أخوكم جديد في عالم الصقاره ... الرجاء الدخول

[ملك العرب]

سلام عليكم

حياالله الشباب .. انا صراحة شقت مواضيكم ولمست يد المساعدة ...

المهم أنا والله ودي اشري صقر وميزانيتي ماتتعدى 1500 ريال وعندي كم سوال ...

الأول : وش تنصحوني بأي نوع من الصقور وكري ولا شيهانه جبليه ولا أي شيء { طبعا على قد ميزانيتي } .؟

الثاني : لاجيت أشري طير من السوق وش أحتاج من كماليات للطير وكل مايحتاجه لطلعات البر ..الخ ؟

الثالث : لاشريت الطير وجاء عندي بالبيت وين أحطه فيه ؟

الرابع : وشلون أعطيه غداءه وعشاءه ؟ يعني لازم كل يوم أصيد له حمامة ولا شلون ؟ ووش ياكل هو ؟ ولا أشتري طيور ميته ولا وشلون ؟

الخامس : أنا رجال منيب راعي طلعات بر واجده يعني بالأسبوع مره وحولها ؟ هل يعني لازم أطلع واجد ؟

السادس : عطوني نصايحكم ياشباب في أي شيء ...


شكرا واعذروني على كثرة الأسئلة

[1-أبوماجد]

مساء الخير للجميع
ياشور لك دامك تطلع بلأسبوع مره تاخذ معاميلك تشب :f ضويتك وتسوي قهوتك
وتمشى وتستانس وخل عنك مغثتك لطيور وتعلم كيف تصيد صقر مثلاَ تاخذلك حمامه
وتحط الشبك عليها تلقاها عند حقون الصقاره وقفص صغير ون شفت الطير فكها عليه
وتصيده
وشوي شوي أن شفت نفسك جازتلك الصقاره لينك تعلم صح وصار عندك خبره
بتوفيق لك

[منصور بن محمد]

سلام عليكم



وعليكم السلام ورحمة الله وبركاته



هلابك اخوي ملك العرب


أولاً أبارك لك أختيارك هذه الهوايه


...............................
................................

ميزانيتي ماتتعدى 1500 ريال وعندي كم سوال ...


الأول : وش تنصحوني بأي نوع من الصقور وكري ولا شيهانه جبليه ولا أي شيء { طبعا على قد ميزانيتي } .؟




على قد الميزانيه شيهانه جبلية


وان شاء الله تلقى وكري قريب من الميزانيه



الثاني : لاجيت أشري طير من السوق وش أحتاج من كماليات للطير وكل مايحتاجه لطلعات البر ..الخ ؟




ظروريات ( برقع ، دس ، وكر ، بخاخ ماء ، سبوق ، شبكه ، ( علف -


حمام حي ... وعلف للحمام ...


وإليا طلعت البر قل ( أعوذ بكلمات الله التامات من شر ما خلق )




بالنسبه ( لكل ما يحتاج البر ... !
عليك بهالرابط


خيمة عدد وأدوات الرحلات



الثالث : لاشريت الطير وجاء عندي بالبيت وين أحطه فيه ؟




بأي مكان :p


ولكن الكلام اذا جاء وقت الربطه ... بأي مربط تحطه :p



الرابع : وشلون أعطيه غداءه وعشاءه ؟ يعني لازم كل يوم أصيد له حمامة ولا شلون ؟ ووش ياكل هو ؟ ولا أشتري طيور ميته ولا وشلون ؟




العلف طال عمرك


حمام حي أو سمان حي


أو سمان مبرد ( تجده بالسوبر ماركت )


فيه 6 حبات سعره 14 ريال


وتعطيه كل يوم وحده فقط .


وتدخل تحت هذي الامور ( التدهيل ... متى تقصر عليه .. الخ


والعلف هو الرابط الرئيسي بينك وبين الطير .










الخامس : أنا رجال منيب راعي طلعات بر واجده يعني بالأسبوع مره وحولها ؟ هل يعني لازم أطلع واجد ؟


هههههه لا ماهوب لازم


يقول : ليا منا دعينا الطير كنا قنصنا .


البر ماهو شرط إنك تصيد !


وسع صدرك واستااااانس




السادس : عطوني نصايحكم ياشباب في أي شيء ...




يقول أحد الحكماء :


إذا داومت على ما كنت تقوم به دوماً


فسوف تحقق ما كنت تحققه دوماً !!


بمعنى أبدع وحقق شئ جديد لك بالهوايه أو غيرها .


وأخيراً لا تمل وتابع المواضيع المثبته بالخيمه ،


وتذكر ان الله انعم علينا بتصخير هذا الطائر لنا


ويجب علينا ان نحافظ على هذه النعمه وان نرفق بها


ونحمد الله على هذه النعمه التي انعم علينا بها .






شكرا واعذروني على كثرة الأسئلة






الله ييسر أمرك


تمت الاجابه على الاستفسارات
ولعل الاخوان يفيدونك أكثر ،
فهم أخبر مني وأعلم


أخـوك
أبـو عـقـاب

[ملك العرب]

شكرا لك أخوي أبو عقاب وماقصرت

[south falcon]

عندي شيهانة جبلية فرخ مطروحة من يوم واحد بس ومافيها اي عيوب ولساها وحش اذا تبيها عطني رقمك

[الهدهد]

افادك ابو عقاب انشاء الله

[abo jaara]

سلام عليكم

حياالله الشباب .. انا صراحة شقت مواضيكم ولمست يد المساعدة ...

المهم أنا والله ودي اشري صقر وميزانيتي ماتتعدى 1500 ريال وعندي كم سوال ...

الأول : وش تنصحوني بأي نوع من الصقور وكري ولا شيهانه جبليه أي شيء { طبعا على قد ميزانيتي } .؟
اخوي بالنسبة لي انصحك تشريلك شبوط ب 50 ريال تدرب عليه كيف تمسك وتنقل وتعلفه ثم بعد اسبوعين او ثلاث خذلك طير هذا اذا كنت ما تعرف شي بالصقور ابد ابد المهم اذا تبي صقر خذ لك وكري موجود بكثرة او شيهانة جبلية


الثاني : لاجيت أشري طير من السوق وش أحتاج من كماليات للطير وكل مايحتاجه لطلعات البر ..الخ ؟
برقع 15 ريال سبوق للطير ب 10 ريال دس 25ريال وكر 35ريال
الثالث : لاشريت الطير وجاء عندي بالبيت وين أحطه فيه ؟
حطه بمكان مغلق دافئ لان البرد يذبح الطير

الرابع : وشلون أعطيه غداءه وعشاءه ؟ يعني لازم كل يوم أصيد له حمامة ولا شلون ؟ ووش ياكل هو ؟ ولا أشتري طيور ميته ولا وشلون ؟
اللي تبيه اشريله سمان فري 6ب 14 ريال مبرد وحطه بالثلاجة وقبل وقت عشاه ب3 ساعات طلع السمان من الثلاجة وحطه بموية دافية واتركه الين يدفئ واعلف الطير
يكون قبل المغرب بساعة او نصف ساعة
الخامس : أنا رجال منيب راعي طلعات بر واجده يعني بالأسبوع مره وحولها ؟ هل يعني لازم أطلع واجد ؟ لا مو لازم الا اذا كنت تبي تهد طيرك لازم تطلع بالبر

السادس : عطوني نصايحكم ياشباب في أي شيء ...
قبل لا تشري الطير خلك مدوام على المنتدى اسبوعين وشوف المواضيع المهمة وتعلم من الشباب
وفي مواضيع للمبتدئين

شكرا واعذروني على كثرة الأسئلة
هذا واجبنا يا صقار