مشكلة الدودة في جيب لاندكروزر

[غربي هواوي]

السلام عليكم

والله يا اخوان جننتني دودة الجيب من يوم شريته ( gxr 2002)
في الاول كانت خفيفة جدا وفيها فضاوة

ولا تقدر تتحكم فيها زين في اللفات وانت مسرع وتحس انها تزاوغ

غيرتها بوحدة مستعملة وصارت احسن نوعا ما لكن الفضاوة ما راحت بعد فترة اصبحت علية الدركسون تسخن والزيت حار
وديتها لواحد وغير الغلبة اللي تحت وضبطت ما يحتاج اللهم فضاوة بسيطة جدا لاتذكر
بعد فترة اصبحت تتقدر شوي اذا لفيت يسار او يمين وزادات بعد ما رحت عليها مشوار طويل

الان كل ما جيت الف يمين او يسار وانا ماشي تقدر شوي وبعدين تلف وفيها فضاوة

وربي صاير بالخط تقل غشيم كل ما جيت الف وانا ماشي تتدقر ثم تفلت

ولا ادري وش الحل
خايف اروح عليها او اسافر تجيب في العيد او تكون خطورة فيها

شوروا علي

[مخاوي العريس]

أخوي مشكلة الدودة وجلد البلوف منتشرة بكل اللاندكروزر . . أنا مرتين أغير للدودة
طقم إصلاح وكراسي . .
فالظاهر انك لازم تغيرها قبل ما يصير لك شئ لاسمح الله
وبعدين ما ينفع ياليت و لو

[غربي هواوي]

مخاوي يعطيك العافية

واقرب شيء هو تغييرها

[vza]

تبي النصيحة
بالنسبة للدودة ما ينفع لا مستخدم ولا اصلاح
اشتر جديدة 2900 او حوله وريّح راسك


و الثقل والتدقير لازم تشيك طرمبة الدركسون
قيمته 1100
وافضل شي الحديد من 98 -2002
اما الالمنيوم من 2003 - 2007 ماتنفع


وهذي صورة الطرمبة الحديد


http://www.g55g.org/uploads/images/g55g-3ed2f7bfaa.jpg


وللمعلومية الاذرعة ما ينفع له كبس افضل شي التغيير



وسلامتك

[Saad 11]

هلا اخوي ..
فيه ورشة متخصصة في الدوده بالصناعية القديمه ممتازه جدا واسعارها معقوله " 400 " ريال ،، مااعرف اسمها بالظبط لكن اسال عنها وبيصفونها لك ،، الظاهر اسمها ورشة الهيدروليك " المعلم ابو النور " ولوحقتها صفرا كبيره ..

اسال عنها ورح لها وباذن الله تصلح ،،

[كديان]

شركة مصنع الطائر للهايدروليك حلوا لي المشكلة مع ضمان 6 شهور ( VXR 98 )
و السعر 500 شامل للقطع و شغل اليد و ربط الكراسي و الزيت
و شغل ما يتعدى 4 ساعات ,,, الرياض . الصناعية القديمة

كملت الآن حوالي سنة 100 % ولله الحمد ... لا تهريب و لا فضاوات http://www.mekshat.com/vb/images/misc/progress.gif




اقتباس:
السلام عليكم
اخوي
عندك مركز الهدروليك بالصناعيه القديمه
لاتروح الا للفرع الاساسي بجانب معملهم
وانت جاي من جنوب ومتجه شمال تجيك اشارة الصناعيه الاولى الي يكون عليها السالم لقزاز السيارت
تلف يمين تجيك اشارة امش طوالي الين يجيك شارع تقاطع ويكون يمينك محطة بنزين فيها صراف
الورشه امامك في الواجهه من جهة اليسار

دور المهندس حسن اليماني ( ابو ضروس )
وخله يجرب لك السياره
اذا الخلل في الطرمبه ( المضخه ) توضيبها بحوالي 150 الى 200 ريال
واذا الدوده توضيبها 400 الى 450 بيقوك اول شي 500
اللمضخه موقعها فوق الدودة مباشر وخارج منها لي مكبوس الى الدودة
اذا قالوا لك اللي فيه مشكله نصيحه لاتكبس اللي
بل اشتر جديد بـ600 ريال لان الكبس للي بحوالي 90 ريال ويطلع صوت في لف الطاره

علماَ ان ضمانهم 4 اشهر + الزيت عليهم

دودة الدركسون تنقط و الزيت ما ينقص بالحيل أسافر و لا يأثر ؟ (http://www.mekshat.com/vb/showthread.php?t=226082)





السلام عليكم
أخوي أنصحك اولا بالإصلاح وشوري عليك تروح لم واحد انا صلحت عنده سيارتي لاندكروزر 2004 GX كان عندي وصوت ولكة بالدركسون عند اللفة يسار فقط.
اول ما كشف عليها قال المشكلة من كراسي الدودة الفيبر قلاس ومن بلف علبة الدركسون غير لي الكراسي رجعهن مثل الوكالة وغير البلف مع شغل اليد كله (600) ريال وعطاني ضمان 3 شهور.
العجيب والمدهش ان وكالتين سيارات وانا جالس جابوله دودات يصلحهن (العربية المتحدة للسيارات) و(حسين رضا للسيارات) سألته قال ما شفت شي اكثر الوكالات ترسل لي.
الصناعية القديمة شارع علي بن ابي طالب قبل مسجد الراجحي العمارة يمين متجه غرب 800متر على اليمين اسم الورشة (الضمان للهدروليك) اسم المعلم ابو نجم.
سيارتي ولله الحمد لها مدة ممتازة الصوت راح واللكة والدقة راحن ولله الحمد.
والله على ما اقول شهيد ارجو الفائدة للجميع اخوك برق الظلام





الحل لأصحاب اللاندكروزر في تهريب علبة الدركسون .!. - منتديات مكشات (http://www.mekshat.com/vb/showthread.php?p=1825365)


ثقل في الدركسون - منتديات مكشات (http://www.mekshat.com/vb/showthread.php?p=3420577)

[كديان]

دودة الدركسون تنقط و الزيت ما ينقص بالحيل أسافر و لا يأثر ؟ (http://www.mekshat.com/vb/showthread.php?t=226082)

[بيت الحصير1]

مصنع الطائر مثل ماقال صاحبنا لاتتعداه ممتاز انا معي لاندكروزر وصلحة الدوده عندهم وشغلهم تمام

[HAS5SAN]

ماقصروالاخوان

[مخايل البراق]

اخوي غربي هواوي
انصحك بالصناعية القديمة
انا مغير الدودة قبل اربع سنوات vxr 2000 وكان ضمانهم 6 شهور
وماخربت الا من شهرين وغيرتها مره ثانيه من عندهم ب(500) والضمان اربع شهور
(والوصف)
وانت جاي من الدائري الشرقي وداخل الصناعية
تجيك اشارة القزازين وبالماريه قزاز السالم قدامك بالزاويه
لف من الاشارة يمين وسيد
وبعد ثاني اشارة تجيك محطة وبعدها تقاطع
رح مع التقاطع يسار
وأول طريق يمين يجيك رح معه
ثاني محل على اليسار (( للهيدوليك))
الدوده اللي يركبونها لك مجدده
وبالتوفيق

[غربي هواوي]

بارك الله فيكم جميعا وما قصرتوا

لكن انا بالمدينة

[الدمثة]

أخي الكريم إذا هي مع اللفة يمين أويسار تدقر بعدين تفك أعتقد أنها طرمبة الدركسون لأنها حصلت معي من قبل وغيرت مستعمل لأن الجديد غالي يمكن (1400ريال)

[غربي هواوي]

رحت لواحد قبل اسبوع وقلت له الطرمبة قال مالك لوا هذي الدودة

وانا خايف افك وعدل ولا يتغير شيء وواخاف اغير مستعمل ولا استفيد شيء والوكاله غالي

والشباب ما قصروا عطوني محلات تصلحها لكن بعيدة

ولا ادري احترت

[العطاء1395]

بارك الله فيككم جميعا

[sameer_1798]

أنا مثلك بهذلتني الدودة بالجيب وكان فيها تهريب زيت
ركبت اصلاح دودة مرتين مانفع معها اشهر بسيطه وترجع تهرب .... وأخيراً غيرتها بدوده جديده من الوكالة بـ 3400 ريال
بعد ماركبت الدودة الجديدة صارت تهرب طرمبة الدركسون وركبت لها اصلاح طرمبه ووقف التهريب شهر ثم طلع صوت فيها مع كل لفة وقالوا الصوت مايضر ولكن خفت تخرب الدوده علي مره ثانيه وغيرت طرمبة الدركسون بوحده جديده بـ 900 ريال ( ركبت طرمبة موديلات 97 و تحت لأنها ارخص وأفضل وركبت مكان الاوله بكل سهوله )
سيارتي gx.r 2000

أنصحك تروح لأحد هذه الورشتين هم افضل الموجودين بالمدينة وشوف ويش يقولون لك :
1/ مركز الهيدروليك (صناعية السحمان ) طريق المطار النازل خلف أبراج العطير .
2/ مركز الحسن (صناعية العقيق ) وانت داخل للمجمع من الطريق الدائري آخر شارع في المجمع على اليمين

[كديان]

هذا الزيت مانع احتكاك لكلتشات الكارونة
يحط بعلبة الدركسون
اذا كان بنفس العلبة صوت زنة ز زززززز يروح الصوت
تحط نص العلبة


الكارونة اذا كان به كلتشات مثل الجمس و الشيروكي
يضاف لها دواء علبة زرقاء Gm مانعة للاحتكاك

هذي صورته

http://www.mekshat.com/pix/upload02/images81/mk14425_20f080923%28002%29.jpg

http://www.mekshat.com/vb/images/misc/progress.gif

[rpk]

كل الي تخرب عندهم الدوده من اصحاب الاند بسبب انه اذا جاء يوقف يلف الطاره ويطفي الموتر وهذا سبب خراب الدوده لان الزيت ينحشر جرب انك تتفادا هذي الطريقة وراح تشوف انها ما عاد تخرب

[كديان]

كل الي تخرب عندهم الدوده من اصحاب الاند بسبب انه اذا جاء يوقف يلف الطاره ويطفي الموتر وهذا سبب خراب الدوده لان الزيت ينحشر جرب انك تتفادا هذي الطريقة وراح تشوف انها ما عاد تخرب

انا مع كلامك و هذي طريقتي دائما اسويها

[غربي هواوي]

أنا مثلك بهذلتني الدودة بالجيب وكان فيها تهريب زيت
ركبت اصلاح دودة مرتين مانفع معها اشهر بسيطه وترجع تهرب .... وأخيراً غيرتها بدوده جديده من الوكالة بـ 3400 ريال
بعد ماركبت الدودة الجديدة صارت تهرب طرمبة الدركسون وركبت لها اصلاح طرمبه ووقف التهريب شهر ثم طلع صوت فيها مع كل لفة وقالوا الصوت مايضر ولكن خفت تخرب الدوده علي مره ثانيه وغيرت طرمبة الدركسون بوحده جديده بـ 900 ريال ( ركبت طرمبة موديلات 97 و تحت لأنها ارخص وأفضل وركبت مكان الاوله بكل سهوله )
سيارتي gx.r 2000

أنصحك تروح لأحد هذه الورشتين هم افضل الموجودين بالمدينة وشوف ويش يقولون لك :
1/ مركز الهيدروليك (صناعية السحمان ) طريق المطار النازل خلف أبراج العطير .
2/ مركز الحسن (صناعية العقيق ) وانت داخل للمجمع من الطريق الدائري آخر شارع في المجمع على اليمينا\

الله يجزاك خير

المحل الاول هو اللي غيرت عنده دودة مستعملة

والثاني بعد ما اتفقت معه نصحوني ناس عنه وتركته والا قال تعالي بعد كم يوم واغير الطرمبة

بارك الله فيك اخوي

[غربي هواوي]

كل الي تخرب عندهم الدوده من اصحاب الاند بسبب انه اذا جاء يوقف يلف الطاره ويطفي الموتر وهذا سبب خراب الدوده لان الزيت ينحشر جرب انك تتفادا هذي الطريقة وراح تشوف انها ما عاد تخرب
يمكن في ناس هذي طريقته في الوقوف
لكن لالنسبة لي اي سيارة لا بد اوزن الدركسون والكفرات عن الوقوف

والمشكلة اللي بسيارتي من يوم شريتها

[شت قان]

ونا عندي نفس المشكله في لاند كروزر جكسار 2003
كانت عندي علبة الباور وهملتها اشوي بسبب انه ماعندي وقت اروح لم الورش وخربت علي الدوده