مشكله ما عرفت حلها تكفووووون

[بن طريس]

الــــــقــــيــــر مـــا يـــــبـــدل ..........

الله لا يهينكم عندي جمس 454 سوبربان دبل موديل 95 تماتيك المشكله اللي بالجمس

اذا مشيت عليه من دعستي الاولى ما يبدل خير شر بس على تعشيقتي وامشي فيه ما يبدل

مره ولي تقريبآ حوالي 3 أشهور والجمس اروح عليه قريب وبعيد ولا اتعدى الخمسين اذا

شديت عليه المكينه تحن على شان القير ما يبدل .... وانا دخت من اهل الورش كل واحد

يقولي شي بس اكثرهم يقولون توضيب وانا احس انهم ماهم متأكدين والمشكله ما صارت

الا يومني غيرت زيت القير بدون فلتر بعد ما غيرت الزيت يمكن باربع اشهور

وش رايكم اللي صارتله نفس المشكله يعلمني وش سوآ تكفووووووون.

[هبــ حريملاااء ـبوب]

الله يعينك غير الزيت والفلتر مره ثانيه وان شاء الله يضبط .. شكل الفلتر متسدد

الله يسهل امرك

[كديان]

هذي ورش بالرياض
او ادخل رابطة ملاك الجمس و اليوكون



اخوي شاهين
ادخل هالرد ==>> http://www.mekshat.com/vb/showpost.p...80&postcount=4 (http://www.mekshat.com/vb/showpost.php?p=4902980&postcount=4)

اخبر الاعضاء يمدحون ورشة العتيبي
و تاكد من ورشة بن كليب و ورشة ابو عادل
عاد علمنا من الثقة و النصوح

[قائد السريه]

جرب عشقه ب1 وامش شوي وارفعه ل2 واذا عشق الثاني امش عليه شوي وعشقه بالثالث

يعني ...........P
................R
................N
................D
بعدين ..........3
بعدين ارفعه... 2
عشقه هنا اولاً 1

وبكذا يمشيك مؤقتاُ

ارجو انك فهمت علي

هذي المشكله قد صارت في كابريس 96 ومايمشي الا كذا لا ونمشي عليه 160

وبالنسبه للقير عندك يبيله توضيب والله اعلم

[ساهر1911]

جرب غير الزيت والفلتر بشرط يكون اصلي واضف الى ذالك طرمبة الزيت للجربكس لان احتمال هناك انسداد بسبب تاخر غيار الزيت وعندما غيرت الزيت الجديد اختلف الضغط وتسبب باغلاق فتحات الطرمبه التي تعمل على رفع الزيت للتروس واذا ماضبطت الله يعينك وضب الجير بس اهم شي شفلك ورشه صح لان اغلب الورش بها عمال وليس مهندسين

[غرب غريب]

السلام عليكم
اخوي انت اول وين موقعك؟
هالمشكله صارة مع الوالد بنفس الموتر قبل كم سنه وسوا كل شي بس ما فيه فايده كل من جاه قال نفك القير ونشوف بس الوالد رافض فكرت فكه القير وبعد اسبوعين من قلق الورش راح لورشت المسند بعنيزة وطلعة مشكلة كهرب ما اذكر وشي بالضبط بس الاكيد ما كلفت الا 80 ريال والله يكون بعونك

[mtc_959]

في حساس اسمه TBS موجود في الثروتل اللي هو في فتحت الهواء للمكينه غيره
والله اعلم

[حوض 2003]

في حساس اسمه TBS موجود في الثروتل اللي هو في فتحت الهواء للمكينه غيره
والله اعلم
هذا العلم الغانم

[بن طريس]

بيض الله وجيهكم وانا اول شي بشيك على الحساس واذا ما ضبط بغير الفلتر والله انك تعيني

[الدوسري911]

اخي الغالي
السلام عليكم
انا صارتلي نفس المشكله في جمس سوبر بان 91 (454) وانا راجع من السفر الى الرياض بعد ما وقفت في محطه للتزود بالقود اختلف عندي الكهرب شوي . القزاز والمكيف حوالي عشر دقايق وبعد كذا رجع كل شي تمام ولكن القير ماغير ومشيت عليه 300 ك للرياض وبعد ماريحت عند الاهل حوالي نصف س شغلت السياره لغرض الذهاب الى منزلي وغير القير تمام ومن بكره ومريت ورشة الجابري للكهرباء ولقوا المشكله في فيش الموزع الرئيسي اسفل الدريكسيون وطلب مني اغير زيت القير والفلتر لان الزيت صار محروق وبعد ذلك قاموا بتغير القطعه بقيمة (50 ريال) وشغل اليد ب (550 ريال) غالي لكن الحمدلله رجع الموتر تمام .

[خشير الذيب]

حساسات القير بحدود ال700 قطع وشغل يد وفلتر وزيت وكل شي ولا تصدق النصابين والله ياشباب انه كان عندي سطحه وعلى معرفتي للورش ان اكثر المواتر مايحتاج توضيب وخرابه بسيط وياخذون فلوس الضعيف وهو مسلم امره ومشكلت موترك حصلت معنا على 94 سوبر 454 شد بلد قير ومكينه وقرروا عليه الورش قير حتى ترايستار ولقيت سوداني صديق في الصناعيه وقالي مشكلته حساسات وكلفت زي ما علمتك والى الان بعد التصليح 4 سنوات خطوط ومدارس وديره ماعنده مشاكل والله يعينك وكذلك صار عندي صوفه خلفيه وبوشنقات في قير بليزر 85 وقرروا عليه توضيب ودفعت 3800 توضيب كنت غشيم ايامها وبعدها نفس الخراب حصل لي على نفس الموتر وكلف 500 شف النصب الى وين
ارجو اني افدتك