اللهم حرم النار على وجه كل من يرد علي ويساعدني في مشكلتي

[عزوز114]

بسم الله الرحمن الرحيم

الحمد لله والصلاة والسلام على اشرف الانبياء والمرسلين اما بعد:
يا اخوااان الفزعه قدر الله علي وطفت السياره عيت تشتغل نهائي تدق سلف بس ما تشتغل
سيارتي اوبترا 2006 قبل اسبوعين ظهرت لي بعض التفتفه والتقطيع ورحت عند كهربائي وسوالي برمجه وكأنها تحسنت السياره شوي بالمشي ما تتفتف لاكن عند الاشاره اول ما اوقف واجلس شوي اجي اقوم السياره ماتقبل دعسه تجلس شوي لين تقبل الدعسه واذا مشت كويس مافيها شي عملت تنظيف بخاخ وغيرت بواجي وسويت برمجه والان مدري وش الحل ؟
السيارة قير عايدي والله يا اخواان خسرت كثير عليها
امس رحت مشوار حق ابو ساعه داخل البلد ورجعت البيت قبل البيت وقفت بصيدليه اشتري بعض الاغراض وطفيت السيارة ولما جيت بشغل اشتغلت وكانت تتفتف مره شديده وجلست شوي وانطفت ولحد الان ما تشتغل وانا والله مالي غنى عنها ابد

ملاحظه/ قبل اسبووع نفس المشكله صارت معي رجعت من دوامي البيت وكانت السيارة شغاله ومافيها شي وجيت بالليل اشغلها وعيت تشتغل وتركتها ومن البكره غيرت بواجي وصفايه وشغلت وما اشتغلت فحصت الافيوزات وكل شي تمام
فيه حساس فوووق الثلاجه فصلته وشغلت واشتغلت ورجعت شبكته وكل شي تمام واليوم رجعت فصلته وشغلت ولاكن بدون فايده ما تشتغل


ارجوو من الله ثم منكم المساعده
هل هي طرمبه بنزين؟
هل هو حساس كرنك؟
هل هو كويلات البواجي؟
وهل قد صارت مع شخص وصلحها؟

افيدوني الله يحرم وجيهكم من النار

[رااعي الابل]

الله يكون في عونك

[عزوز114]

الله يكون في عونك

امين اخوي
نصيحه ابعدو عن السيارات الكوريه
وربي ما وراها الا الفلس

[مغامر الديرة]

الله يعينك
اخوي يمكن المشكله في جهاز الكبيوتر

[قناص تربه]

الله يفرج كربك ويعوضك بخير منها والله ماعندي خلفيه عنها بس يفيدونك الأخوان
واذا صلحت اقرب حراج وأخذلك تويوتا

[عزوز114]

الله يعينك


اخوي يمكن المشكله في جهاز الكبيوتر


اخووي سويت برمجه قبل اسبوعين وما وضح شي بالكشف كل شي سليم

[مشجع اهلاوي]

اتوقع تكون من الفيوزات الي جنب البطاريه والله اعلم

[عزوز114]

الله يفرج كربك ويعوضك بخير منها والله ماعندي خلفيه عنها بس يفيدونك الأخوان
واذا صلحت اقرب حراج وأخذلك تويوتا

يارجل هو ذا الي افكر به

والله ما بعد التويوتا سيارات في كل شي

[satam1389]

هلا اخي الغالي
احتمال تكون طرمبة البنزين
انا حصل معي زي كذا في جمس وصارت طرمبة البنزين

[ابويزن2010]

الله يكون في عونك

يمكن من البنزين اذا كان اخضر .. اعرف واحد سيارته صارفيها تفتفه وتقريبا نفس معاناتك وغير البنزين لاحمر والله وظبطت ماشاء الله .. وربنا يعينك ويسهل لك امورك اخوي الكريم

[عزوز114]

اتوقع تكون من الفيوزات الي جنب البطاريه والله اعلم

هلا اخووي
قبل اسبوع سوت نفس المشكله وجيت اشغل ما اشتغلت وخليتها ومن البكره فكيتها وفصلت حساس الهوا الي فوق الثلاجه واشتغلت وشبكته وكانت كويسه نوعا ما واليوم قلت اكيد منه وفصلته وحاولت ولاكن ما حولك احد ما تشتغل نهائي
والفيوزات مشيك عليهم واحد واحد

[عزوز114]

هلا اخي الغالي
احتمال تكون طرمبة البنزين
انا حصل معي زي كذا في جمس وصارت طرمبة البنزين

وانا اتوقع ذالك

لاكن قلت بشوووف ارائكم علما اني اليوم فكيتها وحاولت اصلح فيها شي وما عرفت ورجعتها

وفصلت اللي الي يطلع منها ودقيت سلف وما يطلع منه بنزين نهائي

[abo_hoor]

وعليكم السلام ورحمة الله وبركاتة
عليه الصلاة والسلام
اخوي شوف تبي حل يريحك ودها للشركة عندهم جهاز يفحثها وراح يطلع لك الشي اللي خربان
ادري انك تبي حل سريع بس لو اعلم عنه جان قلته
وان شاء الله شباب مايقصرون وياك
وجيك على الديلكو اخوي عزوز ممكن تكون منه لان قبل فترة سيارة البيت تدق سلف وماتمشي
واذا مشت تمشي شوي وتطفي طلع خربان الديلكو

[عزوز114]

الله يكون في عونك



يمكن من البنزين اذا كان اخضر .. اعرف واحد سيارته صارفيها تفتفه وتقريبا نفس معاناتك وغير البنزين لاحمر والله وظبطت ماشاء الله .. وربنا يعينك ويسهل لك امورك اخوي الكريم


اخووي السيارة مصممه على بنزين 91

خلها تشتغل واغير مو احمر الا اقوى لو فيه

شاكرلك مرورك

[عزوز114]

وعليكم السلام ورحمة الله وبركاتة
عليه الصلاة والسلام
اخوي شوف تبي حل يريحك ودها للشركة عندهم جهاز يفحثها وراح يطلع لك الشي اللي خربان
ادري انك تبي حل سريع بس لو اعلم عنه جان قلته
وان شاء الله شباب مايقصرون وياك
وجيك على الديلكو اخوي عزوز ممكن تكون منه لان قبل فترة سيارة البيت تدق سلف وماتمشي
واذا مشت تمشي شوي وتطفي طلع خربان الديلكو


اخوي شاكرلك مرورك جاري البحث عن المشكله

[عالي الكيف]

عزوز ان شاء الله بسيطه

اعتقد والله العالم انها كويلات البواجي

قد صارت معي نفس الحاله بس اقل شوي ماتطفي

افحص كومبيوتر ((( وهذا الحل سهل وانت واقف )))

[العمده 0ون0]

وعليكم السلام
عزوز114
طيب شييك بارك الله فيك على المجرمين الثلاثه:
1- فلتر البنزين 0
2-طرمبة البنزين0
3- فلتر الهواء0
نسيت كتاوت طرمبة البنزين0 :D

[عزوز114]

عزوز ان شاء الله بسيطه

اعتقد والله العالم انها كويلات البواجي

قد صارت معي نفس الحاله بس اقل شوي ماتطفي

افحص كومبيوتر ((( وهذا الحل سهل وانت واقف )))

اخوووي والله ما ادري يمكن

شاكرلك مرورك

جاري البحث

[ابو نعمه]

امين اخوي
نصيحه ابعدو عن السيارات الكوريه
وربي ما وراها الا الفلس
الله يكون في عونك

انا كان عندي هونداي النترا و ما قد اشتكيت منها

يعني مو كل الكووري تعبان

[عزوز114]

وعليكم السلام
عزوز114
طيب شييك بارك الله فيك على المجرمين الثلاثه:
1- فلتر البنزين 0
2-طرمبة البنزين0
3- فلتر الهواء0
نسيت كتاوت طرمبة البنزين0 :D

اول شي شاكرلك مرورك

تم تغير فلتر البنزين
تم تنظيف الفلتر تبع الهوا
طرمبه البنزين وذا الي انا شاك فيه قلت اشوف خبراتكم اول قبل ما اغير
سؤالي اين يوجد الكتاوت؟

[السومر]

التوقع تكون طرمبة البانزين

خذ لك ريال كاروسين وخل التانكي يصير حد الربع او تحت شوي

بعدين عب الكاروسين وزود عليه البانزين اللي تعبيه سواء احمر او اخضر 15 ريال او 20 لا تفلل

علشان ما يخف الكاروسين وامسك عليها خط بسرعه لا تتجاوز 120

وان شاء الله يكون حل قبل لا تبدل الطرمبة حقة البانزين

[ابويزن2010]

اخووي السيارة مصممه على بنزين 91

خلها تشتغل واغير مو احمر الا اقوى لو فيه

شاكرلك مرورك


هههههههههه الله يسعد ويسهل امورك .. مالومك شكلها متعبتك .
اخوي اجل افحص كمبيوتر وريح باااااااااااالك .. الله يسهل امرك اخوي الكريم

[عزوز114]

الله يكون في عونك

انا كان عندي هونداي النترا و ما قد اشتكيت منها

يعني مو كل الكووري تعبان

جزاك الله خير ويمكن مشكلتي هي الي خلاني اخرج عن طوري
جوزيت خيرا

[عزوز114]

التوقع تكون طرمبة البانزين

خذ لك ريال كاروسين وخل التانكي يصير حد الربع او تحت شوي

بعدين عب الكاروسين وزود عليه البانزين اللي تعبيه سواء احمر او اخضر 15 ريال او 20 لا تفلل

علشان ما يخف الكاروسين وامسك عليها خط بسرعه لا تتجاوز 120

وان شاء الله يكون حل قبل لا تبدل الطرمبة حقة البانزين

اخوووي شاكرلك مروورك بالاول خلها تشتغل

الله يسعد كل من رد علي

[abu fares]

الله يكون بعونك

[ابو نعمه]

اسمعني حبيب قلبي

توجه الى اطلق كمبيوتر و سو عنده فحص و ربك ييسر لك امرك

[عزوز114]

اخواني هل احد يعرف مكان الكتاوت حق طرمبه البنزين؟

نوع السيارة اوبترا2006

[عزوز114]

الله يكون بعونك

اميين واعان الله الجميع

شاكرلك مروورك حبيبي

[عزوز114]

اسمعني حبيب قلبي

توجه الى اطلق كمبيوتر و سو عنده فحص و ربك ييسر لك امرك

شاكرلك مرورك يالغالي

انا قلت بشوووف خبراتكم اول

[سوبر152]

:mad:طرمبه بنزين:mad:

[_دربيل_999]

اخوي يمكن الطرمبة
افحص ضغط طرمبة البنزين قبل لاتعزم على تغييرها يمكن سليمة..

[Spank]

بس تنبيه لعنوان موضوعك " حرم الله وجه كل من يرد علي من النار ويساعدني في مشكلتي " وهذا ما ينبغي

وكانك تضمن دخول المجيب للجنة والله هو بيده الجنه و النار ويغفر لمن يشاء و انصحك تعيد كتابه الموضوع

بعنوان شبيه مثلا "اللهم حرم النار على وجه كل من يرد علي ويساعدني في مشكلتي " وتكون بذلك دعيت له

بالعتق من النار.. و الله يهدينا ويهدي جميع المسلمين لطريق الحق

[عزوز114]

بس تنبيه لعنوان موضوعك " حرم الله وجه كل من يرد علي من النار ويساعدني في مشكلتي " وهذا ما ينبغي

وكانك تضمن دخول المجيب للجنة والله هو بيده الجنه و النار ويغفر لمن يشاء و انصحك تعيد كتابه الموضوع

بعنوان شبيه مثلا "اللهم حرم النار على وجه كل من يرد علي ويساعدني في مشكلتي " وتكون بذلك دعيت له

بالعتق من النار.. و الله يهدينا ويهدي جميع المسلمين لطريق الحق

جزاك الله خير

>>>جاري التعديل

[أبوسليم]

الله يكون في عونك

[عزوز114]

اخوي يمكن الطرمبة


افحص ضغط طرمبة البنزين قبل لاتعزم على تغييرها يمكن سليمة..


اخوي كيف افحصه ياليت تدلني عندي خبرة في التفكيك وعندي جميع انواع العدد

بس قلي كيف؟

[عزوز114]

الله يكون في عونك



كان الله في عون الجميع

شاكرلك مرورك

[عزوز114]

:mad:طرمبه بنزين:mad:


اخوي كيف اعرف؟

وشاكرلك مرورك

[شيهوب]

أبو عزوز الله يعينك

التفتفه مشكله عويصه بالسيارات الله يفرج همك إن شاءالله وبأعطيك خيارات دام أنت مسوي فحص لها ولم يظهر لك شي :
1/ قد تكون طرمبة البنزين لها دور .
2/ واحتمال كبير البلوف عندك تعبانه روح شيك عند الميكانيكي واكشف على البلوف حقت المكينه .
3/ احتمال وإن شاءالله ماراح تكون هي .(((( عين ))) ثم ((( عين ))) ماصلت على النبي ولو تصلح من هنا للسنه الجايه ماراح تصلح وبيظهر خراب ثاني وبيعها وافتك منها واشتري تويوتا زي ماقالولك الاخوان .
أنا عندي السياره تعبتني خسرت عليها كثير طلع لي بالنهايه بلوف وجاري إصلاحها ذبحتني بالتفتفه وعزم ضعيف ولاصارت واقفه ومشيت طفت ولو قومتها دعست بأمشي بسرعه تطفي .

الله يعينك :(

[عزوز114]

أبو عزوز الله يعينك



التفتفه مشكله عويصه بالسيارات الله يفرج همك إن شاءالله وبأعطيك خيارات دام أنت مسوي فحص لها ولم يظهر لك شي :
1/ قد تكون طرمبة البنزين لها دور .
2/ واحتمال كبير البلوف عندك تعبانه روح شيك عند الميكانيكي واكشف على البلوف حقت المكينه .
3/ احتمال وإن شاءالله ماراح تكون هي .(((( عين ))) ثم ((( عين ))) ماصلت على النبي ولو تصلح من هنا للسنه الجايه ماراح تصلح وبيظهر خراب ثاني وبيعها وافتك منها واشتري تويوتا زي ماقالولك الاخوان .
أنا عندي السياره تعبتني خسرت عليها كثير طلع لي بالنهايه بلوف وجاري إصلاحها ذبحتني بالتفتفه وعزم ضعيف ولاصارت واقفه ومشيت طفت ولو قومتها دعست بأمشي بسرعه تطفي .


الله يعينك :(







اخوي احتمال رأيك الثالث هو الي صار لها كم فتره وهي مطفشتني كل يوم خراب

البلوووف الحمد لله مافيها شي السياره كويسه والحمد لله

والسيارة ما تشتغل حاليا اعتقد انها طرمبه والله يكون بالعووون

[ابوحمد 845]

بس تنبيه لعنوان موضوعك " حرم الله وجه كل من يرد علي من النار ويساعدني في مشكلتي " وهذا ما ينبغي

وكانك تضمن دخول المجيب للجنة والله هو بيده الجنه و النار ويغفر لمن يشاء و انصحك تعيد كتابه الموضوع

بعنوان شبيه مثلا "اللهم حرم النار على وجه كل من يرد علي ويساعدني في مشكلتي " وتكون بذلك دعيت له

بالعتق من النار.. و الله يهدينا ويهدي جميع المسلمين لطريق الحق


الله يجزاك خير



اخوي عزوز 114 واحد من العيال معه ام عزيز ( ددسن ) وصار معه نفس مشكلتك وهو يعبي بنزين 91 وسأل واحد خبره وقاله نظف تناكي البنزين وعب بنزين 95 وزين نفس ماقال وضبطت
وان شاء الله تلقاله حل دون عنا وخساير

والله يوفق الجميع

[عزوز114]

الله يجزاك خير



اخوي عزوز 114 واحد من العيال معه ام عزيز ( ددسن ) وصار معه نفس مشكلتك وهو يعبي بنزين 91 وسأل واحد خبره وقاله نظف تناكي البنزين وعب بنزين 95 وزين نفس ماقال وضبطت
وان شاء الله تلقاله حل دون عنا وخساير

والله يوفق الجميع

اخوووي شاكرلك مروورك

بالاول خلها تشتغل وان شاء الله بسوي مثل ما قلت

[ابو يعقوب15]

السلام عليكم
للفائده يا اخون
صارت معي مشكل قبل 10 سنوات في سياره كرسيدا 6 سرندل بخاخ 93
تصدقون ذاذ لفيت يمين تطفي السياره
اما اذا لفيت يسار ماتطفي
صرت اكره شي يقاله ملف يمين ههههههههه
الزبده دخت بالصناعيه ونا ادور المشكله ولا لقو لها حل
وبعد مرور اكثر من شهر ونا بالمشكله هاذي
جلست اسولف مع واحد من ربعي وشكيله همي
قالي من متى جتك المشكله هاذي
قلت بعد ماغيرت زيت موتري بيوم او يومين ما اذكر بالضبط
قال مشينا لموترك
بدقيقه حصل المشكله ماشاءالله عليه وتصليحها يكلف ريال واحد بس هههه((شطرطون بريال))
الخراب والمشكله طلعت من قربه الهواء مشقوقه من تحت
اذا لفيت يمين فتح الشق وطفت السياره
واللي شاق القربه الله يهديه راعي البنشر يوم ينظف الفتر شكله معصب شوي وشق القربه

شكلي طولت عليكم للفائده بس حبينا نقولها لكم
تحياتي لك

[العمده 0ون0]

كتاوت طرمبة البنزين تحصله عند او في علبة الفيوزات او قريب منها كتاوت مربع
على الغطاء حق الفيوزات مكتوب اسم كتاوت طرمبة البنزين (فييول بممب) بالانجليزي
طبعا ههههههه 0
ملاحظة:
او عندك دليل الصيانه حق السيارة (الكتلوج) فيه جميع التعليمات عن الفيوزات و الكتاوت والمعلومات الاخرى عن السيارة0
وبالتوفبق ان شاء الله0
واحتمال هذا العطل من طرمبة البنزين لان هذامن اعراض اسباب خرابها0
وموفق ان شاء الله 0

[عزوز114]

السلام عليكم
للفائده يا اخون
صارت معي مشكل قبل 10 سنوات في سياره كرسيدا 6 سرندل بخاخ 93
تصدقون ذاذ لفيت يمين تطفي السياره
اما اذا لفيت يسار ماتطفي
صرت اكره شي يقاله ملف يمين ههههههههه
الزبده دخت بالصناعيه ونا ادور المشكله ولا لقو لها حل
وبعد مرور اكثر من شهر ونا بالمشكله هاذي
جلست اسولف مع واحد من ربعي وشكيله همي
قالي من متى جتك المشكله هاذي
قلت بعد ماغيرت زيت موتري بيوم او يومين ما اذكر بالضبط
قال مشينا لموترك
بدقيقه حصل المشكله ماشاءالله عليه وتصليحها يكلف ريال واحد بس هههه((شطرطون بريال))
الخراب والمشكله طلعت من قربه الهواء مشقوقه من تحت
اذا لفيت يمين فتح الشق وطفت السياره
واللي شاق القربه الله يهديه راعي البنشر يوم ينظف الفتر شكله معصب شوي وشق القربه

شكلي طولت عليكم للفائده بس حبينا نقولها لكم
تحياتي لك

شاكرلك مروورك وشاكرلك على المعلومه رب صدفه خير من الف ميعاد

[عزوز114]

كتاوت طرمبة البنزين تحصله عند او في علبة الفيوزات او قريب منها كتاوت مربع
على الغطاء حق الفيوزات مكتوب اسم كتاوت طرمبة البنزين (فييول بممب) بالانجليزي
طبعا ههههههه 0
ملاحظة:
او عندك دليل الصيانه حق السيارة (الكتلوج) فيه جميع التعليمات عن الفيوزات و الكتاوت والمعلومات الاخرى عن السيارة0
وبالتوفبق ان شاء الله0
واحتمال هذا العطل من طرمبة البنزين لان هذامن اعراض اسباب خرابها0
وموفق ان شاء الله 0

ياشيخ الله يسعدك ويسعد كل من رد

جاري البحث وبكره من الصبح بسنتر عندها بالعدة وبشووف تاليها

يا انا ياهي

[عالي الكيف]

عزوز طع شوري
لا تطول المشكله وهي قصيره ( تبي توجع راسك على امل او احتمال تلقا المشكله)
مانيب احطمك لكن وفر تعبك وريح بالك
اذا صرت في البر او ديره مابها خدمات وورش صح حاول وتعلم

فحص الكومبيوتر ب100 ريال
ويعطيك الحل
وتقدر تصلح المشكله بنفسك بعدها

بالتوفيق

[عزوز114]

عزوز طع شوري
لا تطول المشكله وهي قصيره ( تبي توجع راسك على امل او احتمال تلقا المشكله)
مانيب احطمك لكن وفر تعبك وريح بالك
اذا صرت في البر او ديره مابها خدمات وورش صح حاول وتعلم

فحص الكومبيوتر ب100 ريال
ويعطيك الحل
وتقدر تصلح المشكله بنفسك بعدها

بالتوفيق

اخوي المشكله اني فاحص كذا مره ويطلع بدووون خلل
يعني حرام كل يووم 100

شاكرلك مرورك

[ولد خليص]

السلام عليكم اخي عزوز صارت معي المشكله وغيرت حساس منظم الهواء وزي الحلاوة وشكرا

[ساهر1911]

شكل البرد يبين ععيوب السيارات ومشاكلها بس افضل شي توديها للشركة هم يكشفو عليها كمبيوتر وتبان المشكله ،،، بس قبل ما توديها فك البواجي وشوف واصلها زيت ... والله يعينك ويفرج همك

[العمده 0ون0]

السلام عليكم
اخوي نسيت اقولك شي علشان تتأكد من الطرمبه اضرب على تانكي البنزين كم دبجه او ضربه بيدك او برجلك بس انتبه تجيب العيد تفقع التانكي :D وجرب علشان الطرمبه اذا كانت نايمه تصحا ههههههههه:D احيان تعلق اذا اشتغلت فهي سبب المشكله0

[عزوز114]

ابشركم يا اخوااان انحلت المشكله والله ياني تعبت اليوم تعب لاكن الحمدلله جاب نتيجه
اليوم رحت لم السياره وسميت وشغلت ولا اشتغلت وقلت استعنا بالله عليكي
واخذتلي فاحص الكهربا وشيكت على كل فيوز وطلعت شغاله ميه الميه شغاله
وفكيت البواجي ونظفتها وركبتها ولا اشتغلت المهم مالكم بالطويله فكيت المرتبه الي ورا
وفكيت الغطا حق الطرمبه وانا اشوووف المقروده قدامي وانا انبسط وافك الليات والفيش واجرب
طلعت الكهربا واصله..
المهم قلت بشغل وبخلي اللي مفتووح وبشوووف تطلع الطرمبه بنزين وشغلت طلعت بنت الذين ما تطلع بنزين
وقلت ياولد خلنا نلحق التشليح قبل المغرب ورحت التشليح والاقي طرمبه بنزين واشتريها بمبلغ وقدرة 160 واروح اصلي المغرب وافك الطرمبه واستبدلها لاكن والله اني جبت العيد في المشقبيه وكسرتها وقلت بشغل يمكن المشقبيه ما تأثر وشغلت والله ماشاء الله من اول نقرة اشتغلت وانا انبسط لاكن ما اكتملت الفرحه طار اللي عشان المشقبه مو ماسكه مزبوووط وانا اقعد افكر وش الحل ومكانها ضيق وجا في بالي مرابط حقت الاسلاك زي حقت الطيس وانا اربطها وازبط شغلي واشغل وماشاء الله كلووو تمام والحمدلله سويت شغلي بيدي
بس بالنهايه طلع صوت طقطقه بالمكينه الظاهر من كثر ما شغلت تاثرت البلوف لاكن ماتنسمع الا اذا قربت من المكينه
هذا وصل الله وبارك وانتهت المعاناة

لا انسى ان اشكر وادعي لك شخص
(الله يسعد كل من رد وساعدني )


الى اللقاء

[DNA]

السلام عليكم
اخوي انا متاكد انها طرمبة البنزين لان السيارة عندك ماتقبل دوس.
الله يكون فيعونك

[أبوجهاد التبوكي]

الله يعينك...

[عزوز114]

السلام عليكم
اخوي انا متاكد انها طرمبة البنزين لان السيارة عندك ماتقبل دوس.
الله يكون فيعونك

فعلا اخوي طلعت المشكله منها والحمد لله انحلت المشكله

>>اقرا الرد اللي فوقك

الله يسعدك يالغالي

[عزوز114]

الله يعينك...


اعان الله الجميع

وابشرك انحلت بعد معاناه وجهد

اقرا الرد الي فوق وتعرف ايش طلع الخراب

رحم الله والديك

[أبو علي..]

الله ييسر امرك...

[الفيصل66]

الحمد لله على الفرج
انا صارت معي مشاكل نفس حالك
وغيرت بواجي و صفاي وقالو اسلاك بواجي وقالو حساس قربة الهواء
و جربتهن من صاحب وما فيه فايده
بالنهايه بعد ما كرهت السياره طلعت طرمبه مع اني مغيرها قبل كم شهر
والسياره افلون 2001

والحمدلله

[YUKON_GMC]

زين انك صلحتها وبنفسك بعد عز الله انك مهندس يارجل هههه احسن من بعض الناس بوجي مايعرف يفكه !

[راعي الفروه]

الله يكون في عونك

[عزوز114]

الحمد لله على الفرج

انا صارت معي مشاكل نفس حالك
وغيرت بواجي و صفاي وقالو اسلاك بواجي وقالو حساس قربة الهواء
و جربتهن من صاحب وما فيه فايده
بالنهايه بعد ما كرهت السياره طلعت طرمبه مع اني مغيرها قبل كم شهر
والسياره افلون 2001



والحمدلله


الحمد لله انها فرجت

شاكرلك مروورك وربي يسعدك

[عزوز114]

زين انك صلحتها وبنفسك بعد عز الله انك مهندس يارجل هههه احسن من بعض الناس بوجي مايعرف يفكه !

والله انا احب افكك اي شي هوايتي تصليح من يوم ما انا صغير

والحمد لله كل شي موجود عندي شنطه مليانه عدة

شاكلالك مرورك ربي يحفضك

[عزوز114]

الله يكون في عونك



وفي عون الجميع

شاكرلك مرورك وابشرك انحلت المشكله

[ولدناس حساس]

الله يفرج كربك ويعوضك بخير منها والله ماعندي خلفيه عنها بس يفيدونك الأخوان
واذا صلحت اقرب حراج وأخذلك تويوتا

[عزوز114]

الله يفرج كربك ويعوضك بخير منها والله ماعندي خلفيه عنها بس يفيدونك الأخوان


واذا صلحت اقرب حراج وأخذلك تويوتا


اخووي شاكرلك مرورك

المشكله الحمدلله انحلت والخراب من الطرمبه

[هيبه ملك]

مرحبا

اخوي ريح نفسك وكشف على السياره في الوكاله حتى لو خسرت شوي بس اكيد بيحلون المشكله

تحياتي

[عزوز114]

مرحبا

اخوي ريح نفسك وكشف على السياره في الوكاله حتى لو خسرت شوي بس اكيد بيحلون المشكله

تحياتي

اخوووي شاكرلك مرورك والحمدلله المشكله انحلت

من الطرمبه الخلل

تحياتي لك

[ABU_ASER]

ربما تكون البطاريه ؟؟
او السلف ؟؟
او الدينمو ؟؟
اعتقد انها مشكلة كهربائيه

والله اعلم