كم يسوى GXR 2003 الله لا يهينكم

[بر وعزبة]

السلام عليكم ورحمة الله وبركاته

كم يسوى gxr 2003 فل كامل ( بريمي ) أبيض
ماشيء 180 الف فيه رش الرفرف اليساروالباقي سليم
لكن الموتر نظيف المكينة والقير المحركات
كم يسوى الله لا يهينكم الفزعة تكفون بسرعة

[نيّاف]

واحد في شهر 10 الماضي اخذ Gxr 2003

ممشاهـ حول الـ 250

وعلى كلامه ما فيه سمكرة ابد والموتر نظيف من وقفته وشكله

طلع عليه حوالي الـ 92 الف او حولها

اتمنى اكون افدتك

[الشيب الذيب]

اخوي مايتعدي الثمنين لونه سليم يجيب 85000

[جي اكس ار2000]

حاول تذكر مواصفاته حتى الكفرات والخط ونوع القير والتهريبات والخلفيه


النظيف خارج المعرض 87000

[الماستر11]

اللي مثله ومديله 2006 يسوى 90000 -- الي 95000--- و2003 في حدود ان كان لونه ابيض يسوى ولاجاه شي ان غلي مرة يسوى 70000 ولايتعدها ابد رح للمعارض وسعر

[اا السفير اا]

شف كانه فل من ال70 الى 75 الف وصدقني ما يعدي بحر السبعين اذا نظيف

[بر وعزبة]

مواصفاته فل كامل بدون خطوط ، فتحه ، دف لوك ، كفراته جديدة لها خمس شهور على كلامه

[ابوسفرجل]

الله يمسيك ويصبحك والاخوان بكل خير ،
اخوي بالنسبه لسعر السيارة تعتمد بعد الله على نظافتها ورغبة الزبون الشراي ورغبة البايع ، والسوق بالنسبه للمستعمل مايعطيك نتيجة كامله لسبب اختلاف السيارات عن بعضها منها البدي نظيف لكن المكينة والقير معدومة والعكس صحيح . ممكن تلق مديل 2003 بسبعين وممكن تلقاه ب95 حسب نظافته والمديل بالنسبه للسيارة النظيفه خصوصا الي بيستخدم مايفرق . على كل حال مابي اطول عليك بالنسبه لموترك فيبدو انه كامل امواصفات باستثناء الونش . اذا كان الموتر( بريمي مثل ماتقول ولاهو مرشوش مثل سيارات الامارات) وممشاه حقيقي يسوى 85 الى 95 لكن العيب انه مصدوم في رفرفه الايسر لذلك انا اعطيه للرغبان الحد الادنى وهو 80 الى 83 الف ريال سعودي عدا ونقدا وبالمبارك انشاء الله وقبل كل شي ءاستخر ربك والله يوفقك .. وفرق الف او خمسه الاف على النظيف ماهيب حسافه ..

[بر وعزبة]

أخوي أبو سفرجل

يعطيك العافية وكثر الله من أمثالك هذي الشورة الزينة

[ابوسفرجل]

تامر امر خوي بر وعزبه والله يكتب لك ماكان فيه الخير ويصرف عنك ماكان فيه الشر واخوانا المسلمين اجمعين