خيمة المبيت

[لزام1]

بسم الله الرحمن الرحيم
السلام عليكم ورحمة الله وبركاته
مبروك عليكم الخير والله يجعله مبارك علينا انشالله سقيا خير ورحمه
شباب ارجو ممن لديه خبره يفيدنا عن خيمت المبيت حقت القاضي الدائريه ايهم افضل لقطن ام البلاستر من جميع النواحي دخول الماء - الصقوعه - المتانه
ولكم جزيل الشكر مقدماًًًًًًً"""""""""""""""""""""""
انا كان ودي نسوي استفتا بس ماعرف اعمله عليمي الشكوا الله حدي طعس وفيظه ما حنا راعين تقنيه &&&&&&

[سرهيد]

السلام عليكم

في ظني ان القطن ستكون ادفى نوعا ماء

تقبل مودتي

[icom1969]

والله القطن افضل

[عادل 1000]

القطن اظن انه ادفى بس المتانة يبقى السؤال هنا ,,,,,,,

[ابوسعدبدر]

القطن طيبه بالحيل بس بالمطر بتثقل شوي اقصد النوع الكبير وتاخذ الى اربعة اشخاص جالسين مرتاحين وتذريك عن الهوى اما البولستر فتبهذل فيك بالخشخشه مع الهوى والأزعاج ومع المطر ماتخروخفيفة الوزن امل انك استفدت .

[مفتون صيد]

اخوي القطن لا يعلى عليها

انا مجرب في هواء وصقيع ومطر قوي وشبوب ما يحتاج كلام فيها خذها وتوكل على الله لن تخسر

[أبوجهاد التبوكي]

الأخوان يفيدونك إن شاء الله..
وعلى فكرة من الخطأ أن تكتب (إنشاء الله ) والصحيح أن تكتب إن شاء الله..
بوركت

[العاذر]

انا عندي وحده شاريها من رحلتي بلستر ممتازه وتحمل المطر وخفيفه

شف اللي ترتاح له انت اهم شي تكون مقتنع فيه

[حزم نجد]

وعليكم السلام والرحمه

جربت كل النوعين القطن افضل بلا مقارنه وخاصه وقت النوم
تكون ادفى ولاتوجد اصوات إذا كان فيه هواء قوي

ولها عندي فترة طويله الحمد لله لم الاحظ عليها اي مشكله متينه وقويه

[السمح]

وأيضاً أنا من اللي جربوا الثنتين .. البوليستر والقطن
القطن أفضل بكثير .. وهالسنة دخلوا عليها تحسين بحيث يكون الباب من الجنب فأصبحت رائعة جداً ..
عندي الصغيرة لشخص واحد .. وأخذت ثانية أخاف تنقطع من السوق أو تخرب الأوله ههههه
فنصيحة مجرب : خذها ولن تندم أبداً أبداً

تحياتي

[لزام1]

مشكورين اخواني وبارك الله فيكم انا جزمت على القطن بس اعتقد من كلامكم الكبيره افضل

[ابوخالد2004]

:good2::good2:(القطن بلا منازع):good2::good2:


خيمة القاضي افضل خيمة مبيت جربتها وانصحك تشتري ام نفرين لانها وسيعه وتاخذ راحك تقوم وتجلس
وتحتاجها لوكنت تتغدا فيها اوغيره
لايدخلها ماء ولا شي
سعرها عند القاضي 370 ام نفرين متأكد :good2:
الصغيره نفر الله وعلم انها 250
ملاحظه عليها / وهي المناسيب حقاتها ناعمه يعني اذا ركزتها تطلع والحل انك تشتري مناسي حقات خيمه عاديه


بس لايكونن كبار انتبه ويكونن خشنات حقات سيخ بناء
وشكرا

[ليزر 97]

ماقصرو الاخوان ابدعو بالاجابة و ونصحوك بالقطن بالتوفيق

[لزام1]

الف شكر اخواني المكشاتيين

[bu hadi]

هلاا بالجميع

وشاكر لكم هذة النصائح والتي تكتب من ذهب

سبحان الله كنت عند القاضي امس وشريت الكبيرة الي يجي مقاسها 3x2 واخذت القطنية بدون ماادري وش الأزين

لكن البولستر ماادانيها بسبب الخشخشة وتمزع بسهولة

المقاس الكبير 3x2 القطنية شاريها امس بمبلغ 360 ريال

والحمد للة ان القطنية الي شريت هي الأفضل حسب راي الأخوان في هذا الموضوع

وتوني بانيها للتجربة وطلعت شي عجيب فيها وسع رهيب وشرحة ونصيحة اخذ هذا المقاس ترى بتفرق 50 ريال فقط

وتنفعك لو رحتو 2 او 3 تنامون فيها مرتاحين ولو تبون قهوة سريعة في عج ولا مطر الخيمة شرحة وتشيلكم

ولو كنت لحالك بتاخذ راحتك على الأخر وحجمها رااائع خفيفة وماتاخذ منك دقيقتين للنصب والطوي

تقبلو مروري