المساعد الشخصي الرقمي

مشاهدة النسخة كاملة : سوأل عن زيـــــــــــــــت الدبل ارجو المساعده تاهو 1999


الرحال تبوك
21/01/2011, 06:12 PM
السلام عليكم ورحمه الله وبركاته...
تاهو 99 فيه تهريب في صوفت العمود الامامي من الدبل (الصوفه الي بالدبل ) اغيرها او غير الزيت بزيت اثقل شوي وماهو افضل نوع من الزيوت للدبل و الحل مع الصوفه
الله لايهنكم ابي خبرتكم وهل زيت الدبل نفس زيت الجربكس التماتيك او 90 او زيت المكينه العادي 40
لان المكانيكي يقول نفس زيت الجربكس التماتيك والي اعرفه انه 90 ابي خبرتكم الله لايهنكم واعذوني على
الاطاله
وترى سبق اني طرحت نفس الموضوع في رابطت الجمس والتاهو وما أحد رد علي ..
لن أمل من العطاء
21/01/2011, 07:16 PM
من واقع الكاتلوج
ولاجل لا تقع في مشكله

عليك بزيت من الوكاله رقم اقطعه يعني رقم العلبه
GM NO 12378396

وبما ان موديل سيارتك 99 فالدبل ازرار والرقم اعلاه للازرار

اما ان كان يدوي يعني الدبل عصا فالكاتلوج يقول ديركسون 3 يعني زيت جيربوكس

تجدها في القسم لسابع الصفحة 45 في الجدول الايسر
الرحال تبوك
21/01/2011, 09:37 PM
لن أمل من العطاء
الله يعافيك على الرد وبيض الله وجهك
الدبل ازرار طيب الصوفه وش رايك فيها اغيرها او اتركها
لن أمل من العطاء
21/01/2011, 11:37 PM
الصوفه غيرها باصلي مع وضع شحم اصلي عن التركيب

لانك لن تستفيد شيء اذا ما غيرتها تعبي زيت ويروح مع الوقت
لان مكان الصوف منخفض جدا فوق يمكن 15 سم
بعكس صوفة الدفرنس الخلفي تقريبا الصوف على حد الزيت فلن يكون هناك تهريب كثير

لكن انت حتى لو ما مشيت بالسيارة راح ينتهي الزيت
واللي مخلي الصوفه ما تنتهي بسرعه ان عمود الكردان الامامي واقف عن الحركه حتى مع المشي هو ما يدور الا اذا شغلت الدبل
كديان
22/01/2011, 02:18 AM
اخوي قبل كل شي
اغسل الموتر من تحت و بعد مشوار واحد او كم يوم
ناظر مكان التهريب و تاكد منه 100%
لانه احيانا يكون التهريب من كرتير المكينة
او من كرتير القير و من الصوفة اللي بين القير و المكينة
او من صوفة الدفرنس الامامي
و ناظر لون الزيت و شم ريحته عشان تقطع الشك باليقين

طبعا معروف ان زيت القير التماتيك دائما هو زيت 10 خفيف مثل حق الدركسون
و مثل زيت الدبل برضه 10

للمعلومية بعضهم يصير عنده صوة رمان بالدبل او صوت سحة بالجنزير فيحط بدل 10
زيت 90 ايسي ديلكو علبة زرقاء اصلية لتر واحد ب40ريال
و بعضهم يخلط نص زيت 90 و الباقي 10
و بعضهم يحط زيت مكينة 50 20دبيلو
و كل هذولي عشان يخفف الاصوات اللي بالدبل مثل رمان ضعيف او على اوله او سحة جنزير الدبل
و فيه بعض الورش عندنا بالقصيم يحطون هالزيوت اللي انا ذكرته


دبل الجمس و الشيروكي معروف زيت 10 خفيف مثل حق الدركسون
لكن دبل الجيب التويوتا زيت 90 مثل حق الكاورنة
ايضا القير العادي للجيب زيت 90

فيه زيت 10 ممتاز جدا و هو زيت موتر كرافت ب10ريال وا فضل من زيت ايسي ديلكو العادي اللي موجود بالبناشر و المحلات

طبعا لو اهملت الصوفة على المدى البعيد راح يخلص الزيت و يندمر الدبل
اعطيك مثال
موتر احد الربع قبل فترة بسيطة هربت عنده صوفة الدبل و اهمله و نسى الصوفة قرابة ال8شهور
اللي حصل ان الدبل طقطق و ارتخاء الجنزير و السبب من الحرارة احتكاك حديد مع حديد لان الزيت خلص
اضطر انه يركب دبل من التشليح
و موتر اخر
غير جنزير دبل + هلال و ماركبوا العمال الصوفة الجديدة مضبوط
المراد انه قضى الزيت و انعدم الدبل نهائيا

فمهم جدا تغير الصوفة + يحطون على الصوفة شحم + يحط على العمود مع الجوانب شحم بسيط
عشان لاركب العمود ماتنجرح الصوفة او تنشق او تنقطع

شف الصورة الاوله اذا حصلته بالوكالة فهو ممتاز
و الا ترى الثاني اللي ب10ريال يقوم بمقامه و مستخدم عند اهل الورش




هذا زيت موتر كرافت مكتوب عليه بالانقليزي ترانس ميشن
و معناته قير تماتيك و هو مكتوب عنه في كتالوج الجمس في قسم التشحيم
(DEXRON III)


سعر العلبة 13 ريال



http://www.mekshat.com/pix/upload02/images81/mk53291_uibudfbhf22.jpg




الثالث بديل عن الثاني لكن الاول افضل كجودة



سعر العلبة 10 ريال



http://www.mekshat.com/pix/upload02/images81/mk53291_bdobho33.jpg
كديان
22/01/2011, 02:20 AM
ترى الدبل و القير التماتيك الزيت واحد و نفس بعض كلهم زيت10
فقط القير العادي و الكوارين ==> زيت 90

هذا زيت 90 حق الكوارين و القيور العادي

http://www.mekshat.com/pix/upload02/images81/mk53291_fuibfub111.jpg
لن أمل من العطاء
22/01/2011, 06:18 AM
هلا بك يا اخ كديان

برجاء المور على ردي رقم 2 والتعليق عليه
وايضاح لماذا كان هناك تفريق بين النوعين من اشكال الدبل حيث الازرار له نوع والعصا زيت دايركسون مثل القير
كديان
22/01/2011, 12:21 PM
هلا بك يا اخ كديان

برجاء المور على ردي رقم 2 والتعليق عليه
وايضاح لماذا كان هناك تفريق بين النوعين من اشكال الدبل حيث الازرار له نوع والعصا زيت دايركسون مثل القير

حياك اخوي
لن امل من العطاء

شف طال عمرك على كلام راعي ورشة ثقة باذن الله
جميع الامريكي من م82 و طالع حتى الجديد
اذا كان الدبل المنيوم فهو زيت 10 احمر
اما
اذا كان الدبل زهر ==> اللي وزنه ثقيل مثل الحديد و لونه اسود
فهذا يحط له زيت 90

اذا كان الدبل المنيوم و حطيت له زيت 90
فانه يتعب طرمبة الدبل و تصير و ضعيفه و قد تخرب
لن أمل من العطاء
22/01/2011, 01:24 PM
هلا بك اخوي كديان

اولا من الممكن ان يكون رقم الزيت الذي وضعته انا بناء على الكاتلوج المرفق مع السيارة هو عيار 90 او غيره بس اني انا كتبت رقم القطعه وليس عيار الزيت

الشيء الاخر
مهما كان الميكانيكي ثقه فهل من الممكن ان يكون افضل من صنعها ؟
الرحال تبوك
22/01/2011, 01:50 PM
اشكر الاخ لن أمل من العطاء
على الأيضاح والاهتمام بالموضوع وهذا مجهود يشكر عليه
الله يجيره من النار ويدخله الجنه امين
الرحال تبوك
22/01/2011, 02:03 PM
الاخ كديان
ماقصرت مجهودطيب منك ريحت بالي لان الزيت الي عندي عيار 10 الاحمر
والتهريب بس وقت استخدام الدبل وبعدين يوقف وهو بسيط اذا وقفت السياره بعد استخدام الدبل من8ساعات الى 10ساعات تحصل تنديه حفيفه على الدبل وعلى الارض اكرمكم الله من3الى 4 نقط زيت
ومن الصوفه تبع العمود والمهندس يقول حتى صوفت السوتش بعد تندي (تبع الحساس الي بالدبل وهي بحد ذاتها تغييرها مكلف اكثر من صوفت العمود حتى وهي اصغر)كلام المكانيكي
وقررنا ان شأالله نغير صوفت العمود ونراقب قب صوفت الحساس الدنمو دون تغيير
ومادري كذا صح بما أنها مكلفه شوي (صوفت الحساس )
كديان
22/01/2011, 02:15 PM
لاهنت طال عمرك

النقط ال3 او ال4 بداية خراب الصوفة فغيره عشان ترتاح نهائيا
و خذ بالك عليك بالاصليه فقط لاغير اذا كان سعره فوق ال100 الى 150
فركب امريكية درجة ثانية ب35 او 50ريال

عندنا جمس م2003 زين الان الموتر له ما يقارب ال8سنوات معنا و وضعه تمام
فيه تعريق زيت تنديه بسيطة من عند حساس الدبل اللي تحت القير من زمان
و قمنا و فكينا الحساس الاسود على شكل اسطوانة و حطينا سيلكون اسود و ركبناه مرة ثانية
اللي حصل ان التندية موجودة بسيطة و ما تضر ان شاء الله
الان كل 9شهور تقريبا نفك الصرة اللي ورا عمود الدبل و نغلق زيت 10 الناقص
على ملاحظتي النقص فقط يقارب بيالة شاهي حقت بادريق طبعا كل 9شهور تقريبا

فانت الان غير الصوفة المهمة
و اطرح بالك لتعريق الحساس
و عاير صرة الدبل بعد شهرين او ثلاثة اذا النقص لا يذكر يعني شي بسيط
فعاير الدبل مرة اخرى بعد 6 او 9 شهور و هكذا
كديان
22/01/2011, 02:19 PM
شف هالرابط بخصوص حساس الدبل

دبل الجمس؟؟؟؟ (http://www.mekshat.com/vb/showthread.php?t=294059)
كديان
22/01/2011, 02:24 PM
تعريق الزيت عندي من عند الترس او السن اللي طالع
و اللي يركب عليه حساس الدبل
حطيت سيلكون على كامل الوجه او الاطار الاسود اللي بالصورة الثانية


http://www.mekshat.com/pix/upload02/images79/mk53291_ibdbpii44.jpg



http://www.mekshat.com/pix/upload02/images80/mk53291_jhdbh44.jpg
الرحال تبوك
22/01/2011, 02:46 PM
الاخ كديان
الله يعافيك ويطول بعمرك على طاعت الله ورضاه ولايحرمك الاجر والمثوبه على الايضاح
الله يرحم والدينا ووالديك امين ويدخلك الجنه
ماقصرت كفيت وفيت وبيض الله وجهك
نصائح تؤخذ بعين الاعتبار وان شأالله موضوع يكون مفيد للجميع

واشكر كل من شارك بالموضوع
كديان
22/01/2011, 02:50 PM
الله يجزاك خير
خذ ببالك ترى السيلكون
يحط بين الاطار الاسود و جرم الدبل
يعني تدهن الاطار مع ظهره من فوق بعدين تلصقه على جرم الدبل و تشد المسامير 3 مسامير كبيرة
مفتاح 17 تقريبا