يا شباب المجرور 400م ما نفع معي عطوني الحل من خبراتكم

[najd55]

السلام عليكم
أنا ضيف جديد عندكم و أتمنى أجد الترحيب منكم كنت متابع لكم من زمن لكن قلت لازم أسجل و أشارك أخواني بالكتابه
تعلمت المجرور من هذا المنتدى الطيب من الأخوان وهم كثر الله يبارك فيهم و حاولت من سنة تقريبا الأرساليات و المجرور في جزيرة المرجان و كرنيش الدمام الواجهه و في الخبر مخطط الأشبيلي و الهافمون لكن بدون فائدة في الشبيلي صدت من سنة تقريبا 4كيلو سمكة أم شنب و مرة ثانية أنقطع السلك المعدني بعد ساعة من السحب و التعب
حاولت بطرق عديدة و طعوم مختلفة مثل الحبار و السلس و البغا لكن بدون فائدة ميدار 8
حاولت أمس الخميس في الهافمون بعد فندق الموجود في نهاية الهافمون بعده عشرة كيلو تقريبا كان الميدار 11 و الطعم حبار و قت الإرسالية الساعة 2 الظهر المد 450م تقريبا ما طلع معي شيء
أنا محتاج لمساعدتكم و خبراتكم في الصيد

[قبقب مشعاب]

ان شاءالله اهل المجرور راح يفيدونك
اقبل مرووووري

[كنعد]

يبن الحلال وسع صدر لا تصير ملووول

لا تحسب كل الي يرسلون مجرور يصيدون يوميا غلطان الي يقول كذا

انا ارسل من فترة قصير يمكن 2 سنة ولاكن صيدي ماهو كثير عادي هاذا بحرنا

عموماً الله يرزقك من واسع فضلة

[MGODY]

اخواني ترى الرزق من الله قبل لا ترسل المجرور ولا اي شي آخر سمي الله وابعد الحسد والنوايا السيئة والله سبحانه وتعالى سيرزقك من واسع فضله

[مهوس صيد]

اخوي جرب ترسل جنب شاطئ الغروب في العزيزيه وان شاء الله فالك الكنعد او الهامور

[A B D U L L A H]

انشاء الله بالتوفيق اخي العزيز


ولكن بآقرب لك في المجرور نرسل تقريبآ ( 10 مجارير ) وإحتماليه صيدها مجرور واحد فقط تخيل


لابد من الصبر في الصيد عامه وفي المجارير خاصه


آفضل مافي المجارير ويعجبني فيها ( آرسل بكراتك ) وبرآد الشآهي واخوياك بجنبك وسوالف وبسط حتى لو ماتصيد


والآرزاق بيد الله سبحانه وتعالى


وآنصحك آخي العزيز ماتبعد كثير بالإرساليات إلآ إذا كنت تعرف المكان زين - ترى 450 كثيره بالحيل !!


متعب جدآ في سحبه وهو فآضي - آجل وشلون لو ضآرب عليه شي ؟؟


وانصحك بتخييط اللعفه آول ماتصيدها آو تشتريها وتجهزها وتحطها بالفريزر للطعه القادمه


وآرسلها بثلجها ... لتدوم آطول فتره ولاياكلها النقآر ...


تحياتي وتقديري لك ....,,

[accentkool]

والله اصيد ارزاق ارمي مجرورك وانساة ولاتصير مملول الصيد يبيلة طول البال والصبر والله يرزقك

[najd55]

الله يعطيكم العافية يا شباب
هل للمجرور وقت أفضل من وقت يعني الأرسالية في الفجر أفضل أو كل وقت عادي

[ناجل سمار]

وعليكم السلام الرزق على الله ولاتستعجل على رزقك وحاول بأي طريقه تشوفها مناسبه للصيد استخدمها

[1بوخالد]

ولكن بآقرب لك في المجرور نرسل تقريبآ ( 10 مجارير ) وإحتماليه صيدها مجرور واحد فقط تخيل


سبحان الله كان ودي اسأل عن احتمالية الصيد في المجرور وجاتني الأجابه المفاجئه من الخبير عبدالله! معقوله نسبة الصيد بالمجرور بس 10%! والله كنت اظن ان وحده تصيب ووحده تخيب وانا توني بادي في الشغله ما لي شهرين بس.


انا مثلك اخوي najd55 جربت كم مره وما فيه شي آخرها قبل امس كنت في شاطي الأمواج وارسلت إرساليتين على بعد 200 متر وحده الطعم فيها قوانص دجاج ميدار ثلاثي وما جاها شي والثانيه طعمها قطعة كرشة خروف. والرزق على الله اخوي.

تحياتي
أبوخالد

[A B D U L L A H]

الله يعطيكم العافية يا شباب




هل للمجرور وقت أفضل من وقت يعني الأرسالية في الفجر أفضل أو كل وقت عادي




بالنسبه لي آفضل مجرور ( الليل )



وخاصه مابين [ 9 المساء - 5 الفجر ] :good:





سبحان الله كان ودي اسأل عن احتمالية الصيد في المجرور وجاتني الأجابه المفاجئه من الخبير عبدالله! معقوله نسبة الصيد بالمجرور بس 10%! والله كنت اظن ان وحده تصيب ووحده تخيب وانا توني بادي في الشغله ما لي شهرين بس.








انا مثلك اخوي najd55 جربت كم مره وما فيه شي آخرها قبل امس كنت في شاطي الأمواج وارسلت إرساليتين على بعد 200 متر وحده الطعم فيها قوانص دجاج ميدار ثلاثي وما جاها شي والثانيه طعمها قطعة كرشة خروف. والرزق على الله اخوي.



تحياتي

أبوخالد








ما انا إلآ طالب في مدرسه ( ملك المجرور ) ;)



عليكم الإستنجاد به :director::alarm:




وعلى فكره آحيان تتضآئل الفرص إلى نسبهـ ( 1% ) << عز الله بطلوآ الشباب :D

[najd55]

شكراً لمشاركتكم يا شباب
قبقب مشعاب
كنعد
MGODY
مهوس صيد
accentkool
ناجل سمار
zarksh
و أيضاً ملك المجرور A B D U L L A H

[1بوخالد]

ما انا إلآ طالب في مدرسه ( ملك المجرور ) ;)



عليكم الإستنجاد به :director::alarm:





وعلى فكره آحيان تتضآئل الفرص إلى نسبهـ ( 1% ) << عز الله بطلوآ الشباب :D


الله اعلم تقصد ابوفي ملك المجرور صح.
وشكلك يا ابوعابد تبينا نهون من هالمجرور :D
يعطيكم العافيه

[ابو جبر 9]

اخوي لا تتعدى من 50-الى 150 متر ترى الصيد حوالين الشواطي مو جوا .. وأسال حقين القوارب يتمنون يقربون للشواطي ... ولا تنسى (( صبري صبر بحآآره بغو في اليم محآآآره ))

[ابو محمد1425]

اخوي يرمي مجرور واحد ويطلع معاه في كل مرة وانا جربت مرة وطلع معي على طول في اقل من ساعة على حسب المكان اللي انت فيه واللعفة مهمة تونة او سلماني تضرب ان شاء الله هذا كلام اخويه الاكبر لانه خبير في المجرور وهو اللي علمني عليه ويفضل دائما السلماني وان يكون البحر مفتوح امامك يعني ما هو في الخور
واتوقع ان الوقت الذي ترسل فيه المجرور الساعة 2 ظهرا غير مناسب بالنسبة لي ارى ان افضل وقت هو قبل المغرب بنص ساعة وتستنى كم ساعة ممكن نص ساعة وممكن 6 ساعات انت وحظك
ومن المغرب الى الفجر افضل من الفجر الى المغرب حسب كلام الكثير
وبالتوفيق

[حداق الخبر]

يالغالي


بخصوص ارسال المجرور

حاول ان البحر اللي بترسل فيه يكون مفتوح

اذا كنت تبي تصيد سمكه كبيره حاول ان يكون خيطك كبير + اللعفه او الطعم يكون كبير مثل ما قالك اخوي

عندك التونه ايضاً عندك الحمامٍ

حاول ان البحر اللي بترسل فيه يكون غزير اذا كنت تبغى سمكه كبيره مثل هامور او قرش او ماشابه ذالك

جرب شاطئ تالا اذا تعرفه

حاول ترسل خيوطك قبل غروب الشمس والطعم يكون كبير

وشوف وش يصير معكـ ،،،

[سبتان]

الله يسامحك يالغالي :) رحت ابحث في كتب اللغة على أساس أجهز حالي وأفيدك عن الجار والمجرور في النحو وعندما قرأت موضوعك تبين لي أنه خلاف ماكنت أجهزه لك .
على كل الأخوان أهل الخبرة يفيدونك

[صياد شعيبه]

انشاء الله يفيدونك اهل المجارير

[×asd×]

الاخوان ماقصروا ومازيد عليهم الا ان المكان الي ماتصيد فيه بالنهار جرب تصيد فيه بالليل

ولا تنسى قبل كل شي الارزاق بيد الله وان الله كاتب لك رزق بتشوفه لو ترسل خيطك 10 متر :)

[إلنترا 2005]

أولاً يالغالي خلي شعارك.....لا يأس مع الحياة ولا حياة مع اليأس

الإرساليات أو الدريات أو المجارير من طرق الصيد اللي يبغالها صبر

1- كبر طعمك

2-كبر ميدارك وإخفيه وثبته بشكل ممتاز داخل الطعم

3- مو شرط كل ما أرسلت أبعد راح تزيد أحتمالية الصيد لأن الصيد في وقت المد (السقي) يكون يرعى قريب من السيف

4- موشرط كل ما زاد غزر المنطقة وعمقها معناها أن الصيد أوفر يشهد الله إننا طلعنا سبيطي 5 كيلو من منطقة عمق الماء فيها ما يتجاوز الركبة

5- حاول ترسل أكثر من مجرور إذا كنت لحالك إرسل على الأقل 2-3 مجارير

6- إختار موقع ممتاز وأنصحك بالمناطق البعيده عن المدن (الهافمون-الزبنة-راس الغار-منيفة)

ولا تنسى اهم شي: الصبر ثم الصبر ثم الصبر
والله يرزقك ويرزقنا

أخـــــــوك:
أبو بـــــدر