كاف نواف تفضل

[برق الجهمه]

سلام يالشعار والمعنى على جمر وحطب
،،،،،،،،،،،،،، والشاعر اللي يمتلك له موهبه حظه ردي
نواف قرب بينا شوراً وملحوقه طلب
،،،،،،،،،،،،، لزوم اوصل كلمتي بالصوت ولا من يدي

[برق الجهمه]

وين الربع ؟

[مكرم الضيف]

والنعم فيك وفيه والشعار في وسط الهدب=بعيوننا وقلوبنا مكانكم يالاجودي
احبكم يابرق من اسباب وبليا سبب=رجال بالاشعار واعذبها تقول وتبتدي

[كاف نواف]

أخيل لي برق ٍ ينوض بفجّة الجهمه ضرب * حضرت مثل البرق يوم الخلق تخمر وتعدي
والنعم به و بمِكرِم الضيفان و بكل العرب * إخوان و(بمكشات) ملعبنا والبساط أحمدي

[برق الجهمه]

والنعم فيك وفيه والشعار في وسط الهدب=بعيوننا وقلوبنا مكانكم يالاجودي
احبكم يابرق من اسباب وبليا سبب=رجال بالاشعار واعذبها تقول وتبتدي


الله يبيض وجهك يامكرم الضيف وكفو كفو على الرد ياذيبان
بس اصبر لين افضي لك في موضوع مستقل :D:D
تحياتي لك

[برق الجهمه]

أخيل لي برق ٍ ينوض بفجّة الجهمه ضرب * حضرت مثل البرق يوم الخلق تخمر وتعدي
والنعم به و بمِكرِم الضيفان و بكل العرب * إخوان و(بمكشات) ملعبنا والبساط أحمدي



دعيتكم لاشك ادور داخل الغبه ذهب ## وانته على النجم الشمالي في طريقك مقتدي
ياكاف لاتبكي على الحبر الثمين ليا انسكب ## وانا اعتبرك الناقد الاول ولا انته مبتدي

[كاف نواف]

حي الطلب والداعي اللي لاندب .. جم الأدب=وكسبك ذهب رهن بتعب سبكك مقديك الجدي


ماني جزوع لحبر منقوع انسكب ولا ّانكتب=وبه حبر ٍأثمن ينبكي لاجله..بدجله..ياأجودي

[برق الجهمه]

ياكاف مر اللي هقاويهم على عز وشبب
،،،،،،،،،،،،،،،،،، وسهيل في حد اليمن والليل طبعه سرمدي
الفالح اللي يكسب الاولى ولا نلحق عتب
،،،،،،،،،،،،،،،،، قضا زمانه في الجزال وباسه السامي ندي

[كاف نواف]

نعم الهقاوي من يقول أبغتني عنهم كذب=مايغتني عن خطوهم حاشاك ياكود الردي
والفالح اللي منجز من فروض ربّه ماوجب=وقضى زمانه مقتدي بمحمد ونعم الهدي

[برق الجهمه]

انا سمعتك يوم عدا الذيب بالضلع وقنب
على اخر الليل الطويل يجاوبه صوتً شدي
مافيه شك ودين طه من تبع هديّه كسب
وانته كفو واقول كفو القول والله يابعدي

[فزًاع]

صح لسانك يابرق
صح لسانك ياكاف

وااااصلو متابعين بصمت ,,, الله يوفقكم

[مدهال الهموم]

ياسلام عليكم شي يحمس للمتابعة بارك الله فيكم
متابعكم

[كاف نواف]

أحيان تركك للتّطبب بالعرب هو كل طب=لكن خشمك منك ماتدري عنه وين تغدي
نطلى زمل نزل قصرانا عقب ماطبّه جرب=وبنزلنا حشو يتحكك بلكي إنه منعدي

[مكرم الضيف]

المعذره اني دخلت بدون اذن ولا طلب***نجم صغير يضيع بين سهيل واخوه الجدي
يازينكم في قاف يطربني ونا راعي طرب***هاتوا ترا ابا اسمع ووسع صدري بعذب الشدي

[برق الجهمه]

أحيان تركك للتّطبب بالعرب هو كل طب=لكن خشمك منك ماتدري عنه وين تغدي
نطلى زمل نزل قصرانا عقب ماطبّه جرب=وبنزلنا حشو يتحكك بلكي إنه منعدي




ان مانفع كي الغضا لاتدقم السيف الحدب
### اللي يمده حامي الكور وينوش ابعد مدي
واللي مشى ضلع الشفا لاياكل بدربه مطب
### عشنا وشفنا مايغر السوم فضفاض البدي

[برق الجهمه]

صح لسانك يابرق
صح لسانك ياكاف

وااااصلو متابعين بصمت ,,, الله يوفقكم

صح بدنك يافزاع وتحياتي لك :f

[برق الجهمه]

ياسلام عليكم شي يحمس للمتابعة بارك الله فيكم
متابعكم

ياهلا فيك يامدهال الهموم ويشرفنا متابعتك
تحياتي لك

[برق الجهمه]

المعذره اني دخلت بدون اذن ولا طلب***نجم صغير يضيع بين سهيل واخوه الجدي
يازينكم في قاف يطربني ونا راعي طرب***هاتوا ترا ابا اسمع ووسع صدري بعذب الشدي




ياصاحبي محدن على مهده قرا ولاكتب ## ودنياك هي اكبر عدو انكان منته معتدي
يامكرم الضيفان يالسلطان معروف النسب ## بسم الله اكبر وقفتك تشبه جبال الجرهدي

[كاف نواف]

ياساهر الغاسق تعوّذ من شروره لا وقب=وادفع بلا راع الخطا ياصار ماهو يعتدي
الجو متكهرب به الوضع السياسي مضطرب=ومحظور حمل الأسلحه جفير ولاّ مجندي

[برق الجهمه]

كاف نواف صح لسانك وبيض الله وجهك شاعر وخيالك واسع
تشرفت باللعب معك وان شاء الله لنا لقاءات مقبله
كل الشكر للاخوان اللي تواجدوا بالموضوع وتحياتي للجميع

[كاف نواف]

كاف نواف صح لسانك وبيض الله وجهك شاعر وخيالك واسع
تشرفت باللعب معك وان شاء الله لنا لقاءات مقبله
كل الشكر للاخوان اللي تواجدوا بالموضوع وتحياتي للجميع

ـــــــــــــــــــــــــــــــــــــــــــــــ
أخوي
برق الجهمه
وانت كذلك وأكثر
بارك الله فيك وصح لسانك
والعذر من الله ثم منكم عن القصور
وأتمنى إذا كان عندكم اي نقد إنكم تبدونه
حتى نستفيد وتراه مقبول بكل صدر رحب لأني
حتى لو كنت راعي قصيد إلا إن مالي بفن المحاوره
لامن قريب ولا بعيد
ـــــــــــــــــــــــــــــــــــــ
شاكر لك وللإخوان

[برق الجهمه]

صح بدنك ياكاف وانت استاذ بالشعر الله يزيدك

[ابن هادي502]

صح الله السانك يا برق الجهمه وانت يا كاف نواف شعركم جزل وانت اهلً له تقبلو تحياتي

[برق الجهمه]

صح بدنك يابوهادي والجزاله مرورك يالطيب.. تحياتي وتقديري لك