عندي رواق متكسرة اطنابة و ضايعة وش رايكم وش الحل فيه؟

[سدرك]

السلام عليكم

اشتري واحد جديد ولا الحمها
ووش الافضل؟ اشتري او الحم

ومن وين المكان اللي عنده اطناب وتلحيمه مضبوط لو تطقها بمرزبة ما انعطفت او انكسرت

[الواصل44]

وعليكم السلام

اخوي

الأن العشرة متر بالشداد اللى تربط به حبل ما يتعدا 70 ريال في الغرابي

واذا انت تبي تصلحه رح لمهم برضو هم راح يصلحونه

واذا رواقك كل عليه الزمن ولا عايد يصلح طق لك واحد

وانت اذا رحت هناك والله راح تنبهر من الاشكال والاحجام

ولا يغرونك محلات الكشتات او المحطات يقولك 100 او 120 او 150

عندهم 70

[السومر]

اولآ: اذا تبي جديد في الغرابي اسعارها من 45 ريال الى 65 ريال مقاسات وارتفاعات تعجبك

ثانيآ: اذا بتصلح اللي عندك رح للورش الحداده . انا مركب من عندهم 4 اوتاد مقاس 14 ملم مع التلحيم بـ25ريال طبعآ الحديد من عندهم غير نوعية الاوتاد ولكن نوعيه جيده

[سيد الجو]

مايبي لها سؤال الله يبارك فيك

رح لورش الحداده وهم يدبرونك

ولا اشتر لك اطناب وقصصها ولحمها انت ان كان عندك مكينة لحام ووسع صدرك على الشغل

[ليزر 97]

الموجود بالسوق الفتره الاخيرة مشكلتة الحديد يكون ردى كم طلعة الا بعدها ماينفع
اذا كان الرواق الموجود معك حديدة قوي رح الغرابي وضبط القماش وتفنن بالسعر الطيب
والله يكتبلك الخيرة وكل مسلم

[خيال الغلبا]

اردى انواع الحديد في محلات الرحلات
اتركهم

ورح للحدادين واختر الحديد اللي يناسبك

[مسيفر]

اخوي الحل عندي ونا مجرب خذلك طال عمرك اصياخ طويله بعدين دخلها من جوا الماصوره حقة الرواق لين يطلع لك راس الصيخ من تحت يمكن بطول 15 صانتي وبعدين حد راس الصيخ من تحت ولحمه على اطراف الماصوره من فوق ومن تحت وشف ماعاد ينكسر نهائيا وبعدين ابغا منك السعي (فقط قل الله يوفقك ويرحم والديك والمسلمين اجمعين وادع لاختي الصغير التي تعاني من مرض السكر كل يوم تدق اربع ابر على ومووفق خير والجميع)

[سدرك]

شكرا لكم جميعا

وأسال الله العظيم رب العرش العظيم ان يشفي اخت اخينا مسيفر وان يلبسها الصحة والعافية

[موادع سدير]

وأسال الله العظيم رب العرش العظيم ان يشفي اخت اخينا مسيفر وان يلبسها الصحة والعافية

[محلات الكشاتة]

يمكنك مرور المحل


وسوف يتم أصلاحة


وأسأل عن واحد أسمة أبو خالد


وهو سوف يخدمك أنشاء الله

محلات الكشاتة في خدمتكم