للخبراء في الجيب الربع (تويوتا) خصوصا والجيوب عموما

[اول 9099]

السلام عليكم ورحمة الله وبركاتة ..
ندخل في الموضوع على طول ..
شريت ربع تويوتا 2004 ماشي 200 الف وحبيت اسألكم بعض الأسئلة :
1- هل اغير زيت الدفرنس الأمامي والخلفي وزيت الدبل والقير؟ علما اني ما ادري هل راعيه الأول مغير له ولا لا ؟
2- كم علب زيت يشيل بالسيفون؟
3-من هم الوكلاء المعتمدين لبيع القطع يعني اشتري منهم وانا مرتاح؟
4- صوت عمود الدركسون (الحكة مع اللفة)هل له حل؟ علما اني رحت لميزان البادية وقال هذا عيب مصنعي في كل الربوع وايضا رحت لورشة ثانية وقال نفس الكلام
5-نور السيارة ضعيف !
6- هل اغير صفاية البنزين ؟ وكيف ادري ان عمرها انتهى؟
7- هل اغير اسلاك البواجي ؟ وكيف ادري ان عمرها انتهى؟
8-كيف احل تنسيم الهواء(اقصد مع الأبواب) ؟ مع العلم ان الموتر ماجاه قلبات ولله الحمد
9- كيف افك فاصل السرعة ؟ وهل له ضرر؟

واخيرا ..
الله يحقق لكم جميع امانيكم .. دمتم بود:heart:

[برايدوي عنيد]

هلابك اخوي ..

مبروك ماشريت والله يطعمك من خيره ويكفيك شره.

(متى تبي نكشت عليه ه هههههههههه هع )

بالنسبه لتغيير زيت الدفرنس فلا تغيره ابد لان من غير زيته يطلع له صوت من الكرونه ولا يضبط لان ينزل مع الزيت الاول رايش مهم لحركه الدفرنس .

القير والدبل ممكن عادي تغيرهن لكن ترى ممشى200 الف عادي ولاهوب واجد .

اما صفاي البنزين زين انك تغيره والبواجي بعد اما اسلاك البواجي غاليه وممكن مابه شي رح لم ميكانيكي ممتاز ويعلمك تحتاج تغيرهن والا لا .

تنسيم الهواء مع الباب الظاهر انه امر عادي بكل الجيوب لو هو وكاله مالك الا الشريط اللي يركب على جوانب الباب .

هذا ماأعرف وتقبل مروري ............

[ابوراكان تبوك]

السلام عليكم ورحمة الله وبركاتة ..
ندخل في الموضوع على طول ..
شريت ربع تويوتا 2004 ماشي 200 الف وحبيت اسألكم بعض الأسئلة :
1- هل اغير زيت الدفرنس الأمامي والخلفي وزيت الدبل والقير؟ علما اني ما ادري هل راعيه الأول مغير له ولا لا ؟
2- كم علب زيت يشيل بالسيفون؟
3-من هم الوكلاء المعتمدين لبيع القطع يعني اشتري منهم وانا مرتاح؟
4- صوت عمود الدركسون (الحكة مع اللفة)هل له حل؟ علما اني رحت لميزان البادية وقال هذا عيب مصنعي في كل الربوع وايضا رحت لورشة ثانية وقال نفس الكلام
5-نور السيارة ضعيف !
6- هل اغير صفاية البنزين ؟ وكيف ادري ان عمرها انتهى؟
7- هل اغير اسلاك البواجي ؟ وكيف ادري ان عمرها انتهى؟
8-كيف احل تنسيم الهواء(اقصد مع الأبواب) ؟ مع العلم ان الموتر ماجاه قلبات ولله الحمد
9- كيف افك فاصل السرعة ؟ وهل له ضرر؟

واخيرا ..
الله يحقق لكم جميع امانيكم .. دمتم بود:heart:

مبرووووووووووووك وخير ماشريت والله يعطيك خيرة ويكفيك شره
1- لا تغيره شيك عليك عن النقص افضل الا اذا كان خيف زي الموية
2- 8 علب مع السيفون وانا افضل زيت سوبر سبشل
3- النهدي و العفيف
4- هذي الجلد المشبوكة بالرفرف ( ذرايات المكينة ) يحك فيها الكفر اذا لفيت للأخير وليس عيب مصنعي ولا عليك منها حتى مبين محل احتكاك الكفر فيها وشوفها بنفسك
5- ضعف نور السيارة كل الربوع نورها ضعيف بس انا مركب مقوي نور وماشي معي لأبأس به
6- صفاية البنزين اذا توك شاري السيارة غيرها افضل وتبي تتأكد منها اذا فكيتها طقها على اي شيء رايح ينزل وساخة منها معناه انها واجبة التغيير
7- اسلاك البواجي غيرها اذا كانت تهرب كهرباء فقط0( فك الغطاء عنها وشغل السيارة في مكان مظلم اذا شفت منها شرارات معناه انها تهرب كهرب )
اذا ماكان فيها شيء غير بواجي وفلتر هواء أفضل
8- تنسيم الهواء فيه جلد تباع في محلات الزينة زي الشطرطون بـ 20 ريال تكفي البابين بس لا تحط ع الباب كامل ابدأ من زاوية الباب اللي فوق الى زاويه الباب الامامية اللي تحت عند الأرجل ( اعزكم الله )
9- فك فاصل السرعة ما منه ضرر لكن ورى 170 كم بتمشي :mad: انتبه وانا اخوك من السرعة ( فك الطبلون تلقى من الخلف فيش عريض لونه ابيض حق الطبلون وسلك الفاصل ثالث سلك من اليمين على ما اعتقد لونه اخضر قصه من مسافه يمديك ترجعه زي اول اذ احتجت ذلك)

تأكد من الأذرعة والركب عند محلات الميزان لأنها اهم من كل اللي استفسرت عنه

وحياك الله في رابطة ملاك الربع تويوتا
هنـــــــــــــــــــــا (http://www.mekshat.com/vb/showthread.php?t=271766)

[اول 9099]

الله يجزاكم الجنة على الردود اللي تثلج الصدر
ما ادري كيف اشكركم والله

ونسمع اذا فيه ارا اخرى وماقصرتوا

[كديان]

الله يطعمك من خيره و يكفيك شره
اسمع ياطويل العمر
الجيوب الربع عندنا بالقصيم يجلدن جلد بالنفود تطعيس و بعضهم مرهمينهن
و ماخربن ابد و م2000 وطالع و ماشيات فوق ال300الف خبرك الجيب مع الشباب السلف مع يطفا ابد
الربع معروف حمار مكدة لو تجدعه من فوق جبل ماجاه شي هههه
و انتبه تغير زيت الدفرنسات دامهن ما قالن شي
و انصحك ما تغير زيت الدبل و القير لانه الزيت شد المصنع من الوكالة فلا تلمسه و احسن من اللي يباع عندنا
بالسوق حتى ولو قالوا لك انه اصلي

[كديان]

بخصوص ربل الباب يوجد بالزينات اسفنج لين يحط على الباب و يكتم الصوت
الفاصل يركب بالقصيم ب30ريال و لا اعرف طريقته و اخبر بعضهم يفك فيوز الكيلو عشان يمشي الطبلون
و احذرك من السرعه مابه فايدة
النور ركب شمعات هيلا الالمانية سعرهن ب200 و كسور + لمبات اوسرام الماني كرتون ازرق 80على 100 + كتاوت ازرق ياباني واحد للعالي و واحد للواطي
و راح تدعي لي طبعا ظفيرة النور لازم تكون الاسلاك عريضة 2ملي و طالع
ل تركب الظفيرة الجاهزة اللي تباع بالزينات لانه مهب اصلية صينية

اسلاك البواجي 99% مهب تخرب و تراه اصليه و لو هي خربانه كان الموتر يقطع على طول
و تراهن اصليات ازين من اللي يباع بالسوق
اللي بالسوق حتى و لو اخذته من الوكالة فاحتمال 99% مهب اصلي اليوم اختلط الحابل بالنابل
و هذا كلام راعين ورش سعوديين مجربين قطع الغيار
لدرجة ان بعضهم ياخذ من التشليح مستعمل و اصلي و شد المصنع من السيارة المصدومة
و لا يشري جديد يوهقك

[كديان]

ادخل الرابط وشف صورة كرتون الاوسرام الازرق
و رد المشرف سوبر

المشكله في الأنوار الأماميه في بعض السيارات والموديلات بعد تركيب المقوي (الكتاوت) (http://www.mekshat.com/vb/showthread.php?t=273612)


ادخل منتدى تطعيس
متخصص بالمرهمات و الجيوب عموما الربع و خلافه

[ابو ف]

ماشاء الله على البركه
بالنسبه للزيوت الدفرنسات والقير
والدبل اذا صارت ناقصه زدها
والنور ركب كتاوت وراح يفرق ،،
والحقيقه الاخوان ماقصروا ،

[اول 9099]

كديان والله انك احرجتني
الله يجزاك الجنة ووالدينا ووالديك
وبيض الله وجهك وماقصرت

وجاري التطبيق ان شاء الله

[عاشق الكمب]

بالنسبة لنور الالماني مامثلة تكلفة حدود 400 ريال