استفسار بخصوص الكامات الشبه احترافيه

[naif2011]

السلام عليكم ورحمة الله وبركاته

كيفكم جميعا ان شاءالله بصحة وسلامه

هذي اول مشاركه لي بس في الواقع انا متابعكم من فتره

وحبيت اني استفيد منكم ومن خبرتكم الكبيره ما شاءالله عليكم

وانا ما كتبت الموضوع الى لمى شفت من الاخوان التفاعل والمحبه السايده بينهم الله يجزاهم الف خير

موضوعي يمكن باين من عنوانه

انا حاب استسفر عن الكامات الشبه احترافيه

وخاصة للمبتداء وش افضل الانواع الي تصلح له

وصراحه انا رحت للسوق وشفت الكميرات

ولقيت تقريبا ثلاث انواع هي الممكن متسيد الان على الشبه احترافي

الي هي :

nikon coolpix p100

canon sx30

fuji hs10


هذي الانواع تقريبا الي شدة انتباهي مع اني ما املك الخبره الكافيه بس تقريبا حسيت ان هم الافضل

واتمنى تبينون لي وش الفرق بينهم من جميع النواحي

طبعا لا مانع من الي يبغى ينصح بخصوص انواع اخرى مثل

sony Hx1

pannasonic fz100

nikon L110

او غيرهم حتى

وياليت الي بينصح على نوع معين يقول وش السبب ويذكر المميزات

وفي الاخير اشكركم جميعا

واتمنى لكم التوفيق والسعادة

[naif2011]

وش دعوه يا شباب

مافي اي واحد علق

اتمنى من الاخوان الافادة الله يجزاهم خير

وشكرا

[ابوفهده]

هلا اخوي نايف
اذهب للاعلى بيع وشراء الكاميرات ومستلزماتها ,,,
وستجد ضالتك لاكن هينا عرض الصور المكشاتيه حبيلك وحياك بينا اخي,,,,,

[naif2011]

اوكي مشكور اخوي ابو فهده

انا اصلن كان عندي شك في محل الموضوع

يعطيك الف عافيه على تواجدك

جاري نقل الموضوع ..

[ابوفهده]

هلا وغلا اخوي نايف
ااذهب للاعلا تجد بيع وشراء الكاميرات ومستلزماتها,,,
وتجد انشالله ضالتك وفالك الخير

[Ahmad Baj]

اخوي نايف عندي كاميرا P100 للبيع نظيفة جدا .. ما تفرقها عن الجديدة .. تقدر تشوفها وتحكم لو انك بجدة ..

في انتظارك ..

[naif2011]

مشكور اخوي احمد على عرضك

لاكن انا لحد الحين ما قررت وش النوع الي راح اشتريه

محتار بين الفوجي والنايكون والكانون g12

وممكن سؤال وش سبب بيعك للكميرا ؟؟

هل استخدامها او مواصفاتها غير جيده ؟

وعلى العموم الله يوفقك في بيعتها يارب

[AZOOOOZ]

السلام عليكم ورحمة الله وبركاته
اخوي نايف انا شرحك سرا
يعني في مرحلة البحث والتنقيب
لكن انا حسب بحثي من مده ليست بالقليله انحصرت المنافسه بين
الثلاث كاميرات
1- الكانون G12
2- نيكون P7000
3- الفوجي المعروفه
وبحثت عن كاميرا رابعه ولم اجد جوابا من احد مع ان مواصفاتها رائعه وهي
اوليمبوس SP_800UZ
لكن الملاحظ ان غالبية الاخوان المحترفين نصحوني بالكانون G12
اذا كان حدة الصوره ووضوحها هو مطلبي الاساسي وهو عادة مطلب الهواه مثلي لانني استخدم الصور للتوثيق
هذه هي العصاره ......واعتذرعن الاطاله

[sayang]

اخوي نايف خذها مني لا كانون sx30 ولا نايكون p100 و لا اوليمبوس sp800 جربتها كلها و الصراحة الاوليمبوس الوانها حلوة في الصورة بس الزووم يوم تصقعه لاخر شي اهتزاز جامد و الاعدادات التي فيها عادية و البانوسينك جيدة و عدستها من الايكا لكن لا يوجد فبها التصوير الراو لكن انا انصحك وبقوة بالفوجي hs10 و اذا تبي تستغني عن الزووم عندك كانون g12 و البانوسينك LX5 واذا مبتدأ الفوجي خيار مناسب وسعرها مناسب لا وبعد اختها الجديدة بتنزل بس مدري متى انزلت في امازون fujifilm hs20 خذ الفوجي hs10 افضل للمبتدأين .

[naif2011]

السلام عليكم ورحمة الله وبركاته
اخوي نايف انا شرحك سرا
يعني في مرحلة البحث والتنقيب
لكن انا حسب بحثي من مده ليست بالقليله انحصرت المنافسه بين
الثلاث كاميرات
1- الكانون G12
2- نيكون P7000
3- الفوجي المعروفه
وبحثت عن كاميرا رابعه ولم اجد جوابا من احد مع ان مواصفاتها رائعه وهي
اوليمبوس SP_800UZ
لكن الملاحظ ان غالبية الاخوان المحترفين نصحوني بالكانون G12
اذا كان حدة الصوره ووضوحها هو مطلبي الاساسي وهو عادة مطلب الهواه مثلي لانني استخدم الصور للتوثيق
هذه هي العصاره ......واعتذرعن الاطاله

هلا والله اخوي عزوز

فعلا صراحه بعد بحث طال وطال لحد ما مليت

لقيت انه فعلا المنافسه بين الفوجي والكانون g12

طبعا كل وحده تتفوق على الثانيه بمميزات يعني الفوجي في الزوم وتصوير الفديو فول hd

والكانون طبعا تتميز بقوت عدستها وحدة صورها

وللاسف انا لحد الحين محتار بين الثنتين

بس شكلي في الاخير باخذ الفوجي الجديده hs20

مشكور على مرورك ياغالي

[naif2011]

اخوي نايف خذها مني لا كانون sx30 ولا نايكون p100 و لا اوليمبوس sp800 جربتها كلها و الصراحة الاوليمبوس الوانها حلوة في الصورة بس الزووم يوم تصقعه لاخر شي اهتزاز جامد و الاعدادات التي فيها عادية و البانوسينك جيدة و عدستها من الايكا لكن لا يوجد فبها التصوير الراو لكن انا انصحك وبقوة بالفوجي hs10 و اذا تبي تستغني عن الزووم عندك كانون g12 و البانوسينك LX5 واذا مبتدأ الفوجي خيار مناسب وسعرها مناسب لا وبعد اختها الجديدة بتنزل بس مدري متى انزلت في امازون fujifilm hs20 خذ الفوجي hs10 افضل للمبتدأين .

فعلا صادق

لا النايكون ولا الباناسونيك ولا الكانون sx30

انا ان شاءالله شكلي باخذ الفوجي الجديده

بس في ناس يقولون الفوجي القديمه افضل من الجديده بميزه بس مدري وشي

يقولون انهم كبرو الميقا بكسل خلوه 16 ميغا بس صار دقة الصور اقل او شئ زي كذا

على العموم ان شاءالله يجي واحد ويفيدنا وش الافضل فوجي القديمه ولا الجديده