اقرب ياكاف ونون

[الحزوبر]

سلام ياشعار مكشات والمسرى طويل=اقرب ياكاف ونون مادمت شاعر محترف
اشوف من خربت علومه لقو غيره بديل=لوكان له مده وهو في طرفها ويخرف

[كاف نواف]

للشعر سطّعشر بحر نوب يخطيها الدليل=وأنا أحمد المولى على جال ماها واغترف


مع إن ماني محترف بس مااجيب الهزيل=واظن من مثلك وشرواك شاعر و يعرف

[كشّات شتوي]

ابداع واصلوا ...

[مكرم الضيف]

بعض التواضع للعرب يكون يالغالي جميل***مهما كسبنا مقصرين وعارفين ونعترف
ومثلك لنا مكسب ولو زادت بحورك سلسبيل*** والله ارسل للنبي موسى الخضر بما وصف

[شمالي عنيد]

عاااااشوا
واصلوااا

[مطلق البخيتان]

الله على اللي قلطوا لمميّز الشعر الأصيل = دلايلٍ مابه شبه للعاقل وللمنجرف
فيها الحزوبر مبتدي مع كاف والنون الجليل=بين الذهب والماسها جت من قناعات وعرف
وشاركهم المطنوخ مكرم ضيفه بشعرٍ جزيل=اللي كتاباته دخلت بسبته باها وألف

[مكرم الضيف]

حنا اجتمعنا يالسنافي والمحبه الحصيل***من كل ارض بالجزيرة والهدف مانختلف
يامطلق الدعوى وناسة لاصراخ ولاعويل***وقلوبنا ياصاحبي اصفى من الماء المرتشف
تحية مقرونة و الفين مرحب بك قليل*** باسم الرجال الطيبين يامرحبا بك مية الف

[أبو رافع الظاعن]

للشعر سطّعشر بحر نوب يخطيها الدليل=وأنا أحمد المولى على جال ماها واغترف


مع إن ماني محترف بس مااجيب الهزيل=واظن من مثلك وشرواك شاعر و يعرف



أنا اشهد انك محترف ياكاف من وزن الثقيل ***من يوم مرت نظرتك فوق السطور واعترف
اومن التواضع تنكر إنك محترف ماله مثيل***ياليتي من غير الحسد أصير مثلك واحترف

[مكرم الضيف]

جليت يالضاعن هموم شالها قلب عليل*** واللي تقول بكاف صادق وابصم ولي الشرف
وفيك والاخوان كلن له من القلب الجزيل*** من الشكر والعرفان راع الاوله في كل صف

[كاف نواف]

من كثر ماقدرك يابو رافع الظاعن جليل=عزالله إني محرج ولون وجهي منخطف
لكنّ عن طرق الحزوبر بدا كل ٍيميل=ياذيبنا والذيب ماهو عبث يوم يهرف