ماهي أفضل دفاية لتدفئة الخيمه في البر

[ابوبدر2002]

السلام عليكم ورحمة الله

كيف الحال اخواني ابي استفيد من خبرتكم الطويله في البر

انا ديمنا اطلع البر لكن المشكله البرد ماهي افظل طريقه لتدفية الخيمه سمعت عن اشياء كثير لكن ابي شي ممتاز وزين مثل دفية الى غلى الغاز

لا تبخلو علينا بمعلومتكم

[الطرشي]

دفاية الغاز ممتازة وعملية وبالامكان استخدامها في نفس الوقت للقهوة او الشاهي
وفيه دفايات قاز اسمع بعض الاخوان يذكرها بس والله ماجربتها عند المباسط اللي على الخطوط السريعة

[العاذر]

دفاية الغاز ممتازة وعملية وبالامكان استخدامها في نفس الوقت للقهوة او الشاهي
وفيه دفايات قاز اسمع بعض الاخوان يذكرها بس والله ماجربتها عند المباسط اللي على الخطوط السريعة
:good::good:

[عاشق البر22]

اخوي بالنسبة للدفاية الغاز ممتازة ولكن ما انصحك وقت النوم تكون خطرة يعني لا تنام وهي مشتعلة

[DurangoX]

اخي الكريم فيه منتج جميل جدا يحول لك الموقد الفراشه اواي من المواقد الصغيره الي دفايه او ممكن تستخدمه شوايه بس من ناحية تدفئة الخيمه يجب عليك الاحتراس لان ناتج الاحتراق دائما خطير ينتج اول اكسيد الكربون ( الموجود في عوادم السيارات ) واكبر متسبب لحوادث الوفيات بالاختناق اثناء النوم باستخدام وسائل التدفئة التقليديه ( الحطب/ الغاز) في الاماكن المغلقه.
حفظنا الله واياكم من كل مكروه.

دمتم بود

[عاصفة نجد]

الرجال يبي حل وانتو تقفلونها بوجهه
طيب الخيمه مايدخلها اللي اللي بينام انصح بالفراش الجيد الممتاز اللدافي واللبس السنع لما تقوم الفجر للصلات بأذن الله شغل دفاية غاز او قاز مفلترة وانتظر لك شوي لين يدفى المكان ثم توض للصلاة وارجع والمكان دافي
اما بالليل وغاز او قاز شغال فيه خطورة بالخيام العادية اما بيت الشعر باذن الله مافيه خطورة لأن بيت الشعر يعتبر مهوى مثل الخيمه العادية مغلقة بأحكام واكثر دفىء
ولاكن الحذر واجب على كل حال وهل الخيام اللي يدفونها بالغاز او القاز الحطب عليهم ترك الدرايش الخيمه مفتوحه للتهوئه وتجديد الاكسجين
وسلامتكم

[the dark half]

http://www.mekshat.com/vb/showthread.php?t=365140&highlight=%C3%CD%E3%CF+%C7%E1%D4%C8%DA%C7%E4


موضوع أخونا أحمد الشبعان

[ابوبدر2002]

جزكم الله كل خير

[بريق الحسام]

أنا مجرب الأتريك على الغاز منها إضاءة ومنها تدفئة بس لابد من فتحة في الخيمة لئلا يسبب اختناق

[gxr2001]

http://www.mekshat.com/pix/upload02/images89/mk23101_3.jpg


من الموضوع التالي

http://www.mekshat.com/vb/showthread.php?t=171266

[ابوسلطان90]

السلام عليكم
اشتريت دفايه بالقاز للخيمه من محلات الكهرباء مقابل سوق الزل جودتها عاليه بسعر 200 ريال سعر جمله

[ابوطيف2]

الغاز ممتازة انا مجربها لبيت الشعر بس لاتطول عليها يعني خل اللهب على القصير أو المتوسط عشان تطول مدتها من حيث التعبئة


والقاز كذلك زينة لكن مشكلتها تكتم الصدر وكذلك ريحتها بالثياب ,,,,,إيضا فيه نقطة سلبية لدفاية القاز أنه تجيب النوم وتدوخ وأنت ما تحس فيها مدري يمكن القاز هو السبب خصوصا إذا كان ا لمكان أو الغرفة صغيرة ومغلقة ,,,والله اعلم

[أحمد محمد1429]

عليك بالدفايه السوريه اللي لاتكتم ولاتضر وتقدر تنام وهي شغاله لأن لها ماسوره راكبه في الدفايه لطرد العادم للخارج وهي ممتازه للغايه

[باثفندر]

الدفاية السورية انصح فيها وهي مصممة للديزل فيها ماصورة (شكمان) برى الخيمه لا ريحة ولا تنشف الهواء مثل الغاز

[abu-turki2009]

الدفاية ماأحتاج لها إلا وقت النوم
أحفر حفره بمساحة الفراش تقريباً وأضع فيها الجمر وأدفنه وأضع الفراش فوقه وكذا ماأدري بالبرد.

[معاند البحر]

اخوي مايحتاج سؤال النار هي افضل دفايه في البر

[السويدي رماح]

عليك بدفاية أم قاز مالها مثيل

[جذآآآب]

http://www.mekshat.com/pix/upload02/images89/mk23101_3.jpg

هذي وريح ضميرك
ولكن لاتنام وهي شغاله تنخنق مثل دفايت الكهرب والفحم واي دفايه تنام وانت مغلق الباب ينحرق الاكسجين وتنخنق
عند النوم طفيها هي منتاز بالمره وقيمتها 230 ريال يابانيه ووكيلها الزهراني
لاتنغش بالصينيه نسخه منها ولكن لونها تقل صفراء

[غمارتين ونص]

نووووم العوافي ......

[ماجد الشمال 1]

عليك بجمات القطن وكيس النوم الى من داخل فرو
وترك الدفايات عنك ونا أخوك اختنق وموت
والبر حلاوته برده