فزعتكم يالربع تكفون الله لايهينكم

[عآشق آلهدد]

السلام عليكم ورحمه الله وبركاته


يالر بع علمي سلامتكم


انا جاني ذيخ هديه من عند واحد من الشباب

وله تقريبا شهر عندي

بس المشكله لا طلعته برا القفص ينحاش

ماغيراطرده الين امكسه وله فتره على هالحاله

والحين ماعاد اطلعه ومدري وش الحل الحين

يعني ماهوب راضي يوالفني والسلوقي ترى عمره كبير

ماهوب جرو

تكفون فزعتكم الله لايهينكم

[al rayes]

هذا توقعي انه مادرب وكان منطول عشان كذا يخاف وينحاش..

نفس اللي عندي سلقه عربيه شرووووده بس صرت احطها بالشبك ولا اطلعها واعطيها اكل ادخل عندها واحك راسها شوي لحد ما بدت تتوالف معي ,,

اتمنى اني افدتك .

[عآشق آلهدد]

والله وانا اخوك انه مدرب ميه ميه


يطرد ويركب السياره ركوب يهووول القلوب وربي

والذيخ طيب بالحيل

بس مشكلته هذي اللي مجننتني فيه

[بدوي.]

هاذي بسيطه جدا

خله يوالفك انت بس ولا يشوف احد غيرك

وجوعه وحط له الاكل في يدك خله يا كل من يدك

وحاول تحطه في غرفه صغيره وصك الباب عليك انت وياه

علشان ما يقدر يبعد ومسح على راسه وناده باسمه

وبعدين جوووووووووعه وطلعه بر بعيد عن عشته وهو جوعان

وجب لك لحم وخله في يدك وخله يشوف الحم وانحاش وخله يطردك

وعطه قطعه صغيره واركب الموتر وقله اركب واذا ركب عطه ثانيه بعد

وخلك على هذا الموال وبتشوف وش يصير وان شاء الله نفعتك لو بالقليل !!!!

[ابو رهف 222]

هاذي بسيطه جدا



خله يوالفك انت بس ولا يشوف احد غيرك


وجوعه وحط له الاكل في يدك خله يا كل من يدك


وحاول تحطه في غرفه صغيره وصك الباب عليك انت وياه


علشان ما يقدر يبعد ومسح على راسه وناده باسمه


وبعدين جوووووووووعه وطلعه بر بعيد عن عشته وهو جوعان


وجب لك لحم وخله في يدك وخله يشوف الحم وانحاش وخله يطردك


وعطه قطعه صغيره واركب الموتر وقله اركب واذا ركب عطه ثانيه بعد



وخلك على هذا الموال وبتشوف وش يصير وان شاء الله نفعتك لو بالقليل !!!!

:good2::good2: ميه با الميه

[طارح الضبي]

هاذي بسيطه جدا



خله يوالفك انت بس ولا يشوف احد غيرك


وجوعه وحط له الاكل في يدك خله يا كل من يدك


وحاول تحطه في غرفه صغيره وصك الباب عليك انت وياه


علشان ما يقدر يبعد ومسح على راسه وناده باسمه


وبعدين جوووووووووعه وطلعه بر بعيد عن عشته وهو جوعان


وجب لك لحم وخله في يدك وخله يشوف الحم وانحاش وخله يطردك


وعطه قطعه صغيره واركب الموتر وقله اركب واذا ركب عطه ثانيه بعد



وخلك على هذا الموال وبتشوف وش يصير وان شاء الله نفعتك لو بالقليل !!!!

والله كلام اخوي في قمت الروئعه وانت ما تحب احد يطيل عليك
؟؟؟؟؟
تقبل مروري

[الــحـاكــمــ]

الربع ما قصروا

[راعي الجمس200]

شووف اخووووي انا حصلت معي الحالة هاذي مع سلوقيين والحل ياطويل العمر ما تطلعة من القفص حقة مدة شهر ومحد يحط لة الاكل الا انت واقعد معة وامسح على راسة وبعد شهر طلعة وشوف ينحاش منك ولا لا وحتى اذا انحاش مشة بس على خفيف يعني موب تمغط فيه يعني خلة يهرول مسافة كيلو تقيريبا وركبة لاحظ هرولة وليس ركض ورجعة للقفص واذا ما انحاش سو نفس الشى ركضة ولا تدخلة القفص خلة مربووط برا القفص مدة شهر ثاني بس كل يومين فكة ومشة وكل يوم زود السرعة والمسافة عشان اللياقة والفايدة من الربط انة يصير يعرف المكان ويبخصة زين
ملاحظة :اول شهر سكر القفص بخياش وخلة مفتوح من فوق يعني من الجوانب سكرة عشان ما يشووف غيرك وخلي مكان الباب بدوون خيش والطريقة مجربة مع سلقتين واحد جرو والثاني عمرة سنتين ونص
اتمنى اني افتدتك لو بالقليل تحياتي لك

[عآشق آلهدد]

الله يعطيكم العافيه جميعاً

والله لا يهينكم

[abo shagran]

ماشاء الله افادوك الاخوان ..]


وانا قد صارت معي نفس المشكله ,, وحلها ياغالي ..]

ان كانك حاطه بالاستراحه اربطه في محل قريب من المدخل عشان يشوف الرايح والجاي .. وكل ما مريت امسح على راسه وناده باسمه وخلها فتره كذا وحاول تخليه مايشوف السلق الثانيه لمدة اسبوعين وان شاء الله بيمشي معك على ماتبي ..]

[مطر11]

مشكور على الطرح