يالربع أبي شوركم ياهل السيرا

[محطم عنيد]

:Dالسلام عليكم ورحمة الله وبركاته

كيفكم يالربع عساكم بخير

الحقيقة انا أملك باترول ربع سلق 2003 طبعا كللبيلتر

وودي أجرب السيرا الحقيقة معجبني حيل هالموتر مرررررررررره


بس ياهل الخبرة فيه وش رايكم أحسن هو ولا موتري ؟؟؟ (أمانة الحقيقة إتركم ميولكم لأني أنا اميل للباترول بس ودي أجرب قوة الشفر )

فهل السيرا قوي في البر يعني بالطعوس يعطي ماتعطيه الجيوب ؟؟؟
وهل إذا دخلته به مثلا منقع ماء او شعيب حليل يطفي أو دخلت بماء يطفي ؟؟؟؟؟
وبالمناقز بالطعوس والجبال هل هو نشيط :p ؟؟؟؟؟؟

وإذا غرز لايكون زي الجموس أو أي تماتيك إذا عطيته ب d يقعد يحفر ومحله واحد ترى أنغث بسرعه هههههههه ؟؟؟؟


وهل فيه أنواع وكم قوته ؟؟؟؟؟؟؟ ووش أحسن موديل بالنسبة لك يامجرب ؟؟وكم أقيامه؟؟؟

بإختصار اعجبتني قوته وشكله رهيب ولكني داج بكل ماتعني الكلمة من معاني ووأبي اعرف كل شي عنه يالربع تكفوووووووووووووووووون لاتبلخون أنتظركم :good2:

[محطم عنيد]

ياشباب المشاهدات 11 ولا رد حرامم تهي تهو

أنتظركم

[ابوعبدالله530]

السلام عليكم
اخوى شهادتى بالسييرا مجروحه
وان كانك ماجربته للحين مع احترامى لك راح عمرك خساره
اخوى بالنفود كنه شيهانه
وبالمراقى كنه خفوق حر
وبالشعبان ومقاطيع الماء كنه قمزه فرس
وبالطرد كنه فزه ارنب
وبالسحب ثور هايج
<<===== عاشق للسييرا حتى الجنون

اخوى انا قنيت من الجيوب قومه وقعده ما ثلج صدرى مثله ابد

بعدين وش هالحقران الله يهديك
((((فهل السيرا قوي في البر يعني بالطعوس يعطي ماتعطيه الجيوب ؟؟؟
))))

عليك بالا HD2500
ولايغرك انه شاص طويل تراه نشيط وفعله يبيض الوجه


وبعد هذا كله لاتقول انى متعصب للسيرا
تعال لى يوم ونطلع انا وياك ونشب ضويتنا ونزين لنا شويهى وبعدها جرب السييرا الى معى

[بن مانع التميمي]

^^

جرحتني صراحه ( ماشاء الله تبارك الله على موترك )

كل يوم انطعن بحب الجمس ولكن للأسف ماحصل لي ابدًا :(
والسبب ليته مافيه فلوس. السبب الأهل رافضين بقوه تامه :(

بالتوفيق اخوي

واذا تقدر عليه .. لايروح نص عمرك الثاني خساره < خخخخ

[محطم عنيد]

أبوعبدالله هههههههههه لبى جنونك هههههههههههه

ياخوك عرفنا بانواعه اللي فاقع إعجابي الشكل الجديد ذا سيرا اللي حوضه قصير ياهو خقق

وش انواعه وش 2500 يعني كم تساوي زي مثلا 4800


بعدين ياخوك لاتلومني ماعمري شفت أحد يطعس به ولا قاطع به شعيب

وكل كشتاتنا بالصمان والنفود ولا الربع الخالي ماعمر شفت غير الجيوووووووووب

أتمنى توضيح منك قوي لانواعه

[ابوعبدالله530]

هههههههههه
تدوم افراحك وضحكك يالغالى

وانا اقول دايم يالله يارب اشغل الناس بالجيوب وخلهم يتركون الجموس لنا يارب ياكريم


اخوى علشان اشرح لك كل تفاصيل الجموس يبى له بكالوريس الله يطول بعمرك ولكن خذ لمحه منه الان

اول شى الجموس من موديل 2000 وانت طالع خمس مكاين

الاولى
بودى 1500 والمكينه سته سلندر == تقريبا مثل مكينه اللومينا

الثانيه
بودى 1500 وهى 8 سلندر وقوتها 4800 يعنى 4.8 لتر تقريبا قوتها بالحصان حدود 300 حصان
يمتاز بخفه نفسه وقومته حلوه ولكن بالتحميل فيه منهو افضل منه

الثالثه
بودى 1500 وهى 8 سلندر قوتها 5300 يعنى 5.3 لتر تقريبا 345 حصان
وهى اكثر مكينه موجوده بالسوق وهى تركب على اليوكن والتاهو القصير منها وبالنسبه للطويل الى مقاسه 1500
تمتاز بخفه نفسه وقوه تسارعه وبالقومه هى الاولى على كل الجموس

الرابعه
بودى 2500 بالغالب وتجى على بودى 1500 على الدينالى من موديل 2000 الى 2006 وكذلك السكاليد
وهى افضل مكينه للتعديل
طبعا 6 لتر
بانواعها
6.0 لتر
6.1 لتر
6.2 لتر بلاتنيوم وهذى على السكاليد من 2007 وطالع
هذى المكينه اعتبرها المفضله عندى
وتجى على ىالسوبربان وتجى على الحوض HD2500
طبعا قوتها من 367 حصان الى 385 حصان حسب نوعها


الخامسه
وحش جى ام 8.1 لتر
8100
اقوى مكينه من ناحيه التورك ( السحب - الحمل )
من موديل 2000 الى 2006 وتوقف انتاجها
وتجى على ىالسوبربان وتجى على الحوض HD2500 سواء ابو كفرات عاديه او الستيك بدى ( اربع كفرات بالخلف )
عيوبها الحراره فقط

اتمنى انى افدتك والعذر والسموحه على الاطاله ولو تبى سوالف زود عنهن خلنا نتواعد ونكشت وابشر بعزك

[محطم عنيد]

ماقصرت بس حدثني عن الشكل الجديد ذا اللي عليه اتوقع lt71 او زيه اللي شكله حلوووو جدا كم مكينته وكم سعر ال 2008 منه مثلا واكوووووووووووووووووووووون شاكر لك

[ابوعبدالله530]

قصدك Z71
يجى على كل الموديلات بس الغالب منه بالسعودى على القصير 5.3

[تناهيت]

هلا بك اخوي


خذ 1500 مكينة 5300 شاص قصير زد 71 وتوكل على الله


واللي يركب الجمس بينسى الجيوب


معليش مقارنة الجمس بالجيب الربع غير متوافقه الجمس قوة مكاينه وممشاة لا تقارن بالياباني



خذ هالمقطع لشفر شد بلد واحكم عليه

وللعلم هذا حجم 1500 ومكينته 5300 الصغيره

والشفر والجمس اخوان في كل شي والاختلاف في البدي الخارجي والعلامات فقط ولا المحركات والقيور وحده


http://www.youtube.com/watch?v=UGfreeCwUDc&feature=related (http://www.youtube.com/watch?v=UGfreeCwUDc&feature=related)


واذا بغيت اي استفسار حاضرين طال عمرك والشباب ما قصروا

[escape_man]

الجمس لايرده شعيب ولا طعس

يعيبه فقط صيانته وكثرة تعقيداته

وللاسف الياباني لحقه بالخرابات والتعقيدات

[محطم عنيد]

بيض الله وجهيكم يالربع كلن بإسمه

بس أخوي تناهيت أبي اللي شكله حلو السيرا وش احسن موديل 2008 أو 2007 الشكل الجديد وبكم أسعارهن

وهل هو اللي تقوله أنت ؟؟؟

[محطم عنيد]

اللي بالمقطع بابين وانا أبي باب

[محطم عنيد]

ياالربع وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[تناهيت]

بيض الله وجهيكم يالربع كلن بإسمه

بس أخوي تناهيت أبي اللي شكله حلو السيرا وش احسن موديل 2008 أو 2007 الشكل الجديد وبكم أسعارهن

وهل هو اللي تقوله أنت ؟؟؟


هلا بك 2007 نزل دفعتين للعلم الثانيه مثل الشكل الجديد ولا تغير الى 2011 نفس الشكل مع اختلاف طفيف في الشاص وتانكي البنزين والتعليق الامامي في موديلات 2010 وطالع


وحجم 1500 الغماره ما نزل 6 سرعات للقير (تبترونيك عايدي تماتيك )الا 2010 اما باقي الفئات من 2007 و2008 نزل عليها


السيرا والسلفرادو كلها حلوه
السيرا حجمين المتعارف عليها عند الناس 1500 و2500 وكل واحد منهم قوته ومواصفاته ومركبه واالغرض من اقتناءه مختلف عن الثاني


واسعارها تختلف على حسب المواصفات والحجم دبل لا بدون ...الخ


انت عطني هدفك من اقناءه مثلا مكاشيت خفيفه او تحميل قوي او خطوط وش المطلوب من الجمس عشان نفيدك

اللي بالمقطع بابين وانا أبي باب


انا نزلت المقطع عشان تحكم على الجمس والباب اخف من ابو بابين ونفس المحركات

تحياتي

[محطم عنيد]

تسلم وجعلك ذخر تناهيت يالذيب

انا أبيه بر ومكاشيت وصبور ولا مانع وأنا هاوي للتطعيس لكن ماهو تطعيس خبال يعني أحب أسيف وهالحركات

وأبيه قومه وراحة وسرعه بالخطوط ...

الأخ قاعد يتشرط هههههههههههه

أنتظر ردك

[محطم عنيد]

صح ووش الفرق بين 1500 و 2500

[هيف 22]

انا اقولك المختصر المفيد اطلع المعارض وشف كم اسعاره كل الشريطيه متمسكين فيه وماسك سعره اكثر من الجيب ياخي يكفيك انه راحه اكثرمن الشاص ولا8 سلندر والشاص 6 سلندروقوه جباره والشكل الجديد حق مكده يعطيك هذاني اكرفه كرف حمار الله يعزكم وواجد الكلام عنه بس ماودي اطول

[ابويزيد11]

تركد لاتستعجل

الله يوفقك للصواب

[نسري بالليل]

أشكرك أخوي ( محطم عنيد ) على الموضوع :good2::good2:
والله كنك تقرا أفكاري
ونفس الأسئلة
بس أبي خبرة المجربين الله لايهينكم جميعاً
وأحس أني تشجعت بقوة لهذا الموتر.............
أنتظركم بفارغ الصبر:(

[محطم عنيد]

حياكم كلن بإسمه والله يرزق الصواب للجميع يارب

نسري بالليل حياك أجل الحال من بعضه هههههههه :good2:

يالله ياشباب افيدونا وماقصر بعد تناهيت بس لو يعلم عن الأسعار هههههه :D

ننتظر:f

[تناهيت]

هلا بك انت تخوف لذلك موب صابر عليك الا حجم 2500 مكينة 6 لتر

اشتر وادع لي

الجموس 2500 اسعارها تبدا من 70 وتتفاوت على حسب المواصفات والممشى والمستورد غير الخليجي وهكذا هذا بالنسبه لـــ2008 وكل الــــ2500 يجي تبترونك 6 سرعات

وكانك منت مستجل اصبر اسبوع واخليك تجرب انواع الجموس في يوم

فيه طلعه بريه خاصه بحقين الجموس الحوض شهريا تقام

ولم عمرك وابشر بسعدك
ومنتب قاوي تعود لبيتكم الا بجمس

انت تأمر امر

[محطم عنيد]

يامال الغناة وبيض الله وجهك وفالك

ماعليك امر ياخوي تناهيت مثل ماتشوف كثير اللي يبون يستفيدون منك

أتمنى تشرح لنا مع الصور عافاك ربي وأكيد انا أبي موديل 2007 الشكل الجديد أو 2008

أنتظرك ومقدم مليووووووووووووووووووووووون شكر لك

[تناهيت]

ابشر بسعدك
متى مابغيت مر علينا واوريك المواتر بدون صور على الطبيعه الخلابه والجو يالله من فضلك



ترى السيرا له مراتب ودركسون مثل المواتر الثانيه :D


خذ 2008 هد 2500
فيه دفلوك وتراكشن


وتوكل على الله :good: