اللي عنده حل لايبخل علينا...

[مونس الخلاوي]

السلام عليكم ورحمه الله وبركاته...
ياشباب انا عندي طير تام وفيها جرح بالصدر وعالجته بالطب الشعبي يقطب الجرح واثناء الهدد مجرد ان الطير يصيد اوا اثناء اصتدامه بالفريسه يفتح الجرح وفيه بعض الصقاقير اللي عندنا يقولو انه يقطب والبعض يقول انه مايقطب....
اللي عنده حل لهل المشكله تكفو لايبخل علينا والطير غالي علي ....
الرد سريعاً الله لايهينكم.....

[أخو عيد]

السلام عليكم اخوي مونس الخلاوي انا كان عندي شاهين فيه جرح اذا عالجته وريحته كم يوم قطب جرحه وان هديته فتح الجرح لاكن ريحته لمدة شهرين اعطيه مضاد حيوي كبسول وارش عليه ايدين الازرق بس ما اخليه يكفخ بالمره وابشرك قطب جرحه وتعافي ......
والله يشافي طيرك وتقبل مررروي

[مونس الخلاوي]

السلام عليكم ورحمة الله بركاته ويعطيك العافيه على المرور ....
بالنسبه لاليدين الا ازرق يعني قصدك على البخاخ الازرق انا ماعرفته والله لايهينك توضح بالمصطلح العلمي له على شان لواطلبه يجيني نفس اللي عندك والله يشفي جميع الطيور وجمل الله حالك وكفو ياخو عيد...

[قرناس شماالي]

اخوي قصده البخاخ الازرق تلقاه عند البيطري حق جروح الحيونات
وينفع لاكن ياخوي لاتهده لين يقفل الجرح مافيه فايده لو تهدها
والله يشافي طيرك

[نادر عش]

افضل حل ازرق للمستشفى وخلهم يخيطونه وريحه أسبوعين من بعد الخياط وهده وجربت عدة مرات

[خأإألد]

الله يشفي طيور الجميع ان شاء الله لكن بالنسبه لاخوي نادر عش سالفه الخياطه يالغالي
كان عندنا طير ونفس المشكله اللي صارت لأخونا مونس صارت بطيرنا ووديناه للمستشفى
وسوو العمليه ( خياطه ) لكن والله مانفع كل ماهد انفتح الجرح اخر مره هج على حباره السنه هذي بعد ماطرحها انفتحت وللحين على وضعه لكن الله يشفي طيورنا ان شاء الله وطيور الجميع بأذن اللي ماتنام عينه
ولكم خالص تحياااتي

[راعي طلاع]

ريح الطير لين يلتئم الجرح..........

[خيال سهيل]

الأخ مونس انا قد مرت علي نفس المشكله ونصحني احد الأخوه الله يجزاه بالخير بالعلاج وابشرك جاب مفعول
وهذا العلاج وعلى الله الشفاء
اذا تعرف الصبر او الصبره تلقاها عند العطار تاخذ كسره كبر حبت القهوه الكبيره وتنقعها بنصف فنجال ماء ( فنجال قهوه العادي تحط فيه نصفه او اقل بشوي ماء شرب ) تخليه منقوع 12 ساعه وبعدها بتلقاه ذاب وصر خاثر وثقيل تاخذ بطرف اصبعك وتحط على الجرح بشرط انه مايلمس الريش يعني تفرق الريش عن مكان الجرح حتى لا يابس الصبر على الريش المهم تكرر العمليه ثلاث ايام متتاليه وطبعا تريح الطير اربع ايام عن الهد وتحاول انه ما يكفخ قدر الأمكان الصبر او الصبره بتسوي طبقه ورح تابس فوق الجرح حتى يلتأم وانصحك بشده تغسل ايديك بالصابون جيدا لأنه فيه خطر على العيون والجلد الرقيق

بشفاء العاجل لطيرك

[ايدي باور]

الله يشفي طيرك

مثل ماقالوا الاخوان ريّح طيرك مع العلاج وبإذن الله يتشافى

[الطرس ممدوح]

افضل حل ازرق للمستشفى وخلهم يخيطونه وريحه أسبوعين من بعد الخياط وهده وجربت عدة مرات
:good2::good2::good2:

[دعاس]

افادوك الشباب بس الافظل يالغالي انك تخيط الجرح لانه الضربه اكيد100%براس الزور لان الطير ياطار وغرف بجناحه ينفتح جرحه
واذا تبي تخيطه راسلني على الخاص او اتصل بي0503380971
مرت علينا بطيور واجد

[ولد مساكن]

السلام عليكم و رحمة الله تعالى و بركاته

سأحاول يا أخي إنطلاقا من خبرتي البسيطة إفادتك و ما توفيقي إلّا بالله

عضلات الثنادي يا خوي هي أقوى عضلان الطير و هي مسؤلة عن تحريك جناحي الطير بإتّجاه الإغلاق لذلك فإن تأثيرها يكون خطير في حالة عدم المبادرة بالعلاج

أوّلا يا خوي سمّ بسم الله الرّحمن الرّحيم و توكّل على الله

نمهّد الطّير بمهاد عادي و نبرقعه ثمّ يقوم شخصان آخران بتثبيته بصفة كاملة

http://www.apdcanari.com/images/articles/kyste_3.jpg

حاول تعقيم الجرح بمطهّر betadine و الشّاش

ثمّ بإستعمال الملقط ( اللي يستمله النّساء للتنمّص و العياذ بالله ) حاول إخراج جميع الأجسام الغريبة كالرّيش أو حبّات الرّمل أو الدّم المتجلّط , الملقط عقّمه بإستعمال النّار ثمّ أتركه يبرد

بما أنّ الجرح له ثلاثة أيّام يستحسن كشط شفتي الجرح من القشور لتحسين إلتآمه

ثمّ قم بخياطة الجرح بواسطة خيط خاص يباع في الصّيدليّة , أحسن نوع هو اللي يكون مصنوع من أمعاء القط لأنّه يذوب مع اللّحم

http://img.tfd.com/vet/thumbs/gr249.gif

فك المهاد ثمّ لفّ الطّير بقطعة من قماش على شكل مربّع إصنع فيها فتحتين ليخرج الطير رجليه منهما تمّ قم بخياطة طرفيها من جهة ضهر الطّير بعد ذلك إعمل فتحة فوق الجرح مباشرة و أكبر منه قليلا , ذلك حتّى نقوم بتثبيت الضمادة عليها , إذا لصقنا الضمادة على الرّيش تصير مشكلة في نزعها و لا تنس أخي تبديل الضّمادة يوميّا , الهدف من كل هذا هو منع الطير من فتح جناحيه لمدّة 15 يوم حتّى نضمن إلتآم الجرح بصفة نهائيّة

في هذه الفترة يتوجّب إعطائ الطّير اللحوم الحمراء أي قلوب الذبائح و لحم الحصان بشكل رئيسي و يفضل إضافة الكالسيوم و الفيتامين D و وضع الطير في الشمس صباحا و مساءا

و بعد الشفاء تجنّب وضع الطير في البيت يجب أن يكون دائما في مربط طلق حتى يتعود على الطيران و الحط و الإقلاع و كل ما كان المربط أكبر كان ذلك أحسن و أثناأ تغذيته قدم له نسر ثم إبتعد أكبر مسافة عنه و لوح له و ناده حتى يأتيك و بعد ذلك حاول تغيير مكانك عندما يقترب منك الطير ليتعوّد المناوره و بعد ذلك عليك بالملواح و لا شئ غيره و لكن بصفة متدرجه و في البدايات حاول إبعاد الحمامه على الإرض إذ أنّ توازنه لا يكون على ما يرام لذلك نحاول أن نتجنب أي إحتمال لإرتطامه بالأرض و ما ينتج عن ذلك من مضاعفات

و بعد أسبوعين من تعافي الطير حاول أن تفرد جناحيه إلى الأعلى , إذا لاحضت أي إختلاف بين قدرة الجناحين حاول أن تمطّط الجناح من جهة الإصابة نحو الأعلى بلطف كما حاول أيضا أن تقوم بطلق مناكب الطير بلطف أذا لاحضت بها أي إختلاف مع باقي الطيور حيث أنّ فترة تثبيت الجناحين يجعل المفاصل قاسية بعض الشيء

و إذا كانت أخي بقربك عيادة للعلاج الطبيعي physiotherapie أطلب من المعالج أن يستعمل جهاز ultra-sound على مناكب و كتف الطير

و السلام عليكم و رحمة الله تعالى و بركاته

[مونس الخلاوي]

السلام عليكم ورحمة الله وبركاته....
يعطيكم العافيه وبيض الله وجيهكم على الردود ومشكورين وماقصرتم والله لايريكم مكروه انشاء الله بطيوركم...

[طلعة التمياط]

مثل ماقالوا الاخوان ازرق لاقرب مستشفى لك واذا ينخيط خيطه وريحه واذا جرحه سطحى مايخيط عقمه وعالجه بمضاد حيوي بشكل يومى وريحه واهم شى الراحه لو توصل المده لثلاث شهوووور مو مشكله اهم شى يطيب الطير ولاتهده وانت تشوف الجرح على شكل خط لانه راح ينفتح مع الهداد خله يستوى مع الجلد ينمسح مسح وهد ولاتهمك المده اللى يتشافى الطير به على حسب مناعته وحسب علاجه والله يشفيه ان شاء الله