استشارة عن أي انواع الخيام أفضل مع المقارنة بخيمة توافق؟

[وسّام]

مساكم الله بالخير يارجال ...مبروك عليكم هالعيد عسى ان الله يبلغنا اياوه وياكم ويقبل صيامنا .. اللهم آمين

يالربع ابي اشاوركم عن خيمة توافق المربعة واللي يجي تصميمه نفس الخيام العادية"الصباحية" 4×4 لكن انه بدون عمود بالوسط وكله على بعضه قطعة وحدة من الطاقية للرواق ووقوفه يصير على مواصير المنيوم تركب ببعضه وعدد قطع الالمنيوم 36ماصورة وقيمة الخيمة عندهم 2200 للون الزيتي
وهالخيمة اشتريته قبل ثلاث سنين منهم بهالقيمة والعام شافه واحد معي بالبر ولزم علي الا ابيعه واستلم ثمنه واعطانن به الف وتسع مية ريال مع انه يدري بقيمته وانهم يرسلونه له لو حول المبلغ:)
المهم اني بيومنا هاذا ابي لي خيمة حليلة وودي لو اني اشري هذيك بس عاد ان الالف وميتين تكسر الضهر شوين:)

فأشيرو علي ياعيال هي له بديلة وارخص ولا لا

[وسّام]

يالربع والله اني تقل مسلم.ن على لي رجال بمجلس ولا يردون علي .. افزعو يامانخيتكم :d

[عطارد]

السلام عليكم ورحمة الله وبركاته

عند القاضي في الدمام خيمه اسمها البيرق وبصراحه هي افضل الموجود في السوق من حيث الجوده وسرعة التركيب.
مقاسها 4.5x4.5 متر وبها عمود بالوسط وقماشها خفيف وعازل وبها ارضيه مثبته وفيها بابين وتقدر تفتح جهه كامله وتخليها مظله وتقدر تبنيها انت لوحدك خلال خمس دقائق وإذا حطيتها بكيسها تدخل بشنطة الكورلا.

لا تفوتك نصيحة اخو

[خالد123]

[size=2]السلام عليكم ورحمة الله وبركاته
طيب ياخوى وسام بكم سعر الخيمه.
والعنده علم عن الخيام يعطينا مواصفتها واسعارها وعنوينها؟
الله يعطيكم العافيه

[ابو بريك]

أخوي وسام صبحك اللة بلخير .انا عندي خيمة مقاس 3+4 باكستانية غاطين وعمدان تركيب سهلة الشيل والحط ودافية وحجمها بعد التسفيط صغيرة يعني بشنطة كامري تشيلها وسعرها من 500 الى 700 ونت أوشطارتك...مع تحياتي.ابو بريك(0504947155)

[ناصح]

يا اخوان

لا بد أن يكون هناك صور للخيام التي تذكرون ولو بكاميرا الجوال

لأنني محتاج إلي خيمة عملية جدا وصغيرة بعد التصفيط وسريعة التركيب

ولا يمكن مهما وصفت ان نتخيل الخيمة بدون صورة

الله يعطيكم العافية

[ابوسبيل]

كل وانتم بخير اخوي ابو بريك هل الاخيمه الى انت تقول عندك والاتخبر مكانها والاوشلون لوتكرمت