محمد الظاهري
21/01/2011, 04:53 PM
السلام عليكم ورحمه الله وبركاته
اخواني في مكشات
قبل رواية القصه
احب ان اعتذر لكم على الاطاله
وعلى الغيبه التي غبتها والخارج غير ايرادتي
والسالفه التي تقرئونها هي من السؤلف التي تعودنا عليها
سالفه شعبيه جميله
ولا اطيل عليكم واترككم مع السالف
وان شالله انها تعجبكم
يقولون ان فيه ثلاث اخوان ، واحد اسمه سالم والثاني غصين وكان اصغرهم بالعمر
وغصين دايما يسبب لهم بعض المشاكل مع جماعتهم ، والمقرود كل ما صارت مشكله طلع اسمه فيها
وحصل مره انه زعل عليه اخوه الكبير وضربه وطرده من البيتوزعل غصين وتضايق من اسلوب
اخوه اللي ما توقعه ، قال: لك اللي تبي انا طالع مهوب من البيت بس . انا طالع من حياتكم كلها
رد عليه سالم بحالة غضب: روحه بلا رجعه جعلك ما تعود
وبعد رحيل غصين انشد هالابيات:
عزى لكم لا غبت ولا جيت
من عقب جمعاكم غديتوا شتاتي
اضرب لكم بالسيف لا مني ادليت
ما يــدب العيال ضــرب القنـاتي
واسرح لكم بالذود لا مني ألفيت
واثني لا من هجن بكم مقفياتي
وبعد مدة من غيبته أخذ له دم ذبيحه ورش فيها ذلوله وشداده وعطاها لواحد وقاله وصلها لاخواني
واذا سألوك قولهم انذبح اخوكم وهذا دمه علشان يصدقون، وبعد ما وصل الذلول لاخوانه بهالحاله
وسماعهم بذبحته بكوا وتكدروا وأنبهم ضميرهم باللي سووه بأخوهم وبالذات سالم
وصل خبر وفاته لبعض جماعتهم اللي بينهم وبين أهله مشاكل ومنافسه على مارد الماء
وعلى منزل البيوت وكان غصين بالنسبه لهم مصدر قلق وازعاج، وصاروا يضايقونهم ويبعدون ابلهم عن الماء .....
اما غصين اشتاق لشوفة اخوانه وحالهم من بعده رجع لهم من غير ما يدري احد عنه وصار
على مقربه من جماعته وشاف اللي يعانون منها اخوانه من بعده ، وبعد ما حل الظلام قبل لا يدخل البيت
سمع سالم اخوه ينشد بالربابه:
البارحه بالليل ما نامت العين
والدمع من جفني تزايد ذريفه
قلبي تدالن كثير الشواطين
كبر الهضـاب العاليات المنيفه
حملت همن لي مع القاط قاطين
والبال مني غير الــوقت كيفه
الذود عندي له عن الماء اظماوين
يحن من فــرقــا دلالــه وريفه
شرهه تحن وتزعج الصوت لغصين
وتجاوبه بالصوت بنت الرهيفه
واخوي لا جتنا من الربع الادنين
ارجح يعدي منكبه كل عيــفه
ولا ليا قالوا لى الغزو ملفين
فزيت فزت عاشق شاف اليــفه
وبعدها دخل عليه اخوه غصين وقال : ابشر بالفرج يا خــوي
***********
وفي النهايه
نختم سالفتنا
ولا نختم مسيرتنا في هذه الخيمه الرائعه
*********
ارجو ان السالفه حازت لكم
والسالفه اتوقع انها معروفه ومشهوره
واعذروني على الاطاله
وانتظروني في سالفه اجمل بأذن لله
محبكم
محمد الظاهري
اخواني في مكشات
قبل رواية القصه
احب ان اعتذر لكم على الاطاله
وعلى الغيبه التي غبتها والخارج غير ايرادتي
والسالفه التي تقرئونها هي من السؤلف التي تعودنا عليها
سالفه شعبيه جميله
ولا اطيل عليكم واترككم مع السالف
وان شالله انها تعجبكم
يقولون ان فيه ثلاث اخوان ، واحد اسمه سالم والثاني غصين وكان اصغرهم بالعمر
وغصين دايما يسبب لهم بعض المشاكل مع جماعتهم ، والمقرود كل ما صارت مشكله طلع اسمه فيها
وحصل مره انه زعل عليه اخوه الكبير وضربه وطرده من البيتوزعل غصين وتضايق من اسلوب
اخوه اللي ما توقعه ، قال: لك اللي تبي انا طالع مهوب من البيت بس . انا طالع من حياتكم كلها
رد عليه سالم بحالة غضب: روحه بلا رجعه جعلك ما تعود
وبعد رحيل غصين انشد هالابيات:
عزى لكم لا غبت ولا جيت
من عقب جمعاكم غديتوا شتاتي
اضرب لكم بالسيف لا مني ادليت
ما يــدب العيال ضــرب القنـاتي
واسرح لكم بالذود لا مني ألفيت
واثني لا من هجن بكم مقفياتي
وبعد مدة من غيبته أخذ له دم ذبيحه ورش فيها ذلوله وشداده وعطاها لواحد وقاله وصلها لاخواني
واذا سألوك قولهم انذبح اخوكم وهذا دمه علشان يصدقون، وبعد ما وصل الذلول لاخوانه بهالحاله
وسماعهم بذبحته بكوا وتكدروا وأنبهم ضميرهم باللي سووه بأخوهم وبالذات سالم
وصل خبر وفاته لبعض جماعتهم اللي بينهم وبين أهله مشاكل ومنافسه على مارد الماء
وعلى منزل البيوت وكان غصين بالنسبه لهم مصدر قلق وازعاج، وصاروا يضايقونهم ويبعدون ابلهم عن الماء .....
اما غصين اشتاق لشوفة اخوانه وحالهم من بعده رجع لهم من غير ما يدري احد عنه وصار
على مقربه من جماعته وشاف اللي يعانون منها اخوانه من بعده ، وبعد ما حل الظلام قبل لا يدخل البيت
سمع سالم اخوه ينشد بالربابه:
البارحه بالليل ما نامت العين
والدمع من جفني تزايد ذريفه
قلبي تدالن كثير الشواطين
كبر الهضـاب العاليات المنيفه
حملت همن لي مع القاط قاطين
والبال مني غير الــوقت كيفه
الذود عندي له عن الماء اظماوين
يحن من فــرقــا دلالــه وريفه
شرهه تحن وتزعج الصوت لغصين
وتجاوبه بالصوت بنت الرهيفه
واخوي لا جتنا من الربع الادنين
ارجح يعدي منكبه كل عيــفه
ولا ليا قالوا لى الغزو ملفين
فزيت فزت عاشق شاف اليــفه
وبعدها دخل عليه اخوه غصين وقال : ابشر بالفرج يا خــوي
***********
وفي النهايه
نختم سالفتنا
ولا نختم مسيرتنا في هذه الخيمه الرائعه
*********
ارجو ان السالفه حازت لكم
والسالفه اتوقع انها معروفه ومشهوره
واعذروني على الاطاله
وانتظروني في سالفه اجمل بأذن لله
محبكم
محمد الظاهري