مصنع القاضي للخيام
وهو مو جود على طريق ميناء الملك عبدالعزيز بالدمام
greedy boy
19/01/2011, 07:19 PM
شكرا الاخو العزيز على سرعه الرد :)
ان شاء الله بمر اشوف القاضي..
بس في اماكن بعد غير؟!
في سوق الشعبي او سوق الحراج في الخبر او الدمام؟وين يصير موقعه بالضبط؟سمعت ان بالامكان تحصل فيه خيام مستعمله؟!

شكرا اخوي همال الوسمي
biin khaled
19/01/2011, 07:26 PM
أخي الغالي greedy boy
بالنسبة لسوق الخيام عندك محلات خاصة بالخيام لكنها تفصيل وجديدة تحصلها في شارع الملك خالد تقاطع الامير منصور....

وبالنسبة لسوق الحراج في الدمام يقع في حي التلفزيون على امتداد شارع الملك خالد وانت متجه للغرب وإذا وصلت للدمام اسأل عن حراج التلفزيون وسهلا لوصول لها...وعلى طاري الحراج قبل اربع أيام بالضبط شريت من واحد في الحراج خيمة باكستانية 6×4 الله أعلم غاط واحد 550 ريال وهي جديدة لم تفتح ابداً....إن شاء الله تحصل الخيمة اللي تطيب خاطرك...وأي استفسار بالدمام انا حاضر
جومانشي
19/01/2011, 07:53 PM
عندك الحراج تلقى اللي تبي فيه
greedy boy
19/01/2011, 08:02 PM
سلام مرحبا يالاخو بن خالد
واجد افدتني بردك..
والله سعر مغري لخيمه 6*4 ب550ريال!
لاكن غاط واحد تفيد حق هالجو؟اعتقد الهواء يدخل داخلها وما يصير اي دفئ فيها؟والمطر بعد؟
انت بتستخدمها في البر او للبيت او مكان تقريبا مغلق؟!
والله انا عجبتني هذي اللي تقول عنها بس اخاف من غاط واحد ما تفيدنا؟!
تسلم يالاخو وحبايب اهل الدمام والله<كله مطيحين عندكم
وانت اخذت خيمتك من حراج التلفزيون؟
اسأل معارفك ادا في احد عنده خيمه مستعمله للبيع وغاطين او اسألهم عن اماكن بيع المستعملين
ترا انا شراي وفلوسي جاهزه

اخوك احمد

شكرا على الرد الاخو جومانشي
بس ياريت اذا عندك مكان ثاني تخبرني عنه
جومانشي
19/01/2011, 08:05 PM
برضه عندك حراج الثقبه وقريب منك بعد اذا تبي التوصيف

وانت جاي من البحرين فيه اسكان الخبر

مقابله مصلحة المياه

الحراج خلف المصلحه على طول
greedy boy
19/01/2011, 08:23 PM
بعد أفدتني في هالمعلومة شكرا ليك
وان شاء الله اول شي بمر على حراج الثقبة وانا رايح طوالي الى الدمام حراج التلفزيون
ما تقصر:)
biin khaled
19/01/2011, 09:20 PM
حياك الله أخوي greedy boy
أولا: حياك الله بين أهلك وربعك واخوانك والديرة ديرتكم قبل اي شي...وعزيزين علينا
وبالنسبة للخيمة أنا أخذتها للربيع للأهل...وعموما نوع الخيمة وكم غاط ...(بالنسبة لي) ما يهمني كثير لأني من اتلبس ثقيل وزين عن البرد حتى لو هي ملحق في البيت..لأني جربت لفحت الهوا....وتبت من بعدها...


واذا تبي الشور.. خذلك جديدة السعر قريب من المستعملة...وأضمن وتعدل الملاحظات التي تبيها في الخيمة وعمرها جديد على الاقل لسبع سنوات (جدام..هههه..دعابة)....والله يوفقك وراح أسأل لك إن شاء الله


والسموحة على الاطالة
greedy boy
19/01/2011, 10:59 PM
ألا كل ما اطلت في كلامك استفاديت اكثر منك!
خلاص انا تقريبا ناوي على هاذي ام 550ريال
بس اول بشوف شلون بيكون القماش .شوي فيه متانه او خفيف كلش وعقب بقرر
او يمكن اخد ام اربعه متر غاطين
اللي كاتبه الله بيصير...هه يعني ما يندرى يمكن ارجع بدون ما احصل بعد ؛)

مع السلامة