شوزن براونق ماكسس وايش من لحيه [الأرشيف]

مشاهدة النسخة كاملة : شوزن براونق ماكسس وايش من لحيه

النشمييي

23/01/2011, 11:37 PM

السلام عليكم ورحمة الله وبركاته

انا ابي اشتري براونق ماكسس

طبعاً لقيت جديده

بس هي ويش من لحيه

تحيتي لكم

سطام F15

23/01/2011, 11:43 PM

هلابك يالغالي والله وأنا أخوك الماكسيوس أنا ماجربتها شخصيا ً لكن معلوماتي عنها إنها ماقنوم ترمي ليا ضغط 56 فقط وهي الحائزة على جائزة أفضل بندقية صيد لعام 2010

وهي لميتد تشيل خمس فشقات ولا تقبل أكثر من ذلك .

أما التجربة ماجربتها ولا أعرف أحد جربها عشان كذا مقدر أفيدك عنها من ناحية الرماية .

تحياتي لك

أخوك

سطام

قناص تربه

23/01/2011, 11:52 PM

ممتازه جدا خاصه لطيار مامثلها الله يباركلك فيها وياليت تقولي كم حصلتها

صلفان.نجد

24/01/2011, 08:15 AM

يكفي انك تتكلم عن براوننق ,, خذها وادع لي .

بواردي ودعاني

25/01/2011, 04:02 AM

اقول يكفي انها طرحت سوق البرتا

محمد الهديب

25/01/2011, 11:45 AM

اقول يكفي انها طرحت سوق البرتا

ولا طرحت سوق البريتا ولا غيره.. و على فكره ..ما فيه ولا سلاح تقارنه بالبريتا و خل عنك الهرج وانا اخوك .. هذي تقارنها بالونشيستر بالرمنقتون اما تقارنها ببريتا لا ما فيها مقارنه البريتا افضل...

عون الخوي

25/01/2011, 10:28 PM

ولا طرحت سوق البريتا ولا غيره.. و على فكره ..ما فيه ولا سلاح تقارنه بالبريتا و خل عنك الهرج وانا اخوك .. هذي تقارنها بالونشيستر بالرمنقتون اما تقارنها ببريتا لا ما فيها مقارنه البريتا افضل...

البراوننق أفضل من الأكستريما2
أولا الماكسوس صناعه حديثه ومتقدمه بتكنولوجيا متطوره عن صناعة الأكستريما2 ..

والشوزن بلجيكيه من براوننق مايبيلها توكل وخذها لاهي ثقيله مثل الأكستريما2 ولافيها حذفه يسار

محمد الهديب

26/01/2011, 01:06 AM

البراوننق أفضل من الأكستريما2

أولا الماكسوس صناعه حديثه ومتقدمه بتكنولوجيا متطوره عن صناعة الأكستريما2 ..

والشوزن بلجيكيه من براوننق مايبيلها توكل وخذها لاهي ثقيله مثل الأكستريما2 ولافيها حذفه يسار

اثبت ذلك .. الاكستريما 2 افضل و دليلي اولاً: ان الاكستريما 2 ترمي سوبر ماقنوم من 24 الى 66 والبراوننق من 24 الى ال56 ماقنوم ثانياً: الاكستريما 2بريتا والايطالي عموماً اقوى مكينه ((لايختلف عليه اثنين))ثالثاً: الاكستريما 2 اقوى حديد من البراوننق والدليل امسك الثنتين وش الاقوى حديد (( البريتا اقوى حديد وهذي ميزه لصالح الاكستريما 2 ويدل على جودت السلاح)) رابعاً: الاكستريما 2 تسوق اكثر عن واقع تجربه .. وكان التحدي بين القولد فيوجن ايفلوف 32 و الاكستريما 2 30 و كانت النتيجه لصالح البريتا ..

وبالنسبه للحذفها هذي من الستوكات وتتغير يعني شي طبيعي انه يصير خطا عند التركيب.. مع الزمن (( بعد فتره طويله)) قد ترتخي الفلنجه و يشد عليها .. و لكن البلجيكي تنشعر الفلجنه و تروح تغيرها بذيك العده ..

يعني عموماً لا احد يتعدا البريتا :good2::good2::good2:

رعبوووب

26/01/2011, 01:12 AM

اقول يكفي انها طرحت سوق البرتا

اخوي الله يهديك
استغفر ربك وش ذا الكلام
البريتا فووووووووووووووووووووووق
وعملاق في صناعة الاسلحه ولا يعلى عليها شي
البريتا مصنفه الاولى في صناعة الاسلحه العسكرية والرياضية
والبريتا اكستريما بندق لها ميزات كثييييييييييييييييرة جدا
اول شي معدن السبطانه بترويد
وهذا مالم تتوصل اليه بقية الشركات
ثانيا المكينة سبيكه غير قابلة للتآكل
ثالثا انا رميت تقريبا باغلبية بنادق الصيد
والبريتا فوووووووووووووووووووووق
احتمال وقوة
انا عندي وحده ماشاء الله عليها

رعبوووب

26/01/2011, 01:14 AM

البراوننق أفضل من الأكستريما2

أولا الماكسوس صناعه حديثه ومتقدمه بتكنولوجيا متطوره عن صناعة الأكستريما2 ..

والشوزن بلجيكيه من براوننق مايبيلها توكل وخذها لاهي ثقيله مثل الأكستريما2 ولافيها حذفه يسار

اخوي البريتا مافيها حذفه لليسار
هذا من يد الرامي او التشوكات
يعني بالعقل شايفها سياره تحرف لليسار
واللي يقول تنحرف لليسار ماعنده سالفه ويدور عذر
البريتا معدنها متميز بتحمله للحراره وعدم التآكل
والبراوننيغ حبيبي بطلت مثل اول قامت تتصنع بالبرتغال والبرازيل واليابان وكندا
يعني ماهي مثل اول
بالعكس البريتا مازالت ايطالية 100 %
رجاااااااااااااااااااااء يالربع
الربيتا فووووووووووووووووووووووووووق

محمد الهديب

26/01/2011, 11:17 AM

اخوي البريتا مافيها حذفه لليسار
هذا من يد الرامي او التشوكات
يعني بالعقل شايفها سياره تحرف لليسار
واللي يقول تنحرف لليسار ماعنده سالفه ويدور عذر
البريتا معدنها متميز بتحمله للحراره وعدم التآكل
والبراوننيغ حبيبي بطلت مثل اول قامت تتصنع بالبرتغال والبرازيل واليابان وكندا
يعني ماهي مثل اول
بالعكس البريتا مازالت ايطالية 100 %
رجاااااااااااااااااااااء يالربع
البريتا فووووووووووووووووووووووووووق

كفو يا النشمي و هذا الحق و الحق ينقال اجل فيه احد يقارن البراوننق بالبريتا ..... البريتا في الصداره بلا منازع ...

سعودأبوفهد

26/01/2011, 12:37 PM

اقول يكفي انها طرحت سوق البرتا

اخوي مستحيل تطرح سعر البرتا وهذا البندق الي طافرين فيها ما تقارن بالبرتاا

سعودأبوفهد

26/01/2011, 12:41 PM

بواردي الدبدبه

26/01/2011, 05:18 PM

لالالالالالالالالالالالا تقارنون شي بـ برتا والبنلي عيب ذا الكلام

سعودأبوفهد

26/01/2011, 05:32 PM

لالالالالالالالالالالالا تقارنون شي بـ برتا والبنلي عيب ذا الكلام

صح لسانك يالذيب

أبوميرال

27/01/2011, 07:32 AM

البراونق الماكسس الــ 32 أنش توها شاريها واحد من الشباب ورمينا فيها السبوع الي راح

صراحه والحق يقال رمي خيال وخف ممتازه جداااا

النشمييي

27/01/2011, 07:23 PM

بيض الله وجيهكم كلكم

بس انا اخذتها

والصله على النبي

مايفر شي

شكرا لكم

ابو سفيان

27/01/2011, 07:31 PM

هدوووووووووووووووووووووووووووووووووووووووووووء

يا اخوان البراوننج ماكسوس حلوه في الرمي لكن لا توصل ما وصلت به البريتا البراونن سلاح جميل ذات قوه محدوده

لا تقارن بقوة البريتا اكستريما 2 اكستريما 2 اقو في المعدن قوي في الرمي يتحمل الضغط العالي اما الماكسس فهي جميلة الشكل خفيفة الوزن لا تتحمل الضغوط العاليه حدها 56 ويمكن اقل بعد ادائها ممتاز جدا جدا جدا

لكن لا تزال البريتا اكستريما 2 تبقى الافضل
انتها

طير شلوىا

27/01/2011, 08:26 PM

ابو سفيان

انت اكيد ماجربت الماكسس بس انا متأكد انك من ملاك البرتآ عشان كذا متحمس يآحبي لك

الماكسس غيرر انا جربت كل الاسلحه روسي وايطالي والبراونق
بس الماكسس شي غير وشي ثاني

عيبها ماتشيل مخزن وبالاصل ماتحتاج لمخزن خمس خير وبركه
ثاني شي الضغوط

الضغوط حلو مره 56 يكفيك للكرك ولكل شي ان شاء الله

ما اضن انو بنكون احسن من الامريكان لأنهم يجرربون كل شي ويعملون عليه تجارب

ما اعطو الماكسس افضل سلاح لعام 2010 مدري 2009 عبث

وانا جربتهم كلهم الاكستريما ماعليها كلام بس عيبها سعرها وحذفتها
والمثل يقل اسئل مجرب ولاتسئل طبيب

وبالاول الاخير كل واحد رايه

المداوي2

27/01/2011, 09:34 PM

افادوك الاخوان

ع العمرو

28/01/2011, 08:54 PM

ماقصرو الشباب وانا اقول استخر وربك يكتبلك الخيرة المباركة.

aziz151

31/01/2011, 01:11 AM

والسعر طيب ياليت الافاده ودا بوحده بس وين اللي يرتبنا

الهداااف

31/01/2011, 02:33 PM

سعودأبوفهد

31/01/2011, 02:55 PM

[QUOTE=محمد الهديب;6095345]اثبت ذلك .. الاكستريما 2 رابعاً: الاكستريما 2 تسوق اكثر عن واقع تجربه .. وكان التحدي بين القولد فيوجن ايفلوف 32 و الاكستريما 2 30 و كانت النتيجه لصالح البريتا ..

ياحبيبي نبي نشوف هالتحدي

وانا معي فيوجن واخوي ماكسس واطلع انت باي شوزن
وان كان ماعندك الي تبي انا اوفرها لك

ياحبيبي وراه اهل السوابر يرهمون سبطانة بلجيك وراه مارهمو اكتريما2
انا مااعيب الاكستريما
لكن الخفة والسوق والشكل والسعر الفيوجن والماكسس تتفوق
ارجو انك تقبل تهجمي القوي

تحياتي

اول شي _ اتحداك بالسوق ما فيه مثل للبرتا واسال مجرب ولا تسال خبير
ثاني شي _ خفه انا معك انتم اخف
ثالث شي _ سعر ما جاء سعر البرتا نار الا وهي زين لو انها ميب زينه ما وصل سعرها العالع
رابع شي _ شكل البرتا منها الاسود الفيبر والموه الفيبر والخشب

يعــني ما تـــوصل للبرتا :no:

فتى سلمى

12/04/2011, 11:53 PM

إخواني وش فينا لازم نتعصب للحاجة وكأننا صانعينها؟

البرتا والبنلي بنادق ممتازة وثبت مدى قوتهن وتحملهن للكل لكن عن تجربة بالرمي ولاحظوا

اني اقول الرمي الماكسوس ماشاء الله بندق غير طبيعية سوق وحرارة رمي منقطعة النظير

أنا جربتها طيار ولا أحلى ورميت فيها جالون زيت 4 لتر عن مسافة 70 متر وحصلت فيه

عشر حلبيات وتقريبا 6 شقوه مع العلم ان الفشق 7.5 ضغط 36 وماادري هل هذا كافي

ليدل على حرارة رميها ولا لا؟!!

بالنسبة للتحمل الله اعلم لانها توها جديدة واقدم وحدة موجودة مااعتقد جاها كرف ورمي بقدر

ماجا البنلي والبرتا بحكم انهن قديمات بالسوق نوعا ما لكن رميها جدا جدا ممتاز

وتقبلوا تحياتي وابعدوا عن التعصب اللي مايودي ولا يجيب ويخفي الكثير من المعلومات

اللي تهم الجميع :)

ماكسوس

13/04/2011, 12:32 AM

لكل شخص وجهة نظر
ولولا إختلاف الأراء لبارت السلع
كل بندق ولها عشاق
بس هذا مايخلينا نتعصب ولا ننحاز لشي معين
ولو رجعتو لبداية الموضوع عرفتوا الهدف منه
بالنسبه لي انا من الناس اللي امتلك الماكسوس بصراحه طيبه بالحيل من وجهة نظري الشخصيه
خفيفة الوزن وهذي ميزه بالنسبه لي والمخزن مقتنع بخمس فشقات مكفيتني وزود
دمتم بحفظ الرحمن

قناص بني تميم

14/04/2011, 06:41 AM

يالربع كم وصل سعر الماكسس

زياد البواردي

14/04/2011, 08:10 AM

والله مافي مقارنه بين الارنب والغزال والبيرتا هي الغزال طبعا لانها سلاح اتحدى اي شخص يظهر فيه عيب0 وبالنسبه لسعر الماكسوس عندنا بالعراق 3000 دولار جديدة

ذيب كراش

22/04/2011, 11:28 PM

والله كلهن حلوات بس (الخفه والسوق) لصالح الماكسوس اكيد
والله يا اخوان رحنا نشتري البرتا وجربناها طبعا معروف البرتا ماعليها كلام بس بالصدفة قابلنا شخص وقت التجربة معاه ماكسس وجربناها فكانت النتيجة لصالح الماكسس حتى صاحب البرتا اقتنع بتفوق الماكسس

الرمح المسموم

20/06/2011, 12:54 AM

البلجيك معروف من يوم جالي 10سنين وانا اسمع بلجيكي
يتردد في اذاني هذه الدولة

ايطاليا ماعرفتها غير في كاس العالم 94

ابوفهد 501

01/08/2012, 07:15 AM

اللي يقول ان البرتا لا يعلى عليها فيه اللي أزين منها وهي ( السوبر بنلي )

وفيه شوزن حلوه اسمها :ستوقر 2000
صناعتها : تركيه
الماصوره : 32
التشوكات : 5
ترمي بضغط : (76-12)
خابور وزناد حديد
يوجد بها ربل لتصدي الصدمات

مليح البآرود

01/08/2012, 08:23 AM

صقار محترف

01/08/2012, 08:44 AM

شخصيا انصحك بالبانيلي اولاً والبرتاً ثانياً والبيكال ثالثاً وهذي وجهة نظر شخصيه

شاهين12

01/08/2012, 12:04 PM

السلام عليكم

ما قصروا الاخوان كل مدح باروده وذم بالثانيه
لاكن اقول
بالنسبه للسوق لا يعلى سوبر بلاك ايجل 2 مرهمه :no2: لاتدور غيرها:no2:
ترى مو كل مرهم رميه زين لا المواصير تختلف واذا اخذت الماصورة الطيبة روح قارن فيها:good:
بالنسبه اي شوزن مخزن مقفل هاذي خسارة فيها ريال واحد يجلس ع ام حبه ازين
هههه ولا مضيعه للفشق خخ:D:D
لا تخلي حسايف وراء الصيده :no2:

تحياتي لكم

اخوي مليح البارود .
تتوقع عندنا خبراء اعلم بتقييم الاسلحه من خبراء امريكا
:rolleyes::rolleyes::rolleyes::rolleyes:

موضــــــــــــــــــــــــــــــــــوع قديـــــــــــــــم.

سبحان الله وبحمده سبحان الله العظيم .

قناص بني تميم

01/08/2012, 03:16 PM

يالربع ..الرجال بسألكم عن الماكسس .. وانتم دخلتوا في موضوع آخر ..

شمالي و الهوا غربي

01/08/2012, 03:18 PM

البلجيك رمية وحدة فيها تساوي عشر من البرتا
تحدون البلجيك بعد التراهيم هذا مو كلام

مليح البآرود

01/08/2012, 11:40 PM

اخوي مليح البارود .
تتوقع عندنا خبراء اعلم بتقييم الاسلحه من خبراء امريكا
:rolleyes::rolleyes::rolleyes::rolleyes:

موضــــــــــــــــــــــــــــــــــوع قديـــــــــــــــم.

سبحان الله وبحمده سبحان الله العظيم .

هلابك اخي العزيز

هل يكفي الترهيم بالسلاح هل هم خبراء وهم ناس عاديون ليس لديهم مصانع اللي رهم السلاح ما يقدر يقيم السلاح هاذا غير معقول
لا تستهون بقدارت ابناء شعبك فهم عباقره ولاكن ينقصهم الدعم.

ابوعاشة

01/08/2012, 11:53 PM

بالنسبة لرمي افضل شوازن رمي ماكسس والونشستر سوبر اكس ثري بقولكم ليش

فيها نظام توزيع الرش بالكامل لو تسوي تجربة ماتحصل فراغات بين الحلبي وفوق كذا سوق طيب طيب طبعا هذي من ناحيت الرمي

ابوتركي83

02/08/2012, 12:17 AM

السلام عليكم
ما احد جاب ذكر للبريدا والا ماهي كفو للمقارنه مع الماكسس والبريتا
نبغى احد يقارنها معها

راعي الطافحة

02/08/2012, 12:40 AM

الاكستريما 2 وبس يكفيك سعرها بي ٢٣٠٠٠ جديده
والماكسس سعرها ١٧٠٠٠ جديده
يدلك على السلعة ثمنها

شاهين12

02/08/2012, 07:31 AM

هلابك اخي العزيز

هل يكفي الترهيم بالسلاح هل هم خبراء وهم ناس عاديون ليس لديهم مصانع اللي رهم السلاح ما يقدر يقيم السلاح هاذا غير معقول
لا تستهون بقدارت ابناء شعبك فهم عباقره ولاكن ينقصهم الدعم.

شف اخوي مليح البارود :

اكيد انهم عارفين ليش يرهمون بلاك ايقل11 ولايخفاك;) سبب ترهيمها وترى راعي محل الترهيم بندقه بنلي،ولو تسأله جاوبك ليش رهم:D
وعلى فكره ليس عيبا في اداء رميها في مواصير الشد بلد.
فيه صيادين معهم بلاك ايقل11 مافكرو بترهيم اطلاقا ومعجبتهم بالصيد .
وهذا مايجهل به الذي لايعرف شوازن شركة بنلي .
استغرب من البعض يعم جميع شوازن بنلي بترهيم وااااالخ.
البنلي اكثر فئات تنوع في الشوازن وخاصه
فئات السوبر.
ــــــــــــــــــــــــــــــــــــــــــــــــــ ــــــــــــــــــــــــــــ
و الصياد المحترف بيصيد حتى بأردى شوزن والغشيم بالصيد لو معه شوزن
بحجم مدفع ماراح يصيد فيه :D

(اختلاف وجهات النظر والتفضيلات تبقى اراء شخصيه لاكثر ولااقل)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
(بالتقييم العالمي نعتبر في المستوى الثالث مع الدول المتقدمه )
و من الصعب اخوي ان نناقض تقييم خبراء ومحترفين لهم نظره ثاقبه من جميع النواحي ،نعد عندهم طلاب وهم
اساتذه ودكاترة في هذا المجال.

browning maxus

افضل بندقيه في عام 2010 بما تتميز فيه والى الان لم يتم ترشيح بندقيه افضل منها.
افضل جهاز غازي في العالم.واسرع بندقيه .
هذا تقييم خبراء أمريكا .(وليس تقييم من امتلكها )

البعض يقلل منها الظاهر صاحب شركه ويتنافس مع شركة براوننق .:D
على فكره جميع الشركات تستخدم تقنيات في مواصير بنادقها .
لسيت فقط البراوننق .
ــــــــــــــــــــــــــــــــــــــــــــــــــ ــــــــــــــــ
اما تقنيات ماصورة المكسيوس اكثر من تقنيه :
معالجه بتقنيه من الداخل بــــ Steel shot performance
تستطيع رمي
500 خرطوشة متواصلة ذات ضغط عالي 1370 بار.
وبتقنية :vector pro
وتقنية:
back bored technology

http://www.albowardi.net/alramay/2011//uploads/images/alramay-66a3464585.jpg
هذي التقنية تنفرد فيها شركة براوننق بجميع مواصير شوازنها حتى في الاوتو5 (البلجيك).

مميزات المكسيوس كثيره ولو نشرحها يطول ويطول الشرح عنها .

هذا مقطع شف كيف: خفة وزن البندق ،والتركيب والسرعه على صيد البط ،البط يعتبر صاحب الاجنحه السريعه ،
واللي مر عليه البط يعرف سرعته كيف،
(مع رمي صياد محترف،)

يحتوي على موسيقى
http://www.youtube.com/watch?v=lvUioiuQ7UM

وهذا المقطع شرح عنها بالكامل من جميع النواحي.
http://www.youtube.com/watch?v=BPgy6ZkeBmY

ابتداء فكرت المشروع في صناعتها عام 2004وصناعتها في عام 2006
وتجربتها بميدان الاختبار عام 2009وانتاجها عام 2010.

دمت بحفظ الرحمن.

شاهين12

02/08/2012, 07:37 AM

الاكستريما 2 وبس يكفيك سعرها بي ٢٣٠٠٠ جديده
والماكسس سعرها ١٧٠٠٠ جديده
يدلك على السلعة ثمنها

مغلوب على امره اللي يشتري الاكستريما2 23 والماكسيوس 17.:p
من ناحية الاسعار قارن بالاسعار الحقيقه الاكستريما2 بــ ام روحين البريتا وشف وين اغلى بالقيمه.
عند الوكيل.

افضل ماهي أفضل هذي تفضيلات شخصيه لااكثر ولا اقل .

مجنـ قطا ــون

02/08/2012, 12:47 PM

الاخوان اهل الترهيم الي يشتكون من برودة سبطانة السوبر

والله من فضل الله من واقع تجربه ومن عرفنا ام خمس وبنادقنا سوابر والسبطانات شد بلد 28

ومافيه شي بفضل الله ماجبناه فيها من اصغر الطيور الى اكبرها

من الحصد الى الكرك الاقرع وش تبون اكثر من كذا

ومن احر السبطانات بس للمبتدئ صعبه شوي يبيلها احتراف لأنها دقيقه والجسر مرتفع

والواحد مايتعود عليها على طول مو مثل سبطانة العاديه مدها وارم

هذا فالبدايه فقط ولما تتعود عليها شف كيف تبدع بالرمي وتصير اسهل من السبطانات

العاديه..وانا صراحه قبل من الناس الي متحيزين للسبطانة الطويله بس لما عرفت وزنة

سبطانة الشد بلد غيرت تفكيري بالكامل لا وطلعت اسرع واسهل تصويب من السبطانات

العاديه وانا استغرب من بعض الأخوان بعضهم الله يهاديه من يشتريها جديده

على طول رهمها وهو ماجرب رميها على الأقل جرب سبطانة بلدها سنه سنتين

وبعدها احكم واذا ماعجبتك رهم.....هذا كل ماعندي وآسف على الاطاله

وتحياتي للجميع

shabah

02/08/2012, 03:48 PM

المكسس افضل بنادق الصيد من 2010 الي الان هذا كلام الخبراء