تقرير بعض مشترياتي من محل رفيق الدرب في الرياض

[Abdullah_uk]

بسم الله الرحمن الرحيم


اليوم الصبح مريت محل رفيق الدرب في الغرابي،، وشريت من عندهم لمبات ليد اعجبني قوة انارتها وكان عندهم نوعين منها النوع الاول يركب على الولاعة والثاني على بطارية السيارة وانا افضل اللي علي بطارية السيارة وشريت حبتين منه بقيمة 60 ريال لكل لمبة


والشي الثاني اللي شريته هو بطارية صغيرة الحجم وتنشحن عن طريق ولاعة السيارة
وفيها بجانب واحد شرائح لمبات ليد قوية جداً لدرجة انها تجهر العين ولها مفتاح تشغيل مستقل ،، وايضا بها مخرجين شاحن ولاعة تقدر تشحن جوالك وانت بالبر او البحر او اي مكان ،، كما لها ايضا اصابع موجب وسالب تقدر تشغل عليها اللمبات زي اللي انا شريتها او اي لمبة صغيرة تقدر تشبكها عليها اذا انت خايف على بطارية سيارتك وقيمتها 135 ريال
ولها جراب صغير مفصل بطريقة حلوة بس تمنيت من رفيق الدرب لو انه مخلي مسكه الجراب اقوى من اللي موجود حالياً لأن وزن البطارية ثقيل شي بسيط واخاف مع الفتره انه ينقطع مسكه الجراب


ما ودي اطول عليكم واخليكم مع الصور اللي صورتها للأغراض وانا بالبيت


اول شيء صورة البطارية داخل الجراب وصورة اللمبات الليد داخل الجراب وهي بشكل انيقه جداً



http://www.mekshat.com/pix/upload05/images202/mk95392_p22.jpg


ثانيا : صورة لمبة الليد بدون الجراب
http://www.mekshat.com/pix/upload05/images202/mk95392_p00.jpg


لمبة الليد شغالة وقوية جداً وتجهر العين اذا كنت قريب منها
http://www.mekshat.com/pix/upload05/images202/mk95392_p11.jpg


البطارية الصغيرة وتظهر لكم صورة لمبات الليد بأحد اطرافها قوية جداً جداً
http://www.mekshat.com/pix/upload05/images202/mk95392_p33.jpg


صورة مقربة اكثر
http://www.mekshat.com/pix/upload05/images202/mk95392_p44.jpg


ملاحظة : هذي ملاحظتي على محل رفيق الدرب في الغرابي لم توفقوا في اختيار المكان من ناحية مستلزمات الرحلات ووفقتوا في اختيار الغرابي كمحل لعدد السيارات من سلات خلفية وهوك وغيرها وارجوا منكم النظر في هذا الجانب لأن الموقع بعيد جداً عن طالبي ادوات الرحلات

اتمنى ان الموضوع نال اعجابكم


اخوكم
عبدالله

[بومحمدسطام]

تقرير رائع وجميل بارك الله فيك


وبغيت اسئل هل يوجد فرع لرفيق الدرب غير الي في الغرابي في الرياض

[wafi4sa]

شكرا لك على هذا التقرير
وبارك الله فيك

[الخادم]

مشكور لموضوعك يالغالي
و لا يوجد فرع لرفيق الدرب غير الغرابي حسب ما اعتقد

[Abdullah_uk]

للــــــــــرفــــــــــع

[الكااااااااشف]

يعطيك العااافية

[أبوجهاد التبوكي]

الله يسعدك...

[رياض الصمان]

بارك الله فيك ويعطيك العافيه ما قصرت اخوي عبدالله معلومات مفيده للرحاله
بس ياليت وصف محل رفيق الدرب بالغرابي اذا تكرمت

[ابوصالح77]

البطارية ما يحتاج ما عليها كلام

[سيف الظفير]

زينة يالغالي

بس لمبة الليد غالية على غير سنع

[معذب الدحاريج]

عن تجربه هذي اللمبه ممتازه ولا تصرف من البطاريه شي
أشغلها 9ساعات ولا أخاف على البطاريه ونورها قوي ويفي بالغرظ بس إحرص عليها لا تنكسر شوفلك مكان إتخزنها فيه

[بوخليفه77]

تسلم ياخوي على هذا التقرير
والله يوفقك
تحياتي

[هباش الكشتة]

تقرير رائع وجميل بارك الله فيك


وبغيت اسئل هل يوجد فرع لرفيق الدرب غير الي في الغرابي في الرياض

لهم موزعين
اعتقد
ذيب الصحراء في سوق الوكلات على شارع العليا
برق الحيا مخرج 15
والله اعلم

[7ابو نواف7]

الله يعطيك العافية

[أبوسعد111]

السلام عليكم ورحمة الله وبركاته

بعد إذن صاحب الموضوع

لمن أراد معرفة فروع محلات رفيق الدرب
حسب علمي:
بالدمام - والرياض (بالغرابي)
ومن اراد معرفة أكثر عن هذه المحلات فاليدخل على موقعهم بالانترنت
http://travelmate.com.sa/store/
دمتم بحفظ الرحمن

[s3ed]

السلام عليكم

انا عن نفسي تعنيت من ابوظبي لرفيق الدرب وركبت معاهم سلة رفيق الدرب


الصراحة ممتازة جدا صحيح سعرها غالي شوي بس والله تسوى سعرها

عملية
وثابتة
وخفيفة

يعيب المحل صعوبة الوصول الية
+ضيق المساحة اعني المواقف

[Al-Moreb]

مشاء الله الله يوفقك ويسمح امرك انا مرهم سيارتي من رفيق الدرب :s والله رررررووووعه مشاء الله على لمبات ليد

[Al-Moreb]

ركبت لمبات ليد 24 واط على كشاف مشاء الله من رفيق الدرب ملاحظه هامه لابد من تركيب الفيوز