تكفون لا تخلون (المونـــــــــــسه ) بس للفرجه !

[وجهة نظر]

بسم الله الرحمن الرحيم
السلام عليكم ورحمة الله وبركاته
والله اني ازعل من محترف المكّشات اللي يستخدم
الغاز............ وينحرم من شــــبة النار......
وجهة نظري الغاز مشطوب من الــــــــــعزبه :o
تكفون لا تخلون (المونـــــــــــسه ) بس للفرجه
واكره دبة الغاز والدافور في البر اعتبرها ( تلوّث )
هاااااااااااه تري ( وجهة نظر)
http://www.mekshat.com/pix/upload/images11/mk19520_mk8178_mk2692_img_5516h.jpg

[مشوت الحصى]

صدقت والله
ولكن وانا اخوك بعض المرات تحتاج فنجال او كاسة شاهي على الماشي

وما يسعفك الوقت انك تشب النار

فما لك الا الغاز


ولكن الملاحظ ان بعض الكشاته مايعرفون شيء اسمه نار (ضو)


والسلام

[صقر]

أخي وجهة نظر ... انا معك أن الكشتة بلا شبة ضوية مالها طعم .... ومن طبعنا نشب الضو لو في الصيف ( وقت القميري) .

ولكن مثل ما قال اخي مشوت الحصى ان الغاز يجي له اوقات تحتاجه ومالك غناة عنه.

أيضا الغاز في بعض الاحيان يريحك ويختصر لك الوقت وبدل ما أنت تصالي الدخاخين وإلحاق الضو .... شب على الدافور ورح اجلس مع الربع شوي واستمتع بالسواليف.

وترى هذي ( وجهة نظري) :D

[أبوأحمد98]

وجهة نظر ..جميله منك اخوي فعلا شبة النار له طعم تعطي الكشته طعم اخر

لكن ..مالنى غناة عن الغاز ..والاسباب مثل ما قالوا الشباب

[البرحه]

سلام عليكم

الشباب ما قصروا

مالنا غناة عن الدافور

حتى لو ان الظو مشبوبه ...تدبل تسبدك ما فاح بريق ...لكن القهوه لا تبهرونها الا على الضويه .ترى طعمها خاص

وشكرا

[وجهة نظر]

مشوت الحصي/ والله ياخوك مايزبط القهوه والشاهي الا النار ( الضو )...وجهة نظر تري
صقر / تصدق ما اكيّف لين تدمع عيوني من الدخنه .
ابو احمد 98/ والله صادق بس ماش ما قدرت اقبل الوضع .
البرحه / خلك شمالي (طويل بال ) .
وشكراً للعموم علي المرور وابداء الراى .

[غالي]

شبة النار هو روح البر
وريحته عود دخونه
ولي انا شخصيا 7 سنين ما استخدمت الغاز
ولو ابي شاي على عجل مثل ماقالوا الاخوان عندي الكأس الي على ولاعة السياره
وشكرا لكم :)