ادخل اوعطنا رايك وبن يكون مكشات العيد هذه السنه

[سعود الراشد]

بسم الله الرحمن الرحيم


السلام عليكم ورحمة الله وبركاته

اخواني اعضاء منتدى مكشات مثل ماتشوفون الجو هذه السنه والديار مقحله اسال الله ان يغيث البلاد والعباد

نبي راي الجميع وين تكون الجهه هذه السنه لمكشات العيد نبي كل واحد يدلي بدلوه ورايه

اوهمتكم ياشباب ترى والله تعم الفايده اوهذا المقصد

تحياتي للجميع



(((((((((((((( ابوياسر ))))))))))))))

[الدهماني]

الشمال

ماهنا إلا الشمال

الجو برد عندهم وفي العادة هم أول ما يجيهم المطر

الله يرزقنا ويغيثنا ويغيث المسلمين

[nahham]

هلا ابو ياسر

ياخوي الوقت قصير والدوام الثلاثاء

ما نقدر نروح بعيد ...... لكن ودي اروح ام دباب ان كان فيها هالسنه مهرجان مع اني ما اعرف طريقها

المنطقه الواقعه بين طريق القصيم السريع الى شقرا منطقه رائعه تستحق الزباره

شكرا لكم

[المتوكل]

السلام عليكم ورحمة الله وبركاته انا راى النفود الكبير هو الافضل حاليا الجؤ ممتع هناك :) :) :) :good: :good: الاماكن هناك لها سحرها المتميز هدؤ و صفاء حتى فى الصيف فمابالك فى الوسم وان قدر المولى جل وعلى مطرا فقد اجتمعت المحاسن000000الللهم أغثنا00أللهم اغثنا000أللهم لاتحرمنا رحمتك بسبب ذنوبنا ومعصينا 0000اللهم اسقى الزرع وأدر الضرع ونشر رحمتك على البلاد عاجلا يا أرحم الراحمين0000 ابو فهد

[نقا خريم]

السلام عليكم
مثل مااشارو عليك اخواننا ماهنا الا الشمال او المنطقة الواقعة بين طريق القصيم السريع الى شقراء.
اللهم ارحم عبادك..........

[سعود الراشد]

طيب انا رحال يعنى جوال لايمكن اجلس بالمكان الاحسب البرنامج مثل

الضحى الضهرللغداء النوم والعشا

السؤال اناودي بخط سير يبدا من القصيم--حائل--النفود الكبير عرعر وينتهي بلينه
وش احسن المواقع الي ممكن ان ازورها في هذه الرحله وخصوصا الآثار

[راعي الحزم]

والله يالربع النفود مايصلح الا بعد المطر تخيل تروح للنفود من العام ماجاه مطر صعبة

افضل مكان جهة الجبال ( الابيض ) او مكان آثار ( مقلع طمية ) واجد نفسي جازم على تمشية على الساحل من ينبع على الوجه وحقل نشوف البحر ونستمتع بالاجواء هناك ونتفرج على عين موسى ومداين شعيب والديسة ونمر على منطقة تبوك ومداين صالح ويمكن تتهيا الفرصة لمقناص ارنب ةهكذا .............. هاه وش رايكم بالمخطط ابي رايكم ضروري

[كبريت]

مالك الا الصمان

وزي ما يقول المثل (( الصمان صمانك اذا الزمان ضامك ))


بس الواحد مايدري وين يروح في الصمان واللي عنده علم يعلمنا لاهنتو

وسلامتكم

[سعود الراشد]

وعليكم السلام ورحمة الله وبركاته
الاخ راع الحزم انا رحت قبل شهر المدينه بدر الرايس ينبع الوجه العلا حائل القصيم وكانت رحله ممتازه
بس المشكله هالعيد وييييييييييييييييييييييييييييييييييييييييييييين

اما انت ياخوي ابو محمد الصمان هالوقت لايقربك

[بواسامه]

اجواء البحر دلع هالايام
بس ابعد عن الازعاج وبتنبسط باذن الله
بر وبحر وهدوء
وجربو بين العقير والهاف مون
اهم شي صد عن الزحمه وقلة الحياء

وان شاء انك بتنبسط

[beddo]

الاخ سعود السلام عليكم اتجه صوب حايل وبتدعي لي ان شاء الله