المساعد الشخصي الرقمي

مشاهدة النسخة كاملة : الطير يصيح وش الحل معه ؟


التائب
27/01/2011, 05:09 AM
السلام عليكم ورحمة الله وبركاتة

واحد من الشباب عنده حر وفيه صيحه

يصيح بصوت مرتفع

وهو شاريه بالشكل هذا .

ولا اعلم هل فيه علاج له او احد ينصح بأن نستخدم طريقة علاج معينه ؟

ياليت الي مجرب او الي عنده خبره يفيدنا .

شكراً لكم
راعي الطييب
27/01/2011, 06:52 AM
اذا الطير فرخ ممكن حل لصيح <= لتقليله او تخفيض صياحه


واذا قرناس ماله علاج


والصيحه مالها علاج لنها عاده <= وسببها من يوم انطرح خاف من شيء وعتاد على الصيحه


وفمان الله
مشبر البران
27/01/2011, 08:58 AM
ما هقيت لها علاج
بس خل خويك يدهله ويمسح عليه
ويكثر نقلة ويعلفة على يدة ولا كاش يصكة بالبرقع ويكب عليه شوي موية
كود تخف
هذا الي عندي ولا اخطيت راح يفيدونك الأعضاء
تقبل مروري
خيال سهيل
27/01/2011, 12:58 PM
االصياح اعتقد له حل
وهو التلفزيون او الراديو خله عنده ليل نهار شغال على قنات اخبار او قرأن او اي قناه المهم انه يكون فيه اسخاص يتكلمون بالبدايه بيزيد الصياح يمكن اول وثاني يوم بعدين بتحس في الفرق بس لا يسير صوت التلفزيون عالي جدا
لا على الوضع العادي الطبيعي
هذي نصيحه من واحد من الشيبان وانا ما جربتها للأمانه
ABN-DSHIN
27/01/2011, 02:39 PM
له علااااج 100% راح ينفع بذن الله


ود الطير السوق وبأول سومه بيعه



بالتوفيق للجميع
الهدهد
27/01/2011, 02:50 PM
اذا صيحته على العلف قير موعد العلف لاتخليه وقت ثابة
اما اذا صيحته طبع ماعندي علم ان احد خلاها تروح
والله يعين راعيه اذا الطير صيده طيب وسبوق ويعرف الحباره لا يفك برقعه الى على صيده وخليه عنده
جلاد الحباري
27/01/2011, 06:01 PM
سالفة التلفزيون يمكن هي الحل واذا مافادت زي ماقالوا الاخوان حراج واحد حراج اثنين وما بعد الحراج الا البيع حكه بالسوق انا بعت طيرصايد ويطلع1500 ريال وبغيت افك سبوقه وأعتقه بسبة هل المشكلة ولا كن بعض الطيور اذا صار عديد حيل تروح الصيحة منه وبعضها يصيح اخر الوقت بسبب التزاوج وتروح الصيحة منه وبعضها اذا ارتفعت عدته وقف واذا نزل عود وصاح ثاني مره حول انك تحطه في غرفة معزولة وفيها تلفزيون داير اربعة وعشرين ساعة واتركه ايام يمكن الله يهديه ويوقف
نسل الشيوخ
27/01/2011, 06:44 PM
افادوك الاخوان والله يوفقك يالغالي
أبوفرحان
28/01/2011, 01:08 AM
افادوك الاخوان والله يوفقك يالغالي
المجزعه
28/01/2011, 05:23 PM
وده للعويدي يعالجه انشا الله
بواردي0مكشات
28/01/2011, 06:52 PM
عادي
مافي شي
هذا صياح ولف
وبعض الطيور كذا
ليضيق صدرك
التائب
28/01/2011, 07:27 PM
الله يعطيكم العافية

والله الطير شكل وطول وعرض وفعل وسبوق وطارح الارنب والحباره والكراوين

ولاكن الي يعيبه الصيحه

ولاكن بنحاول عساء ربي يهديه

وبيض الله وجيهكم والي عنده نصيحة من الاخوان او رأي لايبخل علينا

وبيض الله وجيهكم

شكراً لكم