وش اخر الاخبار عن عرعر

[ثدقاوي]

تكفى علمنا او ورنا صور الي في عرعر او اي مكان فيه غيم نبي يلة بسرعة يلة نتحرك بسرعة

[سلطان الوايلي]

هلا فيك اخوي (( ثدقاوي ))

الجو السائد في مدينة عرعر من غائم إلى غائم جزئي وإن شاءالله نقول الخير جاي بالطريق , وراح نوافيكم بالتفاصيل الجديدة أول بأول , وادع ان الله يجيب الخير . الكلام هذا لحين كتابة الرد يوم الأثنين 28/9/1426هـ الساعة 8:00صباحاً

[ثدقاوي]

مشكور بس عطنا كل شوي تكفى تراني مااهدء

[محب الشمال]

والله والنعم بعرعر واهلها اهل الكرم والطيب والجود

وزي ما قال ثادقي عطنا الاخبار اول باول

[سلطان الوايلي]

اخوي (( ثدقاوي ))

ابشر ولا يكون خاطرك إلا طيب والأجواء على وضعها الأول , وزي ما قلتلك ان التفاصيل والتغيرات راح تلقاها على طول في المنتدى .

[سلطان الوايلي]

اخوي (( محب الشمال ))

ما عليك زود يالغالي , والنعم فيك بعد والطيب فيك وفي اصلك ومشكورين , وابشروا بالأخبار على مدار الساعة لو تبون .

[راعي الحزم]

شكرا لجهودك يا راعي عرعر الا وش علوم المطر اللي جاء قبل اسبوع هو سيل والا نقع والا رش هو يبذر والا لا ارجو الرد

[سلطان الوايلي]

هلا فيك اخوي (( راعي الحزم ))
جاء لعرعر قبل اسبوع مطرتين اول وحدة يوم الأثنين بتاريخ ((21/9/1426هـ )) والثانية يوم الجمعة الموافق (( 25/9/1426هـ)) والحمدلله كلهن فيهن نفع إنشاءالله والأولى الي هي يوم الأثنين اطيب من الثانية جاء مع احد السحب برد , والمطر الي جاء كله سحب والمواقع الي مرن عليهن تقدر تقول (( ري قاع )) يعني ارتوت الأرض إلا شئ بسيط .