ياسلام الله سلامن يرتفع عن كل زله [الأرشيف]

الجبل الراسي

25/01/2011, 09:46 PM

ياسلام الله سلامن يرتفع عن كل زله===قالها شاعر يعدل القاف ويحكر المعاني
والجبل يرسي اليا جاى في طمان الارض خله=والرجوله للرجال الي معانيهم سماني

العاذر

25/01/2011, 10:01 PM

مرحبابك يالجبل ياللي تعسف القاف كلّه = شاعرٍ فيك المراجل منت شاعر مغلطاني:heart:

ليش بعض الناس تلقا وسط راسه الف علّه = من ردوده تعرف أنه من طمانٍ في طماني:hot:

الجبل الراسي

25/01/2011, 10:17 PM

مرحبابك يالجبل ياللي تعسف القاف كلّه = شاعرٍ فيك المراجل منت شاعر مغلطاني:heart:

يوم بعض الناس يدخل وسط راسه الف علّه = من ردوده تعرف أنه من طمانٍ في طماني:hot:

البقاء ومجالس الطيب ترى محدن يمله=وان تكلمل بالكلام ايقال له صح اللساني
العرب فيهم سليم العقل والثاني جبله=وان نصحته قال انا عنتر ولد - شداد ثاني

عيسى عبد الله

25/01/2011, 11:43 PM

العاذر والجبل الراسي
مشكوورن وصح سانكم جميعا وبيض الله وجيهكم
ومتابعين
تقبل مروري

مكرم الضيف

25/01/2011, 11:54 PM

المظلي كيف يقفزبالفضا بدون المظله***عارف انه رايـــح فيها ولا له عمر ثانـــي
وراعي السيف المثلم كيف ياخواني يسله***يرسله حراج ابن قاسم مع الخرده يهاني

العاذر

25/01/2011, 11:55 PM

خبّر اللي تايهٍ بيته ودربه كيف ايدلّه = والعمى فالقلب ماهو فالبصر والعمر فاني

والطيور اشكال وكل ٍ عارفٍ ربعه وخلّه = والسيوف الحدب تفرق عن عصاة الخيزراني:f

مكرم الضيف

26/01/2011, 12:05 AM

هاتو علوم الوناسه واهد ريحانه وفله***واقهر الطلاب لجل اليوم يوم الامتحاني
غوصوا بحور الفرايد بين فنجال ودله***صرت خرمان لها بالهيل معه الزعفراني

العاذر

26/01/2011, 09:09 AM

كل شاعر يالسنافي له بيوتٍ مستقلّه = والبلا من يركب الددسن يحسبه بهبهاني:looney:

والمطر جانا ولازم بالتمشي نستغله = حمّل الهرفي ولاتنسى الخضار وبردقاني:D

كشّات شتوي

26/01/2011, 11:03 AM

مرحبا ثم مرحبا بالشعــر والـعـاذر هـلـله **والجبل راسي وبيوت الشعر تزهى فالمكاني
ومكرم الضيفان قافه يا جماعه مستهله **كلكم شعــار والـطرقه تـبــا رجل متـــفــــاني

مرعوب

26/01/2011, 11:06 AM

كل شاعر يالسنافي له بيوتٍ مستقلّه = والبلا من يركب الددسن يحسبه بهبهاني

ياسلااااااااااااااااام الله الله

كفو كفو

متابع بصمت

كشّات شتوي

26/01/2011, 11:10 AM

والعذر منكم وقول الشعر أبد ماني بمله *** مير مدخالي على الصفحات يا ربعي ثواني
لعبكم طيب ومزح القرم للطـيـب جـبـلــه***والحياه أخذ وعطى والله في رزقـي كفانـــي

اسمحو لي باللقافة أولا... وثانيا دخولي للمكشات هالومين على السريع لارتباطي
وموفقين جميعا .

كاف نواف

26/01/2011, 11:41 AM

ياجماعه واصلوا ... والله كلّكم ابداع
وليت مرعوب يشارك

العاذر

26/01/2011, 12:33 PM

خلوووووووووها

ماعليكم زود ياكشّات والشعر اتعرفله & وشهد ان القاف عندك مثل نبت الديدحاني:l

واللقافه عن دروبك يالسنافي مضمحلّه = ونت شاعر يوم بعض الناس شعره خربطاني
:hot::hot::hot::hot::hot::hot::hot::hot:

كشّات شتوي

26/01/2011, 01:36 PM

كشّات شتوي

26/01/2011, 02:22 PM

خلووووووووووووها....... واصلوا
الشعر سبك ومعنى ما هو بصورة مجله *** لو تصـور صاحبه عشر ٍ وقفاهن ثماني
والقناه اتصوره ومقدم التـلـفــــاز شّـــلــه*** وصله بالمدح لين إنه بدا سهيل اليماني

العاذر

26/01/2011, 04:07 PM

خلوووووووووووووووووووها

والله انا والله انا في زمان ٍ فيه شلّه = حولة شعر العروبة للشحاذة والهواني

اسكن ابخيمه عزيز النفس ولا عيش المذلّه = رافع ٍ راسي و هيجن بين ذود وبين ضاني

مكرم الضيف

26/01/2011, 07:59 PM

الشعرمجلس رجال بكل دين وكل مله*** يوم بعض الناس جلساته على عـود وكـمـاني
ومن بغا درب الرجاله واضح وكل يدله*** واشهد ان العود الازرق يختلف عن عود ثاني

العاذر

27/01/2011, 07:57 PM

خلوووووووووووووووووووووها

حنا في عصر الكدش والجنز طايح من محلّه :alarm: = ضيعوا سلم العرب ويقلدون الكيفراني :butt3:

والجزيل امن القصايد نستغلّه نستغلّه = والنصايح والمواعظ ماتجي الاّ باللياني :heart:

العاذر

27/01/2011, 07:58 PM

.................................................. .......................

torrjom

27/01/2011, 08:30 PM

السلام عليكم ورحمة الله وبركاته

اخوي العاذر انا مانيب شاعر

لكن لقيت ضايق صدرك

ورفعت الموضوع

قلت اجاريك
لاتخلي الشوف قاصر. اطلق احجاجك وفله =تلقى ناس تخاف ربه. لبة الصوت الاذاني
وانت يالعاذر فطينن. قول خذه وقول خله =وبليان الله امرنا. والحجر في وقت لاني

واسف على القصور

كل الوووووووووووووود

العاذر

27/01/2011, 09:56 PM

السلام عليكم ورحمة الله وبركاته

اخوي العاذر انا مانيب شاعر

لكن لقيت ضايق صدرك

ورفعت الموضوع

قلت اجاريك

لاتخلي الشوف قاصر اطلق احجاجك وفله =تلقى ناس تخاف ربه لبة لصوت الاذاني

وانت يالعاذر فطينن قول خذه وقول خله =وبليان الله امرنا والحجر في وقت لاني

واسف على القصور

كل الوووووووووووووود

كل شاعر يالسنافي له بيوتٍ مستقلّه = والبلا من يركب الددسن يحسبه بهبهاني:looney:

والمطر جانا ولازم بالتمشي نستغله = حمّل الهرفي ولاتنسى الخضار وبردقاني:D

ياهلا وغلا وشرفتنا يالغالي وياليت تنظم معنا والله سعة صدر

ياخوي انا مسفهل ومبسوط :D وياليت تتابع محاورتي مع مكرم الضيف حرب ضروس

مزوده بالمدرعات والمروحيه :D الدعوى سعة صدر وسوالف ونبساط :D

أبو رافع الظاعن

27/01/2011, 11:32 PM

شالني سجع الحمامه يوم جلجل بالمظله .....النخل قصره وانا قصري منيفات المباني
أشهد إنَّ الصدر ضايق ما لقى خلٍّ يفله ..... وأنت يالعاذر تفوح حولنا طيب المعاني

العذر منكم على القصور .
وصح لسان الجبل الراسي على هالبدع .

برق الجهمه

28/01/2011, 12:20 AM

يااهل الاخبار بان العلم في صدر المجله == واضحه مثل الجدي بادي مع سهيل اليماني
كل رجالً كفو معروف بالشدات دلّه == سابق(ن) بالطيبه في صف بادين اليماني

مكرم الضيف

28/01/2011, 12:29 AM

يالعاذر

حط لك تييس مندي وسط حفره مستقله=في شعيب خالي من الجن ومن الادماني
ولستوى اوصيك طقطق كل شي فيه كله=ثم جالون المراعي يحدره عساه هاني

أبو رافع الظاعن

28/01/2011, 12:43 AM

اللبن مثل المخدر والتييس فيه عله ....... كيف يجمعهن بقيله أو يطبن في مكاني
يما يشرب له لبين رايب ما فيه مثله....... والا ياكل له تييس ثم ينازل للطعان !!

العاذر

28/01/2011, 12:50 AM

ياهلابك يابو رافع وبرك الساعات والله = وشهد انك يالسنافي من عريبين المجاني

كل شاعر له مشاعر والمشاعر قدوة ٍ له = وكل شاعر له مشاعر توصله برالاماني

مكرم الضيف

28/01/2011, 01:00 AM

خلني اخدره يمكني احتل بمحله= وتعرف ان الحرب خدعه بالقدور وبالصواني
خطتي مرسومه بصخره على مشراف تله=ماكشف اوراقي للعاذر يجيبه في ثواني

العاذر

28/01/2011, 01:22 AM

[QUOTE=مكرم الضيف;6118136]
يالعاذر

حط لك تييس مندي وسط حفره مستقله=في شعيب خالي من الجن ومن الادماني
ولستوى اوصيك طقطق كل شي فيه كله=ثم جالون المراعي يحدره عساه هاني

شفي شاورما دجاج مع فطيرة مورتدلّه :hot: = وسط مطعم فالعليا معها بيره بربيكاني :D

ومن يبي كودو يلاقي كل شي امصلحلّه = ولاّ صامولي نقانق فالمطاعم له كياني

العاذر

28/01/2011, 01:27 AM

:Dهذي نتيجة المحاوره آخر الليل :D

مكرم الضيف

28/01/2011, 01:43 AM

:Dهذي نتيجة المحاوره آخر الليل :D

اي والله انك صادق تلخبطت الامور ببعضها حروب ومطاعم وتيوس مدري وش امسك ووش اخلي.:D

مكرم الضيف

28/01/2011, 01:44 AM

ابن هادي502

05/02/2011, 06:04 PM

يا سلام الله سلام لكل قرم في محله *** عد وبال المطر لا هل في القاع الطماني
العلوم اهنا تنومس والخواطر مسفهله *** وفوق هذا شاقني نظم القصايد والمعاني

ابن هادي502

05/02/2011, 06:45 PM

أنت يالراسي بنيت البيت وأوضحت الادله *** ثم في تالي القصايد ما ظهر حسك وباني
ودنا بالعلم يا الراسي نبي دقه وجله *** ما نبي علم اللذي قد عودت عشره ثماني

عنزي عرعر

05/02/2011, 07:02 PM

مرحبا بهل القصايد كل رجل في محله....ياعساكم للجنان الخلد عند رب الجناني

شدني موضوعكم يهل العلوم المستقله....وجيت اشارك في قصيدن للتوضع مرزفاني

مكرم الضيف

05/02/2011, 07:49 PM

ياهلا بك ياعنزي مع شلة والنعم شله***روضت زين المعاني ومسكت حبل العناني
وانت راعي معرفه ان القصيد يشيل عله*** وينشر الفرحه ويبعث بالصدور اجمل معاني

ابن هادي502

05/02/2011, 11:22 PM

وييييييييييينك يالجبل الراسي

كاف نواف

05/02/2011, 11:58 PM

عسى الله يونّسكم

مكرم الضيف

06/02/2011, 12:00 AM

يا سلام الله سلام لكل قرم في محله *** عد وبال المطر لا هل في القاع الطماني
العلوم اهنا تنومس والخواطر مسفهله *** وفوق هذا شاقني نظم القصايد والمعاني

يابن هادي مرحبا بك كثر سيل الحمض اهله***وادي يجري من الطايف الى الوجه ويباني
وانت للشعار مكسب ومنتدى مكشات كله***ومن اخوك المكرم احييك وآزف التهاني

ابن هادي502

06/02/2011, 12:18 AM

مرحباً باللي يكرم ضيفه وجاره وخله=تستحق الطيب دامك من كريمين اليماني
منتدى مكشات انتم له مصابيحه وظله = ما عليكم زود يا مدهل عريبين المجاني

ابن هادي502

06/02/2011, 12:19 AM

شاركنا يا كاف نواف

كاف نواف

06/02/2011, 12:35 AM

شاركنا يا كاف نواف
يشرفني ..لكن يا بن هادي مالي سوق معكم ..خلني متابع ومستمتع

ابن هادي502

06/02/2011, 12:37 AM

لا هنت على كل حال

مكرم الضيف

06/02/2011, 12:55 AM

يشرفني ..لكن يا بن هادي مالي سوق معكم ..خلني متابع ومستمتع

والله انك يالسنافي لك قصايد مستهله***تعجز افكاري تجيب امثالها نظم ومعاني
كاف نواف هلا بك عد مابانت اهله ***وعد ماأرست وترسي البواخر بالمواني

عنزي عرعر

06/02/2011, 11:52 AM

شدني حر على كفك عزيز وله محله...وانت حر من ظهر حر عريب للمعاني

انت ياللي مكرم الضيفان عذروبك تدله...ميمنك ما تنحر اللي من الحاشي السماني

مكرم الضيف

06/02/2011, 07:26 PM

شدني حر على كفك عزيز وله محله...وانت حر من ظهر حر عريب للمعاني

انت ياللي مكرم الضيفان عذروبك تدله...ميمنك ما تنحر اللي من الحاشي السماني

ياهلا بك يابن وايل ياعريب الاصل كله***ماعليكم زود معروفين من قاصي وداني
ضو نارك يهتدي به من يدور وين بله***مدهل الضيفان والجيران لليوم وزماني

مكرم الضيف

06/02/2011, 08:12 PM

كنت احاول لي بلغز مير ماحصلت حله*** طارحه صبار بالالغاز لعبس لي كياني
لخبط اسلاكي وكل فيوز محروق بمحله***وخايفن احرق ضفيرة راسي واضيع مكاني

ابن هادي502

07/02/2011, 08:24 AM

ويييييييييييييييييييييييييييينك يالجبل الرااااااااااسي

مرقاب الوله

07/02/2011, 09:57 AM

ياسلام الله عليكم تل صاف الشعر تله :: من صماصيم العقول الراجحه حلو المعاني
فرشتاً حمرا ومركى جنبها نارً ودله::صب فنجال القوافي هيل وايظاً زعفراني

مكرم الضيف

07/02/2011, 11:55 AM

ياهلا باللي لفانا في مكانا هو محله***والجبل راسي جمعنا للعلوم اللي سماني
جيت يامرقاب حر تعرف الدرب وتدله***زدت جمعتنا بخير وشع نورك بالمكاني

مرقاب الوله

07/02/2011, 01:16 PM

مرحبا يامكرم الظيفان لك جوداً تدله ::: مانسيت المرجله والطيب مع شح الزماني
ارحب بقاف(ن) تحدر في ملاقاكم توله:::لاجل عين القوم جبته واحتويته واحتواني

توله : اي زاد ولهاً

مكرم الضيف

07/02/2011, 02:09 PM

وينــــــكم يابرق يالصمان يالعاذرلابله***طابين بكنز ولا ببطاقات الائتمانـــــــــي
جاكم المرسول ولا ماوصل او فيه عله*** قد صدر الحكم فيكم لاشفاعه او لياني

عنودالصيد

07/02/2011, 03:53 PM

ماشاءالله
متألقين دوماً بلا ريب
ومازلنا للأبداع متابعين

مرقاب الوله

07/02/2011, 03:59 PM

استميح العذر للي منشغل عنا وخله :::كل منا له مشاغل لا تدين ولا تداني
ولو اغيب شوي سيفك يالسنافي لا تسله ::: بالبراي لي مواعيد(ن) كثيرات ومكاني

مكرم الضيف

08/02/2011, 01:48 AM

من محبتهم وشرواكم غدا قلبي موله***قلت ابصبر وآتصبر لكن الخافق عصاني
والله ان لبياتكم كيف تعدى كيف دله *** لاشربته كنني طاير من الارض ومكاني