تقرير عن زيارتي لشاليهات الخليج - السفانية

[اسماعيل]

السلام عليكم ورحمة الله جميعا


بدات معرفتي في شاليهات الخليج من حوالي 7 او 8 سنوات وكنت اتردد على المكان لحبي للصيد والحداق والهدوء والخصوصية .
وخلال هالفترة الطويلة لاحظت هبوط مستوى الشاليهات ولكن في زيارتي الاخير تفاجات بصراحة بالتجديدات والخصوصية اللي تم اضافتها مؤخرا بوجود سواتر بين الشاليهات تمتد الى ساحل البحر تقريبا واللي اضافت مزيد من الراحة خصوصا للعائلات .


شاليهات الخليج تقع جنوب الخفجي على طريق الدمام على بعد 60 كم تقريبا وشمال محطة ابوحدرية ب 90 كم ومدخلها واضح وانت متجه للخفجي قادم من الدمام او الجبيل تلاقي لوحة مكتوب عليها منتزه الامير سلطان الخيري على اليمين وانت متجه للخفجي تدخل مع الشارع وتواصل الى ما يقطعك خط الخفجي القديم تقطعه وتواصل على طول الى بوابة منتزه الامير سلطان وقبل ما توصل البوابة تلاقي لوحة على اليمين مكتوب عليها شاليها الخليج مؤثثة وتمشى على طريق ترابي واضح تقريبا كيلو وتصل الى بوابة الشاليهات .
كان الجو في ذاك اليوم جميل جدا غائم بارد قليلا وكانت النية ان نستمتع بالصيد في هذا الوقت لان مافيه زوار وهدوء يساعد على الصيد .


صورة للشاليهات من الخلف كل شاليه له موقف خاص وباب خلفي
http://www4.0zz0.com/2011/01/25/10/368994263.jpg


صورة لمنظر البحر يازززززززززززين البحر
http://www4.0zz0.com/2011/01/25/10/874044116.jpg


واضح الساتر اللي بين الشاليهات ممتد الى البحر والجلسة الخارجية ايضا مظلله وفيها خصوصية تصلح للشوي والتسدح
http://www4.0zz0.com/2011/01/25/10/704967141.jpg


صورة من باب الشاليه اللي على البحر والمنظر


http://www4.0zz0.com/2011/01/25/10/679851890.jpg


الشاطىء الذهبي ماشاء الله نظيف جدا وارزاق الله على السيف


http://www4.0zz0.com/2011/01/25/10/750138130.jpg


يتكون الشاليه من 3 غرف نوم غرفة رئيسية فيها حمام وانتم بكرامة
وغرفتين نوم بينهم حمام
وغرفة طعام
وهناك ملحق خارجي يتكونن من غرفة وحمام اذا معك عامل والا سواق او شغاله


وفيه طبعا مطبخ متوفر فيه
ثلاجة
فريزر
فرن غاز (انبوبة الغاز موجودة)
http://www4.0zz0.com/2011/01/25/10/553111463.jpg



جانب من المطبخ ويبدو الفريزر


وهاذي صورة ثانية
http://www4.0zz0.com/2011/01/25/10/223548304.jpg


تبدو غرفة الطعام مع الطاولة
وهاذي صورة لغرفة الطعام
http://www4.0zz0.com/2011/01/25/10/894830069.jpg


من زاوية اخرى


http://www4.0zz0.com/2011/01/25/10/290954687.jpg



ومنظر للصالة المطلة على البحر من خلال شباك كبير وشباك ثاني اصغر
http://www4.0zz0.com/2011/01/25/10/205923320.jpg


ومن زاوية اخرى


http://www4.0zz0.com/2011/01/25/10/259734243.jpg


تلفزيون LCD ورسيفر .


دورات المياه يكرم السامع



http://www4.0zz0.com/2011/01/25/10/585547206.jpg


ومن زاوية اخرى


http://www4.0zz0.com/2011/01/25/10/311843308.jpg


الحمام الثاني وفيه غسالة ملابس اوتوماتيك


http://www4.0zz0.com/2011/01/25/10/454307315.jpg


وخلال وجودنا هناك زارنا ضيف محبوب مرررررة
صورة الضيف
http://www4.0zz0.com/2011/01/25/10/870132640.jpg


لزم عليه الاخ ابو عبدالعزيز وحلف عليه الا يقلط


http://www4.0zz0.com/2011/01/25/11/346925989.jpg


واخيرا كان الضيف في محله المحبوب


http://www4.0zz0.com/2011/01/25/11/760704469.jpg


مندي ياعيني ....



اتمنى اني قدرت افيد اللي يفكر في زيارة المكان علما ان لازم تجيب معك طعام كافي وموية للشرب والعزبة ضرورية لان مافي اواني طبخ ولا قدور ولا اباريق
اقرب محطة بنزين محطة الخنيني تبعد تقريبا 5 كيلو فيها سوبر ماركت كبير جدا ومتوفر فيه كل شي
وفيه محطة السفانية تبعد تقريبا 11 كيلو ايضا فيها كل حاجة اضافة الا وجود ورش لاصلاح السيارات والمهم هناك سوق السمك بامكانك تشتري سمك طاااازج والحراج بعد العصر عن صنادق الصيادين تلاقي السمك بعضه حي ورخيص مقارنة بسوق الرياض او الدمام


قبل ما انسى هذا جوال المسؤول عن الحجز في الشاليهات بعد اذن الادارة
لان الحجز ضروري قبل ما تطلع خصوصا ايام العطل ونهاية الاسبوع اذا ماحجزت قبل فترة كافية ما رح تحصل حجز
والاسعار في المواسم من 600 الى 700
والايام العادية على 500
جوال الحجز 00966501850755



نتمنى لكم السلامة في الحل والترحال والسفر والاقامة وسامحونا على القصور

[قبقب مشعاب]

تقرير حلووووووو
بس
اخوي اسماعيل انت من الخفجي

[ابوعزوز]

بارك الله فيك أخي إسماعيل :)


الحقيقة ان التقرير جميل ومفصل وأنا سبق لي أن زرت هذا المكان من قبل ولم يكن

بالمستوى المطلوب


ولكن بعد هذه الصور المعروضة والنظافة الملحوظة سواء داخل الشاليه أو على الشاطئ


فإنه يستحق زيارة مرة أخرى


خصوصاً بعد صورة (السبيطي) إذا ماني غلطان -

[الطااااني]

بارك الله فيك


نورتنا الله ينور عليك


لكن مازال الجشع يعمي أغلب المستثمرين


يعني حتى الأسعار غالية جداً


بمعنى أنه سوا مشروع ب1000000ريال


لازم إنه يطلعها بسنه وحده ...


يعطيك الف عافية ....

[الفنطاس]

بارك الله فيك تقرير ممتاز

[بحرالخبر]

جزاك الله خير على المعلومات والتقرير المميز

[O M A A R]

وعليكم السسلآم ورحمة آلله وبركآته

مً ششآء آلله تقرير جميل ومفصل عن هالشآليهآت

وآلسبيطي حجمه طيب ومنور المكآن يً جعله عوآفي على قلوبكم

[كيموالبرمائي]

مشكور يعطيك الف عافيه

[سنوركل جدة]

ماشاء الله

عليكم بالعافية

[اسماعيل]

هلا قبقب مشعاب انا من مدينة الخبر
منور يالغالي

[اسماعيل]

احد الاخوان ارسل لي رسالة خاصة والله ماعندي مشاركات كافية عشان ارد عليه السموووووحه
بالنسبة لاستفسارك
مافهمت استفسار العسكري
وبالنسبه للشباب ياجرون نعم لكن مايجمعونه مع العوايل
القصد اذا صار وقت عطل واعياد ما ياجرون شباب
والصيد ان شاء الله موجود وربك الرازق

[نمط]

عليكم السلام ورحمة الله وبركاته
شكراً على التقرير
ولو أدرجت احداثيات لسهلت على الكثير الوصول له
شكراُ لك مرة أخرى

[نمط]

عليكم السلام ورحمة الله وبركاته

تقرير جميل , جزاك الله خير

وليت التقرير كانت به احداثيات الموقع لكان أسهل الوصول له

شكراً لك

[Makaveli]

الموضوع جميل والمكان رائع خصوصاً الصورة هاذي

http://www4.0zz0.com/2011/01/25/10/750138130.jpg

ولكن في حالة عمل دعاية هل يتم أخذ الإذن من الإدارة أم الإدارة لا تمانع !!!

مع تحياتي لك إسماعيل

[مشتاق للبحر]

ماشاء الله ماشاء الله
تقرير مميز وجميل ومكان رائع الله يجمعنا واياكم على طاعته

[صياد متهور]

وعليكم السلام ورحمة الله وبركاته
ماشاء الله مكان جميل وضيف عليكم اجمل
عليكم بالف عافية

[اسماعيل]

الشكر للجميع والله يعافيكم ان شاء الله
واذا على الاحداثيات مخزنة عندي وبضيفها للموضوع ان شاء الله

[أبو أشجان]

مشكور أخي على المشاركه الطيبه وإنشاء الله تكون لنا زياره لهم و التمتع بالاجواء الطيبه مع الاهل

[accentkool]

ماشاء الله تبارك
بارك الله فيك
يعطيك الف عافية

[البحارة]

السلام عليكم ورحمة الله وبركاتة
مع احترامي للجميع ولكن شاليهات الخليج بالسفانية عزكم الله زبالة ان اليوم كنت في الشالية واول شي صار معي قبل الشاليه با200 متر غرزت السياره وسبت الطين مع العلم بان الشالية ما فية سيارة والاي تشوفة بالصور مو بزي الطبيعة مع العلم بانه المسئول المصري هناك ما سو لينا ولا شي بالتغريزه والحمد اللة حصلنا واحد بن حلال وطلعنا السيارة والمشكلة معانا حريم واول ما دخلنا الشالية والا عزكم الله بالدباب على الارض
والموية ضعيفه والشاطي مو نضيف ان مو اقوال بانه مو زين وانشالله احد يزوره من الاخوان وبيشوف وان شالله احد يزد في الموضوع وسمحوالي على الاطالة

[تركي مجرور]

تقرير جميل
وبحر نظيف
وصيد أحلى
لكن الأسعار 500ريال في اليوم؟؟؟ والا؟؟؟؟؟؟ أيش ؟
إذا كانت في اليوم ...لا حول ولا قوة الا بالله ..
الله يعين اللي عنده أطفال وعائلة .

[1بوخالد]

السلام عليكم ورحمة الله وبركاتة
مع احترامي للجميع ولكن شاليهات الخليج بالسفانية عزكم الله زبالة ان اليوم كنت في الشالية واول شي صار معي قبل الشاليه با200 متر غرزت السياره وسبت الطين مع العلم بان الشالية ما فية سيارة والاي تشوفة بالصور مو بزي الطبيعة مع العلم بانه المسئول المصري هناك ما سو لينا ولا شي بالتغريزه والحمد اللة حصلنا واحد بن حلال وطلعنا السيارة والمشكلة معانا حريم واول ما دخلنا الشالية والا عزكم الله بالدباب على الارض
والموية ضعيفه والشاطي مو نضيف ان مو اقوال بانه مو زين وانشالله احد يزوره من الاخوان وبيشوف وان شالله احد يزد في الموضوع وسمحوالي على الاطالة
للأمانه هذا ما حصل معاي بالظبط يوم زرته انا والأهل يوم الثلاثاء تاريخ 1/2/2011 وكان وقتها ليل وغرزت في نفس الوحل المطين اللي تقول عنه بالرغم ان سيارتي رفيعه جيب ارمادا بس بدون دبل للأسف ولف معاي الموتر وبغيت ادخل بالشبك حق شاليهات الأمير سلطان بس الله ستر وطلعت الموتر. وأول ما وصلت تهاوشت مع الصعيدي وقلت له حرام عليك ياخي انك ما تحذر الناس اللي تجيك من ان الطريق موحل ومطين. واخواني كانو خلفي وسيارتهم صغيره فحاولت احذرهم انهم ياخذون لهم خيمه في بر السفانيه يرقدون فيها والصباح نرجع سوى بس قال راح يخلي الموضوع إنتحاري :( والله ستر عليه غرز وقدر يطلع الموتر. وكان بالفعل يوم رعب لنا كلنا والوالده الله يحفظها اصرت على اني اخرج صدقه دفعت بلاء لخروجنا سالمين من هالموقف. فلكم ان تتخليلو صعوبة الموقف.
والشاليه ما يسوى المشوار ولا السعر ولا الشاطي يسوى وهو بكل اختصار عباره عن سكن عمال مطور ويقولون عنها شاليهات وبـ 500 ريال والصعيدي اللي جالس هناك ما عندك احد.
لذلك وجب التنويه.

تحياتي
أبوخالد

[البحارة]

والله صدقة ياخوك الله يعيين والى مو مصدق يزوح ويشوف بعينه