بوغاليه
21/01/2011, 07:15 PM
السلام عليكم
كيف حالكم جميع
بصراحه موضوع الذيب والكلب الله يعزكم سوء سواته بالخيمه وصرنا فريقين واحد يشد والثاني يتل
وهذي السالفه اللي راح اسدحها عقب شووي هي رد لكل شخص عارض صياد الجبيل واتمنى تعذروني لاني لا املك السناريو والاسلوب الحلو في القصص .
يقولكم يا طوال العمر انه في رجال من قبيله العنوز قاصر له رجال من قبيله شمر وعاش عندهم مايقارب اربع او خمس سنين والله اعلم بالمدة اللي قضاها
المهم انه خلال مدة اقامته عند جاره الشمري كان مثل اخوه وكانوا شمر يصفطون للعنزي كل شي زين ويحبونه ويخافون عليه كرامة لولد عمهم الشمري اللي هو جاره
وكان الشمري رجال مبروك حيل وكريم والله اكرم منه وكان عنده ابل مالها والي من كثرها وكان عنده كلب ( الله يعزكم ) بس مومثل اي كلب ,, كلب بشجاعة عشرين رجال زود على ذلك وفائه لراعيه ولحلاله
وكان الشمري مخلي منام الكلب بـ رفة البيت علشان يشرف ويراقب على الديرة كلها وتحسبن من ذيب او حنشلي
المراد ان العنزي بعد السنين اللي عاشها مع الشمري نوى انه يرد لاهله حاول الشمري وحاول ان العنزي يبقى عنده اكثر لكن الحنين للاهل والوطن جبر العنزي يخالف جاره الشمري
توادعوا الرجاجيل وكلن راح بطريقه
ومشت الايام وعاقبتها السنين ومرت يمكن ثلاث سنوات والعنزي جالس مع ربعه
وفي يوم كانو العنوز مجتمعين عند عقيدهم وكبيرهم قال ترانا بكرى بنغزي كود الله يرزقنا بحاجه
قالو ربعه : تم
يوم جاء الوعد وكلن جهز نفسه اللي راكب على مطيه واللي على فرس واللي على رجيله يمشي واللي معه بندق واللي معه سيف واللي معه شبريه وكلن على مقدورة واستطاعته
المراد ان العنوز كانوا ناوين يحدرون على اطرف قبيله وحلالها يكون متشطر عن البيوت
ومشوا باارض الله الواسعه لين لقوا هدفهم ويشوفون ذيك الابل اللي ما تعرف اولها من تاليها من كثرها مشاء الله ولا حولها احد بالخلا
ويقومون اعيال وايل ويفكون الابل ويسقون فحلها والابل تتبعه والنشامى يحفونها حووف من شمال ومن جنوب ومن شرق ومن غرب واللي مشررف فوق مرقاب واللي طامن بجفرة يعني يترقبون للطلب او احد يجيهم من اهل الحلال
وهم يسوقون الابل جاهم كلب ( الله يعزكم )يركض لاهو بالسماء ولا هو بالارض وينبح نباح غير شكل وصوته يروع وخافو العنوز ان صوت الكلب يصحي العرب ويفضحهم
لكن حصل شي غريب !!
الكلب ترك الحنشل كلهم ولا وقف الا عند رجل العنزي خوينا وكانت عليهم غدره وظلمه لو تمد يدك ما تشووفها ... المهم انه يوم قرب الكلب عند خوينا جلس يلعب ويتمردق بالرمل ويتطبح ويقلقص بين رجيله
استغرب العنزي من تصرف الكلب ويوم بدأ يدقق فيه اكثر الا طلع كلب جاره الشمري
انصدم العنزي وخصوصا ان الكلب شرس واقشر ولا يترك لا حرامي ولا ذيب
لكن سبحان الله الكلب ما نسى وجه العنزي والقصره اللي قضاها مع راعيه اللي هو الشمري.
ويقوم يصيح العنزي بعالي الصووت وينخي ربعه تكفوون ياربعي تكفوون يا ربعي
ردو العنوز وش قومك يا فلان وش فيك قال تكفون لا تصير شيمة الكلب اخير من شيمتي هذا حلال جاري الشمري اللي قاصرته قبل كم سنه وهذا كلبه وهذا من اقطع الكلاب واشجعهم بس يومه شافني عرفني وشوفة عيونكم جلس بين رجيلي يلعب ولا سوا لي شي
تكفوون ياربعي اني بوجيهكم واحد واحد
قالوا ربعه تم ويهدون الابل وتعود لــ اهلها
وكملوا العنوز مسيرهم ولا ادري وش صار بعدها
وهذي السالفه من اولها الى تاليها
وعز الله ونعم في شمر اهل الكرم
ونعم في العنوز اهل النخوة والشيمه
ولا هو قصور في اي قبيله ثانيه
ملاحظة :: ترا الشرهه على الراوي وانا مجرد مستمع لها وحبيت ااقوولها لكم واذا فيها غلط او شي لا يمنع انكم تشاركوني وتعلموني يالبى قلوووبكم
وانا لاني بـ عنزي ولا بــ شمري لكن سوالف الطيبين نوماس
وتمت وصلو على رسولنا وحبيبنا وشفعينا محمد صلي الله عليه وسلم
كيف حالكم جميع
بصراحه موضوع الذيب والكلب الله يعزكم سوء سواته بالخيمه وصرنا فريقين واحد يشد والثاني يتل
وهذي السالفه اللي راح اسدحها عقب شووي هي رد لكل شخص عارض صياد الجبيل واتمنى تعذروني لاني لا املك السناريو والاسلوب الحلو في القصص .
يقولكم يا طوال العمر انه في رجال من قبيله العنوز قاصر له رجال من قبيله شمر وعاش عندهم مايقارب اربع او خمس سنين والله اعلم بالمدة اللي قضاها
المهم انه خلال مدة اقامته عند جاره الشمري كان مثل اخوه وكانوا شمر يصفطون للعنزي كل شي زين ويحبونه ويخافون عليه كرامة لولد عمهم الشمري اللي هو جاره
وكان الشمري رجال مبروك حيل وكريم والله اكرم منه وكان عنده ابل مالها والي من كثرها وكان عنده كلب ( الله يعزكم ) بس مومثل اي كلب ,, كلب بشجاعة عشرين رجال زود على ذلك وفائه لراعيه ولحلاله
وكان الشمري مخلي منام الكلب بـ رفة البيت علشان يشرف ويراقب على الديرة كلها وتحسبن من ذيب او حنشلي
المراد ان العنزي بعد السنين اللي عاشها مع الشمري نوى انه يرد لاهله حاول الشمري وحاول ان العنزي يبقى عنده اكثر لكن الحنين للاهل والوطن جبر العنزي يخالف جاره الشمري
توادعوا الرجاجيل وكلن راح بطريقه
ومشت الايام وعاقبتها السنين ومرت يمكن ثلاث سنوات والعنزي جالس مع ربعه
وفي يوم كانو العنوز مجتمعين عند عقيدهم وكبيرهم قال ترانا بكرى بنغزي كود الله يرزقنا بحاجه
قالو ربعه : تم
يوم جاء الوعد وكلن جهز نفسه اللي راكب على مطيه واللي على فرس واللي على رجيله يمشي واللي معه بندق واللي معه سيف واللي معه شبريه وكلن على مقدورة واستطاعته
المراد ان العنوز كانوا ناوين يحدرون على اطرف قبيله وحلالها يكون متشطر عن البيوت
ومشوا باارض الله الواسعه لين لقوا هدفهم ويشوفون ذيك الابل اللي ما تعرف اولها من تاليها من كثرها مشاء الله ولا حولها احد بالخلا
ويقومون اعيال وايل ويفكون الابل ويسقون فحلها والابل تتبعه والنشامى يحفونها حووف من شمال ومن جنوب ومن شرق ومن غرب واللي مشررف فوق مرقاب واللي طامن بجفرة يعني يترقبون للطلب او احد يجيهم من اهل الحلال
وهم يسوقون الابل جاهم كلب ( الله يعزكم )يركض لاهو بالسماء ولا هو بالارض وينبح نباح غير شكل وصوته يروع وخافو العنوز ان صوت الكلب يصحي العرب ويفضحهم
لكن حصل شي غريب !!
الكلب ترك الحنشل كلهم ولا وقف الا عند رجل العنزي خوينا وكانت عليهم غدره وظلمه لو تمد يدك ما تشووفها ... المهم انه يوم قرب الكلب عند خوينا جلس يلعب ويتمردق بالرمل ويتطبح ويقلقص بين رجيله
استغرب العنزي من تصرف الكلب ويوم بدأ يدقق فيه اكثر الا طلع كلب جاره الشمري
انصدم العنزي وخصوصا ان الكلب شرس واقشر ولا يترك لا حرامي ولا ذيب
لكن سبحان الله الكلب ما نسى وجه العنزي والقصره اللي قضاها مع راعيه اللي هو الشمري.
ويقوم يصيح العنزي بعالي الصووت وينخي ربعه تكفوون ياربعي تكفوون يا ربعي
ردو العنوز وش قومك يا فلان وش فيك قال تكفون لا تصير شيمة الكلب اخير من شيمتي هذا حلال جاري الشمري اللي قاصرته قبل كم سنه وهذا كلبه وهذا من اقطع الكلاب واشجعهم بس يومه شافني عرفني وشوفة عيونكم جلس بين رجيلي يلعب ولا سوا لي شي
تكفوون ياربعي اني بوجيهكم واحد واحد
قالوا ربعه تم ويهدون الابل وتعود لــ اهلها
وكملوا العنوز مسيرهم ولا ادري وش صار بعدها
وهذي السالفه من اولها الى تاليها
وعز الله ونعم في شمر اهل الكرم
ونعم في العنوز اهل النخوة والشيمه
ولا هو قصور في اي قبيله ثانيه
ملاحظة :: ترا الشرهه على الراوي وانا مجرد مستمع لها وحبيت ااقوولها لكم واذا فيها غلط او شي لا يمنع انكم تشاركوني وتعلموني يالبى قلوووبكم
وانا لاني بـ عنزي ولا بــ شمري لكن سوالف الطيبين نوماس
وتمت وصلو على رسولنا وحبيبنا وشفعينا محمد صلي الله عليه وسلم