فزعتكم يالربع دبل الجيب gxr 2004 معلق

[الفيصل66]

يالربع عند الوالد جيب gxr الدبل فيه زر كما هو معلوم
شغله في الرمل و يوم طلع ضغطه يبي يطفيه
طفت لمبة الزر ولكن ما طفت لمبة الدبل اللي في الطبلون
والدبل الخفيف شغال لان الموتر يحن و ثقيل
حاول فيه ما فيه فايدة فصل البطارية فترة و شبكها ما فيه فايده
وداه للوكاله قالو له دينمو الدبل قلت لايسوون فيه شيء
لانهم كثير من الاحيان جنب العارضه
اشيرو علي وش المشكلة منه
وماهي الورشة الزينة في القصيم لمثل هذه المواضيع


شااااااااااكر لكم مقدما

[HAS5SAN]

http://www.mekshat.com/vb/showthread.php?t=202962

[الفيصل66]

مشكور اخوي HAS5SAN
والله ما قصرت

طيب اذا فيه احد يفيدنا عن الورش في القصيم

شاكر فزعتكم
و مروركم

[الفيصل66]

صباح الخير
بانتظار ردودكم يالنشاما
عن العطل والورشة

[جي اكس ار2000]

الفيصل صباح الخير اذا كان الموتر توماتيك اذهب الى ورشة الشيبان يقولون انه خاص بالتوماتيك وموقعه في خضيراء وانت جاي مع الخبيب ومتجه جنوب تجيك اشارة سوق التمور خذ معها يسار اي شرق تجيك اول اشاره خذ يمين اي جنوب بعد 1كيلو فيه دوار خذ معه نصف دائره اي لا ترجع وسيكون اتجاهك تقريبا شرق امش حوالي 2 كيلو يجيك مسجد على اليسار واشجار اثل انظر يسارك الى الورشة وزحمة السيارات والله ولي التوفيق لا تستعجل اسال اهل الخبره

[أبو درويش]

الله يعينك

اذا ما جاك الدبل قير تتله وانت ماشي مايه والا بلا دبل ..

[~EmPeRor~]

خوي الغالي

طة بالريوس وادعس الابنص كامل

وشوف هو فصل او لا

اذا مافصل

احتمال يكون في المنظم حقة مشكلة < وموصل له كهرباء مباشرة ويتم شغال

اتمنا لك التوفيق

[زاير الغيم]

البلا بنفس الزر خربان من داخل فكه وشف وإلا رح لكهربائي وقله فك الزر اللي بالطبلون جنب المسجل وخله يفحصه وإذا كان مضبوط .. البلا بحساس الدبل من تحت عند القير برضوه شغلة كهربائي يفكه ويغيره أظن سعره 120 ريال ولا تفك لادينمو ولا غيره..

قبل هالسوالف دق ريوس وامش مسافه يمكن يفصل وبعدين وانت تضغط على الزر فتح اذانك هل تسمع تكه تحت الدرج الامامي ؟؟

[الباثفندر 3.5]

المشكله من الزر حاول انك تضغطه و ترجعه لأنه شكله معلق من التراب المتجمع

[الفيصل66]

اخوي جي اكس ار2000

بيض الله وجهك
مدحوه لي لكن ما لقيت احد ياصفه لي
و انت وصفك واضح و ماااا قصرت
تقبل تقديري

اخوي أبو درويش
صادق و الله لكن متى تلقاه و ويش هي مواصفاته
بارك الله فيك


اخوي ~EmPeRor~

ما خليت عنه شي تليته قدام و تليته ورا وضغطت الزر لين دخت واسمع له صوت ورا الدرج الامامي لكن ما فصل
شاكر مرورك الكريم اخوي


اخوي زاير الغيم

و اخوي الباثفندر 3.5

الله يسعدكم ما اتوقع من الزر لاني مع ضغط الزر اسمع لي صوت ورا الدرج ولو كان اللي معلق هو الزر ما طلع الصوت مع كل ضغطه
شاكر لكم مروركم و تفاعلكم

اخوكم / فيصل

[جيب ربع]

أبوعبدالعزيز بشرنا إذا صلحته إن شاء الله وعلمنا علته حتى الجميع يستفيد..

[جيب الربع]

المشكله في دينمو الدبل اخوي ويكون بعلمك له ميزنية ما احد يا ظبطها وذا ركب غلط يحترق الدينمو